BGROW ბიზნესის ზრდისა და განვითარების უნიკალური პროგრამაა, რომელიც სპეციალურად მცირე და საშუალო ბიზნესების გაძლიერებისთვის შეიქმნა. პროგრამა გლობალური მენეჯმენტ საკონსულტაციო კომპანია ეისითის და მისი პარტნიორების მიერ მომზადდა, რომლის მიზანიც ბიზნეს-კომპეტენციების გაზრდითა და მენტორების გრძელვადიანი მხარდაჭერით მნიშვნელოვანი ცვლილებების განხორციელებაში ბიზნეს მმართველების დახმარებაა. BGROW-ს უნიკალური მიდგომა 3 კონტინენტზე, 25-ზე მეტ ქვეყანაში ბიზნესებთან ეისითის წარმატებული თანამშრომლობის 20 წლიან გამოცდილებას ეფუძნება.
ჩვენ გვჯერა, რომ თანამედროვე ეპოქაში ადამიანს აქვს უამრავი შესაძლებლობა მიიღოს გრძელვადიანი აკადემიური განათლება, ან შეავსოს ცოდნა მოკლევადიანი პრაქტიკული კურსებით. თუმცა ჩვენი გამოცდილებით, ყველაზე რთული მიღებული ცოდნის საკუთარ ბიზნესში კონკრეტულ გადაწყვეტილებებად ქცევაა. BGROW-ს უნიკალური პროგრამა, სწორედ ამ გამოწვევას პასუხობს: 6 თვის განმავლობაში თქვენ იმუშავებთ თქვენი ბიზნესისთვის აქტუალურ რეალურ საჭიროებებზე, მოახდენთ თქვენი ცოდნის გადატანას ბიზნესისათვის მნიშვნელოვან და ეფექტურ გადაწყვეტილებებში და რაც მთავარია, მიიღებთ მენტორების მხარდაჭერას აღნიშნულ პროცესში, რითიც მინიმუმამდე დაიყვანთ შეცდომების ალბათობასა და გაზრდით თქვენი კომპანიის განვითარების ტემპს.
