綠在天恩 Tin Yan Recycling Store

18/09/2026

綠在天恩及普門基金會現誠邀5-6歲小朋友及家長參與「♻環保小店長體驗計劃」!
體驗計劃將於2026年10-12月舉行，屆時小店長將會實習如何分類回收物，及使用智能磅獲得綠綠賞積分，、小店長成計劃可獲獎狀一份。
各額有限，有興趣之小朋友可於以下連結報名。

報名連結: https://forms.gle/MEynfajsNoyn5Bza6

17/09/2026

【太空任務🚀 天韻相機篇】
做咗咁耐環保KOL，除咗要出event, 間唔中都要出吓trip～ 今次嚟到太空站執行任務，梗係要用相機影張「宇宙級」Selfie留念啦😎。
點知影完一睇……咦？本鬼個樣呢？
原來，呢部根本唔係普通相機，而係由香港科技大學牽頭研製專門觀測地球大氣環境嘅科研儀器——天韻相機🔬！佢作為「天、空、地」一體化監測嘅一部分，可以係太空中探測二氧化碳、甲烷等溫室氣體嘅分佈情況。
佢嘅運作原理係透過係太空測量太陽光穿過地球大氣層時，被不同氣體吸收同反射嘅光譜變化，再透過紅外線光譜儀檢測出二氧化碳、甲烷等溫室氣體嘅濃度分佈。佢嘅空間分辦率甚至可以達到百米級，精準鎖定發電廠同煤礦等溫室氣體嘅排放設施。
天韻相機每日都會跟住太空站環繞地球16次🌍，每次拍攝多幅影像，幫助科學家掌握碳排放數據，然後制定有效嘅減排措施，以達到碳中和的目標。
今次雖然影唔到本鬼個靚樣，但如果可以搵出碳排放源頭、為減碳出一分力，呢個太空任務都算順利完成喇💚！
太空科技除咗用嚟探索宇宙，更加係守護地球嘅強大武器！依家科學家可以由外太空監測全球碳排放，幫手喺地面精準控制全球暖化。航天科技同環境保護，可以話係相輔相成！🚀
如果大家想知多啲天韻相機嘅運作原理，可以去到政府化驗所 ( .gov.hk ) 嘅專頁了解更多：
https://www.facebook.com/share/v/1A6RT5PJmU/
#太空任務 #天韻相機 #減碳科技 #環境監測 #大嘥鬼

08/09/2026

【🥳突破3億❗膠樽回收創新高！♻️】

喂喂喂，本鬼又有嘢想同大家開心share喇！📢

🎉環保署嘅「入樽機先導計劃」膠樽回收量屢創新高，自2021年推行計劃以嚟，已經回收超過3億個飲品膠樽喇❗❗😱🤩♻過去1年嘅回收量比前1年上升近2成！📈👍全靠你哋一齊努力入樽，先做到呢個成績！你哋真係好勁呀！💖👏

📌全港18區有120部入樽機，🚶‍♀️🚶‍♂️行過路過見到，記得拎起你飲完嘅膠樽，沖一沖、keep住條碼，「入樽」支持環保♻🙌

每回收1個飲品膠樽，就有$0.1回贈💰，可以入落你嘅八達通或者AlipayHK，捐俾指定慈善機構做吓善事又得~ 😇💚

🗺想知邊度有入樽機﹖即刻撳呢條link睇吓啦👇
🔗 https://www.hkrvms3.com.hk/hk/

💡大嘥鬼溫馨提示：出街記得BYOB自備水樽，減少使用一次性塑膠。如果有飲完嘅飲品膠樽，就記得「入樽」回收喇~ ❤♻️

#大嘥鬼 #入樽機先導計劃 #3億個膠樽 #飲品膠樽回收 #回收有賞 #現金回贈 #多謝大家支持 #乾淨回收 #減廢回收 #轉廢為材 #綠色香港 #環保署

04/09/2026

04/09/2026

【中秋月買越多🥮！？】

距離中秋仲有一個月，估唔到本鬼一打開月餅預訂嗰page就出事！

流心奶黃要試、開心果味好似好吸引、冰皮又想食🤤……撳吓撳吓，個購物車就愈嚟愈滿🛒。本鬼聽到內心嘅魔鬼喺度同自己講：「買啦，都係一年一次啫！」

但冷靜落嚟諗真啲🤔，月餅雖然好味，食兩三件已經開始膩。如果一時衝動買太多，最後擺到過期，就真係又心痛又浪費。

所以今年，本鬼決定做個精明食家💪！

- 食得晒至好買 : 食幾多，就訂幾多
- 分享口味多 : 同人分享，就可以試到更多口味

今年中秋，月餅分量啱啱好，惜食先至最圓滿💚！

#惜食 #中秋節 #月餅 #減少浪費 #大嘥鬼

02/09/2026

提提大家，除咗三紙（報紙📰、辦公室紙📃同紙皮📦）之外，以下廢紙都可以攞去「綠在區區」回收✅ ：
✅紙盒、鞋盒
✅廁紙筒、保鮮紙筒
✅冇膠手挽嘅紙袋
✅紙製包裝填充物

但係呢啲紙就唔可以回收❌：
❌熱感紙收據
❌有塑膠或粘膠成份嘅紙
❌牛油紙、蠟紙
❌紙巾、廁紙、抹手紙

⚠️巿民回收廢紙嗰陣仲有咩要留意🧐？記得做齊以下步驟喇~
除雜質︰拆釘撕膠紙，減少再造過程中篩出嘅殘渣🗑️，提升廢紙價值
勿濕水💧︰廢紙發霉，纖維破壞咗就冇用㗎啦
壓扁平︰慳多啲位，提高運輸🚛嘅成本效益

