What are the opening hours?

Monday 10:00 - 23:00 Tuesday 10:00 - 23:00 Wednesday 10:00 - 23:00 Thursday 10:00 - 23:00 Friday 10:00 - 23:00 Saturday 10:00 - 23:00 Sunday 10:00 - 23:00

https://www.facebook.com/1676258702623564/

Flow好眠養顏館

Home
Hong Kong
Hong Kong
Flow好眠養顏館

美國NGH註冊催眠治療師
英國機構認證面部瑜伽導師
專業按摩資格 | 10+年扎肚經驗
服務500+女士口碑認證

👁️ 養目｜😴 好眠｜✨ 逆齡療程
📍 上門或合作美容房
💰 單次收費・無隱藏費用，歡迎DM查詢

In-home massage services that we can provide 我們的專業護理服務：-

Prenatal Care 產前護理：
- Balinese authentic prenatal massage 峇里式古法產前按摩

Postnatal Care 產後護理：
- Authentic postnatal selendang slimming massage 古法產後修身按摩
- Chinese lactation simulation massage 中式催乳按摩

Baby & Children Development 嬰幼兒發展：
- Infant massage teaching 親子嬰兒按摩指導
- Parent-child massage teaching 親子幼兒按摩指導
- Confinement service referral 陪月轉介服務

11/09/2026

《每一個你想要嘅人生，都有佢嘅代價》

突然有感，想分享一下⋯

今日幫一個客人做好眠療程，同佢傾偈之後就發現原來正職之外，佢仲有做其他副業，希望五年內搵多啲錢買樓結婚⋯雖然錢係搵多咗，但係夜晚瞓得好差。

為咗心入面嘅目標，佢將時間同精力拆開兩份用，日日不停趕進度，夜晚瞓落床，思緒仍然亂飄，好難放鬆落來。

想買樓、想組織家庭，呢啲都係好真實嘅期盼。好多人都會選擇而家辛苦啲，換取日後嘅安穩⋯只係好多時我哋會忽略：所有嘅美好成果，都需要一個好嘅狀態去享受。

長期瞓唔好，唔只係眼訓咁簡單，壓力會慢慢堆積，消耗埋你嘅健康。

之前睇書有一句好深刻嘅說話：
「每一個你想要嘅人生，都有佢嘅代價」— 我哋可以追尋夢想，但唔需要用健康去換。

偶爾停低唔係放棄，只係俾身體充電，有充足嘅休息，先至可以好好迎接你想要嘅理想生活。💜💜

02/09/2026

《分享一個老中醫教嘅簡單抗老養生茶》

呢兩日有少少秋意，今晚就用小燉盅燉咗呢個「淮山麥冬黃芪水」滋潤一下先～

呢個組合係由一個老中醫教嘅，重點係佢建議一定要用「連皮淮山」去煲，因為抗氧化功效比起去皮嘅高出幾倍㗎！

淮山最精華嘅抗氧化成分，大多集中喺外皮（特別係貼近皮嗰層紫褐色位置），濃濃嘅多酚同植化素，可以幫身體清除自由基，抗衰老嘅效果自然更出色！

當然，連皮嘅淮山記得要刷洗到好乾淨+浸長少少時間先煲就最好喇！

28/08/2026

對於日日喺香港呢個急促節奏下生活嘅我哋嚟講，瞓覺其實係身體同心靈最重要嘅「深層修復同情緒放鬆時機」，而我哋做「好眠養顏館」嘅初衷，就係希望可以幫大家搵返更高質素嘅睡眠。

好多時我哋以為瞓醒第二日唔眼瞓就代表足夠，但事實並唔係咁簡單，高質素嘅睡眠可以幫到我哋：

1 . 神經系統嘅深度放鬆
我哋日抖交感神經長期處於繃緊狀態（即係成日處於戒備、壓力之中），去到夜晚，我哋必須要切換到副交感神經，身體嘅肌肉、筋膜同情緒先至真正有空間去鬆綁同自我修復。

2 .代謝廢物嘅清除與細胞修復
喺深層睡眠期間，我哋嘅身體會集中資源去修復日間受損嘅組織，同時調節荷爾蒙分泌。
如果長期淺眠、多夢或者入睡困難，呢個修復機制就會大打折扣。

