15/04/2019
არის თუ არა შესაძლებელი აღწერო შენი ბიზნეს იდეა ორ წინადადებაში? ან კიდევ, იდეალურ შემთხვევაში, ერთ წინადადებაში?😮
მიმზიდველად აღწერილი შენი ბიზნეს იდეა უნდა იყოს განსხვავებული, ლაკონური და შეიცავდეს ზუსტ გზავნილებს.☝️👌
მან უმალვე უნდა მიიპყროს პოტენციური დამფინანსებელის/შემფასებლის ყურადღება და ათქმევინოს: ოჰო! ეს საინტერესოა... მოდი, გავიგოთ უფრო მეტი.👏👍
სულ უფრო მეტი საკონსულტაციო კომპანიები და ექსპერტები თანხმდებიან იმაზე, რომ:
👉„თუ შენ არ შეგიძლია ბიზნეს იდეა აღწერო ერთ წინადადებაში, მაშინ ის ბოლომდე ვერ გაგითავისებია“.
როცა მეწარმე აყალიბებს ასეთ კონკურენტუნარიან ბიზნეს იდეას, მან უნდა უპასუხოს შემდეგ კითხვებს:
✅რა არის ჩემი პროდუქტი/სერვისი?
✅რა შეუძლია ჩემს პროდუქტს/სერვისს?
✅რით არის ის განსხვავებული ან უკეთესი?
✅ვინ იქნება ამ პროდუქტის/სერვისის მყიდველი და რატომ?
✅რა ფორმით/გზით იქნება ეს პროდუქტი/სერვისი შეთავაზებული მიზნობრივი ბაზრისათვის?
✅ვინ არიან ჩემი კონკურენტები?
ამ კითხვებზე პასუხის შედეგად ბიზნეს იდეაში მკაფიოდ უნდა ჩანდეს:
✅კომპანია(მეწარმე)
✅მკაფიოდ განსაზღვრული შეთავაზება
✅მიზნობრივი მომხმარებელი/ბაზარი/აუდიტორია
✅პრობლემა/მტკივნეული წერტილი, რომლის მოხსნას პირდები მომხმარებელს
✅ემოციის, გრძნობების გამომწვევი ორიგინალური „გარნირი“,
ახლა განვიხილოთ ერთ-ერთი აბსტრაქტული მაგალითი და ვნახოთ რამდენად შეესაბამება ის მიმზიდველი, კონკურენტუნარიანი ბიზნეს იდეის მოდელს.👉
კომპანია „ჩიჩიტო“ აწარმოებს ეკოლოგიურად სუფთა გარემოში მოყვანილი, განსაკუთრებულად დამზოგავი ტექნოლოგიით გამომშრალი ხილ-კენკრის ჩირის ასოროტის წასახემსებელ ერთჯერად ულუფებს კონკურენტუნარიანი ფასებით, რომელიც უზრუნველყოფს მოზარდის დღიური მოთხოვნილების 70%-ს სასიცოცხლოდ მნიშვნელოვან მიკროელემენტებზე და ვიტამინებზე.
👍გარკვეულად ჩანს კომპანიის დასახელება და სპეციალიზაცია
👍ნათლად ჩანს შეთავაზება - წასახემსებელი ჩირის ასორტი
👍ნათლად და მკაფიოდ ჩანს სამიზნე ჯგუფი - მოზარდი, რომელიც შესაძლებელია იყოს სკოლის მოსწავლე, ან კოლეჯის და უმაღლესი სასწავლებლის სტუდენტი
👍განსაზღვრულია პრობლემა/საჭიროება - მოზარდებისათვის სასიცოცხლოდ მნიშნელოვანია გონებრივი და ფიზიკური დატვირთვის საკომპენსაციოდ ვიტამინებითა და მიკროელემეტებით კარგად დაბალანსებული წასახემსებელი.
👍ორიგინალური „გარნირი“ - კომპანიის პროდუქტი აღძრავს უაღრესად დადებით ემოციებს(საიმედობის, დაცულობის, სარგებლიანობის), რადგან ეკოლოგიურად ჯანსაღი, მაღალი კვებითი ღირებულების წასახემსებელის მცირე ულუფის მიღებით შესაძლებელი ხდება მოზარდის დღიური ნორმის დიდი ნაწილის უზრუნველყოფა აუცილებელ მიკროელემენტებზე და ვიტამინებზე.
