აკაკი ხორავას მარანი • Akaki Khorava’s Wine Cellar

23/05/2026

🍷 News from Our Wine Cellar! 🍷

With great pride, we are excited to announce that we have officially bottled a unique Georgian wine variety — Red Krakhuna ❤️

This exceptional wine brings together the rich traditions of Georgian winemaking, natural aromas, and a refined taste that will leave a truly unforgettable impression.

✨ Visitors to our wine cellar now have the opportunity to:
• Taste the rare Red Krakhuna
• Discover the story behind its creation
• Experience authentic Georgian wine culture

We warmly invite you to visit our cellar and discover this extraordinary wine 🍇🍷

22/05/2026

თუ იცით რომელ ვაზს თვლიან სამეგრელოს სიმდიდრედ?

ოჯალეში წითელყურძნიანი მაღალხარისხიანი საღვინე ვაზის ჯიშია, არომატული და გამორჩეული ღვინის დასამზადებლად.
სინონიმები: შონური, სვანური

წარმოშობა: სამეგრელო

მაღალხარისხიანი საღვინე ვაზის ჯიშია. მისგან დამზადებული ღვინო სრული ჰარმონიულობით და მდიდარი ჯიშური არომატით ხასიათდება. მოსავლის გვიან აღების შემთხვევაში შესაძლებელია ნახევრად ტკბილი ღვინის დამზადება.

ფოთოლი საშუალო ზომის, მომრგვალო ან ოდნავ განიერ-ოვალური. სამ ნაკვთიანი.ზედა მხარე გლუვი ან ბადისებრ დანაოჭებული. ქვედა მხრე ხშირი შებუსვით.

მტევანი საშუალოზე მცირე, ცილინდრულ-კონუსური. ხშირად ფრთიანი. საშუალო სიმკვრივის. არის თხელი მტევნებიც. მარცვალი საშუალო ან საშუალოზე მცირე ზომის. სქელკანიანი და საშუალო კონსისტენციის რბილობით. სასიამოვნო გემური თვისებებით.

ყურძნის სიმწიფე დგება ოქტომბრის ბოლოს. სავეგეტაციო პერიოდის ხანგრძლივობა 185-188 დღე. ვაზი საშუალო ან საშუალოზე ძლიერი ზრდისაა, საშუალო მოსავლიანი. ყურძნის წვენის შაქრიანობა 21.5-23%; საერთო მჟავიანობა 8.4-9.5გ/ლ; pH – 3.44.

21/05/2026

🍇✨

ერთ-ერთი ყველაზე უძველესი ვაზის ჯიში

ადანასური სინ.: მაღლარი. ძველისძველი იმერული წითელყურძნიანი ვაზის ჯიშია.
ფილოქსერას გამოჩენამდე საკმაოდ ფართოდ იყო გავრცელებული მაღლარი ფორმით, შემდგომ წლებში კი მისი გავრცელება მკვეთრად შემცირდა.

ფოთოლი საშუალო ზომის და მომრგვალო ფორმისაა, ხუთნაკვთიანი, იშვიათად სამნაკვთიანიც, საკმაოდ ღრმად დანაკვთული, ქვედა მხარეს ქეჩისებრად შებუსული. ყვავილი ორსქესიანია.

მტევანი საშუალო სიდიდისაა, კონუსური ფორმის, იშვიათად ცილინდრულ-კონუსურიც, საშუალოდ კუმსი.

მარცვალი საშუალო ზომისაა, მრგვალი, მუქი წითელი ფერის, დაფარულია ხშირი ცვილოვანი ფიფქით.

კანი უხეშია, საშუალო სისქის. სრულ სიმწიფეში ოქტომბრის პირველ დეკადაში შედის და საგვიანო პერიოდის საღვინე ჯიშებს მიეკუთვნება.

ვაზი საშუალო და საშუალოზე ძლიერი ზრდისაა. მოსავლიანი ჯიშია, ჰექტარზე საშუალოდ 11,3-12,3 ტ/ჰა ყურძენს იძლევა.

