ZAMZO

21/03/2026

THU PUAN 20:14-15
Tin, Thihna leh Mitthi Khuate chu meidîlah an paih a. Chu chu thih hnihna chu a ni – meidîl chu. Tu hming pawh Nunna Bua ziak an hmuh loh chuan meidîlah an paih bawk a.

Hremhmun hming langsâr chu – meidîl, rawhtuina mei, tân in, leilâwt, Gehenna mei, pâwn lam thim, ṭah leh ha ṭhialna hmun, k*mkhaw hremna tihte leh mitthi khua tihte a ni a. Hremhmun hi Setana leh a hote hremna hmun tûr a ni a, mei mit thei lo leh thil lung râpawm tak tak, mi kher ngut ngut thei hmanga hremin an awm dâwn a ni.

Hremhmun awm tak tak ring lo pawh an awm ve a. Kan Bible-in a sawi avângin hremhmun hi a awm a. A hmangaihna a nasat ang bawk hian Pathian thinurna hi a la hlauhawm nasa dâwn a. Hremhmun aṭang chuan tu mân an ko ei tawh dâwn lo. Mi hausain hremhmun aṭanga thil a dîl pawh pakhat mah tihsak a ni lo. Sim la, amah pan rawh; tichuan, hremhmun i pumpelh dâwn nia!

16/03/2026

SUSPEND MAI LO IN BAN NGEI SE

NGAIHSAK HLAWH LOH VANGA BORAL F LALLAWMKIMI

Hmai phih nan an suspend a nga, thawh loh hlawh an rut ṭeuh nga, an vannei mai mai.😃 An ban tawp law law a nih loh chuan..awmzia awmlo...Thawk ṭha peih lo chu ban hmiah hmiah zel ahun tawh , Lehkhathiam an tam inren lutuk lo ang u.

Mihring nunna inzah sakloh na, thuhran nise, Doctor tam tak bulah in entir ila...(an vai chuan anni lo) lo eichhin phawt la, Tih te pawh hi atam, Mihring hi enchhinna atan min hmanga. Damdawi eichhin tur min chawh kha lo ngeih lo ta ila, kan thihpui emaw chhiatpui ve daih thei.Lo ei chhin la..thlakhat hnuah ilokal leh dawnnia tih te pawh hi tawp ve tawh se..

Ngaihsak hlawh loh vanga Boral ta hi khang Medical staff ho chungah khan thleng ve se, an lawm in arinawm loh hna tlin lo, thawk tlak lo niin an langa..

Sawrkar thar khauh tak kan nei a..suspend ringawt lo in Ban se,, thawk tur fel tak tak Coaching kal mek an tam lutuk.

C/p

01/03/2026

Lalthlanawma | KTP Gen. Conf. 2026 (Feb. 28, 2026 - Concert) A va zai nung tak em❤️❤️❤️

01/03/2026

KṬP Recitation thar lar leh mipui lawm hlawh @ Saitual KṬP General Conference @ 2026.

10/02/2026

08/02/2026

VANRAM KAILO TUR TE


Laldinpuia

Khawvela mitin hmeichhe hrin tawh phawt hi chuan he khawvel kan chhuahsan hun/ kan thih hnuah kalna tur hmun hnih kan nei theuh va, chu chu Vanram leh Hremhmun a ni. A pahnihah hian a kal kawp theih loh va mahni duhna hmun hmunah a pawng a takin a kal theih ngawt bawk hek lo. He khawvel a kan damlai a kan thiltih leh nun dan azirin he hmun pahnih a a khawi i maw zawk zawkah hian kan la kal dawn a ni. Kan damlaia Pathian duhzawng anga nunga thiltha ti tute chu Vanramah chatuana Pathian nena chengdun tawh turin kan kal ang a, misual te leh Pathian duhloh zawnga nung thinte erawh chu Hremhmunah chatuana hremna tuar turin an kal ang.

