TV Shopping - Factory Outlet Store 9

09/10/2023

No verán rematei o inventario da Colección de Arqueoloxía da USC, dende xa podedes consultar na web do https://museovirtual.usc.gal/

Foron 282 elementos inventariados, unhas 1000 fotos, onde se inclúen pezas individuais e conxuntos de todas as épocas e procedencias, maioritariamente galegas, pero tamén unha representación de pezas de outras partes do mundo.

Moitas grazas á Área de Cultura USC, á Facultade Xeografía e Historia USC, ao decano e todas as persoas que aportaron información para contribuir a facer un traballo mais completo rigoroso. Os inventarios son por definición un producto non acabado en permanente cambio, así que e importante mantelos actualizados e revisados.

06/10/2023

Todas atentas á estrea deste importante e bonito traballo, noraboa a Nós Televisión

07/09/2023

Unha iguana en Compostela

A iguana é unha escultura de Francisco Vázquez Díaz “Compostela” (Santiago de Compostela, 1898- USA, 1988). Figura tallada en madeira que representa de xeito realista unha iguana, apoiada sobre una base rectangular que está integrada na peza. Ten 207 cm de longo e 39 cm de alto. Datada en 1928.

A peza foi doada polo propio escultor ao Seminario de Estudos Galegos Padre Sarmiento tras ser exposta no Pabellón de Galicia na Exposición Iberoamericana de Sevilla en 1929. Actualmente forma parte da expo Luz na Terra, no Gaiás, as fotos son do momento do traslado á expo.

Coñecín a obra deste artista, creo, que a partir dunha exposición no Museo das Peregrinacións a principios dos 2000. Unha historia vital que xa e común a tantos tristemente, formación autodidacta, no inicio e despunte da súa carreira profesional a Guerra Civil leva a súa detención nun campo de concentración no sur de Francia e posterior emigración a República Dominicana e Puerto Rico. Neste enlace unha semblanza da persoa por favor non perdades a anécdota de 1927 nas escaleiras do Congreso en Madrid, que gran performance ou pop up store
https://dbe.rah.es/biografias/29079/francisco-vazquez-diaz

As esculturas mais coñecidas de Compostela son a serie de pingüíns. Toda a serie de animais e moi sorprendente, exhuberante xa polo tema, con un estilo un pouco Decó e con acabado superpulidos, e bastante sentido do humor, moi diferente ao que podían estar facendo os seus colegas contemporáneos.

13/07/2023

A Leiteira

Dentro dos traballos de mantemento da esculturas da Alameda que veño facendo nos últimos anos, en 2021 tocou o traballo de limpeza da escultura de A Leiteira.

En 2022 instaláronse as cartelas informativas que permiten vincular a peza a información asociada a ela, que nese momento tamén foi revisada. Xa teño comentado con anterioridade que esta peza e moi querida en Compostela por diversos motivos, hai moito escrito sobre a importante labor levada a cabo por estas mulleres ademais a asociación directa que hai entre esta escultura e a figura de Aurora Liste Forján que podedes coñecer neste enlace. Hai diversas rutas temáticas nas que se conta a historia da peza.
http://consellodacultura.gal/album-de-galicia/detalle.php?persoa=29950

A peza de escaiola que podedes ver na foto, datada en 1926, que mide 70 cm é o modelo que fixo Xosé Eiroa (1892-1935), escultor que pasou toda a súa vida en Compostela. Eiroa formou parte do grupo de renovadores galegos “Os novos” e participou en varias exposicións colectivas, nas que mostrou un marcado sentido do popular. Outras obras deste autor que foron tamén obxecto de traballo en FRAXIL, foron en un par de placas conmemorativas que existen na USC, na Facultade de Historia e na de Medicina. O modelo es escaiola está actualmente na exposición Luz na Terra, no Gaiás.

A peza de granito, é a que está na Alameda, datada en 1962, mide 200 cm está feita en granito por Fernando García Blanco (1939-2008), coñecido como o escultor de Bonaval foi alumno de Asorey. García Blanco ten outras esculturas públicas en Compostela, a dedicada a tuna no Campus Sur, e outras tres bustos homenaxe.

Como vedes a escultura de granito reproduce bastante fielmente o modelo orixinal, quizá a máxima diferencia está no rostro.

O caso e que aquí están estas dúas pezas, ambas son elementos patrimoniais, as dúas foron obxecto de traballos de conservación e restauración e os criterios de actuación son exactamente os mesmos. Foi unha sorte poder tratar directamente con esta peza que ten tanta carga e tan apreciada pola xente.

Creo que con esta peza en pequena escala, e noutro material como a porcelana poderíase facer un premio moi chulo (pero isto e solo unha opinión calquera, mais ben unha ocorrencia..)

06/07/2023

Exposición LUZ NA TERRA, Museo Centro Gaiás

Dende este martes pode visitarse esta exposición que celebra o centenario de creación do Seminario de Estudos Galegos.

