Moraa Fugug

28/07/2023

Dheeraadha Jettee Bira hin dabrinii Obsaan Dubbisi Ergaa Baredduu qabaa!!

"RABBI HOO KEESSA JIRAA?" JETTE QOCAAN.

dur jedhan bara durii

bara dhagaan biddeenii

qocaan akkana hin turre

qaamni ishee hundi fooni.

bara bineensonni bosonaa

gamtaadhan jiraatan,

bakka barbaadan oolanii

wanta barbaadan nyaatan.

bara bineensonni hundi

jaalala waliif qaban,

bara mootin isaanii Leencaa

Bara Leencan durfaman.

Bara durii durii sana

bara dhagaan biddeenii

qocaan akkana hin turre

qaamni ishee hundi foonii.

Osoo akkanaan jiraatanuu

osoo tokkummaa qabanuu

Bineensota hunda keessaa

Albaadhessi daba mure.

isa biraa nyaachudhaafis

ququphanee shurshure.

sagalee isaa ol fuudhee

hunda isaanitti sagaleesse

waan garaa isaatti yaade

hunda isaanif dhiheesse.

"Callisaa mee al tokko jarana

Yaa bineensota dhagahaa!

waanin garaatti yaaden

hunda keessanii gahaa

Gaara baanee buunee

oliif gadi kaachaa

hundi keenya kan joorru

Silaa soorata barbaachaa.

Qorra, Aduu fi rooba jennee

yookan dukkana halkanii

Maalif qocaa hin nyaannu?

Qocaan hoo silaa foonii"

jedhee itti sagaleessee

iyyee lallabee dubbate

isaanis suuta ususanii

yaadni isaanii wal fakkaate.

hojiitti jijjiiruf hundi walii gale

dubbiin murtee argachuuf

gara Mootii isaanii Leelcatti qajeele

Leencis dafee hatattamaan

walgahii isaan waame.

waan daftee deemuu hin dandeenyef

walgahicha irraa Qocaatu dhabame

Gaaffii Bineensonni dursanii

Mootidhaaf dhiheessan

Sagalee guutudhaan

Hundi isaanii mirkaneessan.

Akkuma isaan yaadaa turan

hawwiin isaanii milkaa'e

Waa'en nyaatamuu Qocaa

gama Leencanis Murtaa'e.

Qocaa barbaadanii Nyaachuf

hooman bineensotaa facahe

garuu hunda isaanii dursee

hilleentitu ishee bira gahe.

isheen nyaachudhaaf miti

kan dursitee bira geesse

Qocaa gurra buusudhaafi

wanta jara irraa dhageesse.

"Yaa hiriyaatoo yaa Qocaa

yaa qocaa yaa suutumee

nagaatti egaa maalin godha

kee har'a dubbiin dhumee
Deemsa kee illee nan beeka
fiigdee illee jaalaa hin baatu.
humna qabaattee illee
Bineensi hundi si hin sodaatu.
Hiriyummaa keenya hin jibbinee
garuu kana booda hin hawwuu
anis humna qabaadhee
waan tokka sirraa hin dhoowwuu
Bineensonni hundi isaanii
Si nyaachudhaaf walii galanii
Sibiratti na argannaan
anaayyuu itti na dabalanii.
Osoo wal jaalannuu
osoo wal mararruu,
Nagaatti egaa maal siif godhu
siichi wal hin agarruu"
jetteenii hilleentin
"xarraph xarraph" jechaa
fiigicha ishee eegalte
Lubbuu isheef sodaachaa.
"mee afachu hilleentii
as deebi'i hoo takkittii
waan naaf hin gallen qabaa
waa tokkon si gaafadhaatii
Walgahii keessan har'aa
haga dhumaatuu dhageessee?
waa'ee Nyaatamuu kiyyaa
Leenci hoo maal murteessee?"
jettee gaafatte Qocaan
hubachuuf waan dhageesse
Deebin isheen argatte garuu
akka Leencis isheetti murteesse.
"Gaaffii dhumaan sigaafadhaa
naaf deebisi mee adaraa
murtee natti laatame kana
rabbiin hoo keessa jiraa?"
"Qocaa badii hin qabduu bar
ati homaa hin balleessine
Leencatu murteesse malee
rabbiin hin murteessine."
Jetteenii deemte Hilleentin
xarraph xarraph jettee
Iccitii jiru hundaayyuu
takka takkaan itti himtee
"guddaa galatoomi hilleentii
galanni kee guddaadha
rabbii irraa yoo hin taane
wanti hundi salphaadha"
jechaatii ofiin gugumaa
Qocaan tirachuu eegalte
akkuma yeroo hundumaa.
Albaadhessi abbaan garaa
dafee bira qaqqabe
"Dhangaan barbaadu argadhe"
jedhee nyaachudhaaf gaggabe
Qocaa liqimsuudhaf
afaan isaa itti bane
garuu hin milkoofne
akka yaadan hin taane.
wanti yaadame hundi
jalaa fashalaa'ee eege
rabbiitu qaama Qocaa
waan jabaatan haguuge
akkuma rabbi abdattee
murtii jaraa tuffatte
Qocaan humna rabbiitin
haga yoonaa jiraatte
Anis waa malee hin mammaakne
seenaa Qocaatin kaasee
waa'ee keenyas akkasuma
yoon ilaalu buusee baasee
har'a boruutu nu huuqqisee
baraanis bara lakkoofnee
Abdii namarra kaawwannee
eegaa turree hin milkoofnee
eenyutti boonyee himanna
inqirfannee wawwaata
waa'en keenya hoo maali
mee suuta hubadhuu ilaali
seenan keenyaf kan qocaa
waan baay'en wal fakkaata
akkuma Qocaan jette keenyas
Rabbi hoo keessa jiraa laata?