Kristian tena kan thlakhlelh em em chu kan thih hnua Vanram a kal a nuam taka Pathian nena chatuana chendun a ni. Hei hi Kristian sakhua bultum ber leh innghahna vawrtawp pawh a ni. Vanram chu mifel leh ringtute, he khawvela Pathian duh dana nungte chenna tur atana siam a ni a, hremhmun ve thung erawh chu ringlo mite leh misual, mi awmtha duh lote chenna atana siam a ni ve thung. Vanram ah chuan Pathian fate, a duhzawng tituten chatuanin bang lovin Pathian an fak a, Hremhmunah erawh chuan ringlomite leh misual te natuarin chatuanin an rum ve thung a ni. Kan thih hnua vanram a kal thei ngei tur hian ringtute chuan he leia kan damlai hian kan phak tawk ang angin Pathian rawng kan bawl thin. Mahse hetih mek lai hian Pathian rawngbawl ve a inngai si, Pathian duh dan a nung si lo te leh a pawnlang a Pathian rawng bawla chhungril lam nuna hlat leh si te kan awm nawk a, hengte hi chun Vanram ah hmun an chang ve dawn lo a ni. Mitam tak hi chuan Vanram a kal ngei ngei tura kan inngaih lai hian a inring nazawng hi chuan kan thlen a rinawm loh. Ringtu tinte hian kan nitin khawsak danah te, chhungril nuna Pathian kan tih danah te leh kan rawngbawlnaah te hi han in enfiah leh ila, Vanram a lut tlak ka ni em? tih hi i inchhut nawn leh teh ang u. Lal Isua ngeiin , ‘Lalpa, Lalpa mi ti nazawng ka hnenah an kal lovang, ka pa vana mi duhzawng ti tute chauh an kal ang’ a lo ti si a, chuvang chuan Pathian rawngbawl na zawng hian vanramah hmun an chang kher dawn lo. Chuvang chuan hun a tlai hma hian, nakina chatuan roreltuin, ‘Ka hre ngai lova che’ min tih hma ngei hian i in enfiah hlawm ang u.

Bible chuan Vanram a kal ve thei lo tur list chiang deuh maiin a lo tarlang reng mai a. Vanram a kal tlaka kan inpuahchah theih nan Bible in a vanrama kal ve thei lo tur list a tarlan te lo tarlang ila;

1. Thianghlim lo te
2. Ringlo mite
3. Mi tenawm te
4. Milem betu te
5. Tualthah hmang
6. Inngaih hmang
7. Dawithiam
8. Mi dawthei
9. Thil tenawm ti tute
10. Mi fel lo te
11. Uire
12. Mihur
13. Mawngkawhur
14. Ruk hmang
15. Mi duham
16. Zu ruih hmang
17. Mi hauh hmang
18. Hlep ru te
19. Mi huat hmang
20. Mi thik hmang
21. Thinur ching mite
22. Itsik hmang
23. Pathian duhloh zawnga awm thinte
24. Thilsual ti tute leh tihsualtir tute.
( Heb 12:14, Thup. 21:8, IKor 6:9,10, Gal.5:20,21, Mat.7:21, Mat 13:41)

Heng a chunga kan han tarlan takte khian Vanramah hmun an chang ve dawn lo a ni. Chhiartu duhtak, a chunga vanram kai lo tur tarlante zingah khian i lo tel ve mial lo maw? I la tello anih chuan tel ve tum ngai suh la, i lo tel ve palh anih pawhin beidawng mai lovin, hun tlem i la neih chhung hian i tel tawhloh nan tun atang hian inbuatsaih ang che. Khing a chunga tarlan takte han zawm vek khi chu thil har tak angin a lang mai thei e. Mahse mihring mihrinna a tihrual loh anga lang pawh hi Pathian nen chuan theihloh reng a awm lo. Nitin tawngtaina nena inhlan chungin Vanram a lut tlak ni turin inbuatsaih ang che.

06/02/2026

Van Lalram Lut Turte leh Meidila Tla Turte Chu Tute Nge?

Van ram lut turte leh mei dil tla turte chu chiang takin Bibleah ziakin a awm a, chuchu ngaihdan dah boa thinlung hawngin ṭawngṭaina nen kan zir chuan kan hmu fiah em em dawn ani.
Bibleah chutiang chiang taka ziakin a awmloh chuan chhiarin awm zia a neilo anga, thlamuanna leh ram ṭha zawk, vanram beisei in awmzia a neilo ang, a kawng kan hriat miau si loh chuan. Chuvang chuan hmu fiah ang u.

