ENEEF - 弘毅 Endeavour

ENEEF - 弘毅 Endeavour Welcome to our official page.

Endeavour Environmental Education Foundation Limited (ENEEF) is an NGO dedicated to promote sustainable development and education.
歡迎進入弘毅環保教育發展基金有限公司的專頁。弘毅是一家致力推動可持續發展及環境教育的非牟利機構。

【🌾🏘️ 由圍村到展館｜上水炒米餅呈現非物質文化遺產魅力🥮 】最近，弘毅環保教育發展基金 及 品源 好榮幸獲 會德豐地產 Wheelock Living 邀請，喺「古洞北‧都會新篇展館」展示香港本地非物質文化遺產 - 上水鄉嘅傳統炒米餅🥮...
29/07/2026

【🌾🏘️ 由圍村到展館｜上水炒米餅呈現非物質文化遺產魅力🥮 】
最近，弘毅環保教育發展基金 及 品源 好榮幸獲 會德豐地產 Wheelock Living 邀請，喺「古洞北‧都會新篇展館」展示香港本地非物質文化遺產 - 上水鄉嘅傳統炒米餅🥮🎉

我哋將上水原居民一直傳承嘅炒米餅工藝帶入展館，等參觀人士喺了解城市發展藍圖之餘，都可以認識返呢種圍村傳統手藝，最終達至城鄉共融🏙️🏘️ 由炒米、到入模，每一步都係上一輩用時間同心思累積落嚟嘅智慧👴🏻；而依家，新一代亦開始接手呢門手藝，加入自己嘅創意，將傳統味道配合現今飲食文化，令古法炒米餅得以持續發展、歷久常新🍽️✨

再次感謝會德豐地產嘅邀請，以及各位嘉賓嘅支持，等我哋可以喺一個全新嘅平台，將本地圍村文化帶俾更多人認識！期待日後有更多機會，將香港嘅非物質文化遺產帶入唔同社區，一齊守護呢份珍貴嘅傳統智慧🥮

#弘毅環保教育發展基金 #可持續發展 #永續同行共享未來 #品源 #圍村炒米餅 #非物質文化遺產 #城鄉共融

【🍽️ 弘毅登上教科書｜你食落肚嘅嘢，碳足跡有幾深？🌍】上次帶大家了解「綠色農業」，今次輪到弘毅環保教育發展基金高級經理葉思林小姐，繼續為教育出版社「接通新課程 - 人文學堂」帶嚟重要嘅環保知識，今次主題係「認識食物碳足跡」！🎬📚你知唔知，...
23/05/2026

【🍽️ 弘毅登上教科書｜你食落肚嘅嘢，碳足跡有幾深？🌍】

上次帶大家了解「綠色農業」，今次輪到弘毅環保教育發展基金高級經理葉思林小姐，繼續為教育出版社「接通新課程 - 人文學堂」帶嚟重要嘅環保知識，今次主題係「認識食物碳足跡」！🎬📚

你知唔知，原來每樣食物由種植到落嚟你個碟度🍕，都會產生唔同程度嘅碳排放？💨

🌿 點樣減少食物碳足跡？
1️⃣ 盡量選購本地農作物、當季食物
2️⃣ 唔好揀過度包裝嘅食品

影片入面，詳細講解
📌 碳足跡嘅定義係咩
📌 食物碳足跡點樣計算
📌 減低食物碳足跡嘅實際方法
📌 「惜食」點解咁重要

由今日起，買嘢食之前多諗一步，小小習慣可以為地球出一分力！🌏💪
再次鳴謝教育出版社，邀請本會為是次具教育意義的短片進行拍攝工作🙇‍♂️

🎬 立即重溫：https://www.youtube.com/watch?v=QyitVIcja38

#弘毅環保教育發展基金 #可持續發展 #永續同行共享未來 #教育出版社 #食物碳足跡

【🌱 弘毅登上教科書｜帶你了解「綠色農業」係咩回事！📚】弘毅環保教育發展基金首席策略總監鄭逸豪先生，今次受邀為教育出版社「接通新課程 - 人文學堂」錄影短片，親自介紹「可持續發展之綠色農業」！📚✨唔少人聽過「綠色農業」，但究竟係咩意思？🌿 ...
20/05/2026

