12/01/2024
Heshiiska Somaliland iyo Ethiopia Yaa Weheliya.
Horudhac
Qaboobahii sannadkii 2008, ayaa waxaa magaalada Washington ee xarunta dalka maraykanka ka soo kicitimay wefdi iskugu jira saraakiil ciidamada maraykanka ka tirsan, madax wasaaradda arrimaha dibadda ee dalka maraykanka ka socda iyo kooxo u qaabilsan maraykanka dhinaca istaraatijiyadda siyaasadda (Political Strategist).
Waxay ku soo h**eeyeen magaalada Addis Ababa ee xarunta dalka Ethiopia, oo ay kula kulmeen Ra'isal wasaarahii h**e ee dalka Ethiopia Melez Zenawi, maalin ka dibna waxay wefdigaasi ka soo degeen magaalada Hargeysa, iyagoo kulan la yeeshay madaxweynahii h**e Somaliland Mudane Daahir Rayaale Kaahin.
Qorshahu wuxuu ahaa in maraykanku si dhab ah u daraasadeeyo wakhtiga qaddiyadda Somaliland, heerka ay gaadhsiisantahay, iyo inay Somaliland leedahay haykalka dawladnimo oo gaadhsiisan in la siiyo aqoonsi caalami ah oo maraykanku si dadban iyo si toos ahba u bixiyo.
Maraykanku wakhtiga waxay qaateen go'aan ah, inay Somaliland sharciyan iyo istaratjiyad ahaanba ku haboontahay aqoonsi, laakiin ay sugaan bal inta dhinacii kale ee Soomaaliya cagaha ku istaagayo si qaab sharci ah loo kala saaro.
Siduu Ku Yimid Arrinta In Ethiopia Ay Hesho Saldhig Militery oo Ciidankeeda Baddu isticmaalan.
Qalalaasaha baaxadda leh ee ka bilaabmay gacanka cadmeed, dalalka waaweyn ee Maraykanku hogaamiyo, waxay u baahnaayeen dawlad itaal military leh, oo ay ku hallayn karaan ammaanka gacanka cadmeed, dhibaatada hor taallay Maraykanka iyo xulafadiisu waxay ahayd Ma jirin dawlad awood military oo xoog ah leh oo marinka albaabka mandabka kala shaqaysa sidii loogu soo celin lahaa xasilooni.
Sida uu qorayo mac-hadka daraasadka siyaasadda iyo istaratijiyadda ammaanka badda ee loo yaqaano Cato Institute, hawlgalka maraykanku horkacayo ee ilaalinta xeebaha badda cas ayaa sannadkii waxaa ku kaca kharash gaadhaya ilaa 5 bilyan oo dollar sannadkii, ugu yaraan labaatan shariikadood oo gaar loo leeyahay oo ka shaqeeya ammaanka gacan
