04/04/2026
🌾 მაგარი ჯიშის ხორბლის ფქვილი სემოლა
შეუცვლელია პასტის, პურ-ფუნთუშეულისა და პიცის წარმოებისთვის
პროდუქტი ნამდვილი პასტის წარმოებისთვის, უნიკალურობის მისანიჭებლად და პიცის ცომთან მუშაობის კომფორტისთვის.
სემოლას იტალიურ ფესვებში ეჭვის შეტანა არც ღირს – პასტისა და პიცის სამშობლოში სემოლა პიცისა და პასტის შექმნისთვის საჭირო განუყრელი ინგრედიენტია.
🔬 წარმოების თავისებურება:
მაგარი ჯიშის ხორბლის გადამუშავების ტექნოლოგია განსხვავდება რბილი ჯიშის ფქვილის წარმოების პროცესისგან. სწორედ, აქედან გამომდინარე ჩვენს მიერ დამზადებული სემოლა შეუცვლელია პასტის წარმოებისთვის, პიცის ცომთან მუშაობისთვის და ზოგიერთი სახეობის პურ-ფუნთუშეულის დასამზადებლად.
მაგარი ჯიშის ხორბლისგან დაფქულ ფქვილს აქვს ხოროშოიანი (rough) სტრუქტურა, მარცვლის სიმაგრის გამო ის იფქვება ნამცეცებად (ბურღულოვანი სახით).
🍝 სემოლა პასტისთვის
სემოლა აყალიბებს მაღალხარისხიან წებოგვარას, რომელიც გაწელვისას ქმნის ძლიერ, მდგრად მასას – ეს იძლევა საშუალებას მომზადდეს მაღალი ხარისხის პასტა, რომელიც ხარშვის პროცესში არ ჩაიხარშება და შეინარჩუნებს გემოს, ფორმასა და ჯეროვან ტექსტურას.
🍕 სემოლა პიცისთვის
სემოლა შეხებით წვრილ ბურთულებს მოგვაგონებს, სწორედ ამიტომ არის ის იდეალური პიცის ცომის გასაწელად. მაგარი ჯიშის ფქვილის ნამცეცები ასრულებენ „სახსრების“ როლს – პიცის ელასტიური ცომი შესანიშნავად იწელება, ხოლო პიცის ზედაპირზე რჩება გარკვეული რაოდენობის ყვითელი ნამცეცები, რომლებიც ღუმელში ნაკლებად იწვის, ვიდრე ჩვეულებრივი ფქვილი, და ქმნის ლამაზ ორნამენტს და სასიამოვნო ტექსტურას.
⚠️ მნიშვნელოვანი განსხვავება: სემოლა vs მანანის ბურღული (ე.წ. მანკა)
ზოგიერთი პიცეიოლო, სემოლას არქონის გამო, მანანის ბურღულს (ე.წ მანკას) იყენებს. თუმცა მანანის ბურღული არის პროდუქტი, რომელიც მიიღება რბილი ჯიშის ხორბლისგან ფქვილის წარმოების პროცესში; ეს არის მარცვლის საკმაოდ დიდი ნამსხვრევები გარსის ნარჩენებით. არსებითად, ეს არის რბილი ჯიშის ხორბლის ფქვილის წარმოების შუალედური პროდუქტი. სწორედ ამიტომ, მანანის ბურღული ხშირად არის „ჭრელი“ – ღია ნაწილაკებს შორის გვხვდება მუქი ფერის ჩანართები (გარსი) და ის არც ისე გამოსადეგია პიცის ცომის გასაწელად.
