ჩვენი ისტორია იწყება ღვინის და კულინარიის სიყვარულით.
პირველად ღვინო დავწურეთ 2010წ. როდესაც დუშეთის რაიონის სოფელ არაგისპირში შევიძინეთ სახლი და პირველი მოსავალიც იქ დავწურეთ.
2018 წლიდან ჩამოვყალიბდით, როგორც კომპანია. ღვინოს ვაწარმოებთ ქართლის რაიონში მოწეული ბიოლოგიურად სუფთა ყურძნის ჯიშებისაგან: ჩინებული, მერლო, სირა ხოლო კახეთის მხარიდან, რქაწითელს და მწვანეს. წელს კი დავამატეთ თა
ვკვერი (ქართლი). ჩვენი მიზანია, რომ საქართველოს სხვასასხვა რეგიონის გამორჩეული ჯიშებისაგან ვაწარმოოთ საინტერესო და განსხვავებული ღვინოეები.
ჩვენი სურვილია შევქმნათ არაგვის ხეობაში, არაგვისპირას, მარანი, სადაც ვიცხოვრებთ, შევქმნით ღვინოს და ვუმასპინძლებთ მხოლოდ სეზონური და ადგილობრივი პროდუქტებისგან მომზადებული გასტრონომიული კერძებით და ჩვენ ღვინოსთან ერთად ახალ გემოვნურ რეცეპტორებთან ვაზიარებთ ჩვენ სტუმრებს .
ღვინო ეს არის ენერგია, რომელიც მიწიდან, ვაზიდან გადაეცემა მეღვინეს და მერე ამ ენერგიას სხვებსაც უზიარებს ან აზიარებს. ჩვენი ენერგია სიკეთეზე, თავისუფლებაზე, თანასწორობაზე და სიყვარულზეა.
გარდა ღვინისა, გაჩნდა იდეა, რომ გვეწარმოებინა კულინარიული ხაზიც . შეგვეთავაზებინა ტრადიციული სოუსები, გამომშრალი პომიდორი და ჭაჭაში დავარგებული გამომშრალი შავი ქლიავი. ეს ყველაფერი ჩვენი მარნის წარმოებას 2020 წელს დაემატა.
ამაჟამად გთვაზობთ სამი დასახელების ღვინოს, რომელიც დამზადებულია როგორც კახური ისე კლასიკური ტექნოლოგიით. ასევე, ვაწარმოებთ ჭაჭას და ალუბლის ლიქიორს .
• ჩინებული
• სოფია (მერლიო-სირა)
• რქაწითელი
• რქაწითელი-მწვანე
კულინარიული ხაზით კი წარმოგიდგენთ
• ტყემალი წითელი
• ტყემალი მწვანე
• პომიდვრის და წითელი ბულგარულის საწებელი
• გამომშრალი პომიდორი მთის სუნელებით
• გამომშრალი ქლიავი ჭაჭაში დავარგებული
