أميرة عَزَب Amira Azab

أميرة عَزَب Amira Azab ‎
‎ :أميرة عزب
مستشارة تنظيمية, محاضِرة ومدرّبة بموضوع القيادة والادارة وموجهة مجموعات

أساعدك بتنظيم مصلحتك/مؤسستك 🎖️
وبزيادة نجاعة وإنتاجية الطاقم 🎯
أرافق روّاد الأعمال والمستقلين بتطوير الهوية المهنية💡
لحجز إستشارة في الرابط:https://bit.ly/AmiraAzab

23/08/2026

لمّا بتطلع بمشروع هادف وخادم للمجتمع، يكون من المجتمع للمجتمع،
المفروض تهتم كثير بخدمة المستهلكين-
يعني مقابل كل النشر والحشد وتجميع أعداد لمستهلكين تركوا المنافسين وإنضموا لمشروعك- المفروض واللازم والواجب الأخلاقي بحتّم عليك توفر موظفين ولو بالمراحل الأولى لتسهيل الإنضمام والتمتع بخدماتك وخدمات مشروعك.

وغير هيك يبقى واضح إنه ما تم التخطيط صح للمشروع.

أنا شخصيّا بفضل أنتسب لخدمة معينة بدفع عليها أكثر بس بالمقابل في تجاوب من الشركة والخدمات بتتم بوقتها.

خليها بمعادلة win -win

Show translation

سعيدة جدًا بمشاركتي كضيفة في إحتفالية مشروع أثر 365 في الأردن، بدعوة كريمة من نادي التدريب الأردني.أربع ساعات مرّت سريعة...
19/08/2026

سعيدة جدًا بمشاركتي كضيفة في إحتفالية مشروع أثر 365 في الأردن، بدعوة كريمة من نادي التدريب الأردني.
أربع ساعات مرّت سريعة ومليئة بكل قيمة قد خطط لها الطاقم الرائع وأخرج لحيز التنفيذ لقاء مُبهر وإحتفالية قيّمة شدّت الإنتباه حتى اللحظة الأخيرة.

أجمل ما بهذه اللقاءات المهنية والعملية أنها تنقل العلاقات من شاشة لينكدإن إلى لقاءات حقيقية،وجاهية، شخصية وجماعية تمنحنا فرصة للتعرف على زملاء إنتظرت أن أقابلهم وأسمع عن مشاريعهم وتجاربهم عن قرب.

خرجت من اللقاء بقناعة تكبر مع الوقت:
التشبيك المهني ليس رفاهية، بل مساحة للتعلم، وتبادل الأفكار، واستلهام تجارب يمكن لها أن تتحول إلى جديدة لكل طرف.

أما عن النصائح التي أُهديت للمشاركين فكانت الأبسط قولًا وبذلت الوقت الأكثر قيمة لمسار عملي ذو ماهيّة.
وأما عن فقرة التشبيك والفعاليات فكانت مزيجًا جميلًا من المتعة والتعلم.

والحقيقة؟
كنت بتمنى لو كان معي وقت متاح أكثر حتى أحكي مع الكل، ولعلها تهيئة للمرات القادمة 😌

شكراً جزيلًا للأعزاء عبد الفتاح درابسة، فرح عويس، سيرين أبو صليّح، حمزة كمال، وسيناميس بيوق ولنادي التدريب الأردني على الدعوة والإستضافة الكريمة،
تحياتي لكم على التنظيم والمضمون القيّم بهذا اللقاء.
وإلى لقاءات قادمة بإذن الله 🤗

فعلًا، تركتم أثر- أثر عظيم. 🌷

12/08/2026

إستشرت جهتين بالنسبة لتسويق ورشة على منصة إنستچرام وسألت الجهتين هل الخطوة بتحافظ على قيمة الورشة ولا بتضر فيها - لأنه جمهور الهدف مختلف عن العادي.

وهيك جاوبوني الجهتين:

📍 "مختصة أعمال": أكيد أنشريها، حتى لو الجمهور مختلف ، النشر بهالمنصة صار أساسي. وممكن برضو تجبلك جمهور جديد.

📍تشات چي پي تي ( chatgpt) : أنا لا أريدك أن تدخلي في مساحة "كيف تبيعين أكثر على Instagram"؛ لأنها تضعك في سوق مختلف تنافسين فيه مدربي التسويق والمبيعات. أنتِ عندك قيمة أعلى بكثير.

#تشات جي پي تي صار يعرفني أكثر من اللي بعرفني ؟؟!!
للآن مش عارفة أحدد إذا أنا مصدومة خيبةً ولا فرحًا من التناقض بالإجابات.

في نوعيتين، من عدة نوعيات، من المؤسسات والشركات بحب كثير أشتغل معهم كزبائن: النوعية الأولى اللي بتتواصل وبتحكي:"خلينا نح...
08/08/2026

في نوعيتين، من عدة نوعيات، من المؤسسات والشركات بحب كثير أشتغل معهم كزبائن:
النوعية الأولى اللي بتتواصل وبتحكي:
"خلينا نحدد التاريخ"، لأنها عارفة شو بنفع أقدّملها، وواثقة إنها بدها تشتغل معي.