Unha parte importante dos obxectos e documentos que forman parte da exposición forman parte da colección Instituto de Estudos Galegos Padre Sarmiento (IEGPS, CSIC), e encargáronme a restauración e rexistro das pezas antes de formar parte da exposición. Unha oportunidade de poder coñecer mais en detalle esta importante colección.

Seleccionaron no IEGPS para a exposición 33 pezas arqueolóxicas, 2 da categoría de artes decorativas, 5 esculturas, 4 pinturas, 2 fotografías ademáis dos documentos que están depositados na Biblioteca.

No tempo que levo traballado en FRAXIL, volvo de forma recurrente a distintos temas, artistas, estou todo o tempo camiñando en círculos, unha oportunidade única de ir completando o mosaico dos artistas representados no espazo público e en coleccións.

Nos próximos días irei contando alguna destas historias. Agradezo a profesionalidade das persoas que traballan en exposicións no Cidade da Cultura. Museo Centro Gaiás e da empresa encargada dos traslados e montaxe Daexga.

20/06/2023

Estas pezas son historia de Compostela.

Son os sillóns consistoriais do Concello de Santiago, datados a finais do século XVII ou principios do século XVIII de cando a Casa Consistorial estaba na praza de Cervantes. Xa vedes que a tipoloxía copia bastantes os sitiais de coro das igrexas, o tipo de talla e o acabado todo recorda a ese contexto. Teñen o escudo da cidade tallado no respaldo.

Vinas por primeira vez nos almacéns do Museo do Pobo no ano 2017 cando fixemos o inventario dos bens mobles do Pazo de Raxoi e buscábamos outros lugares onde se atopan elementos que son patrimonio do Concello de Santiago. Un segundo encontro coas pezas foi no 2022, cando formaron parte da exposición Santiago no Tempo.

En abril de 2023 entraron en FRAXIL para proceder a súa restauración e dende finais de maio están de volta no Museo do Pobo, esta vez xa integradas nas salas que forman parte da exposición pendentes de inaugurar.

Como ocorre moi frecuentemente cos obxectos antigos, as pezas deron moitas voltas co paso do tempo, e ainda que foron e son propiedade do Concello de Santiago (depositadas no Museo do Pobo), nalgún momento, probablemente no século XIX? foron propiedade da Sociedade Económica de Amigos do Pais, como pode verse na inscrición que hai na parte traseira do respaldo.

O estado das pezas era moi malo...terrible e o traballo foi unha pelea corpo a corpo, pero bueno finalmente ahí están, esperemos que pronto se inauguren esas salas para que todo o mundo poda ver que ahí siguen, mantendo o seu valor histórico.

Dito isto, está claro que dende o século XVIII gañamos bastante en deseño de mobiliario e ergonomía, así que grazas as persoas que traballan nese sector, porque aguantar un pleno sentada ahí...uf

04/05/2023

Pouco debe faltar para a apertura e así todos poder ver o novo local. Expectación extraordinaria durante o proceso, a pregunta ¿cando abre..? n veces formulada.

Un día, durante o traballo, cando recolocamos a vidreiras, compartín charla cun home de noventa anos, Herminio Nieto, que foi camareiro do Derby con 17 anos, preguntoume tamén iso, cando abren?, díxenlle "non sei", "dous meses mais ou menos", el dixo, "si os vivo, veño".

Pois espero que si, que Herminio poda ir, que o café sexa rico, que poñan música guay e que a iluminación sexa bonita, os tres ingredientes para min esenciales nun café.., si xa sei que é cervecería, pero son mais de café.

La cervecería Morriña está lista para su apertura en el histórico local de Santiago, después de seis meses de rehabilitación y reformas

23/03/2023

Rematada a restauración da esquina superior esquerda no mural de Atienza de 1976, que está no hall da Facultade de Económicas da USC.

Aquí abaixo unha semblanza deste artista-futbolista. Ten varios murais de características semellantes e mais menos da mesma época no metro de Madrid. Todos moi setenteros en forma e estilo, give me the 70'

Hai 20 anos que caeran as duas pezas da esquina e chegou o día de devolverlle a integridade ao mural.

Unha das pezas recolocadas e a orixinal que rompeu ao caer, por tanto houbo que pegar e reintegrar os cachos. A outra está feita en escayola, e o diferente acabado superficial permite distinguir a peza engadida si miramos de cerca. Hai outra pequena reintegración nunha zona que fora recortada para colocar unha Caixa plástica.

Como sempre que vou a este edificio un gusto traballar ahí. Boisima iluminación, natural e artificial, boa acústica e todo repleto de obras de arte. O mural está xunto a aula José Afonso, si e que mola todo...

E o segundo gran mural cerámico de Compostela no que me toca intervir, o primeiro foi o de Javier Clavo no Hostal dos Reis Católicos, xa e casualidade, seguro que hai mais por ahí vou investigar..

http://www.aatienza.com/castellano/home.htm