綠在駿洋 Chun Yeung Recycling Store

07/09/2026

《綠識AI一分鐘 · 環保開學小習慣🎒🌿》
‎ ‎
新學年開始，亦係培養環保習慣嘅好時機😆！同學可以由日常用品做起，例如重用紙袋做書套、用舊衣物整筆袋、用玻璃樽或紙筒收納文具，並做好👉🏻分類回收，實踐升級再造同惜物減廢。♻️
‎ ‎
👩🏻‍🏫課堂上亦可以善用舊物料發揮創意，例如將膠樽變成小盆栽🪴、用舊報紙或蛋盒製作手工作品✏️，將環保、回收同學習結合。透過動手做，學生可以培養珍惜資源、減少浪費嘅生活態度✨
‎ ‎
💚環保教育可以由開學第一日開始。每一個小改變，都係為地球出一分力，一齊建立更綠色嘅校園同未來啦！🌱
‎ ‎‎ ‎
📅 以上由 AI 輔助總結及翻譯: https://www.plt.org/educator-tips/back-school-eco-friendly-activities/
‎ ‎
📩 想了解正確回收、源頭減廢同綠色生活？
綠在區區回收環保站👉🏻免費工作坊♻️現正接受預約，歡迎團體查詢！我哋可提供外展/到訪服務，將環保教育帶到校園及社區。✨
‎ ‎‎ ‎
#基督教家庭服務中心 #綠在區區 #環保及綠色生活 #開學季 #環保開學 #升級再造 #分類回收 #綠色校園 #珍惜資源

04/09/2026

🍳 「識煮惜食」廚神爭霸戰現正接受報名！ 👨‍🍳🔥
‎ ‎
各位身懷絕技嘅大廚同埋烹飪高手，展現你哋又識煮又惜食嘅機會嚟喇！💪✨
發揮創意、善用食材，炮製零廚餘美味佳餚，爭奪綠色廚神寶座！
‎ ‎
📅 截止日期：
「咪嘥嘢食店」組：2026年9月12日
公開組：2026年9月30日
‎ ‎
👇 點擊下面貼文了解更多！

03/09/2026

提提大家，除咗三紙（報紙📰、辦公室紙📃同紙皮📦）之外，以下廢紙都可以攞去「綠在區區」回收✅ ：
✅紙盒、鞋盒
✅廁紙筒、保鮮紙筒
✅冇膠手挽嘅紙袋
✅紙製包裝填充物
‎ ‎
但係呢啲紙就唔可以回收❌：
❌熱感紙收據
❌有塑膠或粘膠成份嘅紙
❌牛油紙、蠟紙
❌紙巾、廁紙、抹手紙
‎ ‎
⚠️巿民回收廢紙嗰陣仲有咩要留意🧐？記得做齊以下步驟喇~
除雜質︰拆釘撕膠紙，減少再造過程中篩出嘅殘渣🗑️，提升廢紙價值
勿濕水💧︰廢紙發霉，纖維破壞咗就冇用㗎啦
壓扁平︰慳多啲位，提高運輸🚛嘅成本效益
‎ ‎
記得有紙就攞過嚟啦！
‎ ‎
如果大家對回收廢紙或其他回收物有任何問題🤔，歡迎向「綠在區區」職員查詢！
‎ ‎
#綠在區區 #廢紙回收 #減廢回收 #回收 #乾淨回收

29/08/2026

☝🏻膠樽、汽水罐、廢紙、玻璃樽，佢哋唔係垃圾🙅🏻，而係可以重生嘅回收物！♻️
做好💚分門別類同💚乾淨回收，減少浪費之餘，仲可以令物料循環再用✨
掉之前停一停、諗一諗，避免佢哋行錯路、去錯垃圾桶🗑️，一齊幫資源展開第二生命啦💚

【鬼影回收手🫸🏻​🤛🏻​】

「冷靜！唔好掉呀！！！」

見到啲膠樽、汽水罐、廢紙同玻璃樽，一個一個咁掉入垃圾桶🗑️，本鬼真係好想大叫一聲：佢哋唔應該掉入呢度㗎🚫！

喺千鈞一髮嘅時刻，本鬼唯有用肉身擋住每一件有價值嘅可回收物。事關佢哋根本唔係垃圾，只要做好分門別類同乾淨回收，佢哋就可以變成有用嘅資源♻️！

下次出手之前，不如停一停，諗一諗～做好分類，先至係真正嘅「世界波」啊⚽💚！

#回收 #源頭分類 #乾淨回收 #大嘥鬼

28/08/2026

【📢 服務時間溫馨提示！】

💡 街坊們注意啦！大家平日過嚟回收係咪已經駕輕就熟呢？😎 記得睇清楚我哋嘅服務時段安排，方便隨時過嚟乾淨回收同儲「綠綠賞」積分呀！♻️

💁 顧客服務時段：每日 10:00 AM - 1:00 PM（有職員協助及提供禮品兌換）

🤖 自助回收時段：每日 8:00 AM - 10:00 AM 及 1:00 PM - 9:00 PM（方便大家隨時過嚟自助磅秤儲分）
⚠️ 自助回收時段小貼士：
📌該時段不設實體禮品兌換服務喔！
📌回收「四電一腦」受管制電器不會獲發積分（如需免費上門收集服務，可致電熱線：2676 8888 預約）。