長期睡眠質素差，唔單止會令成個人望落去無精神、皮膚暗啞，仲會加劇身體嘅慢性疲勞同焦慮感。

如果呢排你都覺得成日瞓唔夠、或者瞓醒仲攰，可能係身體嘅自我修復系統開始響警號。

今晚，試下留返一個鐘畀自己，遠離螢幕，比你嘅身心真正沉澱+休息+放鬆⋯

當然如果有需要都可以搵我哋幫手㗎🫶🏻！

23/08/2026

今晚同大家分享 4個貼地重點，唔使咩神級保養，只要跟到你就已經贏咗一半：

1. 保持身體暖笠笠＝提升免疫力

香港女仔通病：長嘆冷氣、飲凍嘢、著得少，體溫一低，新陳代謝即刻慢落嚟
手腳冰凍、面色暗啞，成日攰、易病——全部有連帶關係！

凍＝身體易積淤
暖＝細胞先識得自己修復
所以～多飲暖水、少凍飲、浸下腳、郁下啦！

—

2. 食得均衡，唔好極端減肥

你唔食早餐、餐餐外賣、亂咁戒口⋯⋯
你知唔知，皮膚修復、氣血重生，全靠日常飲食俾原料？

營養唔夠，搽咩精華都面黃乾紋鬆弛
唔使跟風極端餐單
三餐正常、少加工、多原型食物
身體有原料，先有得「自行還原」

—

3. 氣血要暢通，身體先會好

久坐、捱夜、壓力大＝氣血停滯嘅三大元兇

黑眼圈、水腫、肩頸硬、經痛、皮膚差——
十有八九都關「唔通」事

氣血一通，人即刻後生幾歲✨
得閒散步、拉筋、早啲瞓，唔好長期定格
毒素堆唔到，自然靚到爆

—

4. 心靈流動，比運動更重要

好多女仔好自律，但內心長期內耗、壓力谷到爆
個心kick住kick住，氣血就跟住塞
失眠、抑鬱、慢性疲勞，全部跟住嚟

放鬆唔係懶，係養生嘅一部分
唔好死拗、唔好谷情緒、搵渠道釋放
放得開，先訓得好；訓得好，身體先修復到

過咗35+，只要你做到：
「身體暖、食得啱、氣血通、心流動」
你就自然keep得比人好，仲要係由內靚到外嗰種😍

19/08/2026

相信好多人都試過呢種崩潰體驗！不論係荷爾蒙作怪、氣血唔通，定係平時壓力大到大腦放鬆唔到，半夜醒咗真係會越諗越煩。

但切記！越急住想瞓返，大腦就越興奮。

下次半夜醒咗，試吓呢幾個小招數，幫自己重拾睡意：

首先，第一時間千祈唔好睇手機 / 睇時間！！
因為一睇到完就會諗「死喇！仲有兩個鐘就要起身」，焦慮感即刻飆升，壓力荷爾蒙一出，你就真係唔洗瞓！

跟住做呢 3 個動作，幫大腦熄咗個危險警報：

1. 放鬆眼球同面部肌肉，瞌埋眼，眼球微微向下放鬆，鬆開咬緊嘅牙關。面部肌肉一鬆，身體就會接收到「依家好安全」嘅 Signal。
2. 4-7-8 深度呼吸，用鼻吸氣 4 秒 ➔ 閉氣 7 秒 ➔ 用口慢慢吐氣 8 秒。重複 3-4 次，快速拉低心跳，幫神經系統 Reset

3. 唔好再諗「點解仲未瞓着」，試吓將注意力移去身體：由腳趾開始，感受小腿、大腿、腰背……一步步想像自己成個人沉入床褥入面，讓積壓嘅情緒同氣血慢慢流動、放空⋯

如果反覆超過 20 分鐘你都仲係極度清醒，不妨起身喺微光之下坐一陣、做吓伸展，等陣倦意返嚟先再上床。

17/08/2026

今日做養顏療程時客人問：「點解我照鏡時見到自己右邊嘅法令紋深咁多嘅？」

其實，面部肌肉好少係絕對對稱嘅，法令紋較深嘅成因通常離唔開以下呢幾個日常小細節：

- 單側咀嚼：成日用同一邊牙齒食嘢，令單邊咀嚼肌過度發達，長期拉扯下紋路自然出嚟。

- 長期側睡：慣性側埋同一邊瞓，塊面晚晚受壓擠壓，嗰邊皮膚梗係老得快啲。

- 單邊表情：笑或者講嘢嗰陣習慣單嘴角用力，搞到單邊肌肉長期處於緊繃狀態。

我自己曾經係左邊法令紋較明顯，最初都唔明白點解，後來發現應該係因為成日用牙線去清理左邊智慧齒嘅食物殘渣（右邊智慧齒早年已剝咗），所以每次用牙線嘅時候，左邊面嘅法令紋位置會褶起多少少🤏，而家搵到方法改善之後法令紋就變得冇咁明顯了！

其實只要平時留意吓呢啲小習慣，例如好似我上述嘅經歷，或者食嘢時唔好側埋一邊咀嚼，盡量仰睡，已經可以幫肌肉減輕唔少負擔，而平日亦可以透過溫和嘅按摩幫塊鬆一鬆，加埋適度嘅面部瑜伽運動，的確有助減淡法令紋㗎！

