28/04/2021
اوردرات المرتجع من شركة الشحن مش شيء واحد
في نوعين أساسيين في المرتجع كل حاجة منهم ليها اسباب و طرق متابعة و حل ..
1- النوع الأول الاوردر المرتجع قبل وصول المندوب للعميل
2- الاوردر المرتجع لرفض العميل الاستلام
و هنا هنتكلم عن الأوردر المرتجع لرفض العميل الاستلام
مينفعش تخمن اسباب لزيادة العدد دا و تحط افتراضات من عندك او انت شايفها أو متخيلها ..
الاسباب الشائعة
1) عدم مطابقة المنتج للصور الترويجية
2) رؤية العميل أنه هيدفع رقم أعلى من توقعاته
3) عدم مطابقة مقاس العميل للقطعة اللي وصلت ليه حتى لو هي نفس المقاس اللي هو طالبه
4) وصول الاوردر خاطئ للعميل ( مقاس مختلف أو لون مختلف عن اللي طلبه )
5) عيب تصنيع ظاهر أو غير ظاهر
6) سوء التغليف
7) وصول القطعة بحالة سيئة
الحل :
1) عمل مكالمات مع العملاء اللى رفضت الاستلام لمعرفة الأسباب و الدوافع من عميلك ( مش زي ما انت متصور لأنه جايز العميل عنده اعتراض غير واضح ليك اصلا و مش متاخد في الاعتبارات أو الافتراضات )
2) اخد فيدباك من المسؤولين عن الأوبريشن و التخزين عن المنتج
3) عمل فحص جودة بعينة عشوائية للمنتج اللي نسبة رفض الاستلام أعلى من المتوسط عندك
و دا اللي هيفرق أن يبقى عميلك الشخص اللي على اليمين ولا الشمال 😊
بـس كدا دمتم 💚
