03/03/2021
Ghjuvan Teramu Rocchi, 3 anni fà : TANTU MANCHI
Sè tù sapesse tù quant'è tù manchi
Sè tù sapesse u viotu à l'intornu
Sì partuta è da quellu ghjornu
Ghjochi è rise ind'è no' sò stanchi
D'ùn pudetti più vede hè frastornu
Da tantu manchi
U scalone hè cusì inchjuculitu
Zenza tè è zenza più zitelli
U scalone oghje mi pare un nidu
Chì u s'anu lasciatu l'acelli
Sente solu di mè i rimpianti
Da tantu manchi
RIPIGLIU
Forse sì duv'è tù sì ingrandata
Forse faci una vita beata
Ghjorni nostri mi ne vene tanti
Da tantu manchi
Sè tù sapesse tù quant'è tù manchi
Sè tù sapesse u viotu à l'intornu
U vaghjime hè digià di ritornu
Cun i so ventisgioli languenti
Un ci sì è m'attrista u ghjornu
Da tantu manchi
RIPIGLIU
Ghjorni nostri eiu n'aspettu tanti
Da tantu manchi
G.T. Rocchi / Felì Travaglini
https://www.youtube.com/watch?v=_-42Q5jfKmM&feature=youtu.be
