23/06/2025
🌒 “Na nueche de San Xuan, les lendes despierten” 🔥
Ye una nueche pa perderse... o pa atopase.
El fueu nun quema a quien lleva l’alma encendida.
Y la foguera, bien lo saben los antiguos, nun ye pa calecer el cuerpu… ye pa tresformalu.
Saltala non solo colos pies: salta con tolo que quies dexar atrás.
Porque’l que cruza’l fueu col corazón ensin miedu, pue oyir el cantar de la ayalga o l’eco de los pasos d’una x**a que traviesa’l ríu, buscando a quien crea entá.
Namás quien cruza l’augua cola intención pura, despierta los secretos del monte.
Nel fondu d’una cueva, agóchase’l cuélebre, xelosu del tresoru y de la so prinda, que solo esta nueche pue tresformase si alguien la llibera col so amor.
¿Y si la oyes? ¿Y si la ves?
Hai quien baila alredor la foguera... y hai quien baila colos güeyos zarráos, oyendo voces que nun son d’esti mundu.
Nel susurru del aire caliente, hai nomes antiguos que vuelven a sonar.
Y una nueche al añu, el visible y l’invisible entiéndense ensin traducción.
Les xanes peinen les sos trences d’oru a la lluz de la lluna, esperando una pallabra, un deséu, un pasu que s’atreva a llegar hasta elles.
Los trasgos, traviesos, dexen señales, xueguen al despiste… pero si los sigues bien, pue que te lleven al verdaderu secretu d’esta nueche.
Cada chispa d’esti fueu ye una promesa que’l tiempu nun pudo quemar.
Cola primer lluz del alba, si entá recuerdes lo que vistes… ye que nun foi un suañu.
Foi San Xuan.
Foi máxica.
Foi real.
✨ San Xuan ye pa quien s’atreve. Pa quien cree. Pa quien siente que les lendes nun morrieron.
Feliz nueche de Xan Xuan Asturies!💪❤️