19/07/2023

"DUR-DURII"
(Mana tokko ijaartuu, maaf Citaa wal saamtuu?)
(Jaarsa buleefi Ijoollee, Galgala, Ganna, Abidda
bira. Ijoolleen kuun in mugdi, suunsumatti
ejjettee. Kuun irbaata bahuu eeggatti, ija qulum
gootee....)
Ganni dhufe yaa ijoollee, Ganni dhufe, kobbortaa
itti cufee
Ijoolle, Dur-dur, mana guddaa guddaa tokko
keessa, mana citaa, marsa ijaaran durii, keessa
gosa 9 moo 90 gahutu wallin gala ture jedhan.
Gosa afaan adda addaa dubbatutu, akka afaan
simbiraa, tu walitti dhuubamee gola gola ofiisaa
keessa waliin gala, jedhan...ammoo wal hin
dhagahu...afaan afaan dubbata gosti hundi.
Gola isa tokko keessa immoo Gosa tokkotu gala,
gosa wal beeku.... kan afaan wal beeku...
Utuma jiraatanii, Ganni itti dhufe didichee,
roobaafi qilleensi. Manni sanqallee, irri ajjeerraa
hin qabu, jalli kabaa hin qabu. Ykn ajjeeranii, ykn
ajjeersisuu jedha miti geeraraan, ijoolle.
Gosti wal-makoon sun, ganama kahee farsoo
dhuguu, galgala taahee farsoo dhuguu, taa'ee of
irratti muguu malee, geeraruu fi jeekkaruu malee,
citaa haammachuun, mana ajjeerrachuun
kabachuun bira hin jirtu.
Gosti kuun, Gosti tokkichi guddeessi kun mala
wal gaafate: Ganni dhufee, manni ajjeerraa hin
qabuu, ammoo guddaa, nurratti jigaa, maal taanu
waliin jedhan. Citaa haamna waliin jedhan. Citaa
haamuuf amna bahan.
Karaa dheeraa deemanii, deemanii, deemanii,
olanii bulanii, citaa haamuuf, Fugug dhaqan,
biyya dhufteesaanii--Fugug, Tulluu Nam-dur!
Citaan waakkuudha, xiqqoodha. Mana guddaaf
hin gahu. Mala wal gaafatan.
Yaadi sadii dhufe-- garee sadii tahan:
Garri tokko: Citaama jiru haamnee manuma
guddaasanirra, hanga gahe, ha firfirsinu, waliin
jedhe
Garri lammaffoon: Citaan jiru mana guddaa hin
gahuu, kan jiru haamnee, gara gola keenyaatiin
qofa, irra ha ajjeerru, jala haa kabnu, guutuu haa
hinu, san jala mataa dhokfannaa, Ganna dhufe
dabarfanna, jedhe
Garri sadaffoon: Hormi taahee farsoo dhugaa,
ganamaafi galgala. Ganni dhufe. Mana guddaa
ajjeeruu citaan jiru hin gahu. Citaa jiruun, gara
bullu qofaan irra ajjerrufi jal, jala haa kabnu, guutuu haa
hinu, san jala mataa dhokfannaa, Ganna dhufe
dabarfanna, jedhe
Garri sadaffoon: Hormi taahee farsoo dhugaa,
ganamaafi galgala. Ganni dhufe. Mana guddaa
ajjeeruu citaan jiru hin gahu. Citaa jiruun, gara
bullu qofaan irra ajjerrufi jala kabuun, roobaafi
qilleensa hamaa nurraa hin dhowwu. Lolaatu nu
fuudha utuu rafnuu. Knf, citaa jiru haamnee,
mana nu gahu qofaatti baafannee, akka
barbaannetti, ha ijaarru, mana ofii keenyaa
ijaarree, irra ajjeerree, jala kabnee itti haa gallu, ..
Ganna Baranaafi Ganna Boruuf qofa osoo hin
taane, Ganna Baraaf, mana dhalootaaf dabru,
mana hundee jabaa, ijaarree ajjeerree, qacaanee,
guutuu hiinee itti haa gallu...Ganni indhufa, Ganni
in dabra...mana dhalootaaf tahu ha ijaarru...jedhe..
Gareen 3

