14/09/2026
好體能💪
#全城熱話 海港城單車男狂飆 保安喪追禮貌嗌「先生你好呀先生」 https://p.nmg.com.hk/4hjklz
尖沙咀海港城商場，突然變咗賽道。
社交平台流傳一段片，男子喺2樓踩單車，
高速穿梭。
兩名黑衣保安發現後，即刻由後方狂追。
期間保安跑到氣喘，仲多次禮貌叫，
「先生你好呀先生」。
另一角度影到男子喺商場遊走，途人側目。
3樓扶手電梯位置，仲有清潔工人開工。
網民睇完片鬧爆，指室內商場高速踩單車，
影響其他人，仲可能危及途人同自己。
有人話畫面似綜藝節目追逐場口，
更多人要求商場追查，嚴肅處理。
其後流出疑似騎車者第一身視角片，
顯示佢經過有途人出沒嘅範圍，批評聲更大。
不過焦點轉向兩名保安，佢哋無敷衍慢跑，
落力追截，仲保持禮貌稱呼。
好多網民大讚盡責專業，話應該加人工。
你覺得商場應唔應該全面禁止帶單車入內？
定係要捉到人就嚴懲？保安又值唔值得加人工？
一齊入嚟傾下。
