綠在水泉澳 Shui Chuen O Recycling Store

10/04/2026

而家連自提點都可以做回收，冇藉口唔做回收啦‼️大家記得唔好嫌麻煩，一齊做多步，分類回收，減少棄置物料對環境嘅壓力啦💚♻️

【取貨​ · 回收1take過🤟🏻​～】

網購越嚟越方便，唔使出街都可以隨時shopping～不過每次拆完包裹之後，屋企就多咗一堆回收物要處理📦：除咗紙箱，膠膜之外，仲有保護貨物嘅填充物，例如泡泡紙、發泡膠、充氣袋...... 要再拎落街去回收。
不過，本鬼有個好消息畀大家知🎉​！環境保護署自2026年起，會聯同主要物流企業逐步推行「自提點即場回收計劃」♻️，協助物流業龐大嘅自提點網絡升級成為「綠色驛站網絡」​🆙​。以後大家去自提點拎包裹之後，就可以即場交還合適嘅包裝物料「重用、再造」，減少浪費。
取貨回收 1 take過，仲可以減少棄置物料對環境造成嘅壓力囉💚​～想知道多啲，就快啲去我地香港減廢網了解吓啦👇🏻
https://www.wastereduction.gov.hk/zh-hk/waste-reduction-programme/self-pickup-store-on-site-recycling-project
#自提點即場回收計劃 #綠色驛站網絡 #包裝回收 #重用再造 #減廢 #大嘥鬼

02/04/2026

♻ 【環保回收・上門服務】🚪🌱
沙田居民你哋好！
你家中有🥤塑膠、📄廢紙、🥫金屬、🍾玻璃樽、🖱小型電器、🖨四電一腦*、🧃紙包飲品盒、🪫充電池、💡慳電膽和光管等待回收？
我們為 👵長者、♿傷健人士 及有需要人士提供 ✨免費上門回收服務💚！
📍上門回收服務並不提供綠綠賞分數
📍四電一腦只接受顯示器、電腦、掃瞄器及打印機

📲報名方法：
🔹掃描QR碼登記
🔹致電或WhatsApp 👉 6265 0024

由綠在沙角及綠在水泉澳誠意推動 🌍
一齊為地球出一分力 💪

02/04/2026

🌿♻️【4月工場回收服務】♻️🌿
火炭嘅居民你哋好啊👋🏻
家中有廢紙、膠樽、塑膠、金屬等回收物品？快來參加我們的環保回收活動，一齊為地球出一分力！🌍💪
📅 回收日期：
🔹2/4(四)
🔹9/4(四)
🔹13/4(一)、16/4(四)
🔹20/4(一)、23/4(四)
🔹27/4(一)、30/4(四)
🕙 時間：11:00 - 14:00
📍 地點：綠在沙角及水泉澳工場
✅ 只收取家居回收物品
❌ 本次活動不設「綠綠賞」積分，敬請留意

30/03/2026

特別通知 - 回收流動點取消
由於香港天文台在上午10:00發出黃色暴雨警告及雷暴警告現正生效，原定今日(3月30日) 上午10時至下午1時隆亨商場對出空地的回收流動點在上午10:00取消。
不便之處，敬請原諒

27/03/2026

一年一度嘅「地球一小時」將會喺今個星期六（3月28日）晚上8：30舉行‼️
約定大家到時一齊熄燈一小時啦💚

【齊齊熄燈一小時🌍💡】

一年一度嘅「地球一小時」將會喺今個星期六（3月28日）晚上8：30舉行！鬼鬼一如既往鼓勵大家喺呢個鐘齊齊啪掣，將非必要嘅電燈同埋電器熄咗佢🔌，俾地球休息一小時之餘🌍，同時都可以俾自己放慢步伐，體驗一個不一樣嘅低碳一小時💚

🕯️食一餐低碳燭光晚餐
生活係要俾少少儀式感點綴吓嘅～趁住呢個充滿情調嘅一小時，不妨為自己準備一餐多菜少肉嘅低碳燭光晚餐🥦🍄‍🟫，只要轉換心態，簡單嘅小浪漫足以令呢餐飯變得有趣味之餘，順便仲可以食住減碳！

🧘‍♂️留一晚與你喘息
趁住無燈光同電子產品嘅干擾，鬼鬼想留一晚與你喘息！🧘咚～喺寧靜嘅晚上冥想、拉筋，又或者純粹瞇埋眼😌閉目養神攤喺梳化，揀你最舒服嘅方法，嚟一次深度放鬆，舒緩吓日常壓力🤍。

🎬至Chill Movie Night
熄燈睇戲特別有feel🍿！把握呢一個鐘，揀一套你想睇咗好耐嘅戲Chill住睇🎞️，Cozy Vibe 瞬間 Get！

💡熄燈一小時其實只係起步，平時大家都可以喺生活細節上為地球「慳」多啲，等地球「碳」少啲。如果你一直未扚起心肝開始實踐，不如就由呢一個鐘頭開始，容許自己喺漆黑中放慢節奏🖤，同鬼鬼一齊開展低碳生活💚！

