綠在牛頭角 Ngau Tau Kok Recycling Store

11/05/2026

約定大家同慳BB一齊去「綠在區區」回收啦💚♻️

【回收小隊出動！】

本鬼今日有任務在身，我一聲令下，9隻慳BB就會即刻集合，準備一齊去「綠在區區」😎！
沿途遇到嘅 #九種回收物，包括紙張、金屬、塑膠、玻璃樽、充電池、小型電器、四電一腦、慳電膽/光管、同埋紙包飲品盒，可以分別交畀9隻慳BB負責。有佢哋幫手，搬運回收物就更加有效率😌。
回收從來都唔係個人任務，只要你願意出力，好似慳BB咁，就會多一個人加入我哋嘅回收小隊，慢慢壯大社區回收網絡✨。下次行動嘅時候，本鬼預埋你哋㗎喇～

#回收小隊 #綠在區區 #減廢 #分類回收 #大嘥鬼

30/04/2026

5月4日起連通AlipayHK，一齊更新「綠綠賞」App啦💚

🌱5月4日起連通AlipayHK，一齊更新「綠綠賞」App 🌱

本鬼靜雞雞話有個好消息比你知～ AlipayHK會推出一系列禮遇，鼓勵大家減廢回收。由2026年5月4日至2026年10 月31 日，用戶只要首次用「綠綠賞」Ａpp綁定及兌換 A. Point ，可獲惠康門市港幣10元電子優惠券1張。

有咁正嘅優惠，仲唔快啲更新「綠綠賞」App 至最新版本，咁先至可以喺5月4日起綁定AlipayHK同埋將你嘅「綠綠賞」積分轉換成A. Point。每100「綠綠賞」積分可以兌換1,000 A. Point。

本鬼仲要提提你，5月4日起未登記嘅實體卡就唔可以再賺取新積分，但原本嘅積分仲可以喺2027年8月31日前使用㗎！快啲喺2026年5月4日前去全線「綠在區區」設施完成實名登記啦！最好梗係去埋「綠在區區」將實體卡積分轉移去「綠綠賞」App，咁先可以用到積分兌換功能，喺日常消費中更靈活使用積分，涵蓋網購、繳費、交通、零售及餐飲，等回收回饋更貼近生活！ 💚

「綠綠賞」專題網頁：
👉🏻https://www.wastereduction.gov.hk/zh-hk/green-epis-digitalization

A. Point 兌換詳情:
👉🏻https://www.wastereduction.gov.hk/zh-hk/green-a-point-conversion
推廣活動須受有關條款及細則約束。

#減廢回收 #綠綠賞 #電子化 #綠在區區 .Point

30/04/2026

五月份回收流動點時間表‼️💚

#綠在牛頭角

30/04/2026

🌿♻️【5月工場回收服務】♻️🌿
九龍灣嘅居民你哋好啊👋🏻
家中有廢紙、膠樽、塑膠、金屬等回收物品？快來參加我們的環保回收活動，一齊為地球出一分力！🌍💪
📅 回收日期：
🔹1/5(五)、8/5(五)、15/5(五)、22/5(五)、29/5(五)
🕙 時間：10:00 - 13:00
🔹2/5(六)、9/5(六)、16/5(六)、23/5(六)、30/5(六)
🕙 時間：10:00 - 13:00，14:00 - 17:00
📍 地點：綠在彩盈、彩德及牛頭角工場(九龍灣臨利街3號富洋工業中心地下6號)
✅ 只收取家居回收物品
❌ 本次活動不設「綠綠賞」積分，敬請留意

24/04/2026

如何做到每日減碳？🧐
其實好簡單‼️記得出街要自備食物盒、自攜保溫杯同埋自備環保袋✅，要拒絕一次性膠袋❌
一起成為減碳達人啦💚

#低碳生活 #綠在區區 #綠在牛頭角

【不傷心早餐店🥐☕️】

🤓:「嘿！吃早餐阿！快點啦！ 」

朝早趕返工趕返學🏃‍♂️，由於時間關係，好多人都會快快手買份早餐「醫肚」。但你有冇發覺，當你食飽飽準備開工／上堂嘅時候👩‍💻，枱面往往留低咗一堆膠袋同即棄餐具⋯⋯🥡？