სოკოვან დაავადებათა (განსაკუთრებით, ჭრაქის) მიმართ მგრძნობიარეა. მწიფე ყურძენი 21,6-23,1% შაქარს აგროვებს, 10,6-8,1 გ/დმ3 მჟავიანობით.

ადანასურისგან სუფრის წითელ ღვინოები მიიღება.

21/05/2026

🍷 სიახლე ჩვენი მარნიდან! 🍷

განსაკუთრებული სიამაყით გაცნობებთ, რომ უკვე ჩამოვასხით უნიკალური ქართული ჯიში — წითელი კრახუნა ❤️

ეს გამორჩეული ღვინო აერთიანებს ქართული მეღვინეობის ტრადიციას, ბუნებრივ არომატებსა და დახვეწილ გემოს, რომელიც ნამდვილად დაუვიწყარ შთაბეჭდილებას დაგიტოვებთ.

✨ ჩვენი მარნის სტუმრებს უკვე შესაძლებლობა ექნებათ:
• დააგემოვნონ იშვიათი წითელი კრახუნა
• გაეცნონ მისი შექმნის ისტორიას
• შეიგრძნონ ნამდვილი ქართული ღვინის კულტურა

გეპატიჟებით ჩვენს მარანში განსაკუთრებული ღვინის აღმოსაჩენად 🍇🍷

🍷 News from Our Wine Cellar! 🍷

With great pride, we are excited to announce that we have officially bottled a unique Georgian wine variety — Red Krakhuna ❤️

This exceptional wine brings together the rich traditions of Georgian winemaking, natural aromas, and a refined taste that will leave a truly unforgettable impression.

✨ Visitors to our wine cellar now have the opportunity to:
• Taste the rare Red Krakhuna
• Discover the story behind its creation
• Experience authentic Georgian wine culture

We warmly invite you to visit our cellar and discover this extraordinary wine 🍇🍷

08/05/2026

06/05/2026

🍇💫

არის პირველი წითელ ჯიშებს შორის საფერავი?

საფერავი საქართველოს სტანდარტული, ფართოდ გავრცელებული ვაზის ჯიშია, იგი ერთ-ერთი საუკეთესო წარმომადგენელია ვაზის წითელი ჯიშების მსოფლიო ასორტიმენტისა. განსაკუთრებით მაღალი ღირსების სუფრის წითელ ღვინოს საფერავი იძლევა-კახეთში.
მევენახეობის სპეციალურ ლიტერატურულ წყაროებში და ადგილობრივ მევენახეთა შორის საფერავი ცნობილია ბევრი სხვადასხვა დამატებითი სახელწოდებითაც. ეს აიხსნება იმით, რომ საფერავი მეტად ძველი ჯიშია, რის გამოც იგი მდიდარია სახეშეცვლილი ფორმებით _ ვარიაციებით. სწავლული მევენახეები ლ. ჯორჯაძე, ს. ქვარიანი და პ. ავერკინი ანსხვავებდნენ ნამდვილ საფერავს, მამალ საფერავს, დედალ საფერავს, ბუდეშურისმაგვარ საფერავს, მსხვილმარცვალა საფერავს და წვრილმარცვალა საფერავს.

საფერავი მაღალხარისხოვანი, სიმწიფის III პერიოდის ვაზის ჯიშია. იძლევა მაღალი ღირსების სუფრის წითელ ღვინოს.

სამეურნეო და ტექნოლოგიური თვისებების მიხედვით საფერავს ტოლი არ გააჩნია მსოფლიო ასორტიმენტის წითელ ჯიშებს შორის. მას ახასიათებს შედარებით მაღალი მოსავლიანობა, გარემოსთან კარგი შეგუება და ღვინის მაღალი ხარისხი. მსოფლიოს საუკეთესო წითელი ღვინის ჯიშები _ კაბერნე_სოვინიონი და პინო_შავი საფერავს საგრძნობლად ჩამორჩება მოსავლიანობით, ხოლო ღვინის ხარისხით მას მეტოქეობას უწევს. კახეთის საუკეთვესო ადგილების საფერავის ღვინო თავისი ღირსებით არ ჩამორჩება ბორდოს კაბერნესა და ბურგუნდიის პინოს განთქმულ ღვინოებს.

