Sidama Design and Construction Supervision Enterprise

14/10/2026

ክፍት የሥራ መደብ ማስታወቂያ
===
ድርጅታችን ባለው ክፍት መደብ ላይ ብቃት ያለው ባለሙያ ቀጥሮ ማሰራት ይፈልጋል። ስለሆነም መስፈርቱን የሚታሟሉ ተወዳዳሪዎች ቀጥሎ በቀረበው ሰንጠረዥ መሠረት በአካል ቀርባችሁ እንድትመዘገቡ እናስታውቃለን።

08/10/2026

08/10/2026

ዶ/ር ኢ/ር ሱልጣን ወሊ የመስኖና ቆላማ አካባቢ ሚኒስትር ሆነው ተሾሙ።

አዲስ አበባ : መስከረም 28/2019ዓ.ም

በውሃና ኢነርጂ ሚኒስቴር የኢነርጂ ልማት ዘርፍ ሚኒስትር ዴኤታ በመሆን ላለፉት አምስት ዓመታት ያገለገሉት ክቡር ዶ/ር ኢ/ር ሱልጣን ወሊ የመስኖና ቆላማ አካባቢ ሚኒስትር ሆነው ቸሹመዋል።

ዶ/ር ኢ/ር ሱልጣን ወሊ በውሃና ኢነርጂ ሚኒስቴር ባሳለፉት የሥራ ዘመን በኢነርጂ ልማት፣ በኃይል አቅርቦት መስፋፋት፣ በኢነርጂ ተደራሽነት እና በዘርፉ የልማት አቅም ማሳደግ ዙሪያ ከተቋማዊ ሥራዎች ጋር በተያያዘ ኃላፊነታቸውን ተወጥተዋል።

በተለይም የኢነርጂ ዘርፉን ከሀገራዊ የልማት ዕቅዶች ጋር በማስተሳሰር፣ የኢነርጂ ልማትን ለኢኮኖሚያዊ እድገትና ለማህበራዊ ልማት የሚያበረክተውን ሚና ለማጠናከር የተለያዩ የሥራ አቅጣጫዎች እንዲተገበሩ አስተዋፅዖ አድርገዋል።

የኢነርጂ ልማት ከመስኖና ቆላማ አካባቢዎች ልማት ጋር በተያያዘ የሚኖረውን የልማት ትስስር በማጠናከር፣ በአዲሱ ኃላፊነት በሀገሪቱ የመስኖ ልማት፣ የውሃ አጠቃቀም፣ የቆላማ አካባቢዎች ልማትና የምግብ ዋስትና ዙሪያ የሚከናወኑ ሥራዎችን በማስቀጠል ላይ አዲስ ኃላፊነት ይጠብቃቸዋል።

ዶ/ር ኢ/ር ሱልጣን ወሊ በሁለቱም ዘርፎች ያካበቱትን የሙያ እውቀትና የአመራር ልምድ በመጠቀም ለሀገራዊ ልማት የሚኖራቸውን አስተዋፅዖ ወደ ቀጣይ ምዕራፍ የሚያሸጋግሩበት ኃላፊነት ሆኖ ቀርቧል።

Sidama Design and Construction Supervision Enterprise ለክቡር ዶ/ር ኢ/ር ሱልጣን ወሊ በቀጣይ የሥራ ኃላፊነታቸው ስኬትን ይመኛል።
Ministry of Irrigation & Lowlands - Ethiopia

05/10/2026

የሕዝብ ተወካዮች ምክር ቤት እያካሄደ ባለው 7ኛው ዙር 1ኛ ዓመት የሥራ ዘመን የመንግሥት መመሥረቻ 1ኛ መደበኛ ስብሰባ ዐቢይ አሕመድን (ዶ/ር) የኢፌዴሪ ጠቅላይ ሚኒስትር አድርጎ ሰይሟል።
መልካም የሥራ ጊዜ ይሁንልዎ ጠ/ሚ ዐብይ አህመድ (ዶ/ር)

! ! !

05/10/2026

የኢፌዴሪ ፌዴሬሽን ምክር ቤት የ7ኛው የፓርላማ ዘመን 1ኛ ዓመት የሥራ ጊዜ 1ኛ መደበኛ ባካሄደዉ ጉባዔው አቶ ደስታ ሌዳሞ የፌዴሬሸን ምክር ቤት ምክትል አፈ ጉባኤ ሆነው ተሰየሙ።

ለአቶ ደስታ ሌዳሞ መልካም የሥራ ጊዜ እንዲሆንልዎ እንመኛለን።

! ! !

03/10/2026

የቅጥር ማስታወቂያ
======
ኢንተርፕራይዛችን ባሉት ክፍት የሥራ መደቦች ላይ መስፈርቱን የሚያሟሉ ባለሙያዎችን አወዳድሮ ቀጥሮ ማሰራት ይፈልጋል። ለዝርዝሩ ከስር የተያያዘውን ሰንጠረዥ ይመልከቱ ፦

02/10/2026

አዲሱ የሲዳማ ብሔራዊ ክልል መንግሥት ፕረዝዳንት ዶ/ር መሳይ ሀይሉ ስልጣን ተረክበው ሥራቸውን በይፋ መጀመራቸውን አሳወቁ
*******
በትናንትናው ዕለት ማለትም መስከረም 21/2019 አዲሱ የሲዳማ ክልል ፕረዚዳንት በመሆን ስልጣን የተረከቡት ዶ/ር መሳይ ሀይሉ ሥራቸውን በይፋ መጀመራቸውን አሳወቀዋል።

