13/10/2026
የደብረ ብርሐን መኪና መገጣጠሚያ በአዉቶሞቲቨ ዘርፍ በሁለተኛ ዙር ያሰለጠናቸውን 30 ወጣቶች ዛሬ አስመረቀ።
ስልጠናው ለቀጣይ ስራችን መንገድ የጠረገ ነው ።ሰልጣኞቹ
ጥቅምት 3/2019 ዓ.ም
በበላይነህ ክንዴ ግሩፕ የደብረ ብርሐን መኪና መገጣጠሚያ ከደብረ ብርሐን ከተማ በቴክኒክና ሙያ በአውቶሞቲቨ ዘርፍ የተመረቁ 30 ወጣቶችን ለሁለተኛ ጊዜ በመረከብ ላለፍት 4 ወራት ተግባር ተኮር ስልጠና በነፃ በመስጠት በዛሬው እለት አስመርቋል።
በምረቃው ላይ የተገኙት በበላይነህ ክንዴ ግሩፕ የአምራች ዘርፍ ዋና ስራ አስፈፃሚው አቶ በሱፍቃድ ሸዋዬ እንደተናገሩት ቢኬጂ በአወቶሞቲቨ ዘርፍ በሀገር ደረጃ ያለውን አብርክቶ በገላንና በደብረብርሐን ያሉ መገጣጠሚያዎቹ በመጠቀም የሰለጠነ የሰው ሀይል ለማፍራትም የጎላ ስራ እየሰራ መሆኑ ገልጸው ዛሬ የተመረቁት ጨምሮ ስልጠናው 6ተኛ ዙር መደረሱን ተናግረዋል።
የደብረ ብርሐን መገጣጠሚያ ዋና ስራ አስኪያጂ አቶ ሙሀመድ አህመድ በበኩላቸው በቢኬጂ ደረጃ የተቀመጠውን የሰለጠነ የሰው ሀይል ማፍራት እውን እንዲሆን መገጣጠሚያው ከማስልጠን ባለፈ የስራ እድል እየፈጠረ ሲሆን በመጀመሪያ ዙር ከሰለጠኑ ወጣቶች ውስጥ 22ቱን ወደ ስራ አስገብተናል ብለዋል።
ስልጣኞቹ በበኩላቸው ቢኬጂ በነፃ ስልጣና ከማዘጋጄት ባለፈ በቂ የተግባር ስልጠና በመስጠት ለስራ ዝግጁ አድርጎናል ሲሉ ተናግረዋል።
ቢኬጂ
የታታሪዋ ኢትዮጵያ ተምሳሌት