16/08/2026

《4 大常見疲勞類型，你係邊一類？》

成日聽好多客人講都話明明無做過咩嘢，甚至瞓足 8 個鐘，但起身都仲係覺得成個人好似被抽乾咁？其實「攰」都有分好多種，搵啱原因先可以真正幫自己「充電」㗎！

近排睇咗本書描述咗4類型嘅疲勞，快啲睇下你係邊一種? （我覺得自己係混合型🙈）

1. 腦力透支型（大腦過載）

徵狀：眼乾眼花、記性變差、好難集中精神，個腦長期實實地

成因：每日吸收太多資訊、要做太多決定，個腦一直高頻運作無停過

急救法：試吓「分段休息」，每做 45 分鐘嘢就強制起身望吓遠景 3 分鐘，比個腦真正放空下

2. 情緒耗損型（心累體質）

徵狀：成日覺得好煩、唔想面對人、肩頸極度繃緊、無乜做嘢都覺得好攰

成因：長期處於高壓或焦慮狀態，要處理太多情緒同人際關係，令神經系統一直處於「作戰狀態」

急救法：每日留 15 分鐘「個人空白時間」，熄咗手機通知，單純做吓深呼吸或聽吓歌，劃好心理界線。

3. 血氣微循環差型（體質虛耗）

徵狀：手腳容易冰冷、越坐越攰、甚至「越瞓越攰」，個人好容易浮腫。

成因：長時間坐喺冷氣房少運動，搞到血液循環同含氧量變差。

急救法：唔使一嚟就做劇烈運動，試下每日快步走 15 分鐘，或者瞓覺之前用熱水浸吓腳，幫D血氣行返順。

4. 睡眠質素差型（無效休息）

徵狀：瞓得好多但依然好攰、半夜容易醒、起身全身酸痛。

成因：臨瞓前玩手機接收太多藍光、睡眠太淺，根本去唔到深度睡眠。

急救法：瞓前 1 小時熄掉 Threads / IG，將燈光調暗，建立一個有儀式感嘅睡前環境。

先了解自己係哪一種攰，再畀身體真正需要嘅休息。

04/08/2026

《連休息都唔敢？你可能正處於「高功能內耗」》

琴日工作上遇到一個客人，佢平日習慣咗照顧晒所有人，要做個 100 分嘅媽媽、高效率嘅員工、貼心嘅伴侶⋯

但唯獨對住自己，嚴苛到不得了——連放慢腳步休息 1 個鐘做療程，佢嘅內心都有種「我係咪太懶散、太罪過」嘅罪惡感，好唔容易先可以放鬆落嚟。

其實好多香港女性都有呢種「身體好攰，但大腦停唔到落嚟」嘅狀態。

呢個情況有啲似揸車時「煞車失靈」嘅情況，大腦習慣咗高壓運作，就算拉咗手掣（放假/休息），個引擎依然喺度轉緊，搞到心跳慢唔落嚟、肌肉持續緊繃，連瞓覺都好似喺度「戒備」緊。

要打破呢個內耗，可以試下以下呢3 個心理「減法」：

1. 重新定義休息：休息唔係偷懶，而係「自我保養同修復嘅必要 Task」。手機得返10%電都要叉電，更何況係你？

2. 容許自己做 80 分嘅人：完美主義係內耗嘅根源。試下問自己：「今次只做 80 分，個天會唔會冧落嚟？」
答案通常係：唔會。

3.每日用5 分鐘俾自己放空：唔洗下下逼自己放長假。每日比個「合法理由」自己純粹發呆、飲杯水，就算天大嘅事，都等 5 分鐘後先算。

由聽日開始，記得將「放鬆」當做最重要嘅 Daily Task，安心地比自己停一停。

02/08/2026

你有冇試過明明訓足 8 小時，起身依然勁攰？
又或者護膚品換完一套又一套，皮膚仲係鬆弛暗啞？

答案可能唔係你嘅護膚程序做得唔足，而係你嘅身體蛋白質攝取不足！

其實每日蛋白質攝取量主要根據個人嘅體重同活動量嚟計算。一般成人每日每公斤體重建議攝取 1.0 至 1.2 克；如果以一個 60 公斤成人為例，佢每日對蛋白質嘅基本需求大約係60 至 72 克，若有運動習慣或特殊需求則需增加。

蛋白質唔單止係肌肉原料，更係合成「睡眠荷爾蒙」同「膠原蛋白」嘅基礎。當吸收出現問題，影響遠比想像中大：

1. 淺眠、半夜易醒：缺乏色胺酸合成退黑激素；加上夜間血糖失衡，刺激壓力荷爾蒙，令你深層睡眠大大減少。

2. 皮膚鬆弛、屏障受損：缺乏甘胺酸同脯胺酸，膠原蛋白無法再生，表皮修復變慢，肌膚自然失去彈性同光澤。

體內養份循環好，身體先有修復力；「食得啱」加「吸收得好」，先係維持好氣色同好睡眠嘅根本。

01/08/2026

早晨呀各位！
一早出去開工了
好耐冇見過咁好嘅天氣💜

Address

Hong Kong

Opening Hours

Monday	10:00 - 23:00
Tuesday	10:00 - 23:00
Wednesday	10:00 - 23:00
Thursday	10:00 - 23:00
Friday	10:00 - 23:00
Saturday	10:00 - 23:00
Sunday	10:00 - 23:00

Website

facebook.com

Alerts

Be the first to know and let us send you an email when Flow好眠養顏館 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Flow好眠養顏館:

Want your business to be the top-listed Business in Hong Kong?