საფერავის მთავარი ღირსება მისი სამეურნეო და ტექნოლოგიური თვისებების მთლიანობაშია, რაც გამოიხატება მის შედარებით მაღალმოსავლიანობაში, სოკოვან ავადმყოფობის მიმართ კარგ გამძლეობაში, ყინვის ამტანობაში, ეკოლოგიური პირობებისადმი კარგ შეგუებაში, ღვინის მაღალ ხარისხში (მისგან თითქმის ყველა ტიპის: სასუფრე, მაგარი და სადესერტო ღვინო დგება), ღვინის ხანგრძლივი დაძველებისას დავარგება_გაუმჯობესებაში და, დასასრულს, მისი მეტად მყარ სამეურნეო თვისებებში.

საფერავის უარყოფით თვისებას წარმოადგენს ის, რომ იგი ნაკლებად უძლებს ფილოქსერას და გარდა ამისა ზოგიერთ ადგილებში ნორმალურზე მეტი ყვავილცვენა იცის. ეს ნაკლი შედარებით ადვილად შეიძლება გამოსწორდეს _ პირველი ფილოქსერაგამძლე საძირეებზე შენობის საშუალებით, ხოლო მეორე ყვავილობის წინ ან მის დასაწყისში მოზარდი ყლორტების წვერების წაწყვეტით.

საქართველოში, გარდა კახეთისა, სადაც მისი ხვედრითი წონა აუცილებლად უნდა იქნეს გადიდებული, ფართოდ უნდა გავრცელდეს საფერავი აგრეთვე ქართლის სამხრეთ_აღმოსავლეთ ნაწილში (თბილისის, მცხეთისა და კასპის რაიონებში) და ფართო ცდები უნდა ჩატარდეს ქართლის დანარჩენ რაიონებშიაც. დასავლეთ საქართველოში ფართოდ უნდა გავრცელდეს საფერავი ზემო იმერეთში _ ზესტაფონის და საჩხერის, აფხაზეთში _ გუდაუთისა და სოხუმის და რაჭა_ლეჩხუმში _ ამბროლაურისა და ნაწილობრივ ცაგერის რაიონებში

04/05/2026

🍇👌

ვაზი რომელიც უძველესია და უდიდეს ისტორიას ატარებს

ძელშავი ადგილობრივი საკმაოდ გავრცელებული ვაზის ჯიშია, იძლევა კარგი ღირსების საკუპაჟე მასალას შამპანურისათვის და საშუალო ღირსების სუფრის ვარდისფერ ღვინოს.
სპეციალურ ლიტერატურულ წყაროებში და ადგილობრივ მევენახეთა შორის ძელშავი ცნობილია აგრეთვე ძველშავისა და ობჩური ძელშავის სახელწოდებით.

ზემო იმერეთის ჩრდილო-აღმოსავლეთ ნაწილში (საჩხერის რ-ნი) ადგილობრივი ძველშავისა და საჩხერის ძველშავის სახელწოდებით გავრცელებული ჯიში სულ სხვაა და იგი ობჩური ძელშავისაგან საგრძნობლად განსხვავდება.

ძელშავი ადგილობრივი დასავლეთ საქართველოს ვაზის ჯიშია, იგი გამოსულია კულტურულ ვაზის ჯიშების წარმოქმნის კოლხეთის კერიდან. თავისი მორფოლოგიური და სამეურნეო ნიშან-თვისებებით იგი მეტად ახლო დგას იმერეთის ვაზის ჯიშებთან.