*VANRAM LUT TURTE*

Lal Isua chuan, "Van lalram chu hetiang naupang angte ta ani. Chiang takin in hnenah Ka sawi e, in inthlaka naupangte ang in lo nih hmaloh chuan van lalram in lut miah lovang. Chiang takin in hnenah Ka sawi e, tupawh naupang anga Pathian lalram lo dawnglo chuan engti kawng mahin chutah a lut lovang," tiin a sawi chiang hle ani. (Mat 19: 14, 18: 3, Luk'a 18: 17 KJV)
*A awmzia chu, 'naupang thinlung ang kan nei tur ani,' A ti ani. Chutiang thinlung neite chu ani piangthar awmzia, piangtharte chu, tih nuam tak, zirtir theih, thuawih thei tak an ni si a. Chuchu Lalpa Pathian duh zawng tak ani. Inngaihtlawm tur tih chuan inngaitlawm mai te, Thupek Sawm zawm tur tih chuan zawm mai tute anni.*

Thupek Sawm zawmlo leh Lal Isua ringlote chu van lalram an lut dawnlo em ni kan tih chuan, a chunga kan sawi anga naupang thinlung neite an niha Pathian thu an hun leh hmuna thleng apiang hnawltu niloa lo pawma nunpui tute an nih phawt chuan van lalrama lak luh an ni dawn ani. Mahse, Thupek Sawm zawma Lal Isua rin tur tih thu hriaa thih thlenga zawmlote an lut lovang.
*Hun DangDanga Pathian Thu Thar Thlengte," tih posta Pathian mite chu an hnung leh hun a Pathian an rin avanga A thu thleng tharte an pawma an zawm zel zia aṭang naupang thinlung ang an neih zia leh van lalram lut tlak an nih zia kan hmuh ang khan.*

Khawvel hun tawpa lei mite zinga van lalram lut turte erawh chu naupang thinlung ang neia Thupek Sawm zawma Isua Krista ringtute chauh anni tih Thupuan 12: 17, 14: 12 aṭang kan hre thei.
Chumi thu Biblea ziak puangnawn leh tichiang tur ni pah fawmin tuna hun tawp, Thupuan 6 hun, inṭan meka Pathian thu lo thleng thar (Pathian mite tana hmân aṭanga Biblea awm tawh) tisaa chang Krista Pahnihna aṭang khawvel zawng zawngin a hre dawn ani.

*MEIDILA PAIH TURTE*

Meidila tla, paih turte chu a chung aṭang kan hre thei ṭheuh tawh awm e, chung mite chu, a tawi zawngin, naupang thinlung ang neilote an ni.
*Achhan chu, zirtir theihloh, ngaihdan leh khawvel doctrine mihring thupektea siam hmangaihtu, thuawih duhlo luhlul takte an ni si. Pathian thu thleng tharte chu Juda ho in an hnawl anga hnawl tute an ni. Piangthar inti mahse an inbuma mi pawh bum tum mai an ni zawk. (Isaia 29: 13, Matthew 15: 9, Mark 7: 7)*

Fiah zawk tur chuan Pathian thu, Bible a ziak a hnuai ami ang hi ani.
Thupuan leh a dangah te chuan meidila mei leh kâta hal turte chu, "dawihzep, ringlo, inremlo, mi hua, ngaihdan hmangaihtu, tenawm, sawiseltu, duham, zurui, mi thil hneh chihtu rukru, mi ngaihmelh, inneilo va s*x hmang, ran nena s*x hmang, pa leh pa nu leh nu s*x hmang, uire, dawithiam, milem bia, tualbthat, dawheh te an ni.
(Thupuan 21: 8, 1Korin 6: 9, 10, Ephesi 5: 5, Kolossa 3: 5, Galatia 5: 19 - 21, 1Johan'a 3: 5, Matthai'a 5: 28, Leviticus 18: 23, 20: 13, Rom 1: 26, 27, 1Timothy 1: 9, 10)
*A khaikhawmna chu Thupek Sawm zawmlo te an nih chu. Lal Isua'n, "Thupek Sawmah dan leh Zawlneite (Krista Pahnihte tiamin) thu zawng zawng a inkhai ani," A ti si a.*
"Zawlnei pakhat pawh ama ram ngeiah pawm anilo," Lal Isua'n a tih ang khan Krista (Pahnihte) chu Zawlnei a chhiar tel a nih zia kan hrethiam thei awm e. (Luk'a 4: 24)

*Thupek Sawm chu Thupek chi hnih ani a, 1 - 4na chu Pathian thinlung, thlarau leh ngaihtuahna zawng zawnga hmangaih dan tur ani a, 5 -10na chu mahni inhmangaih anga vengte hmangaih dan tur ani. Lal Isua'n chuchu A hriatchian em em avangin Thupek Sawm chu Pahnih - Thupek hmasaber leh a pahnihna (Matthai'a 22: 36 - 40ah) A ti ani.*