快啲將呢個消息分享畀身邊嘅街坊家人，一齊配合時間過嚟輕鬆回收，賺積分換好禮啦！🎁💚

#綠在區區 #服務時間 #自助回收 #乾淨回收 #智能回收 #綠綠賞 #九類回收物 #社區回收網絡

27/08/2026

【特別通知 -惡劣天氣下回收流動點服務安排】
2026年8月27日（四）天文台已於10:15取消懸掛黃色暴雨警告信號，今日上午10時-下午1時位於【頌安商場對出位置】嘅回收流動點在10:45重開。
各街坊出門前請留意天氣情況及注意個人安全！

27/08/2026

【特別通知-惡劣天氣下回收流動點服務安排】2026年8月27日（四）天文台仍然持續懸掛紅色暴雨警告信號及雷暴警告，為保障市民及職員安全，今日上午10時-下午1時位於【頌安商場對出空地】嘅回收流動點將會延遲，請密切留意Facebook 公布。
不便之處，敬請見諒！！🙇‍♂️🙇‍♂️
各街坊出門前請留意天氣情況及注意個人安全！

18/08/2026

♻️【 #回收講故台 - 上班族💼急急腳🏃🏻‍♀️🏃🏻‍♂️✨】
‎ ‎ ‎
放工時段，總見到唔少上班族急急腳趕路，但即使再忙，路過回收站時，仍然有人願意停一停，做好分類、實踐回收。💚
有打工仔一邊講電話處理公事，一邊交回收物；亦有人差啲連第二日要用嘅文件都一齊回收咗，幸好及時發現。♻️
‎ ‎ ‎
呢啲急急腳嘅身影，正正反映咗環保其實早已融入我哋日常生活。就算節奏再快，只要願意停一停、分一分，已經為社區出咗一分力。💚
‎ ‎ ‎
💡只要回收物符合基本要求，乾淨、妥善分類，大家都已經為減廢出咗一分力。♻️ 無論係急急腳嘅上班族，定係放工順路嚟交回收嘅街坊，每一份習慣都喺慢慢推動緊社區改變。🌱
‎ ‎ ‎
想輕鬆儲分又唔使搬禮物返屋企？用「綠綠賞」手機App儲積分，隨時轉換 CarbonWallet，易賞錢或AlipayHK 積分，做環保都可以更方便！📱👍🏻
‎ ‎ ‎
#綠在區區 每日都上演住唔同嘅回收故事，你又有冇試過放工趕時間都堅持做回收？或者曾經喺回收時發生過一啲小趣事？歡迎留言同我哋分享！💬
📌 你嘅回收趣事投稿：
👉 投稿：https://forms.gle/cf4xhf1B8XQWen6TA
👉 了解 CFSC「綠在區區」：https://linktr.ee/cfscgreen
‎ ‎ ‎
#綠在區區 #基督教家庭服務中心 #回收講故台 #上班族急急腳 #回收小日常 #減廢回收 #環保習慣 #社區回收

14/08/2026

【🎊全國生態日2倍賞🎊】
‎‎ ‎ ‎ ‎ ‎ ‎ ‎ ‎ ‎
📢為響應2026年全國生態日，環保署推出✨限時✨「全國生態日2倍賞」活動🎉。
‎‎ ‎ ‎ ‎ ‎ ‎ ‎ ‎ ‎
「綠綠賞」會員於2026年8月15日到全港任何一個「回收環保站」、「回收便利點」、「回收流動點」或「智能回收箱」，提交指定回收物♻️，包括廢紙、金屬、塑膠、玻璃容器、「四電一腦」受管制電器、小型家電、慳電膽／光管、充電池和紙包飲品盒，每類指定回收物可獲雙倍積分 ✌️
‎‎ ‎ ‎ ‎ ‎ ‎ ‎ ‎ ‎
😎8.15 一日限定，大家記得唔好錯過當日雙倍積分嘅活動啊 ‼️
‎‎ ‎ ‎ ‎ ‎ ‎ ‎ ‎ ‎
#綠在區區 #乾淨回收 #智能回收 #綠綠賞 #社區回收網絡 #九類回收物

13/08/2026

🔋安全回收充電池小貼士♻️
‎ ‎ ‎ ‎ ‎ ‎
大家屋企有冇已經冇用嘅⚡外置充電器「充電寶」或者用於電子產品嘅🔋充電池呢？「綠在區區」都可以♻️回收充電池㗎！🤩
‎ ‎ ‎ ‎ ‎ ‎
💡小提醒💡
並非所有電池都可以交到「綠在區區」，以下係常見✅可接收同❌唔可以接收嘅例子：
✅外置充電器「充電寶」
✅手機充電池、相機充電池等等（鋰離子電池、鎳氫電池同鎳鎘電池）
✅可充電電芯
❌即棄電池
❌汽車鉛酸電池
‎ ‎ ‎ ‎ ‎ ‎
✨回收小貼士~⚠️安全回收三步曲⚠️
回收前，記得先將電子產品或小型電器入面嘅充電池拎出嚟分開回收‼️
回收時，齊齊「望一望、貼一貼、輕輕放」，咁就可以避免儲存同運送充電池時發生意外喇！💚
🔎望一望：檢查電池確定沒有發脹或破損
🩹貼一貼：用絕緣膠紙遮蓋充電池金屬端（電極）
🖐🏻輕輕放：回收時請輕放入回收箱內
‎ ‎ ‎ ‎ ‎ ‎
♻️回收充電池要小心處理💚如果大家對回收充電池或其他回收物有任何問題🤔，歡迎向「綠在區區」職員查詢！
‎ ‎ ‎ ‎ ‎ ‎
#綠在區區 #充電池回收 #安全回收 #減廢回收 #回收 #綠綠賞