11/10/2026
#አምባሳደር #ቁጠባና #ብድር መ/ህ/ሥ/ማ
የቅድመ-ቁጠባ ግዴታ ሳይኖር የሕዝባችንን የፋይናንስ አቅም ለመገንባትና የሀገርን የኢኮኖሚ ሥርዓት ለማጠናከር ወደ ገበያው የተቀላቀለው አምባሳደር ኃላፊነቱ የተወሰነ የቁጠባና ብድር መሠረታዊ የሕብረት ሥራ ማኅበር ደንበኞቹን ማዕከል ያደረጉ ልዩ ልዩ የቁጠባ አገልግሎቶችን በስፋት እያቀረበ ይገኛል። ማኅበሩ መደበኛ፣ የፈቃደኝነትና ወለድ አልባ የቁጠባ አማራጮችን በማመቻቸት ማኅበረሰቡ የቁጠባ ባህልን እንዲያዳብርና የራሱን የፋይናንስ መሠረት እንዲጥል ያግዛል። ከዚሁ ጎን ለጎን ለግልና ለማኅበር ለሚንቀሳቀሱ ድርጅቶች፣ ለነጋዴዎች፣ ለአርሶ አደሮችና ለኢንቨስተሮች የተመቻቸው የብድር አገልግሎት የብዙዎችን የኑሮና የንግድ ሕይወት እየቀየረ ይገኛል። ማኅበሩ ብድር በሚሰጥበት ወቅት የሚከተለው ዝቅተኛ የብድር ወለድ ደንበኞች ያለምንም ከፍተኛ የፋይናንስ ጫና ተበድረው እንዲያድጉ ዕድል የፈጠረ ሲሆን፣ በአንጻሩ ደግሞ በቁጠባ ሂሳባቸው ላይ የሚታሰበው ከፍተኛ የቁጠባ ወለድ አባላት ገንዘባቸውን በታማኝነት አስቀምጠው የተሻለ ትርፍና ጥቅማጥቅም እንዲያገኙ ያበረታታል።
የአምባሳደር ቁጠባና ብድር ሕብረት ሥራ ማኅበርን ልዩ ከሚያደርጉት ዋና ዋና መርሆዎች መካከል ያለቋሚ ንብረት ዋስትና የሚሰጥ ብድር ተጠቃሽ ነው። ማኅበሩ እንደ ከተማ አስተዳደር፣ የቡድን፣ የደመወዝ ወይም የጋራ ዋስትናዎችን በመጠቀም ቋሚ ንብረት የሌላቸው ወጣቶችና ሥራ ፈጣሪዎች የሥራ ካፒታል እንዲያገኙ ያደርጋል። ይህ ዓይነቱ አሠራር በሀገሪቱ ውስጥ ለሚታየው የሥራ ዕድል ፈጠራ ትልቅ መነቃቃትን የፈጠረ ሲሆን ማኅበሩ ሥራ በጀመረ በአጭር ጊዜ ውስጥ ለበርካታ ዜጎች ቋሚና ጊዜያዊ የሥራ ዕድሎችን በመፍጠር የሕዝቡን ተጠቃሚነት አረጋግጧል። ይህ በሥራ ዕድል ፈጠራና በድህነት ቅነሳ ዙሪያ የሚከናወነው ተግባር የመንግሥትን የልማትና የዕድገት ዕቅድ ቀጥተኛ በሆነ መንገድ የሚደግፍ ከመሆኑም በላይ፣ ሀገራዊ የሪፎርም ግቦችን ለማሳካት የበኩሉን ጉልህ አስተዋጽኦ እያበረከተ ይገኛል።
የአገልግሎት አሰጣጡን ይበልጥ ቀልጣፋ ለማድረግ ማኅበሩ ዘመናዊ የአገልግሎት አሰጣጥ ስልቶችን የተከተለ ሲሆን የደንበኞችን ጊዜና ጉልበት የሚቆጥቡ አሠራሮችን ተግባራዊ አድርጓል። ይህንን ለማሳካትም በቴክኖሎጂ የታገዘ የኮር ባንኪንግ (Core Banking) ሥርዓትን በመዘርጋት የሂሳብ አያያዝን፣ የገንዘብ ልውውጥንና የሪፖርት አቀራረብን በዘመናዊ ዲጂታል መሠረተ ልማት ደግፏል። በአሁኑ ወቅት ማኅበሩ በአካባቢው ያለውን ተደራሽነት በማስፋፋት በሳውላ፣ በጎፋና በባስኬቶ ዞኖች በርካታ ቅርንጫፎችን ከፍቶ ሕዝቡን በቅርበት እያገለገለ ይገኛል።
ከዚህ በተጨማሪም ማኅበሩ ለትርፍ ብቻ ሳይቆም ማኅበረሰቡን በትምህርት፣ በጤናና በተለያዩ የልማት ሥራዎች በማገዝ ማኅበራዊ እና ኢኮኖሚያዊ ኃላፊነቶችን በብቃት እየተወጣ ይገኛል። አባላቱን በገንዘብ አጠቃቀምና በንግድ ሥራ አመራር ላይ በየጊዜው በሚሰጣቸው ግንዛቤዎችና የክህሎት ማሳደጊያ ሥልጠናዎች አማካኝነት የሕዝቡን የኢኮኖሚ ንቃተ-ህሊና እያሳደገ ይገኛል። የአምባሳደር የወደፊት ስትራቴጂ የፋይናንስ ተደራሽነቱን ይበልጥ በማስፋት፣ የዲጂታል ክፍያና የሞባይል ባንኪንግ ቴክኖሎጂዎችን በስፋት በማስተዋወቅ እንዲሁም የካፒታል አቅሙን በማሳደግ የመንግሥትን የስትራቴጂክ ዕቅድ እያገዘ በሀገር አቀፍ ደረጃ ግንባር ቀደም እና ተመራጭ የቁጠባና ብድር ተቋም መሆን ነው። ጉዞው ወደ ላቀ ከፍታና ብልጽግና ነውና
«ኑ አብረን እንበልፅግ»
በማለት ማኅበሩ ሁሌም ጥሪውን ያስተላልፋል።
