23/01/2018
本月17-18號，小妹終於已殯儀策劃師的身份實習！我還記得在課程中有一部份講陰陽五行的！其實由課程實習至到現在以一個行家去實習！所有停屍間，殮房和殯儀館我都跑過曬！但從來無今日咁既感覺！
我今日實習既地點係香港殯儀館，當我一入到大堂就出現頭痛、頭暈、想嘔既感覺！上到房既感覺更加強烈！
我即場問阿sir，我跑過咁多間都無咁既情況出現，點解今日會咁既呢？
阿Sir就答：香港殯儀館由1930年開始至今，有番一定既歷史，所以會比較陰，有依d感覺係正常…所以我只好不停四個鐘就食一次止痛藥，還有一邊做野一邊心念《六字大明咒》！感謝仙佛加持，兩天工作終於完成！特別鳴謝：Cyrus係我最唔舒服既要食藥時候，又幫我去買水和朱古力給我，謝謝你的細心照顧！
雖然此館剛番新不久，但抽風系統好差，原全無update，只是插左三支大香，已經足夠令我不停流眼水，阿sir就鼻敏感發作，大家都一邊工作，一邊不停攞住張紙巾😂！這還不夠經典，當晚重遇到一堂福建齋和潮洲齋，佢地既儀式、習俗特別吵耳外，還會在堂外的走廊位開枱一邊飲酒（VSOP）、一邊食花生、和食煙，我當晚被吵到耳鳴和感覺好似番左大陸咁…
雖然依兩日都几難頂，但好慶幸遇到一位好有經驗既堂倌（堅哥），仵工（細哥），佢和我分享左好多佢既寶貴經驗，和教識我好多特別既行規。在一場喪禮上，堂倌和一班好既工作人員，係我地既好拍擋！因為就算你把喪禮的事準備有几充足，但往往會出現一些突發性事情，需要大家互相執生！
P.S. 當日剛巧遇上楊千嬅的嫲嫲設靈（我舅父重問我有無去攞簽名😓），大堂和門口有很多很多記者，迫到行都行唔到。
我在這祝願千嬅的嫲嫲能一路好走，南無阿彌陀佛！！！🙏