#環境及自然保育基金資助 #環運會 #大嘥鬼 #環境運動委員會 #低碳生活 #日日都識碳 #地球一小時 #節能

27/03/2026

「支付寶」準備加入成為其中一個電子積分計劃啦，仲唔快啲將你哋張實體卡轉落電話度‼️

26/03/2026

花展已經開咗幾日，小編我都去咗睇，真係好值得去！🤩

入面好多打卡位、又有花藝表演，見到好多一家大細去～
主題花係紫羅蘭，今年主題係「花語尋香」🌸

仲有幾日就完啦，大家可以呢個weekend去一轉！

#香港花卉展覽2026 #綠在水泉澳

24/03/2026

24/03/2026

如果大家平時食唔晒記得可以同身邊嘅朋友一齊分享，做到輕鬆清碟0浪費🤩

【惜食可收穫更多愛❤️】

如果你問本鬼嘅「Love Language」係咩，我會話：食物💕​。肚餓嘅時候可以充飢，寂寞嘅時候得到慰藉～食物除咗提供能量之外，仲可以帶俾人一種實實在在嘅幸福感✨。不過本鬼好清楚，每一啖美味都得來不易㗎！
一個人食固然開心，但有時想試多幾款嘢食嘅時候，總係會擔心食唔晒，要就住就住咁嗌😣​。呢個時候，不如同身邊嘅朋友一齊分享，咁咪可以共享美食同幸福感，輕鬆清碟0浪費囉～

#惜食 #清碟係對食物0浪費 #分享 #大嘥鬼

23/03/2026

唔知大家有冇喺世界回收日♻️（3月18日）做回收呢～記得平時要培養回收嘅習慣🤩，咁就每日都係「世界回收日」啦💚‼️

#日日都識碳 #回收 #我跟回收物結了帳 #綠在水泉澳

【跟回收物結了帳🧾♻️】

有冇曾經因為一啲人或事，改變咗你哋嘅處事態度？

回收♻️教識我從日常生活 #扭轉習慣 #一齊減碳 ，要恆常回收之餘，更加要瀟灑撇脱😎回收前先清空乾淨，再準確放入相應嘅回收桶，咁先可以跟回收物結了帳，毫無遺憾與牽掛地過低碳生活🙂‍↕️！

趁今日係 #世界回收日 ♻️，就等鬼鬼同大家計一計呢筆帳🧮，話畀大家知將回收變成習慣可以對地球帶嚟幾大影響！

📰 舊報紙
睇完嘅報紙，一瞬間就變成廢棄物😔？！想要及時「紙」蝕，大家平時可以盡量揀電子閱讀📱，減少用紙。如果攞咗實體讀物，可以同親朋好友互相分享傳閱📖，發揮最大價值之後先再收集回收。每回收 1 公斤舊報紙，就可以減到約 2.5 公斤碳排放架喇🌳。

🧴 膠樽
每次拎住個吉嘅膠樽，就有心癮想快啲揼落垃圾桶🗑️？嗱咪亂揼呀～每次選擇乾淨回收都可以為減碳帶嚟正面影響，將膠樽清洗乾淨後💦交去入樽機或者「綠在區區」回收，每回收 5 個 500 毫升嘅膠樽，就可以減到約 0.15 公斤碳排放！💧

🍎 廚餘
平時煮餸無論預得幾準，難免會產生菜頭菜尾🥦、果皮🍌等廚餘🍲～每回收 1 公斤廚餘到有機資源回收中心將廚餘循環再造並轉化為生物氣以產生再生電力，就可以減少約 0.6 公斤碳排放！以家庭為單位，累積起計嘅減碳量絕對唔係細數目。

📱 手提電話
舊手機放咗屋企封塵唔知點處理🕸️？其實都有得回收㗎！只要妥善回收一部手提電話，居然可以減約 50 公斤碳排放🤯😲，減碳力驚人⚡！

其實每次同回收物「結帳」，都係幫地球清緊一筆大數🌍！即刻 #扭轉習慣，同鬼鬼一齊瀟灑有型地減碳！😎

#環境及自然保育基金資助 #環運會 #大嘥鬼 #環境運動委員會 #低碳生活 #日日都識碳 #回收 #我跟回收物結了帳

20/03/2026

大家一齊影低最美香港📸，參加比賽贏書券／獎金啦🤩

19/03/2026

花卉展覽聽日就開幕啦，約定大家一齊去行下啦～🤩
「香港花卉展覽2026」
🗓️日期：2026年3月20日至29日
🕘時間：上午9時至晚上9時
📍地點：香港維多利亞公園
🌼主題花：紫羅蘭
🌿主題：花語尋「香」— 細味城市特色

【春日🌸尋花記】

一踏入春天，本鬼就聞到陣陣花香～因為一年一度嘅「香港花卉展覽」準備開幕喇😍​！
今屆嘅主題花係紫羅蘭✨，優雅得嚟又有淡淡幽香，喺繁華嘅都市入面靜靜綻放～
除咗賞花，現場仲有一連串精彩活動，包括攝影比賽、花藝示範、綠化活動工作坊、導賞服務、親子遊戲等等，保證大人細路都唔怕悶啊！

「香港花卉展覽2026」
🗓️日期：2026年3月20日至29日
🕘時間：上午9時至晚上9時
📍地點：香港維多利亞公園
🌼主題花：紫羅蘭
🌿主題：花語尋「香」— 細味城市特色

出發前，記得留意花卉展覽環保小貼士👇🏻：
https://www.hkflowershow.hk/tc/hkfs/2026/tips.html

#香港花卉展覽2026 #維園花展 #紫羅蘭 #花語尋香 #春日好去處 #自備水樽 #減廢 #大嘥鬼