ჯიშის სახელწოდების ენობრივი ანალიზის საფუძველზე აკად. ივ. ჯავახიშვილი ძელშავს აკუთვნებს საქართველოს უძველეს ვაზის ჯიშთა ჯგუფს. მისი განმარტებით შორეულ წარსულში – დაახლოებით VI საუკუნემდე სიტყვა “ძელი” ფეხზე მდგომ მოუჭრელ ხესა ნიშნავდა, ხოლო სიტყვის მეორე ნაწილი “შავი” ვაზის ერთწლიანი რქების მოყავისფრო შეფერვის გამომხატველია. შემდეგ ძელი, როგორც მოჭრილი ხის აღმნიშვნელი სიტყვა გახდა და ამჟამადაც ამ მნიშვნელობით იხმარება. აღნიშნულის გამო ძელშავი VI საუკუნეზე უფრო ადრინდელ ჯიშად უნდა იქნეს მიჩნეული.

ძელშავი ადგილობრივი უხვომსავლიანი ვაზის ჯიშია. გავრცელებულია ძირითადად იმერეთის რაიონებში, უფრო მეტად მის ცენტრალურ ნაწილში. ძელშავის ყურძნიდან მზადდება სუფრის ორდინალური წითელი ღვინო და ხარისხოვანი საკუპაჟე მასალა შამპანურისათვის. ხშირად, ჯიშის ნარევის სახით გავრცელების გამო, იგი სხვა ჯიშებთან მგალობლიშვილთან ან ოცხანურ საფერესთან ერთად იწურება წითელი ღვინის დასამზადებლად.
ჯიშის დადებით თვისებებს ეკუთვნის – უხვი მოსავლიანობა, ნაცრის მიმართ საკმაოდ კარგი გამძლეობა, შედარებით ნაადრევი სიმწიფე და მისი ვარგისობა სუფრის, შამპანური ღვინისა და ყურძნის წვენის დასამზადებლად.

25/04/2026

International Qvevri Day!

Is celebrated on the last Sunday of April - this year on April 26.

Initiated by the President of the Georgian Sommelier Association, Shalva Khetsuriani, and supported by the National Wine Agency of Georgia, International Qvevri Day has been included in the global wine calendar.

Today, it is already celebrated by the international wine community, including the Association de la Sommellerie Internationale and the Wine & Spirit Education Trust.

Wherever you are - fill your glass with Qvevri Wine and make a QVEVRI toast.

A special glass for qvevri white wine has been selected by Riedel.

Gaumarjos! 🍷

23/04/2026

🍇✨

ბაზალეთური ცოლიკოური ეს ჯიში ბევრს სმენია მაგრამ ნახევარიც კი არ იციან მის შესახებ

ჯიშის სახელწოდება: ბაზალეთური სინონიმი: ბაზალეთური ცოლიკოური,მწვანე ცოლიკოური წარმოშობა: იმერეთი

მოკლე აღწერა: ახალგაზრდა ყლორტი: შებუსული, ზრდის კონუსი და ახალგაზრდა ფოთლები სქელი ქეჩისებური შებუსვით და მუქი ვარდისფერი არშიით ნაპირებზე. ზრდასრული ფოთოლი: დიდი ზომის, ოვალური, იშვიათად მომრგვალო, სამ-, ხუთნაკვთიანი, სუსტად დანაკვთული. ფოთლის ყუნწის ამონაკვეთი ღიაა, ისრისებური, იშვიათად თაღისებური, მახვილი ფუძით. კბილები სამკუთხედისებურია, იშვიათად ხერხკბილა, ცალ მხარეს ამოზნექილი გვერდით. ფოთლის ქვედა მხარე დაფარულია ქეჩისებური შებუსვით. ყვავილი: მდედრობითი. მტევანი: საშუალო ზომის, ცილინდრულ-კონუსური, ზოგჯერ ცილინდრული, ხშირად ფრთიანი, საშუალო სიკუმსის. საშუალო წონა - 118 გ.