記得有紙就攞過嚟啦！

如果大家對回收廢紙或其他回收物有任何問題🤔，歡迎向「綠在區區」職員查詢！

#綠在區區 #廢紙回收 #減廢回收 #回收 #乾淨回收

27/08/2026

【網購拆件神功！本鬼教你即場乾淨回收✂️📦】

去自提點取貨順便「即拆、即回收」，輕鬆又環保！♻️

廢紙類回收：去除膠紙及標籤 ➔ 去除釘 ➔ 攤平壓扁
廢塑膠類回收：去除膠紙及標籤 ➔ 攤平

充氣防撞袋仲可以剪開放氣，增大回收效率添！

大家記得做好呢幾步，做個最型嘅回收高手！💪綠色生活，由拆件做起！💚

👉 了解更多：https://www.wastereduction.gov.hk/zh-hk/waste-reduction-programme/self-pickup-store-on-site-recycling-project

#自提點即場回收計劃 #包裝回收網絡 #乾淨回收 #去除膠紙及標籤 #重用再造 #大嘥鬼

26/08/2026

【最後召集🚨！你交咗片未？】

影咗好多減廢回收嘅短片，但一直拖住冇剪、冇交？本鬼今日認真同你講：再唔行動，機會就真係過咗㗎喇😱！

「全民回收」創意短片大賽8月31日晚上11:59就截止報名⏳！如果你已經影低咗減廢日常同回收片段，又或者腦入面一直有唔少拍片Idea 💡✨，但仲未開始埋手製作，嗱嗱臨趁而家做最後衝刺啦💨！未拍片嘅朋友仔，快啲拎起你嘅手機或者相機，拍一段關於 #源頭分類、 #乾淨回收 或 #智能回收嘅短片🎬

大家只要立即行動，拍片、剪輯、交片，三個步驟，就有機會贏走豐富獎品，仲可以喺環保署或本鬼 Facebook/Instagram公開展示！

報名參賽同獎項詳情，睇呢度啦😜👇
🎬🔗『全民回收』創意短片大賽報名連結：https://www.wastereduction.gov.hk/zh-hk/RecyclingDay2026/shortfilm/app

兩大參賽組別：
👥 公開組： 所有香港居民（拍片達人、街坊即管試！）
🎒 學生組： 本港全日制學校之學生（包括大專、中學及小學，青年導演舞台！）
所有學生組參賽者／隊伍亦可獲得電子嘉許狀。

【獎項詳情 】：
🥇冠軍（每組1名）：總值港幣 $5,000 電子器材禮券及獎狀
🥈亞軍（每組1名）：總值港幣 $4,000 電子器材禮券及獎狀
🥉季軍（每組1名）：總值港幣 $2,000 電子器材禮券及獎狀
🎖️優異獎 （每組5名）：總值港幣 $500 電子器材禮券及獎狀

🔥我哋會喺所有參賽作品中精選優異短片入圍，並上載至環保署或本鬼 Facebook/Instagram 進行全港公開投票。最多 Like 嘅人氣作品，將成為 👑「網絡人氣大獎」(1 名) 得主， 額外獲得港幣 $2,000 禮券及獎狀！

🎁所有入圍參賽者／隊伍嘅每個人都可以得到「大嘥鬼」精美禮品一份!!!
🗓️ 截止日期： 2026年 8月 31日（星期一）晚上 11時 59分
🔗『全民回收』創意短片大賽詳情： https://www.wastereduction.gov.hk/zh-hk/RecyclingDay2026/shortfilm

#大嘥鬼 #環境保護署40周年 #美麗香港環境節 #全民回收日 #全民回收創意短片大賽 #短片比賽 #全民參與 #全民回收 #源頭分類 #乾淨回收 #智能回收 #最後召集 #倒數

26/08/2026

【鬼影回收手🫸🏻​🤛🏻​】

「冷靜！唔好掉呀！！！」

見到啲膠樽、汽水罐、廢紙同玻璃樽，一個一個咁掉入垃圾桶🗑️，本鬼真係好想大叫一聲：佢哋唔應該掉入呢度㗎🚫！

喺千鈞一髮嘅時刻，本鬼唯有用肉身擋住每一件有價值嘅可回收物。事關佢哋根本唔係垃圾，只要做好分門別類同乾淨回收，佢哋就可以變成有用嘅資源♻️！

下次出手之前，不如停一停，諗一諗～做好分類，先至係真正嘅「世界波」啊⚽💚！

#回收 #源頭分類 #乾淨回收 #大嘥鬼

21/08/2026

♻️綠在天恩2025年-第3季季度報告📢
綠在天恩於2025年7月至月9月期間，總共回收到49公噸回收物，及達33,267訪客人次，
感謝各位街坊支持乾淨回收及前線員工嘅努力🙇🏻‍♂️💚我們會為環保回收繼續努力 💪🏻
如有任何疑問，歡迎致電9343 3057向綠在天恩職員查詢。
綠在區區九種指定回收物 👇🏻
♻️廢紙 ♻️塑膠 ♻️金屬 ♻️玻璃樽 ♻️小型電器 ♻️四電一腦 ♻️充電池 ♻️光管及慳電膽 ♻️紙包飲品盒
✅了解更多於綠在區區嘅九種指定回收物︰https://bit.ly/3yHV5LW
✅下載綠綠賞手機應用程式︰https://bit.ly/3VJT6Ri
#綠在區區 #綠在天恩 #天恩邨 #綠綠賞 #公共屋邨社區回收網絡 #源頭分類 #乾淨回收 #廢紙 #塑膠 #金屬 #玻璃樽 #小型電器 #四電一腦 #充電池 #光管及慳電膽 #紙包飲品盒 #大嘥鬼