諗起呢個畫面，鬼鬼真係心都碎埋🗑️，咪講咗去玩OR買嘢都要盡量低碳走即棄，買早餐都一樣可以㗎🥹！做足以下呢三步，大家每日都可以為地球送上「不傷心」嘅 Good Morning：

🍱自備食物盒：袋定個 #可重用食物盒 ，無論係食燒賣腸粉，定抑或jap個菠蘿包，提前拎定個盒出嚟，每日扭轉少少習慣累積起計就可以減少好多即棄包裝。

🥤自攜保溫杯：朝早習慣飲杯咖啡／奶茶提提神？可以拎埋個 #自攜杯 去買飲品！每日飲少1份預先包裝飲品🧃，包括樽裝、罐裝同紙包裝飲品，一個月最高可以減約4.6公斤碳排放，成效比你想像中更加大！唔只咁，唔少咖啡店／茶飲店仲會提供自攜杯環保優惠，大家可以多多留意～

🛍️拒絕膠袋：最後記得用自備環保袋裝走你份早餐！每減少用1個膠袋🛍️，唔止慳返1蚊，仲可以減碳約0.2公斤，累計50次，計埋已經足足慳咗50蚊同埋減咗約10公斤碳排放～

「對啊～對啊～對啊～對啊～」減碳之計在於晨🌅！一於由聽朝開始，每日為減碳做多步 #源頭減廢 ，同鬼鬼一齊食「低碳」早餐，開展你嘅低碳日常啦✨！

#環境及自然保育基金資助 #環運會 #大嘥鬼 #環境運動委員會 #低碳生活 #不傷心早餐店 #低碳早餐

23/04/2026

「遇見最美香港」攝影大賽📸✨嘅截止日期而家延到 5月16日‼️大家記得把握機會啦💚

【鬼鬼召集📸 一齊影低最美香港！】

本鬼成日周圍走，發現香港除咗多高樓大廈🏙，都有唔少嘅大自然靚景🌿。呢啲咁靚嘅畫面，真係好值得用鏡頭記錄低！
就好似香港嘅大鵬灣咁🌊，去年年底就入選咗第四批全國「美麗海灣優秀案例」，見證香港一直管理水質同保護海洋生態嘅努力, 仲展現咗特區政府係共建粵港澳大灣區成為國際一流美麗灣區嘅重要成果！
而最新推出嘅「遇見最美香港」攝影大賽📸，就邀請大家用鏡頭，發掘同記錄香港最美嘅一面！比賽一共有四個主題，分別係自然生態保育、城巿綠色實踐、人文環境互動、同美麗大鵬灣。
無論你想拍攝壯麗海灣、定係城市綠色角落，都歡迎你參加今次嘅比賽，話俾所有人知香港究竟有幾靚💚。本鬼等緊你哋嘅靚相㗎～

📅 投稿時間：即日起至 5月16日
👥 參賽組別：小學組、中學組、大專組、公開組
🏆 獎項：可獲 高達 $4,000 書券／獎金
👉🏻 報名及詳情
https://www.tkww.hk/a/202602/25/AP699e9b3be4b04773b069c4ba.html

#遇見最美香港 #攝影比賽 #大嘥鬼

21/04/2026

其實回收一啲都唔難，大家只要日常密密做，所有人都可以成為回收達人♻️💚

【回收全達陣♻️💨】

見到本鬼今日著住戰衣出場，就知我已準備好「開波」。紙張、膠樽、金屬、小型電器… 每一樣回收物都接實後快傳，再攬到實一實直線衝去回收物收集點🏃，全程快狠準，零失誤😎！

