荃灣海濱花園事務關注組

荃灣海濱花園事務關注組 我們非政治抽水的一羣街坊，沒有資源，街坊義工團隊把僅有工餘時間積極?

27/04/2024

即時：有兩架消防車停泊於3座外，現時所有車輛只可從22座進入海濱花園。

為慶祝本屋苑四水工程簽約，地底喉再爆一爆先，11座至22座全部冇廁所水，又要等鑿地 #四水可以唔做住喉可以繼續爆 #街坊們買多幾個水桶儲水 #感謝街坊賜相
30/03/2024

為慶祝本屋苑四水工程簽約，地底喉再爆一爆先，11座至22座全部冇廁所水，又要等鑿地

#四水可以唔做住喉可以繼續爆
#街坊們買多幾個水桶儲水
#感謝街坊賜相

即時，中銀機對開有鋁窗從高處墮下，無人受傷，現場已清理。提醒各業戶注意窗戶安全，記得定期檢查窗戶，開唔到就唔好夾硬開喇！
20/11/2023

即時，中銀機對開有鋁窗從高處墮下，無人受傷，現場已清理。

提醒各業戶注意窗戶安全，記得定期檢查窗戶，開唔到就唔好夾硬開喇！

管理費又要加喇，唔知大家有冇留意呢？可能大家都覺得加都好正常，但有啲嘢值得大家留意多少少，就係管業處除咗要加人工之外，喺人手方面又要加喇。唔少街坊都對管業處服務頗有微言，例如打電話去管業處冇人聽啦、想留言但”遺言信箱”經常滿咗、去管業處搵主...
24/10/2023

管理費又要加喇，唔知大家有冇留意呢？可能大家都覺得加都好正常，但有啲嘢值得大家留意多少少，就係管業處除咗要加人工之外，喺人手方面又要加喇。

唔少街坊都對管業處服務頗有微言，例如打電話去管業處冇人聽啦、想留言但”遺言信箱”經常滿咗、去管業處搵主任搵唔到啦、留聯絡等回覆等到天荒地老啦……Err……好似都唔係有啲頗有微言喇……

當然我哋都唔係話要做死管業處嘅前線員工，但管業處都要好好哋交待下，點解又要加人，又管業處有冇服務承諾可以俾到街坊？

附上業委們嘅聯署信，都希望各位街坊睇完之後，可以了解多啲！10月30日前都可以向管業處提出建議㗎。

#業委有嘢講
#加加加加加加加加
#點解今年管業處冇諮詢會

17/09/2023

議程5(iii)：議決四水工程承建商
1. 萬昇：13.16%
2. 新城市：1.72%
3. 信誠：18.66%
4. 新生：0.7%
5. 華達：65.75%
結果：決定聘請華達建築公司。

17/09/2023

議程5(ii)：議決由全體業主分別集資進行四水工程的地底喉項目
贊成：66.54%
反對：33.46%
結果：通過

17/09/2023

議程5(i)：議決由全體業主分別集資進行四水工程的公用，商業公用及公用部分(地底喉以外)的項目
贊成：60.76%
反對：39.24%
結果：通過

17/09/2023

議程3：議決通過消防安全資助相關條款
贊成：94.36%
反對：5.64%
結果：通過

17/09/2023

議程2：議決通過申請參加第三輪「消防安全改善工程資助計劃」
贊成：97.17%
反對：2.83%
結果：通過

最後提醒，17/9即係今日，真係有會開，係真係有會開呀！1時恭候，2時開會！24/9同30/9係管業處定嘅後備日子嚟咋，唔好搞錯呀… #海濱第一次開特別業主大會 #開會日期好鬼亂 #五百年一遇 #個會可能有啲長 #到時海濱都有夜繽紛
17/09/2023

最後提醒，17/9即係今日，真係有會開，係真係有會開呀！
1時恭候，2時開會！
24/9同30/9係管業處定嘅後備日子嚟咋，唔好搞錯呀…

#海濱第一次開特別業主大會
#開會日期好鬼亂
#五百年一遇
#個會可能有啲長
#到時海濱都有夜繽紛

17/9星期日就係特別業主大會喇，業主們睇晒啲資料未？未嘅記得趁呢個weekend刨下啲資料喇。出席業主大會係業主嘅義務，不論你支唔支持議案都好，都應該要出席投票表達你嘅意見。出席唔到嘅你，授咗權未呢？未嘅就唔好意思喇，授權已經截咗止喇；授...
16/09/2023