19/07/2023

Daaroo Labuu Machaaraa
Saba Nagaa fi Araaraa
Guraawaa Oromituu
Qashtii Haqaaf Falmitu
Yaa Dadar Kurfaa Callee
Biyyaa Shaggooyyeef Wallee
Awwadaay Haromaayaa
Alaa Manni Nagayaa?
Cinaksanii Babbiillee
Harka Hin laannu yoomillee.
Dabbaal Mootii Baddannoo
Waliin qabna yaadannoo.
Yaa Bosona Iccitii
Hurrii Garaa Mul'ataa
Gaaddisa keenya ta'uu
Xinnaa guddaat Dubbata.
------
Uummaa Qashtii fi Jabduun
Ati biyyi badhaate
Asilii Baha Aduu
Baga kan keenya Taate.

19/07/2023

Baay'ee nama gaddisiisa!

Nan himinaa!🥲

Mana barnootaa tokko keessatti barsiistuun kutaa seentee osoo ijoollee barsiisaa jirtuu gidduutti barataan tokko harka isaa baasee, "Mi'a kootu najalaa hatamee jira; boorsaa ijoollee keessa naaf haa ilaalamu," jedhee dubbata ture. kana irratti barsiistuun mi'i mucicha jalaa hatame maal akka ta'e erga addaan baafatteen booda boorsaa barattoota hundumaa dabaree dabaree dhaan sakatta'uu itti fufte.
osoo sakatta'amaa jiranii mucaan durbaa waggaa 10 nii tokko dabareen sakatta'amuu ishee yeroo ga'etti boorsaa ishee kennuu didde! yeroo kana dhageessutti barsiistuun sun baay'ee aartee, "Mucaa hattuu kanaa, mi'a mucaa kanaa situ hate, ati hattuu dha. amma utuun poolisii sitti hin waamiin dafiitii boorsaa kee akkan sakatta'uuf natti kenni," jettee mucattii daddarbatte! Ijoolleen hundinuus; 'hattuu! hattuu!' jedhanii itti kolfuu fi itti iyyuu jalqabaan Mucattiinis yeroo sagalee dheekamsaa barsiistuu fi waca ijoollee dhageessetti naasuu daangaa hin qabne naate. baay'ees rifatte. kana irraa ka'uun dafqi irra dhangala'ee qaamni ishee hundinuu hoollachuu jalqabe. Mucattiinis baay'ee waan bir'atteef barsiistuu isheetiin, "Adaraa kee barsiistuu koo, ani hattuu miti. yoo barbaaddeef hoodhu boorsaa koo sakatta'i; garuu ijoollee kana duratti miti. qofaatti achi nabaasii nasakatta'i," jettee jilba isheetti jilbeenfattee boossee kadhatte. Barsiistuun sun garuu, "Asumattan si sakatta'a malee," jettee didde! sagalee wacaa kan dhaga'an barsiisonnii fi qindeessitoonni mana barnootaa sana keessa jiran tokko osoo hin hafiin yaa'anii dhufan. yammuu ilaalanis mucaa xinnoo waggaa kudhanii (10) miilla barsiistuu isheetti jilbeenfattee boossuu fi barsiistuu ija ishee bobaasaa mucaatti banbantu arganii hundinuu, "Maaltu ta'ee?" jedhanii naasuu dhaan wal gaggaafatu turan. Barsiistuttiinis aariin dhugamtee akkuma jirtutti waan ta'e hundumaa isaaniif himte. kana irratti Hoggantuun (Director) mana barnootaa sanaa dubartii umuriin xinnoo deemte waan turteef d

04/07/2023

02/07/2023

Biyya Albuudota Fugug

06/01/2021

Biyya Keysaa fi Biyya Alaatti Oomisha Keenya Nama Keenyaa fi Jaalattoota Oomisha Kenyaaf ni dhiyeeysina! Keysaan nu qunnamuu dandeesu.

03/08/2020

Qaroomni jalqabaa Of Bekuudha!