მარცვალი: მოყვითალო-მწვანე ფერის, საშუალო სიდიდის, მომრგვალო, ცვილის თხელი ფენით დაფარული. კანისქელი და მკვრივი. რბილობი წვნიანია, ჩვეულებრივი მოტკბო-მომჟავო გემოთი. ყურძნის წვენი: შაქრიანობა 19 - 20 %, მჟავიანობა14 გ/ლ. მოსავლიანობა: 2,6–3,2 კგ/ძირზე. სამეურნეო მიმართულება: საღვინე. ღვინის დახასიათება: სუფრის თეთრი ღვინო, ბაცი ყვითელი ფერის, ხილის არომატით, ნაზი, საკმაოდ სრული, სასიამოვნო, ცოცხალი გემოსი. ცქრიალა ღვინო - ჩალისფერი, ნაზი ჯიშური არომატით, მაღალი, მაგრამ სასიამოვნო მჟავიანობით, ხარისხიანი შუშხუნით. სუფრისა და ცქრიალა ღვინოები დაძველებით უმჯობესდება, მაღალი მჟავიანობა მცირდება და ღვინო ხდება რბილი და ჰარმონიული, კარგი ბუკეტით.

დამატებითი ინფორმაცია: ბაზალეთურს ახასიათებს საშუალო ზრდა-განვითარება და კარგი მოსავლიანობა. ყურძენი სრულ სიმწიფეში შედის სექტემბრის ბოლოს, ოქტომბრის დასაწყისში. ნაკლებად ავადდება სოკოვანი დაავადებებით. დასავლეთ საქართველოს ჯიშებს შორის გამოირჩევა ყინვა- და გვალვაგამძლეობით.

19/04/2026

💫🍇

კრახუნა ბევრისთვის ნაცნობია, მაგრამ მისი მნიშვნელობა ცოტამ იცის

კრახუნა

კრახუნა ადგილობრივი თეთრყურძნიანი ვაზის ჯიშია, მისგან მზადდება იმერული ტიპის მაღალალკოჰოლიანი სასუფრე თეთრი ღვინო. ჯიში გამოსადეგია აგრეთვე მაგარი და სადესერტო ღვინოების დასამზადებლად. კრახუნა გავრცელებულია ძირითადად იმერეთში. თავისი მორფოლოგიური და სამეურნეო ნიშან_თვისებებით კრახუნა თავისუფლად შეიძლება მიეკუთვნოს _ prol. pintica, sub prol. georgica Negr.-ის ეკოლოგიურ_გეოგრაფიულ ჯგუფს, რომელიც კულტურული ვაზის ჯიშების ფორმათა წარმოქმნის კოლხეთის კერიდან არის წარმომდგარი. დასავლეთ საქართველოს ვაზის მთავარ საწარმოო ჯიშებისაგან კრახუნა განსხვავდება ძირითადად უფრო ნაადრევი (ერთი პერიოდით) სიმწიფით და მარცვლის ოვალური ფორმით. აღნიშნულის გამო ზოგიერთი სპეციალისტი (ვ. სტაროსელსკი და სხვ.) კრახუნას კახეთიდან შემოტანილ ჯიშად თვლიდა, მაგრამ აღნიშნულის დასადასტურებლად არავითარი საბუთი, გარდა საკუთარი მოსაზრებისა, არა აქვთ მოყვანილი. ეს მოსაზრება არ უნდა შეეფერებოდეს სინამდვილეს, რადგან, ერთი მხრივ, კრახუნა თავისი მორფოლოგიური ნი- შან_თვისებებით გაცილებით უფრო ახლო დგას დასავლეთის, ვიდრე აღმოსავლეთ საქართველოს ვაზის ჯიშებთან, ხოლო, მეორე მხრივ, არსებული წყაროების მიხედვით აღმოსავლეთ საქართველოში კრახუნა ძველად გავრცელებული არ ყოფილა და არც ახლა არის. მეტად საინტერესო მოსაზრება ჯიშ კრახუნას წარმოშობასთან დაკავშირებით მოყვანილი აქვს თავის კაპიტალურ ნაშრომში აკად. ივ. ჯავახიშვილს (8). მისი განმარტებით კრახუნა~ მარცვლის თვისების გამომხატველი იმერული წარმოშობის სიტყვაა. დასავლეთ საქართველოში ამბობენ: მარცვალი პირში სკდება, კრახუნობს, ხოლო აღმოსავლეთ საქართველოში კრახუნა _ კნატა_კნუტს, კნატუნს~ ნიშნავსო. ცხადია, ჯიში რომ აღმოსავლეთ საქართველოდან იყოს წარმოშობილი მას ალბათ ან კნატუნა~ ერქმეოდა, ან სხვა ამის მაგვარი და მორფოლოგიური ნიშან_თვისებებითაც მათი მსგავსი იქნებოდა. ჯიშის წარმოშობის დროის შესახებ ცნობები არ მოგვეპოვება, მაგრამ ის ფაქტი, რომ კრახუნა ჯერ კიდევ გასული საუკუნის პირველ ნახევარში საკმაოდ ცნობილი ჯიში იყო უფლებას გვაძლევს იგი საშუალო ხნიერების ვაზის ჯიშთა ჯგუფს მივაკუთნოთ. ძველად კრახუნა უფრო ფრთოდ იყო გავრცელებული და იმერეთის ზოგიერთ მიკრორაიონს (სვირი, ობჩა) მან საერთო აღიარება და საპატიო სახელი მოუპოვა, როგორც საქართველოში, ისე საბჭოთა კავშირშიაც.