所謂場上一分鐘，場下十年功，本鬼可以咁快手，全靠平時累積返嚟嘅回收經驗…學識好分類，每日練習，做多幾次，自然越做越熟。

回收一啲都唔難，只要日常密密做，你都可以由新手變高手💪🏻。下次達陣嘅，仲唔係你😉？

#減廢 #回收 #回收達人養成中 #速度 #準繩度 #大嘥鬼

20/04/2026

大家一定要同大嘥鬼一齊企硬，齊減廢啊‼️💚

16/04/2026

玻璃回收點越來越多，大家記得支持玻璃容器回收啦💚♻️

🌟 Cheerssss！ 🍾 【快啲嚟同本鬼一齊回收玻璃樽，齊齊為環保出一分力啦！！】🌟

🎉 玻璃飲料容器生產者責任計劃在2023年5月全面實施，讓相關持份者承擔環保責任，妥善收集及處理廢玻璃飲料容器，以善用資源和轉廢為材。🌍💚

📊 數據話你知：
自2018年起，環保署委聘玻璃管理承辦商在全港各區設立收集點，以推動廢玻璃容器回收。玻璃飲料容器的回收率在推行生產者責任計劃後顯著提升，由2017年約16%，2024年上升至34%，並於2025年再上升至36%。📈

📍 回收點越來越多：
• 回收點數量已由2022年計劃實施前約4 600個增加至2026年第一季約5 300個
• 我們會繼續物色合適的地點設立更多收集點，方便食肆、工商業處所及公眾參與玻璃容器回收 ! 🏬🍽️

💚 「綠在區區」收集量大躍進：
• 「綠在區區」的廢玻璃容器收集量亦錄得顯著增長，由2022年約5 860公噸提升至2025年約10 960公噸，收集量增加約5 100公噸！
• 透過生產者責任計劃和「綠在區區」社區回收網絡的協同推動，公眾回收意識和參與度持續提高 !🌱

🙌 大家一起行動：玻璃飲料容器生產者責任計劃正逐步發揮成效，市民亦在日常生活中逐漸建立綠色生活文化。請大家繼續支持玻璃容器回收，為環保出一分力，讓回收量更上一層樓！💪

#大嘥鬼 #玻璃飲料容器回收率 #玻璃樽 #回收 #生產者責任計劃 #綠在區區 #零廢堆填

15/04/2026

🌿♻️【4月工場回收服務】♻️🌿
九龍灣嘅居民你哋好啊👋🏻
家中有廢紙、膠樽、塑膠、金屬等回收物品？快來參加我們的環保回收活動，一齊為地球出一分力！🌍💪
📅 回收日期：
🔹3/4（五)、10/4（五）、17/4（五）、24/4（五）
🕙 時間：10:00 - 13:00
🔹4/4（六）、11/4（六）、18/4（六）、25/4（六）
🕙 時間：10:00 - 13:00，14:00 - 17:00
📍 地點：綠在彩盈、彩德及牛頭角工場(九龍灣臨利街3號富洋工業中心地下6號)
✅ 只收取家居回收物品
❌ 本次活動不設「綠綠賞」積分，敬請留意

15/04/2026

大家仲記唔記得綠在區區可以回收嘅九種回收物係邊九種🤔？等我同你哋重溫下啦～🤩

九種指定回收物 👇🏻
♻️廢紙 ♻️塑膠 ♻️金屬 ♻️玻璃樽 ♻️小型電器 ♻️四電一腦 ♻️充電池 ♻️光管及慳電膽 ♻️紙包飲品盒

每日做多少少一齊為環境出一分力啦‼️

#九種回收物 #綠在區區 #綠在牛頭角

【持之以恆嘅定義】

好多人一講「持之以恆」就以為要每日做到足、次次都 100 分......Come on～邊有人可以日日都咁完美㗎💯？

就算好似本鬼咁積極回收，都唔可以日日儲齊九種回收物去「綠在區區」報到啦......其實只要你有「回收」呢個 concept，每次想扔「垃圾」嘅時候，會停一停、諗一諗💬​：「呢樣可以回收㗎喎！」，等我儲起佢先，之後得閒一次過拎去回收，持續落去，將回收變成日常生活嘅一部分​！

每日做少少，你就從來都冇離開過環保呢條路。毋須逼自己做到完美，最緊要係堅持啊​💪🏻​～

#持之以恆 #每日做少少 #唔好畀佢停 #大嘥鬼 #回收 #綠在區區