በማህበራዊ ገጻቸው አማካኝነት ባሰፈሩት ጽሁፍ “ከቀድሞ ርዕሰ መስተዳደር ከአቶ ደስታ ሌዳሞ ጋር የስራ ርክክብ በማድርግ በዛሬው ዕለት ስራችንን በይፋ ጀምረናል” በማለት መልዕክታቸውን አጋርተዋል።

30/09/2026

አቶ መምሩ ሞኬ የሲዳማ ክልል ብልፅግና ፓርቲ ቅርንጫፍ ጽ/ቤት ኃላፊ ሆነው ተሾሙ
******
አቶ መምሩ ሞኬ ዳዋቆ የሲዳማ ክልል ብልፅግና ፓርቲ ቅርንጫፍ ጽ/ቤት ኃላፊ በመሆን ተሹመዋል።

አቶ መምሩ ከዚህ በፊት የሲዳማ ክልል የኢንዱስትሪ ፓርኮች ልማት ኮርፓረሽን ዋና ሥራ አስፈጻሚ እንዲሁም የሲዳማ ክልል እርሻና ተፈጥሮ ሀብት ልማት ቢሮ ኃላፊ ሆነው ሲያገለግሉ ቆይተዋል።

ከዚህም በተጨማሪ የተከበሩ መምህሩ ሞኬ የኢንተርፕራይዛችን የሥራ አመራር ቦርድ አባል በመሆን እያገለገሉ የቆዩ ሲሆን በሳል አመራር በመስጠት ለተቋማችን ዕድገት የማይተካ አሻራ ያሳረፉ ውጤታማ አመራር ናቸው።

ኢንተርፕራይዛችን በቦርድ አመራር አባሉ መምህሩ ሞኬ አዲስ ሹመት የተሰማውን ደስታ እየገለጸ ቀጣይ ስራቸው የተሳካ እንዲሆን ልባዊ ምኞቱን ይገልጻል።

28/09/2026

የደረጃ - 1 አማካሪ የሆነው ኢንተርፕራይዛችን በሲዳማ ክልል ምክር ቤት በአዋጅ ከተሰጠው ስልጣን በተጨማሪ ከኢትዮጵያ ኮንስትራክሽን ባለስልጣን በተሰጠው የብቃት ማረጋገጫ መሠረት በመስኖ፣ በጎርፍ መውረጃ (ድሬኔጅ)፣ በመጠጥ ውሃ፣ በሃይድሮፓወር፣ በሕንጻ፣ በመንገድ፣ በድልድይና መሰል ዘርፎች ጥናት፣ ዲዛይንና ግንባታ ቁጥጥር ሥራዎችን በተመጣጣኝ ዋጋ እየሰራ ይገኛል።

ከዚህ በተጨማሪ በቴክኒክ እና ማይኒንግ ዘርፍ አማካኝነት ፦

* በጂኦቴከኒካል ማለትም፦የህንፃ መሠረት ጥናት ምርምር፣ የመስኖ ግድብ መሠረት ምርምር፣ የመጠጥ ዉሃ ግድብ፣ የሀይል ማመንጫ ግድብ፣ የድልዲይ ጥናት፣ የመንገድ ሥራ ጥናት፣ የመሬት መንሸራተት (Geo- hazard) ጥናት

* በጂኦ ፊዚካል ኢንቨስትጌሽን ፦ በጂኦፊዚካል ሥራ ለሚሠሩ የህንፃ፤ የመስኖ፤ የድልድይ እንዲሁም የመሬት መንሸራተት አደጋዎች ቅድሜ ጥናት
* የማዕድን እምቅ አቅም (potential) ማወቅና መለየት ለምሳሌ፤ የከሰል ድንጋይ፣ የወርቅ፣ ግራናይትና የመሳሰሉት

* የከርሠ ምድር ዉሃ ጥናትና ምርምር
* የግንባታ ድንጋዮች (Quarry site) አቅምና መጠን ክምችት ምርመራ እና

* በላብራቶሪ አገልግሎታችን የተሟላ የጂኦ-ቴክኒካል፤የአፈር እና የዉሃ ጥራት ምርመራ አገልግሎት ለግል፣ ለመንግሥትና መንግሥታዊ ላልሆኑ አገልግሎት ፈላጊ ደንበኞቻችን እየሰጠን መሆኑን እናስታወቃለን።

አድራሻችን፦
ሀዋሳ ከተማ መናኃሪያ ክፍለ ከተማ በኢፌድሪ የኢሚግሬሽንና የዜግነት አገልግሎት ሀዋሳ ቅ/ጽ/ቤት ጎን በተለምዶ ስምንቱ ቢሮ ግቢ ውስጥ ነው።

ስልክ ቁጥር
+251930773595፣
+251911753263፣
+251911837574

ፖስታ ሳጥን ቁጥር ፦ 503

ሲዳማ ዲዛይንና ግንባታ ቁጥጥር ኢንተርፕራይዝ

26/09/2026

ለመላዉ የክርስትና እምነት ተከታዮች እና የሲዳማ ዲዛይንና ግንባታ ቁጥጥር ኢንተርፕራይዝ ቤተሰቦች እንኳን ለመስቀል በዓል በሰላም አደረሳችሁ‼️