【🌱 弘毅登上教科書｜帶你了解「綠色農業」係咩回事！📚】

弘毅環保教育發展基金首席策略總監鄭逸豪先生，今次受邀為教育出版社「接通新課程 - 人文學堂」錄影短片，親自介紹「可持續發展之綠色農業」！📚✨

唔少人聽過「綠色農業」，但究竟係咩意思？

🌿 綠色農業嘅定義
「維持產量，同時愛護環境、減少污染，將有機資源循環利用到生態系統中」

呢個概念聽落抽象，但其實同我哋日常生活息息相關！影片入面，深入淺出地講解：
🔎 綠色農業嘅定義
🌍 綠色農業嘅四大關注範疇
♻️ 「有機堆肥」嘅實踐方法 - 點樣將廚餘變成農田養分

想學多啲？立即撳入下面條link重溫
🎬 https://www.youtube.com/watch?v=ofu3cMCdq48

再次鳴謝教育出版社，邀請本會為是次具教育意義的短片進行拍攝工作🙇‍♂️

#弘毅環保教育發展基金 #可持續發展 #永續同行共享未來 #教育出版社 #綠色農業

【🔋 電池收集合作開展｜一齊「回芯轉意」♻️】弘毅環保教育發展基金好開心可以同香港大學嘅同學仔合作 - ，一齊推動電池回收，為社區減廢出多一步。今次合作會收集一次性電池、充電池，包括便攜式充電器（尿袋 Power Bank）🔋收集到嘅充電...
23/04/2026

【🔋 電池收集合作開展｜一齊「回芯轉意」♻️】

弘毅環保教育發展基金好開心可以同香港大學嘅同學仔合作 - ，一齊推動電池回收，為社區減廢出多一步。今次合作會收集一次性電池、充電池，包括便攜式充電器（尿袋 Power Bank）🔋

收集到嘅充電池，之後會交由澤浩高純金屬有限公司作進一步處理，等有用資源可以重新回歸循環，減少浪費♻️一次性電池，則作研究及統計用途📊

誠意邀請各位填寫問卷調查，大家對本港電池回收狀況嘅意見對計劃非常重要！📋

主辦 Battery Loop | 策略合作夥伴 香港大學環境管理理學碩士課程、University Climate Ambassador Program (UNICAP)、弘毅環保教育發展基金、澤浩高純金屬有限公司

#弘毅環保教育發展基金 #可持續發展 #永續同行共享未來 #電池收集 #一次性電池 #充電池

【🥗「不多餘之旅」回顧．聖安多尼學校🥗】 早前約80名聖安多尼學校三年級嘅同學仔嚟參加「不多餘之旅：剩食及包裝分類回收工作坊」🏫，一齊用半日時間學習點樣由餐桌開始實踐減廢回收、回收廚餘♻️同學親手拆開日常食物嘅包裝，了解到原來好多食品都存在...
09/04/2026

【🥗「不多餘之旅」回顧．聖安多尼學校🥗】

早前約80名聖安多尼學校三年級嘅同學仔嚟參加「不多餘之旅：剩食及包裝分類回收工作坊」🏫，一齊用半日時間學習點樣由餐桌開始實踐減廢回收、回收廚餘♻️

同學親手拆開日常食物嘅包裝，了解到原來好多食品都存在「過度包裝」嘅問題。有時一件小小嘅零食🍫，入面有紙盒、有膠托、有獨立小包裝，用嘅包裝材料遠遠多過食物本身！令大家開始反思日常消費習慣同選購食品時嘅包裝問題🤔

之後大家分別去到再生農場🌽、「加樂泥」有機堆肥製作工場參觀，睇到蔬菜點樣由泥土生長出嚟，明白到食物得來不易，自然更加珍惜👩‍🌾，同學亦近距離睇到廚餘點樣一步步轉化成有機堆肥，再變成農田養分🪴

#弘毅環保教育發展基金 #可持續發展 #永續同行共享未來 #聖安多尼學校 #不多餘之旅 #環境教育

Address

12 Kam Chui Road, Kam Tsin Tsuen
Sheung Shui

Website

Alerts

Be the first to know and let us send you an email when ENEEF - 弘毅 Endeavour posts news and promotions. Your email address will not be used for any other purpose, and you can unsubscribe at any time.

Shortcuts

Share

Category