17/9星期日就係特別業主大會喇，業主們睇晒啲資料未？未嘅記得趁呢個weekend刨下啲資料喇。出席業主大會係業主嘅義務，不論你支唔支持議案都好，都應該要出席投票表達你嘅意見。

出席唔到嘅你，授咗權未呢？未嘅就唔好意思喇，授權已經截咗止喇；授咗嘅就記得提醒你嘅授權人出席喇。

最後，好重要，不論你有冇授權，記得去大堂睇睇自己個單位有冇授權記錄，有疑問嘅唔好怕，一定要同管業處講，齊齊謝絕違規授權！

嚟到最後一日喇，今日會講講特別業主大會有幾特別。1. 當日其實要投啲乜？▪️ 投票程序：消防改善計劃申唔申請資助➡️點票➡️四水工程做唔做➡️環村地底喉做唔做➡️點票➡️如果做嘅揀邊間2. 咁會開幾耐呀？話晒都星期日，Family Da...
15/09/2023

嚟到最後一日喇，今日會講講特別業主大會有幾特別。

1. 當日其實要投啲乜？
▪️ 投票程序：消防改善計劃申唔申請資助➡️點票➡️四水工程做唔做➡️環村地底喉做唔做➡️點票➡️如果做嘅揀邊間
2. 咁會開幾耐呀？話晒都星期日，Family Day喎…
▪️ 管業處上次揀咗星期六，有好多街坊都好激動下，話自己星期一至六都要返工，即係玩嘢啫，所以今次都已經算係”從善如流”咗。其實又咁講，香港日日都有人返工嘅，有好多人都係要輪更返工，揀一至日都總有人唔得閒嘅，但都希望今次少啲不滿聲音啦
▪️ 消防改善計劃資助嘅投票就應該快嘅，但之後就難講喇，管業處自己都話，點票做唔做四水同環村喉都要啲時間嘅，點完票如果決定做，都仲要投埋邊間公司，如果咁唔好彩冇公司過半數嘅話，就仲要投多一輪票，管業處自己都話預五、六個鐘，奉勸出席嘅各位一句，嗰晚唔好約人喇
▪️ 管業處話，佢哋今次會用電子點票系統，以加快點票程序喎，留意係電子點票啫，唔係電子投票，都係要逐張票讀嘅…
3. 咁我入咗去幾個鐘係咪冇得食有冇得去廁所？咁點算？
▪️ 管業處表示當日每位入場人仕都會有手帶嘅，即係你去啲乜乜嘉年華都會戴嗰啲，務必確保你條手帶完會前都係完好無缺嘅，因為你想出入會場係認你手上嘅手帶嘅
▪️ 管業處喺資訊發佈會就話會準備水同乾糧俾各位出席人士，至於係乜嘢乾糧同準備幾多就唔知喇
4. 咁如果我唔得閒，咁可以點？
▪️ 事關自己荷包，自己出席都當然係最好啦，出席唔到又有信得過嘅人，就可以授權佢出席
▪️ 因為今次係跟建築物管理條例（香港法例第344章），可以授權嘅人不限於業主嘅配偶，朋友都可以，前提係你確信佢可以按你意願投票
▪️ 千祈唔好亂咁簽授權書俾人呀，阿豬阿狗喺條街度拍晒心口，話自己信得過嗰啲先最信唔過呀…
▪️ 注意授權書要喺15/9/2023下午2點前交到管業處或者每座大堂個箱仔度，管業處收到授權書後會將回條放入你單位嘅信箱入面，核實收到授權書，另一方面，管業處亦會喺大堂貼出授權書記錄，以表示管業處收到邊個單位嘅授權書，所以交咗授權書嘅就要記得check下自己個信箱，同埋個記錄表有冇自己個單位
5. 我又點知我有冇”被授權”呢？你知啦，好多法團都出過事…
▪️ 如前所述，管業處會喺大堂貼授權書記錄表，所有業主都有責任check下自己個單位有冇”被授權”，大家都要一齊杜絕違規授權

#9月17日準時出席特別業主大會
#下午2時下午2時下午2時
#9月24日係後備日期

Address

Tsuen Wan

Website

Alerts

Be the first to know and let us send you an email when 荃灣海濱花園事務關注組 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 荃灣海濱花園事務關注組:

Shortcuts

Share