24/09/2024
"Si loo abuuro Itoobiya Barwaaqo ah iyadoo lagu gaadhayo himilooyinka Qaran ee wada shaqaynta iyo isku xidhnaanta, waa in hoggaamintu noqoto hoggaamin addeege oo si hufan u shaqeeya" Madaxweynaha Xisbiga Barwaaqo ahna Ray'sal Wasaaraha Dalka Dr. Abiy Ahmed Ali.
Madaxweynaha Xisbiga Barwaaqo ahna Ray'sal Wasaaraha dalka Dr. Abiy Axmed ayaa kula dardaarmay hoggaaminta inay si hufan u shaqeeyaan noqdaana hoggaamin adeegayaal ah si loo abuuro Itoobiya Barwaaqo ah iyadoo lagu gaadhayo himilooyinka Qaran wadashaqeyn iyo isku xidhnaan.
Waxaa la soo gebagebeeyey madasha tababbarka tayaynta ee madaxda sare ee Xisbiga Barwaaqo oo 12-kii maalmood ee la soo dhaafay ka socday magaalada Adaama.
Waxaana dardaaran la wadaagay hoggaaminta tababarka u soo gabagaboobay Madaxweynaha Xisbiga Barwaaqo ahna Ray'sal Wasaaraha Dalka Dr. Abiy Axmed.
Waxa uu Xisbigu tababar siiyay in ka badan 2000 oo hoggaamin oo ka kala socda hoggaaminta sare ee Deegaanada, maamulada magaalooyinka iyo hay’adaha federalka, tababarkan ayaa ahaa mid ay hoggaamintu ku qaadanayeen afkaarta siyaasadeed, bulsho iyo dhaqaale oo Xaqiijin doona Barwaaqada berrito ee dalkeena Itoobiya Jiilka soo socdana ka dhigi doona mid Barwaaqo ah oo guuleysta.
Madaxweynaha Xisbiga Barwaaqo ahna Ray'sal Wasaaraha dalka Dr. Abiy Axmed ayaa madasha gabgabada tababarka ka sheegay in xubnaha Hoggaamintu ay si sax ah uga faa’iideysteen sidii loo xalin lahaa dhibaatooyinka Bulshada heer kasta iyo in la xaqiijiyo heerka sare ee uu gaadhay dalkeena Itoobiya iyadoo loo marayo khibrada tababarka laga helay.
Isagoo hadalkiisa sii watana waxa uu sheegay in maadaama uu tababarku yahay mid dalka wax ka bedela oo hanti abuura in hoggaaminta sare ee dhamaan Deegaanada, maamul magaalooyinka iyo hay’adaha federaalka ah ee dalka ay si waafi ah u fahmeen hadafka Xisbiga, isla markaana ay ku dadaali doonaan sidii ay natiijo wanaagsan u keeni lahaayeen.
Waxa uu tilmaamay in hoggaamintu ay u baahan tahay naf-hurid, himilo iyo hal-adaygnimo si loo gaadho yoolka la hiigsanayo, tabobarrada ay qaateen hoggaaminta sarena ay keentay in ay si sax ah u fahmaan mabaadi’da iyo tayada hoggaamineed ee muhiimka ah, sidaa darteed ay lee yihiin karti ay ku gaadhi karaan isbedel degdeg ah oo horumar leh.
Tababarka ayaa diiradda lagu saaray fikradaha, aragtiyaha iyo sheekooyinka midnimada iyo wadajirka kuwaas oo gacan ka geysanaya xaqiijinta riyooyinka iyo himilooyinka.
Awoodda lagu shaqeynayo ee aqbalaadda iyo iskaashiga dadweynaha, ka shaqeynta sida loo baahan yahay si loo joogteeyo wareejinta aqoonta ku saleysan, hababka ka gudubka dhibaatooyinka amniga si nabad buuxda loo helo, iyo Waxaa lagu soo bandhigay maqaallo ka hadlaya anshaxa hoggaaminta iyo mowduucyo la xidhiidha intii uu tababarku socday, iyadoo dood ballaadhana laga yeeshay.
Xisbiga barwaaqo laanta dedmada Lehel-yucub
