28/10/2025
🌟 Dyrchafu Dyfodol Wrecsam 🌟
Ar 19 Medi daeth tua 200 o weithwyr busnes proffesiynol at ei gilydd yng Nghae Ras Bangor Is-Coed ar gyfer cynhadledd Dyrchafu eich Busnes yn Wrecsam 2025 — ac am ddiwrnod oedd hi!
O ficro-fentrau a busnesau bach a chanolig i gewri byd-eang, daeth y digwyddiad â chymysgedd bywiog o sectorau busnes o bob lliw a llun at ei gilydd, gan greu gofod deinamig i rwydweithio, rhannu syniadau a dathlu llwyddiant ar draws y fwrdeistref sirol.
🚀 Roedd yr uchafbwyntiau’n cynnwys:
• Rhestr anhygoel o siaradwyr:
o Linda Moir – Cyn-Bennaeth Gwasanaeth Cwsmeriaid yn Virgin Atlantic a Phennaeth Gwasanaethau Digwyddiadau yng Ngemau Olympaidd a Pharalympaidd Llundain 2012
o Martin McCourt – Cyn-Brif Swyddog Gweithredol Dyson
o Alistair Aldridge – Rheolwr Prosiect Porth Wrecsam
o Amanda Evans – Ymddiriedolaeth Cymuned a Diwylliant Wrecsam
o Andrew Harradine – Arweinydd Adfywio a Buddsoddi Busnes
o Iain Taylor – Parth Buddsoddi Sir y Fflint a Wrecsam
o Henry Bradshaw – Rheolwr Rhaglen Datblygu Strategol (Gogledd Cymru) ar gyfer Trafnidiaeth Cymru
o Kerry MacKay – Sylfaenydd Scrubbies UK
o Valerie Creusailor – Sylfaenydd Goch & Co, Vuka a Partnership Plates
o Simon Thorpe – Prif Swyddog Gweithredol Jones’ Village Bakery
o Jamie Edwards – Pennaeth y Gymuned, Clwb Pêl-droed Wrecsam
o Mitesh Mistry – Uwch Brif Beiriannydd Proses yn Ipsen Biopharm
o Liam Stevenson – Rheolwr Systemau Gwaith yn Kellanova
• Ardal masnachu a blasu "Gwnaed yn Wrecsam" i arddangos cynhyrchwyr bwyd a diod lleol anhygoel.
• Ystod wych o wobrau (a ddyfarnwyd drwy raffl am ddim), a oedd yn werth cyfanswm o dua £10,000; y cyfan wedi'u rhoi yn hael gan fusnesau lleol.
💡 Gadawodd y cynrychiolwyr gyda strategaethau i’w rhoi ar waith, syniadau ffres a chysylltiadau ystyrlon i helpu i lywio tirwedd economaidd sy'n newid. Tynnodd y gynhadledd sylw at mor uchelgeisiol, cysylltiedig ac arloesol yw ein cymuned fusnes.
Gallwch weld rhaglen lawn y gynhadledd (sy'n cynnwys gostyngiadau / cymhellion gan fusnesau lleol tuag at y cefn) yma: https://bit.ly/rhaglen-gynhadledd-elevate-2025
Gwnaed Cynhadledd Dyrchafu eich Busnes yn Wrecsam 2025 yn bosibl o ganlyniad i gyllid a sicrhawyd gan Lywodraeth y DU drwy'r Gronfa Ffyniant Gyffredin. I gael rhagor o wybodaeth, ewch i GOV.UK: Cronfa Ffyniant Gyffredin y DU: prosbectws: https://www.gov.uk/government/publications/uk-shared-prosperity-fund-prospectus.cy
Yn ogystal â'r Gronfa Ffyniant Gyffredin, hoffai tîm Busnes a Buddsoddi Cyngor Wrecsam ddiolch o galon i'r holl unigolion a wnaeth y digwyddiad yn bosibl — yn enwedig ein siaradwyr a'r rheiny a fu’n bresennol. Roedd yr egni yn yr ystafell yn drydanol, ac mae'r adborth wedi bod yn anhygoel.
Gellir dod o hyd i fanylion am y cymorth cyfrinachol a diduedd am ddim sydd ar gael i fusnesau cyn cychwyn a busnesau presennol yn Wrecsam, ynghyd â mewnfuddsoddwyr, drwy'r adran Busnes a Buddsoddi ar wefan Cyngor Wrecsam: https://www.wrecsam.gov.uk/service/cymorth-busnes-buddsoddi
