07/11/2024
Nov 8th atangin RemPham'Ly Cinema, Bawngkawn, Durtlang Road-a en theih tur, "Here" hi k*m 1989 a phek 6 chauha chhah comics bu, Richard McGuire a ziah chu k*m 2014 khan phek 304 a chhah, milem bu a tih chhuah leh ani a, he milem bu behchhan hian Richard McGuire leh Robert Zemeckis ten Screenplay ziakin, k*min 2024 hian a hming ngai vêk, 'Here' tuh hming pu-in, Robert Zemeckis hian movie ah a direct a ni. Here movie production hi Miramax leh ImageMovers in an buaipui a, Sony Picture kaltlangin TriStar Pictures in an distribute dawn ani. Sawizau hranpa ngailova Mizo ten kan hriat lâr, Tom Hanks chu a changtupa niin, Forest Gump ah a chanpui, Golden Globe Best Actress Award pawh lo dawng tawh, Robin Wright chu a changtunu a ni bawk.
"Here" thawnthu hi k*m maktaduai tel kalta atanga tun hun thlengin, hmun pakhat chauha mi hrang hrangin hun an hman dan hrang hrang tarlanna drama a ni deuh ber. A review pawh a inang lo deuh nuaih mai a, en a chakawm viau. Ticket lo book ve rawh.