Pathian thu thleng tharte zawm duhlo, mahni ngaih leh hmuh dan chauh hmangaih mihringte, Zawlneiderte, Thiltihtheihna neite, mi chunga thilṭha titute, Lal Isua ring inti member, puithiam, evangelist, pastor, reverend, father, bishop tamtakte pawh meidilah paih luh an ni dawn ani.
*Lal Isua'n, "Lalpa mi ti na zawng van ram an lut lovang, Ka Pa van Ami duh zawng titute chauh an lut ang," A tih ang khan. (Matthai'a 7: 21)*
*Achhan chu, Pa Pathian duh zawng chu a hun ang zela A thu a thlen tir tharte ani. Hun tawp atan chuan Thupek Sawm zawma Isua Krista (Krista pahnihna tiamin) rin chu A duh zawng ani.*

Chuvang chuan ani, rawngbawltu tamtak Lal Isua hming emaw thildang emaw hmanga tihdam theihna neite, khawih thluk theihna neite, thilmak ti thei tamtak meidila paih an ni dawn ani.
"Chu mi niah chuan mi tam takin, 'Lalpa, Lalpa, i hmingin thute kan sawiin, i hmingin ramhuaite kan hnawt chhuakin, i hmingin thil mak tam takte kan ti thin lo em ni,' an la ti ang.
*Chu mi hunah chuan, 'Nangni thil sual tite u, ka hre ngai lo va che u, ka hnen ata kal bo rawh u,' tiin anni chu ka la hrilh ang." Lal Isua in A hrilhlawk ang khan. Matthai'a 7: 22, 23*
Achhan chu, Pathian duhzawng, A thu A pek thar, khawvela thleng tharte an pawm duhloh avang ani. Krista pahnihna ring duhlo te leh Thupek Sawm zawm duhlote pawh an thih hmaa an inlamletloha an sima naupang anga an inthlakloh chuan meidilah hrem anni dawn anih chu.

*ENG HMANGA ROREL TUR NGE?*

Meidila paih turte chu Thupek Sawm (Dan leh Zawlneite thu zawng zawng inkhaina anih avangin) in an chung thu rel ani ang. Thupek Sawm leh Lal Isua, Krista Pakhatna leh Krista Pahnihna thu hreloa tisual chu Thupek Sawm hmanga rel tur tho anni. An hnena Pathian thu thleng an pawmloh avangin thiamloh chantir, meidila paih tur anni si. Mahse, Thupek Sawm leh Krista Pahnihte hrelo hremna chu a nep deuh ang, "Hreloa tisual chu vawi tlemte vuak a ni ang," Lal Isua'n A tih ang khan. An hnena Pathian thu thleng chin zawmlohnaah erawh hremna a nep chuang lovang.
Pathian thu chu Israel nilo Jentailte hnenah pawh A thlen ṭhin ani. Entirnan, Israel nilo Balaam'a hnenah pawh A thleng. Jentail Khawpui pakhat Nenevi ah pawh a thleng.

Thupek Sawm zawma Krista Pahnih ringte leh chutiang thu hrelo mahse chatuan nunna pek turte erawh chu naupang thinlung ang neia Pathian ringa A thu an hnena thleng chinchin an zawm avanga khawngaihnaa pek an ni ang. An sualnate avangin hrem atan an chung thu rel ani lovang. Chuchu ani rinna avanga khawngaiha chhandamna famkim chu. "An sual nate Ka ngaidam anga Ka hre renglo vang," tiin Lalpa'n A zawlnei hmangain A hrilhlawk ang khan. (Jeremia'a 31: 34, 50: 20, Hebrai 8: 12)

*ENGTIA REI NGE MEIDILAH AN KAN ANG?*

"Mitin an rinna nilo an THILTIH ang zela pek tur an ni." (Job'a 34: 11, Jeremia 17: 10, Mat 16: 27, Thupuan 2: 23, 22: 12)

*Pathian duh zawng, A thu mahni huna thleng ṭheuh hre reng si mahse pawma zawm duhlote vanram luh chu sawiloh an hremna tur chu a tam zual zawk dawn ani. Lal Isua'n, "Pathian duh zawng hriaa tisual chu vawi tamtak vuak ani ang," A tih ang khan. (Luk'a 12: 47)*

