24/09/2025
𝐕𝐈𝐈 𝐅𝐄𝐈𝐑𝐀 𝐃𝐄 𝐄𝐌𝐏𝐑𝐄𝐍𝐃𝐄𝐃𝐎𝐑𝐀𝐒 𝐃𝐄 𝐂𝐎𝐌𝐏𝐎𝐒𝐓𝐄𝐋𝐀: 𝐔𝐧 𝐦𝐨𝐝𝐞𝐥𝐨 𝐞𝐜𝐨𝐧𝐨́𝐦𝐢𝐜𝐨 𝐚𝐫𝐫𝐞𝐝𝐨𝐫 𝐝𝐮𝐧𝐡𝐚 𝐯𝐢𝐝𝐚 𝐬𝐚𝐮𝐝𝐚́𝐛𝐞𝐥
Día: 26 de setembro de 2025
Lugar: Aula Magna da Facultade de Química, Santiago de Compostela.
Nesta Feira de Emprendedoras que xira en torno á saúde, ao benestar e á saúde mental, contaremos con Alicia Orriols, unha supervivente de suicidio que presenta o seu libro, por primeira vez e faino en Santiago no escenario desta VII Feira de Emprendedoras de Compostela:
“E se contalo fora a forma máis valente de seguir vivindo? Este libro non é unha historia. É un grito. Una confesión a corazón aberto que se atreve a dicir o que tantos calan: que o suicidio non é debilidade, senón un dolor tan insoportable que só pode aliviarse falando del. Vinte e catro anos despois do seu intento de suicidio, a autora, convertida en nai, xornalista..., decide romper o silencio e compartir non só o seu relato, senón o de outras cinco persoas que tamén estiveron ao borde do abismo.
Cunha voz próxima, directa e sen filtros, Mirar de fronte mergúllanos en testemuños conmovedores sobre saúde mental, abuso, bullying, trastornos alimentarios e perdas imposibles. Pero, sobre todo, fala de forza, de supervivencia e de esperanza. Mirar de fronte non é só un testemuño: é unha comunidade en proceso de sanación. Unha chamada urxente a escoitar, a falar, a non renderse. Porque hai moitas formas de morrer por dentro... e unhas poucas, valentes, de voltar a vivir. Unha lectura necesaria que non deixa indiferente. Un libro que abraza, sacode e, en moitos casos, salva.”
𝐏𝐫𝐨𝐦𝐨𝐯𝐞𝐧 𝐞𝐬𝐭𝐚 𝐟𝐞𝐢𝐫𝐚:
Pazo de Raxoi e Universidade de Santiago de Compostela
coa colaboración de Cersia Empresa , Axenda Urbana 2030 Santiago , Avte USC e Woman Emprende
Horario completo do evento: 10:00 – 18:00 h.
Vémonos neste encontro para coñecer, conectar e construír xuntas un futuro máis saudábel e humano.
🎈
