ქართული ღვინის ცენტრი/ Georgian Wine Center

  • Home
  • Georgia
  • Tbilisi
  • ქართული ღვინის ცენტრი/ Georgian Wine Center

ქართული ღვინის ცენტრი/ Georgian Wine Center ბარათაშვილის ქ.1 კოლმეურნეობის მოედა?

Permanently closed.
12/05/2026

#ღვინისეროვნულისააგენტო საჯაროდ არ მპასუხობს. ვენახის გაშენებას ახლო მომავალში არ ვაპირებ, საკითხი კი ერთობ საინტერესოდ მიმაჩნია და ამ პოსტის მიზეზიც ეს არის. მოგეხსენებათ ვაზისა და ღვინის კანონში შესული ცვლილებით, სამეწარმეო ვენახის გასაშენებლად სააგენტოს თანხმობაა საჭირო. კანონში არაფერია ნათქვამი, მაგრამ როგორც ჩანს, ეს თანხმობა ადგილწარმოშობის დასახელების ტერიტორიაზე გასაშენებელ ვენახზეც ვრცელდება. ძნელი დასაჯერებლია, მაგრამ გამოდის, რომ სააგენტომ ჩაატარა საკმაოდ დიდი მოცულობის, მათ შორის დიდ ხარჯებთან დაკავშირებული სამუშაო, რათა გარკვეულ ტერიტორიებზე შეესწავლა ნიადაგის თვისებები, სხვადასხვა ყურძნის ჯიშების პოტენციალი ადგილარმოშობის ღვინის წარმოებისთვის, განსაზღვრა აგროტექნიკური სამუშაოების მახასიათებლები და ახლა იგივე ტერიტორიაზე ვენახის გაშენებისთვის აწესებს თანხობის გაცემის პროცედურას, რითაც ეჭვის ქვეშ აყენებს თავის მიერ დაწესებულ ნორმატივს. სხვა სიტყვებით თუ თანხმობა ამ ტერიტორიაზე არსებულ ნაკვეთზე არ გასცა მაშინ ეს ტერიტორია ადგილწარმოშობიდან უნდა ამოიღოს და აღიაროს, რომ შეცდომით იქნა შეყვანილი. ასე, რომ მევენახეების გარდა სააგენტომ თავსატეხი თავისთვისაც გაიმზადა.
ცნობისათვის ადგილწარმოშობა "კახეთი" მთელ კახეთს მოიცავს.

13/12/2025

როგორ ფიქრობთ, რა განაპირობებს ქვევრის კახური ღვინის მზარდ პოპულარობას მთელს მსოფლიოში?
მოგეხსენებათ, ღვინის მთავარი მახასიათებელი, რა თქმა უნდა ალკოჰოლის შემდეგ, მისი გემოა. საყოველთაოდ ცნობილია, რომ არომატების ძირითადი წყარო ღვინოში ყურძნის კანია. სწორედ კანშია კონცენტრირებული ყურძნის არომატების ალბათ 80% -ზე მეტი. ევროპული ტიპის ღვინის წარმოებისას ჩვენ თავიდანვე ვაცილებთ ერთმანეთს ყურძნის წვენს და კანს და იმის გამო, რომ არომატული ნივთიერებების უმეტესობა სპირტში ხსნადია, ხოლო გამოწნეხვის ეტაპისთვის, გამოსაწნეხ მასაში სპირტი საერთოდ არ არის, ასევე, ყურძნის კანისა და წვენის კონტაქტი (ანუ მაცერაცია) ძალიან ხანმოკლეა, შესაბამისად, არომატების ექსტრაქცია, მომავალ ღვინოში გადასვლა არ ხდება და მათი, ანუ გემოს 80% -ს ჩვენ ჭაჭასთან ერთად უბრალოდ ვყრით. ამის შემდეგ, იმ მიზნით, რომ წვენში დარჩენილი არომატები მაქსიმალურად შევინარჩუნოთ, დუღილის ტემპერატურას ხელოვნურად დაბლა ვწევთ და გახანგრძლივებულ დუღილთან დაკავშირებულ მიკრობიოლოგიურ პრობლემებს გოგირდის ანჰიდრიდის მაღალი კონცენტრაციით ვარეგულირებთ. ამ ყველაფერში ლოგიკის დანახვა ძნელია, მაგრამ საქმეში სიყვარული ერთვება- მსუბუქი, ნაკლებტანინიანი ღვინის სიყვარული. ამ ხერხით ჩვენ ღვინის მაღალექსტრაქტულობას და ტანინებს ვებრძვით, იმ ტანინებს, რომლებიც ყველაფერთან ერთად სიცოცხლეს ახანრძლივებენ და რომლებსაც, ხანდახან, მუხის კასრებში დავარგებით ჩვენ ისევ ვამატებთ ღვინოში, მაგრამ ეს უკვე სხვა ისტორიაა.
კახური ღვინის წარმოებისას ყველაფერი პირიქით ხდება - დუღილში ყურძნის ყველა ნაწილი იღებს მონაწილეობას, ექსტრაქცია ხანგრძლივია, მაღალტემპერატურული და სპირტის მონაწილეობით მიმდინარეობს. დუღილი ხანმოკლეა, ანჰიდრიდი ნაკლებად საჭირო.
როგორც ჩანს, მსოფლიომ ჩათვალა, რომ ტანინებთან ბრძოლას, არომატული და ძარღვიანი ღვინის სმა ურჩევნია და სწორედ ამიტომ იზრდება დღითიდღე კახური ღვინის პოპულარობა.

Address

1, Baratashvili Str
Tbilisi

Telephone

+995322995857

Website

Alerts

Be the first to know and let us send you an email when ქართული ღვინის ცენტრი/ Georgian Wine Center posts news and promotions. Your email address will not be used for any other purpose, and you can unsubscribe at any time.

Shortcuts

Share

Category