ახლა გავიხსენოთ „მკვლელი“ ბიზნეს იდეის ოთხი ძირითადი მაჩვენებელი და განვიხილოთ, რამდენად შესაძლებელია მათი შემჩნევა ზემოთ მოყვანილ მოდელში:
👌ინოვაციურობა - განსაკუთრებულად დამზოგავი ტექნოლოგია
👌უნიკალობა - ჩირის ასოროტის წასახემსებელი ერთჯერადი ულუფები კონკურენტუნარიანი ფასებით
👌პრობლემის მოხსნის უნარი - უზრუნველყოფს მოზარდის დღიური მოთხოვნილების 70%-ს სასიცოცხლოდ მნიშვნელოვან მიკროელემენტებზე და ვიტამინებზე. ემოციური მუხტი მიზნობრივ მომხმარებელში.
👌მომგებიანობა - ზუსტად განსაზღვრული სამიზნე ჯგუფი - საბაზრო ნიშა, ზრდის პოტენციალით.
ახლა წარმოიდგინეთ შემფასებლის რეაქცია, როდესაც ანალოგიური იდეა ჩამოყალიბებული იქნება ქვემოთ მოცემული სახით, როგორც ამას აკეთებს ბიზნეს იდეის ავტორთა აბსოლუტური უმრავლესობა😔
კომპანია „ჩიჩიტო“ აწარმოებს ხილ-კენკრის ჩირის დაფასოებულ ასორტიმენტს, რომელის გაყიდვა დაგეგმილია ზუგდიდის რეგიონის მაღაზიათა ქსელში. ბაზარზე საშუალო დონის კონკურეციის პირობებში ჩვენი პროდუქციის მაღალი ხარისხი უზრუნველყოფს სტაბილურ შემოსავლებს და მაღალ რენტაბელობას.
☝️არ ჩანს ინოვაციურობის მარცვალი
☝️არ ჩანს პროდუქტის უნიკალობა, შეთავაზების უნიკალობა
☝️არ ჩანს ზუსტად განსაზღვრული მიზნობრივი ნიშა და მტკივნეული წერტილები, რომლის მოხსნას შეძლებდა შეთავაზებული პროდუქტი
☝️ზუსტად განსაზღვრული საბაზრო ნიშის გარეშე შეუძლებელია დაასაბუთო სტაბილური შემოსავლების პერსპექტივა.
😞ჩვენს წინაშეა არაფრით გამორჩეული, ორდინალური ბიზნეს იდეა, რომლის გაცნობა არ იწვევს რაიმე ინტერესს ინვესტორში/შემფასებელში. როგორც წესი, ასეთ დოკუმენტი განწირულია „მესამე კალათისათვის“.
ახლა დროა შევაჯამოთ ყველაფერი ის, რასაც თითქმის ათამდე პოსტი მივუძღვენით.
👍ეცადე ჩამოაყალიბო შენი ბიზნეს იდეა მაქსიმუმ 2 წინადადებაში. თუ ამას მოახერხებ ერთი წინადადებით, გაცილებით უკეთესი იქნება. თუ შენ თვითონ აღფრთოვანებული დარჩი საბოლოო ვარიანტით, პირველი ტესტი გავლილი გაქვს.
👍აჩვენე(წაუკითხე, აუხსენი) შენი ბიზნეს იდეა შენს ბავშვს(შვილიშვილს), ბებიას. 💑👩❤️👩თუ მათ გაიგეს იდეა და მოეწონათ, ჩათვალე, რომ ის მით უმეტეს გასაგები იქნება ექსპერტისთვის.
👍აჩვენე(წაუკითხე, აუხსენი) შენი ბიზნეს იდეა შენს მეგობარს, ახლობელს, რომელსაც ენდობი(არ მოგპარავს იდეას). თუ მან უპრობლემოდ გაიგო შენი ბიზნეს იდეა და გულწრფელად გამოხატა დადებითი ემოციები, ჩათვალე, რომ შენმა იდეამ მორიგი წარმატებული ტესტი გაიარა.
👍ბოლოს, აჩვენე შენი ბიზნეს იდეა შენთვის სანდო ბიზნეს კონსულტანტს/ექსპერტს. თუ მისი დადებითი ექსპერტული შეფასება დაიმსახურე, შეგიძლია თამამად გადახვიდე მის ბიზნეს შესაძლებლობად გარდაქმნაზე - ბიზნეს გეგმად ჩამოყალიბებაზე.
ასეთი ტესტის გავლა აგაცილებს მნიშვნელოვანი რესურსების - დროის, ფინანსების ხარჯვას და რაც ყველაზე მთავარია, აგაცილებს იმედგაცრუებას, თვითრწმენის დაკარგვას.👍
👉მხოლოდ მაშინ, როდესაც არსებობს კარგი ბიზნეს იდეა და ის მკაფიოდ არის ჩამოყალიბებული, აზრი აქვს მისი ბიზნეს შესაძლებლობად - ბიზნეს გეგმად- გარდაქმნის პროცესის დაწყებას.