ბოტანიკური აღწერა

ჯიშის ბოტანიკური აღწერა შესრულებულია მევენახეობისა და მეღვინეობის საქარის საცდელ სადგურზე ქ. ზესტაფონში, ხოლო ახალგაზრდა ნაზარდი და ყვავილი აღწერილია მევენახეობისა და მეღვინეობის ინსტიტუტისსაკოლექციო ნაკვეთზე ქ. თელავში. ვენახი გაფორმებულია სარ_მავთულზე და გასხლულია ორმხრივი შპალერის წესით.ახალგაზრდა ყლორტი. ახალგაზრდა მოზარდი ყლორტის გვირგვინი და პირველი ორი ჯერ კიდევ გაუშლელი ფოთოლაკი შებუსვილია სქელი ქეჩისებრი ბუსუსით, მომწვანო თეთრი ფერისაა, რომლებსაც ღია მოვარდისფრო არშია აკრავს გვირგვინისა და ფოთოლაკების ირგვლივ. მესამე და მეოთხე ფოთლების შებუსვა ზემო მხრიდან მცირდება და მომწვანო_ყვითელი ხდება _ ნარინჯის იერით, ხოლო ქვედა მხრიდან შებუსვის შემცირების გამო მორუხო თეთრია. ყლორტის შებუსვა ზევიდან ქვევით მცირდება.ერთწლიანი რქა. კარგად შემოსული რქა შემოდგომით ღია ყავისფერია მოწითალო იერით; მუხლები უფრო მუქადაა შეფერილი, ვიდრე მუხლთაშორისები. მუხლთაშორისების სიგრძე მერყეობს საშუალოდ 8_დან 12 სმ_მდე. გრძლივი ზოლები მუხლთაშორისების გასწვრივ კარგადაა გამოსახული.ფოთოლი. შუა იარუსის (9_12) კარგად განვითარებული ფოთოლი საშუალო სიდიდისაა. ფოთლის ფირფიტა მომრგვალოა, უფრო ხშირად იგი განიერ_ოვალურია, ვიდრე მოგრძო. ფოთლის სიგრძე საშუალოდ 17_18 სმ, ხოლო განი 18_19 სმ უდრის. ფოთოლი მუქი მწვანე ფერისაა, უფრო ხშირად იგი ხუთნაკვთიანია, იშვიათად სამნაკვთიანი ფოთლებიც გვხვდება. ფოთლის ზედაპირი ხშირად მსხვილბურთულებიანი, იშვიათად იგი ბადისებრ დანაოჭებული, ან წვრილბურთულებიანია. ფოთლის ზედა ნაკვთი თითქმის მუდამ ბლაგვკუთხიანია. ფოთლის მოხრილობა უსწორმასწოროა, ხშირად ქვედა ნაკვთების ზევით აწევის გამო ფოთოლი ძაბრისებრ ფორმას იღებს.