LSG Solutions • ელესჯი სოლუშენს

Name: LSG Solutions • ელესჯი სოლუშენს
Address: 14 Merab Kostava Street, Tbilisi, 0108, GE
Telephone: +995322054544
Price range: Not Applicable

Home
Georgia
Tbilisi
LSG Solutions • ელესჯი სოლუშენს

პროექტირება და მშენებლობის მენეჯმენტი - LSG Solutions

LSG Solutions-ის მომსახურება მოიცავს პროექტირებისა და მშენებლობის მენეჯმენტის სრულ სპექტრს. პროექტირების ფარგლებში LSG Solutions-ი გთავაზობთ არქიტექტურულ, კონსტრუქციულ და საინჟინრო სერვისებს. მშენებლობის მენეჯმენტის მიმართულებით კომპანია უზრუნველყოფს პროექტირების პროცესის მართვას, ხარჯების დაგეგმარებასა და ტენდერების მართვას. ასევე მშენებლობის ზედმახედველობას და შენობის ექსპულატაციაში მიღების ეტაპ

ზე მხარდაჭერას. გარდა ამისა, LSG Solutions-ს პროცესების მართვა სრულად აქვს გაციფრულებული და იყენებს Procore Technologies-ს. რეგიონში არსებული სტანდარტების ამაღლებისა და ევროპულ მიდგომებთან მიახლოვებისთვის LSG Solutions თანამშრომლობს ისეთ ლიდერ კომპანიებთან, როგორიცაა Multiconsult Group - 1908 წელს ნორვეგიაში დაფუძნებული სამშენებლო კონსულტაციის კომპანია.

10/06/2026

LSG Solutions Hospitality Investment Forum (HIF) Yerevan 2026-ზე სტრატეგიული პარტნიორის როლში იქნება წარმოდგენილი.

HIF Yerevan 2026 საერთაშორისო პლატფორმაა, რომელიც აერთიანებს სტუმარმასპინძლობის, უძრავი ქონების, ინვესტიციებისა და დეველოპმენტის სფეროს ლიდერებს, ინვესტორებსა და გადაწყვეტილების მიმღებ პირებს სექტორის განვითარების, ახალი ტენდენციებისა და სამომავლო შესაძლებლობების შესახებ მნიშვნელოვანი დისკუსიებისთვის.

ფორუმის ფარგლებში LSG Solutions-ის თანადამფუძნებელი და აღმასრულებელი დირექტორი, სოსო ბერიძე, სპიკერის სტატუსით მონაწილეობას მიიღებს პანელურ დისკუსიაში - Hospitality 2030: New Formats, Lifestyle Concepts & Hybrid Models, სადაც კომპლექსური პროექტების დაგეგმვისა და განხორციელების გამოცდილებაზე დაყრდნობით ისაუბრებს, როგორ ცვლის სტუმარმასპინძლობის ახალი ფორმატები საინვესტიციო მიდგომებს, პროექტების სტრატეგიულ დაგეგმვასა და გრძელვადიან ოპერაციულ ეფექტიანობას.

LSG Solutions-ისთვის მსგავსი საერთაშორისო პარტნიორობები წარმოადგენს მნიშვნელოვან შესაძლებლობას პროფესიული გამოცდილების გაზიარებისა და იმ დიალოგში მონაწილეობისათვის, რომელიც სექტორის ახალ მიმართულებებსა და განვითარების სტანდარტებს აყალიბებს.

08/06/2026

LSG Solutions ჩართული იყო Tegeta Logistic Center-ის განვითარების საწყის და სტრატეგიულ ეტაპებზე, სადაც პროექტის ფორმირებაში მნიშვნელოვანი როლი შეასრულა.

ჩვენი ჩართულობა მოიცავდა ტექნიკური დავალების შემუშავებას, საერთაშორისო ტენდერის პროცესის მართვასა და ლოგისტიკური მიმართულებით სპეციალიზებული საპროექტო კომპანიის შერჩევას, რაც ეფექტური და მაღალი ხარისხის პროექტის განხორციელებისთვის მყარ საფუძველს ქმნის.

ლოგისტიკური ინფრასტრუქტურის პროექტებში სწორედ საწყის ეტაპზე მიღებული გადაწყვეტილებები განსაზღვრავს პროექტის გრძელვადიან ეფექტიანობას, ოპერაციულიპროცესების გამართულობასა და ინფრასტრუქტურის შესაძლებლობას, ეფექტურად უპასუხოს ბიზნესის მიმდინარე და სამომავლო საჭიროებებს.

03/06/2026

ვამაყობთ, რომ სერტიფიცირებულები ვართ მსოფლიოს ერთ-ერთი წამყვანი სასერტიფიკაციო ორგანიზაციის BSI UK-ის მიერ.

ISO 19650 წარმოადგენს საერთაშორისო სტანდარტს, რომელიც არეგულირებს ინფორმაციის მართვას BIM (Building Information Modeling) გარემოში პროექტის სრული სასიცოცხლო ციკლის განმავლობაში.

მიღებული სერტიფიკატი ადასტურებს LSG Solutions-ის ერთგულებას სტრუქტურირებული პროცესების, ეფექტური კოორდინაციისა და მონაცემებზე დაფუძნებული გადაწყვეტილებების მიმართ, საერთაშორისო საუკეთესო პრაქტიკის შესაბამისად.