والنوعية الثانية اللي بتدخل دغري بالميزانية:
"هاي ميزانيتنا، شو ممكن نعمل فيها؟"، أو: "قديش التكلفة؟"
وبأغلب الحالات، مع النوعيتين، بنسكّر صفقة 💫

بفضّل هالثنتين لسبب بسيط: الوضوح. ✅
هم عارفين شو بدهم، وأنا عارفة شو بقدر أقدملهم،
فالمحادثة بتكون أسرع، أوضح وأسلس.

💡 وإنت كمستشارة، مدربة أو موجهة- شو لازمك عشان توصلي لهيك مرحلة؟
عشان يصير هيك، لازم الطرفين يكونوا واضحين:
💡 إنت كمقدمة خدمة، تكون هويتي المهنية ومضمونة واضحين.
💡 والمؤسسة/ الشركة تكون عارفة وفاهمة احتياجها، وعارفة مين المهني المناسب اللي ممكن يلبي هالاحتياج.

🎯 لما الوضوح يكون موجود من الطرفين...
Yes, there is a deal. 😊

#استشارة #قيادة #إدارة

مجهودك، مقابل الشخص الخطأ، مجهودك، مقابل المدير الخطأ، مجهودك، مقابل الموظف الخطأ، مجهودك، مقابل الفريق الخطأ، مجهودك، م...
17/07/2026

مجهودك، مقابل الشخص الخطأ،
مجهودك، مقابل المدير الخطأ،
مجهودك، مقابل الموظف الخطأ،
مجهودك، مقابل الفريق الخطأ،
مجهودك، مقابل الزميل، الخطأ،
مجهودك، مقابل المشروع الخطأ،
مجهودك، مقابل العمل/الشركة الخطأ،
وممكن أيضاً مجهودك مقابل الفكرة الخطأ...

في لحظة أو مرحلة اللي لازم تضويلك الضوء الأحمر،
تتوقّف وتقرر كيف تستمر.

11/07/2026

شو اللي بخلّي المدير.ة يقلب سلوكه.ا مع الموظف من جيد جدًا إلى سيئ،
وخاصة بعد سماع مردود وتقييم إيجابي جدًا بحق الموظف من عدد أشخاص شغالين بمشاريع مشتركة؟
غريب أمرهم...

سؤال بطرحه هون حاليًا بدون ما أجاوب...
رح أكتب بالتفصيل عنه بالقريب.

#مهارات #إدارةـوقيادة

06/07/2026

🎯 "بحاجة نعيّن جلسة إستشارة معك"،
😎 "بدي آخذ رأيك بأمر بخص شغلي"

جملتين بعطوا نفس المعنى،
بس الفرق إنه بالأولى الشخص فاهم ومحترم وناوي يدفع مقابل الخدمة،
وبالثانية فاهم بس ما بده يدفع مقابل الخدمة.

الإستشارة مش جملة ورَد عليها،
الإستشارة فهم وعمق وتحليل ونصائح وخطوات فعالة ومدروسة متعوب عليها.

إحترام وتقدير مهارات وموارد الغير بتخلي هذا الغير يردلك بنفس العملة. 💡

Show translation

28/06/2026

بتتذكر.ي هذيكِ المرة لمّا تحمستِْ وشديتِْ حالك بالشغل،
عشان تحصل.ي على المنصب الأعلى من منصبك؟

إنت طمحتِْ،
وفي مين قالك "إنت طمعتِْ!"...
وهون الشك غلغل جواتك...
فطفى طموحك، وشلت الموضوع من راسك...

كثير مرات الحقيقة مش اللي بتسمعوها من غيركم،
الحقيقة موجودة جواتك، بس نكشة صغيرة من هالغير بتشكك بحالك،
وبتخليك تقيّم.ي الأمور غلط، وتغرق.ي بفيلمك الشخصي،
حد وحتى الخسارة!

آه، على سيرة الطمع-
يمكن كان قصدهم إنك "طمعت" مش هلقد سلبي؟
وإنت خربطتِْ الدنيا جواتك من قلة الثقة... يمكن؟

بدها مونولوچ وديالوچ ومحادثة جماعية يمكن...

اللهمّ إنّا نتوكّلُ عليكَ، ونقتدي برسولك الكريم سيّدنا محمّد عليه الصلاة والسلام، اللهّم أيامًا مليئة بالخير والبركات وا...
16/06/2026

اللهمّ إنّا نتوكّلُ عليكَ،
ونقتدي برسولك الكريم سيّدنا محمّد عليه الصلاة والسلام،

اللهّم أيامًا مليئة بالخير والبركات والطمأنينة 🤲🏼💜

Address

شارع حطّين 1
Kafr Qara`
30075

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 12:00
Sunday 09:00 - 17:00

Telephone

+972546707377

Website

Alerts

Be the first to know and let us send you an email when أميرة عَزَب Amira Azab posts news and promotions. Your email address will not be used for any other purpose, and you can unsubscribe at any time.

Contact The Business

Send a message to أميرة عَزَب Amira Azab:

Shortcuts

Share

Category