31/08/2025
記第2次出市集
作為街坊知道 .337 要last day, 見到會攪地攤市集即刻好想參加，好好地告別，多謝比我參加先有呢個咁好既體驗。
今次帶住鮮花同即席寫字係第一次，天氣有少少風加上chill chill地既vibe, 寫寫下字都真係恍如進入一人之境。
今次主要想分享一d大家未必常見到而係呢個天氣算比較襟擺既花，我刻意冇帶玫瑰（但日本wedding dress係例外，真心太靚），好成功地令大家好好奇知道唔同花既名。另外一個concept, 係想示範比大家用日常會遇到既cold brew樽/水樽/香水樽/香薰樽等等既靚樽，插d小碎花，已經係一幅漂亮既風景。再加上自己favourite quote點綴的話，係屋企或辦公室好好為自己打氣。
一定要多謝既係由前期籌備到當日現場都十足支持既 🫶🏻🫶🏻🫶🏻作為I人既我又multi-tasking不能，真心好需要E人又行動力高既人幫我一把。冇你冇我🥹
好鍾意市集既氣氛，遇到欣賞自己既知音人，又可以認識其他檔主，吹下水又飲飲食食，同埋街坊。當然唔少得既係隔離檔既 .botanical .florist 係佢地身上都學到好多。雖然我地都係以花出發，但着眼點唔同，（我好鍾意佢地既idea, super creative), 有一種百花齊放既感覺我覺得好好。
當然一定要多謝攪手Gigi, 臨畢業仲咁有心做呢件事，仲要請我地食咁好食既散水餅 .hk
好多謝你建立左呢個空間，一個社區係好需要呢種凝聚。雖然知道休息係為左走更遠既路，但真心，好唔捨得🥹
多謝唔認識我既你地贊助左我咁多杯咖啡，太好啦😌希望未來再有呢d市集再見呀🤍
