Äiti Baby

03/11/2015

白蓮鬚煲雞蛋-去胎毒!

相信大家都聽講過咩係胎毒, 通常臨生前個10 日8 日有機會d 皮膚好痕好狼,出都好似'主婦手' 咁. 胎毒除左係絲媽身上發出來, 有機會係BB 出左世之後,係BB 到發出來嫁.

唔想有好勁既胎毒, 記得有左BB 之後, 就唔好食D 濕熱野-
芒果, 菠蘿, 榴槤 NO! NO! NO!

白蓮鬚煲雞蛋 都係好出名去胎毒既食療.
其實Rebecca 覺得白蓮鬚去胎毒係冇咩科學根據, 不過古人有古人既智慧, 雞蛋又有蛋白質, 對孕婦好. 有媽媽亦試用金銀花泡手腳, 如果覺得泡左舒服D 都OK 既, 不過始終最有效處理既方法都係保持乾爽,仲有唔可以!!! 偷偷地食濕熱野!

11/08/2015

母乳手工皂
相信以家大部份媽咪都會餵母乳比自己既初生寶貝. 好多乖媽咪 跟足陪月員煮既飲食, 加上充足既休息, 都會有好多母乳 (BB 衣 '食'無憂)

咁多左既母乳唔通真係通通倒哂去?! 浪費哂媽媽比BB 最好既禮物!!
有冇試唸過可以用母乳作為原材料做皂呢. 更可以將母乳混合其他材料來造出一個獨一無二, 天然, 又非常有用既手工皂. 例如可加入: 乳木果, 燕麥,鹽,甘, 薰衣草.....等等

之前 REBECCA 有一個僱主, 就用1L 既母乳, 搵人代製乳木果母乳手工皂 (大約$700 有成KG), 分左十多份, 入得令令咁送左比身邊既人同屋企人. 大家都覺得又實同又有意思

「我們的生活，為何要獨對電腦『撳撳撳』去獲取所需？這個過程是否代表我們真正得到那個東西？」身為兩子之...

22/07/2015

好耐都冇出POST LA! 呢排好多班要教...香港出生率一直維持高企呀!
最近睇到呢個舊既POST, 係講BB 既沐浴露. 係嗃, BB 差不多每日都會沖涼, 咁用咩來同佢沖先好呢?

BB D 皮膚咁'天然', 原來係十二朝之前, 基本上用清水已經可以嫁LA. 你都唔會想BB一出世 就接觸D 化學野. 之後如果BB 去過健康院, 出過街, 怕佢有細菌, 都可以用一D 非常溫和既沐浴露來沖涼, 不過都係只限於一至兩滴好LA. 至於頭髮, 頭一至兩個月都可以唔洗點洗佢, 如果有頭泥, 都係一樣, 用一至兩滴既BB 洗頭水放係掌心先搓起泡, 之後先同BB 洗. 千萬不可直接落洗頭水落BB 個頭!!!

牌子方面, 最多人用都係M 頭牌, Johnson 都有人用, 而且比起2009 年呢個報導, Johnson 都應該改左formula, 可以放心既. 不過都係個句:
一至兩滴好LA!

http://hk.apple.nextmedia.com/international/art/20090322/12522545

美國百年老品牌強生（ Johnson& Johnson）因當地環保組織驗出嬰兒洗頭水含致癌物，引起全...

21/04/2015

經驗加愛心係最重!
陪月員多係冇用,質素才是關鍵.同意嗎?

30/03/2015

人奶, 一日其實要喂幾多次???泵奶器點選擇?

醫院姑娘 通常會建議埋身喂哺, 一日喂10 至12 次. (一般初生BB 兩個到兩個鐘要食一次奶)搞到D 媽咪身心疲倦, 最後可能會放棄喂母乳.所以喂奶其實應該要順其自然, 同放鬆心情. 充足既睡眠就一定需要, 有埋泵奶器既幫助就最好, BB 一樣都可以吸收到初乳. 用泵奶器既好處, 就會比較容易知道 BB 既食量.

市面上有各式各樣既泵奶器, 價錢亦都唔平 (M 字頭牌,雙泵 要4千蚊) 所以不妨試下新既牌子, 比較便宜一D, 同發覺功效都一樣好.REBECCA 做左6個月, 已經有3位雇主同呢類型既奶泵.

10/03/2015

BB 暗瘡

呢排天氣潮濕， 大人都覺得頭重重。原來bb 都可能因為長期開住冷氣或暖氣而生'暗瘡'。形狀 好似 一粒粒既芝麻，而且係‘孩’手既。bb 有時仲會用塊面係你個心口捽來捽去， 其實佢係痕到嗌救命😢。 所以保持空氣流通乾爽係好重要！
特別係初生嬰兒， bb 係媽媽肚入面咩外來因素都係呀媽撐住， 出生後就要自己‘照顧’自己！

一般情況都冇需要特別去睇醫生，只要揾一隻含高水份既cream幫佢日搽夜搽。係呀，真係佢面一乾，你就搽，所以一日會搽成七八次。
坊間都有幾款Rebecca都覺得幾有效既牌子可以比大家參考。價錢大約一百蚊至百五蚊一枝左右。
推介一：白藍色包裝既Must###
推介二：瑞士寶x
推介三：好hit 個隻澳洲木瓜cream

06/03/2015

將會又有一班專業陪月員出師啦！
呢班已經係Rebecca 第二班既學生，個個廚藝出色，又冇嗑眼瞓。發問問題一浪接一浪！
當中亦都有準嫲嫲婆婆專程過來上堂， 為子孫‘做阿四’， 好感動。
希望呢班同學個個考試合格！
期待係分享會見到每一個合資格陪月員！

05/03/2015

極速煲薑醋， 一星期，包美味！
先祝各位羊年身體健康，早生貴子！
第一個post 希望同大家分享煲薑醋。傳統以來係預產期一個月前就會開始煮醋胆，仲要每星期反複煲煮一至兩次，真係低效率😣。不過而家有個經Rebecca嘗試過既省時方法可以分享比大家。Rebecca 既一班學生都成功話掂！
首先要準備返煲薑醋既材料：薑三斤，醋五斤（會比普通煮法多一至兩斤醋），蛋同豬腳隨意
醋胆:
薑洗乾淨刨皮， 然後斬成小件約2 寸長，輕輕拍鬆備用。放薑入煲內， 加醋至覆蓋薑面。
（A）煲滾後， 再用文火煲一小時。完成後打開煲蓋。
等待五至六小時後完全放涼後，重覆(A) 約三至六次，直至見到薑醋變色。
豬腳出場：
洗乾淨豬腳後出水後啤水半小時
白鑊爆豬腳直至乾身， 然後加入預備好的醋胆， 再煲約半小時直至豬腳變為軟身。蓋蓋焗一整晚

第二天便可放雞蛋煲滾熄火，再焗多晚。大功告成！