Chuvang chuan, Thupek Sawm chu dan leh zawlneite (Krista Pahnihte tiamin) thu zawng zawng inkhaina anih angin, Chu mi rinloh (bawhchhiat) nasat ang zelin meidilah hrem an ni ang.
*Thenkhat chu nikhat, thlakhat, k*m khat, k*m sawm te kang tlak anih chuan an kang dawn ani.*
*Setan'a, Sakawlh leh Zawlnei diklo chu chatuana hrem an ni dawn tih hrilhlawk ani. (Thupuan 20: 10)*

06/02/2026

Nangnin mi thlang lo, keiman ka thlang zawk che u a, va rah tur leh in rah a awm reng turin ka ruat zawk a che u; ka hminga Pa hnena in dil apiang a pekna tur che uin
Johana. 15. 16.

Pathian thlamuanna in hnenah awm rawh se

05/02/2026

Bialnute lenpui nan chuan duhthusamin a nuam
Duh tan insuk nghal thei bawk

05/02/2026

𝐙𝐔 𝐋𝐄𝐇 𝐑𝐔𝐈𝐇𝐇𝐋𝐎: 𝐓𝐇𝐋𝐀𝐑𝐀𝐔 𝐍𝐔𝐍 𝐀 𝐍𝐆𝐇𝐀𝐖𝐍𝐆 𝐃𝐀𝐍
November 17, 2011
Mi a nileng lo tan chuan ngawlvei pakhat hmuh tawh hnuah, zu leh ruihhlo te hi hnaih pawh hnaih tawh loh tur ni awm tak a ni a. Mahse vawiin thlengin thalaite nun a suat a, he kawng thim leh rapthlak taka luta, chhungkua leh khawtlang tibuaitu kan la awm zel hi Setana bumna nasa tak a ni tih hai chi a ni lo. Zu/Drugs ngawlvei hlim, hmeltha, pian nalh, hausa, ngaihsanawm an awm miah loh laia he tuarna khurpuia lut an lo awm leh thin hi a pawi ngawt mai. Zu leh Drugs ten kan taksa a tihchhiat theih dan chu kan hre tlangpui ang a (medical doctorten min hrilh dawn bawk a); he paperah hian kan thlarau nun a nghawng dan kan zir bik ang. Zu leh Drugs te hian kan taksa a tihchhiat thin avangin an hlauhawm nangiang, mahse an hlauhawm chhan ber zawk chu kan thlarau nun an tihchhiat nasat em vang hian a ni.

‘Thlarau Nun’ kan tih chu

Thlarau nun chu tuna kan nun pangngai laka hrang daih anga kan ngaih chuan a pawi ngawt ang. A zau zawnga sawi chuan kan nun pumpui hi thlarau nun chu a ni a, zim deuh zawka sawi pawhin kan thlarau nun chu Pathian nena kan inkungkaihna nun (life in relation to God) a ni a. Chu chu Pathian duh dan kan hlen chhuahna nun a ni a; Pathianin min ‘thunun leh thunun loh’ nun kha a ni a; Pathian kan nuna a pawimawh dan nun a ni. Pathianin kan nun pumpui hi a duh a nih chuan (a duh ngei bawk a) kan thlarau nun chu kan nun pumpui hi a ni ang. Chu chuan kan thiltih (activities) leh kan nih dan (being) a huap a. Pathian rawngbawla kan thawhchhuahna (activities) hi a pawimawh rualin Pathian tana kan nihna (being) hi a pawimawh mah zawk tih hria ila. Billy Grahama chuan, “To God, what you are is more important than what you do for him,” a ti. Pathian tana i chetvelna lam ai khan ama tana inserh thianghlimna kha a hlu ber, a tihna a ni.

05/02/2026

Thlang ve chhin hrim teh le,
Enge i thlan dawn?

