02/05/2026
🚨【東張西望】準新娘做微針險毀容！我真係火都嚟
同時 心裡真的很難受。準新娘的微針意外，其實是可以避免的... 💔
一個女仔準備結婚，原本滿心歡喜想做個最靚嘅新娘，結果遇到咁嘅事，成塊面又紅又發炎，真係好令人心痛。好多人問我，點解一個微針療程會搞成咁？其實作為同行，我哋睇到嘅唔係單純嘅意外，而係前線操作（Operation）上被忽略嘅細節。
其實出現咁嚴重嘅敏感同發炎，通常離不開三個原因：
🦠 1. 忽略了儀器與針頭的潔淨度
好多美容院可能為咗控制成本，喺一啲未經嚴格認證嘅 WhatsApp 群組入貨。如果微針嘅質素參差，或者已經受到細菌污染，一用喺脆弱嘅皮膚上，就容易引起感染同發炎。
⚠️ 2. 未能及時察覺客人的麻藥敏感
做微針通常會有少少吉吉哋嘅感覺，所以好多時會敷麻膏。但每個人嘅體質都唔同，如果前線同事冇預先細心了解客人係咪對麻藥敏感，好容易就會引發全臉紅腫嘅過敏反應。
🩹 3. 最容易忽略的細節：清潔未夠徹底
呢個係最令人惋惜嘅失誤。敷完麻膏之後，如果冇 100% 清潔乾淨，微針導入嗰陣，就會唔小心將表面殘留嘅麻藥直接帶入真皮層，甚至滲透到血管。呢個操作會令皮膚產生極強烈嘅發炎反應，造成難以挽回嘅傷害。
✨ Issac 的心底話：
每次見到呢啲新聞，我都會同我輔導緊嘅美容院老闆講：「客人將塊面交畀我哋，係一份好重嘅信任。美業，從來都係一門幫人搵返自信嘅事業。」
儀器同產品固然重要，但真正令一間美容院長遠立足嘅，永遠係對「細節」嘅執著同對客人嘅用心。
做一間真正有溫度、被客人深深信任嘅好品牌。🤍
#東張西望 #美容院管理 #微針療程 #美業分享 #美業老闆 美容院營運 美業行銷 美容院顧問 Issac美業操盤手 沒有救唔活的美容院 創業指導 香港美容院 細節決定成敗