BIM მეთოდოლოგიების დანერგვით ვზრდით საპროექტო პროცესების სიზუსტეს, ვამცირებთ რისკებს და ხელს ვუწყობთ პროექტების უფრო ეფექტიან და პროგნოზირებად განხორციელებას.

___

We are proud to be certified by one of the world’s leading certification organizations - BSI Group.

ISO 19650 is an international standard governing information management within a BIM (Building Information Modeling) environment throughout the entire project lifecycle.

This certification confirms LSG Solutions’ commitment to structured processes, effective coordination, and data-driven decision-making aligned with international best practices.

By implementing BIM methodologies, we enhance design accuracy, reduce risks, and support more efficient and predictable project delivery.

27/05/2026

LSG-ის გუნდში დიდი იდეები თანამშრომლობით იბადება. საუკეთესო შედეგები იქმნება მაშინ, როდესაც განსხვავებული გამოცდილება, ექსპერტიზა და ხედვები ერთი საერთო მიზნის გარშემო ერთიანდება.

26/05/2026

თავისუფლება არის ის, რაც გვაერთიანებს, გვაძლიერებს და გვაძლევს შესაძლებლობას, ერთად შევქმნათ უკეთესი მომავალი.

გილოცავთ დამოუკიდებლობის დღეს!

13/05/2026

Lechkombinati N1 წარმოადგენს მასშტაბურ პროექტს ვაკეში, რომელიც ახალ ფუნქციას და დანიშნულებას სძენს თბილისის ერთ-ერთ მნიშვნელოვან ტერიტორიას. პროექტი აერთიანებს მულტიდისციპლინარულ სამედიცინო ცენტრს, გამწვანებულ პარკსა და მუზეუმს, რის შედეგადაც იქმნება ახალი მრავალფუნქციური სივრცე.

LSG Solutions ახორციელებს პროექტის მენეჯმენტს, რაც უზრუნველყოფს კოორდინირებულ განვითარებას და ეფექტურ შესრულებას.

05/05/2026

Gonio Yachts & Marina წარმოადგენს შავი ზღვის სანაპიროზე
განვითარებულ მასშტაბურ პროექტს, რომელიც აერთიანებს საცხოვრებელ გარემოს, იახტების ნავსადგურსა და მრავალფუნქციურ საზოგადოებრივ სივრცეებს.

პროექტში LSG Solutions ასრულებს Architect of Record და Design Management ფუნქციებს და უზრუნველყოფს დიზაინის მართვას, საინჟინრო დისციპლინების კოორდინაციასა და პროექტის ტექნიკურ სრულყოფას განვითარების სხვადასხვა ეტაპზე.

27/04/2026

LSG Solutions მონაწილეობდა ერთობლივ დასაქმების ფორუმში - Job Fair, რომელიც აგრარული და თავისუფალი უნივერსიტეტების სტუდენტებისთვის ბენდუქიძის კამპუსში გაიმართა.

ღონისძიების ფარგლებში სტუდენტებს დავუსვით რამდენიმე შეკითხვა ჩვენი საქმიანობისა და პროფესიული არჩევანის შესახებ.

იხილეთ მათი პასუხები 🎥

21/04/2026

მოხარულები ვართ გაგიზიაროთ, რომ ჩვენი თანადამფუძნებელი, გოგა გუჯეჯიანი, მიღებულია Harvard Graduate School of Design-ის AMDP Class 27 პროგრამაში, რომელიც 2026 წლის ივლისში დაიწყება.

მსგავსი გამოცდილება აფართოებს პროფესიულ ხედვას როგორც ინდივიდუალურ, ასევე გუნდურ დონეზე და აძლიერებს იმ კოლექტიურ ცოდნას, რომელზეც LSG Solutions-ის გუნდი დგას.

ვამაყობთ ამ მიღწევით და ვუსურვებთ წარმატებებს ახალ, მნიშვნელოვან ეტაპზე.

14/04/2026

LSG Solutions-მა მონაწილეობა მიიღო American Chamber of Commerce in Georgia-ს მიერ ორგანიზებულ პანელურ დისკუსიაში, რომელიც სამშენებლო სექტორში მიმდინარე მნიშვნელოვან განვითარებებს დაეთმო.

დისკუსია შეეხო ინდუსტრიის აქტუალურ ტენდენციებს და პროექტის მართვის თანამედროვე მიდგომებს.

კომპანიის მხრიდან სპიკერად წარდგა ირაკლი უკლება - პროექტების დირექტორი, რომელმაც გააზიარა LSG Solutions-ის გამოცდილება დიზაინისა და პროექტის მართვის მიმართულებით და მიმოიხილა თანამედროვე საინჟინრო პრაქტიკა.

Address

14 Merab Kostava Street
Tbilisi
0108

Telephone

+995322054544

Website

http://lsg.solutions/

Alerts

Be the first to know and let us send you an email when LSG Solutions • ელესჯი სოლუშენს posts news and promotions. Your email address will not be used for any other purpose, and you can unsubscribe at any time.

Contact The Business

Send a message to LSG Solutions • ელესჯი სოლუშენს:

Shortcuts

Want your business to be the top-listed Business in Tbilisi?