05/02/2026

CHATUAN ATANA HREMNA

Ka téttê atanga tawh a vawiin thlenga ka rilrua reh thei ngai lo chu hei hi a ni. Hremhmun hi thilsawi nuam pawh a nilo a, sawi loh chi lah a in bawk hek lo, Sermon vawi tam tak kan ngaithla tawh a nga, hremhmun hlauhawmzia hi ngaihthlaktur a tam vak lo. Ti ve khanglang ila, kei rinna kawnga naupangtê pawh hian ka hriat theih chinah pawh hian Sermon tam tak hi ngaithla ve tawh a, hremhmun hlauhawmzia hi 20% vel hi chu ngaihthlak tur a awm maithei chauhin ka hria. Hremhmun thurûkte hi sawi tam ila ka duh thin. Pa hmangaihna lam, tilo theilo kan nihna kan sawi uar viau a, pawm lah a nuam a 'AMEN' pek pawh a nuam dap dap khawp mai. Chtihrualin, kan piangchhuak hlawl hi hremhmun fa kan ni a, hremhmun kal tur hian tum vak pawh a ngailo kalsa kan ni ringawt mai a. Chutah hremna tuar lova kan awm theih nan Pa in a fapa mal neihchhun khawvelah a rawn tira, kraws-ah kan sual zawng zawng a tlan ta a, kan vahbo san lai pawhin a hmangaihnain min la zawng hram hram a ni. Hremhmun vang a ni zawk dawnlawm ni? Pa hmangaihna ropui zia chu hremhmuna kan tlak a hlauh avangin chance min la pe zel zawk a nih hi! Chu zawk chu Pa hmangaihna diktak a ni tih i hria ang u. Han sawi ta pawp ila facebook kaltlang hian hremhmun sawi dalna, intihthaihna ang leka ngai, Pathian chu hnangaihna a khat a ni a, tumah a hrem tak tak lovang tih ang chite, Lal Isuan a sawi ngei te sawidal vak a, reasoning vak kan awm thin a, chatuana hremna a nilovang, hremhmunah kan sual a kang fai vek dawn a, a nuam zawng leh ngaihtuah buai ngailo ti a post ka hmu hnem ta khawp mai a, Setana Agent lian tak niin ka hria, vawi tam tak ka sawipui ve ta a, an awih tâk pawh ka hre hlei lo va, rapthlak tak a ni. Salvation Army hmuchhuak tu General William booth-a chuan," Ka thu chu ni sela, rawngbawltute hi college-ah k*m thum lai training ka pe lovang che u, hremhmunah darkar 24 tal tuar turin ka thawn vek zawk ang che u a, chu chuan training azawnga tha ber a pe zawk ang che u" a ti a ni. Booth-a vêk hian k*m 150 lai kal tawhah khan Kristiante chunga thlengtur a sawi lawk chu "HREMHMUN TEL LO VANRAM" hi a ni. A dik hmel khawp mai, kan hun tawn atang hian a dikzia a lang a ni.. Hremhmun dahtha hi kan awm ang tih a hlauhawm hle. Hmana tang tawhin sawi dalna a awm a, tunlaina thlengin chûng zirtirna chu tlém lo en ila. 1. UNIVERSALISM: He ngaihdan hi mi zawng zawng chhandamna huanga dah a ni a, hremhna anlo tuar a nih pawhin a tawpah chhandam leh vek an ni ang. Theologiant lar tak kan ngaihsan ém ém Bible Commentary ropui William Barclay-a pawh khan a thih dawn hnaihah mi zawng zawng chhandam kan ni dawn a ti a, a ropui lo hle ang. 2.ANNIHILATIONISM: He rindan hi chi hnihin a kal a, thihtheihlohna hi amah chhandamte tana pek a ni, a pekve loh te chu hremhmun meiin a kang ral ang. Pakhat lehah chuan hrem an lo tuar a an sim chuan ngaihdam leh tur a ni. Hei hi dik se Hremhmun chu a ruak hul dawn tihna a ni ang. BIBLE in thi ti a a sawi hi 'boral dêr(annihilated)/ tiral daih( non existed) tihna an ti. 3. FINAL RESTORATION: He rindan hi hunreitak hnuah ramhuai ho leh mihring sual tak te sualna pawh a hremhmunah a kangfai dawn. Amahah chuan engkima engkim a nih avangin engkim a la inzawm khawm leh ang. 4. CONTINUANCE THEORY: Hei hi a tharlâm hle a, thih hnuah kan nundan chhawm zui zel theih dan a ni. A dang pawh a la awm a, mahse, duh tawk ila, heng ho pawh hi a inzûl tlangpui vek a, thu post ka hmuh tawh zing a mi "HUMANISM" hian mi rilru a luah hneh khawp mai tih a lang a, mihring inzahna, Pathian Hmangaihma lam la vâwng vek an ni a, Pathian in a hrem lovang, Pathian hi a FAIR lo an ti a ni.. Heng zirtirna hi dik se, Bible nen inmilse chuan a tuipui pawlah pakhatna ka nih loh pawn top 10-ah ka lang phak ang. khawvelah nuam takin s*x, drugs etc. Han ti ila hremhmunah awm ila sim ila chhandam kan nih lehte chuan chu tluka tha chu a awm dawn em ni? Mahse, Bible a kalh tlat si a ni.. BIBLE in engtin nge a tih. Chatuana zahna leh hmuhsitawmna (Dan. 12:2). Rawhtuina meipui(Mt. 13:41,42). Innghaisakna hmun(Lk.16:23). Inchhir sawt tawh lohna (MT. 12:32). Kumkhaw hremna (Mt. 25:46). Harhfima tuarna hmun (LK. 16:19-31). Tuihal dang chara tuarna hmun. (Lk. 16:24). Tah leh ha thialna hmun (Mt. 25:30) mi hausa leh Lalzara chungchangah thil chi hrang hrang fiah takin kan hmu thei.. Kan Bible ngeiin a sawi a, hremhmun inlarna (Hell Vision) neiten an sawi chu LUNG(warm)ten an bawm nuai nuai a, an thi ve lo (Isaia 66:24; Mk 9:48) A pawimawh ber chu Isua I nei tawh em? ISUA neilova kan thi a nih chuan a chunga kan sawi khi kan hmachhawn dawn a ni. "A nuam hle mai" ti a sawi tur chi a ni lovang... "HREMHMUN a awmlo a nih te chuan Bible te hi hal hluah hluah ila. BIBLE zirnan engvanginnge hun kan kha CHATUAN ATANA HREMNA
Ka téttê atanga tawh a vawiin thlenga ka rilrua reh thei ngai lo chu hei hi a ni. Hremhmun hi thilsawi nuam pawh a nilo a, sawi loh chi lah a in bawk hek lo, Sermon vawi tam tak kan ngaithla tawh a nga, hremhmun hlauhawmzia hi ngaihthlak tur a tam vak lo. Ti ve khanglang ila, kei rinna kawnga naupangtê pawh hian ka hriat theih chinah pawh hian Sermon tam tak hi ngaithla ve tawh a, hremhmun hlauhawmzia hi 20% vel hi chu ngaihthlak tur a awm maithei chauhin ka hria. Hremhmun thurûkte hi sawi tam ila ka duh thin. Pa hmangaihna lam, tilo theilo kan nihna kan sawi uar viau a, pawm lah a nuam a 'AMEN' pek pawh a nuam dap dap khawp mai. Chutihrualin, kan piangchhuak hlawl hi hremhmun fa kan ni a, hremhmun kal tur hian tum vak pawh a ngailo kalsa kan ni ringawt mai a. Chutah hremna tuar lova kan awm theih nan Pa in a fapa mal neihchhun khawvelah a rawn tira, kraws-ah kan sual zawng zawng a tlan ta a, kan vahbo san lai pawhin a hmangaihnain min la zawng hram hram a ni. Hremhmun vang a ni zawk dawnlawm ni? Pa hmangaihna ropui zia chu hremhmuna kan tlak a hlauh avangin chance min la pe zel zawk a nih hi! Chu zawk chu Pa hmangaihna diktak a ni tih i hria ang u. Han sawi ta pawp ila facebook kaltlang hian hremhmun sawi dalna, intihthaihna ang leka ngai, Pathian chu zahngaihna a khat a ni a, tumah a hrem tak tak lovang tih ang chite, Lal Isuan a sawi ngei te sawidal vak a, reasoning vak kan awm thin a, chatuana hremna a ni lovang, hremhmun ah kan sual a kang fai vek dawn a, a nuam zawng leh ngaihtuah buai ngailo ti a post ka hmu hnem ta khawp mai a, Setana Agent lian tak niin ka hria, vawi tam tak ka sawipui ve ta a, an awih tâk pawh ka hre hlei lo va, rapthlak tak a ni. Salvation Army hmuchhuak tu General William booth-a chuan," Ka thu chu ni sela, rawngbawltute hi college-ah k*m thum lai training ka pe lovang che u, hremhmunah darkar 24 tal tuar turin ka thawn vek zawk ang che u a, chu chuan training azawnga tha ber a pe zawk ang che u" a ti a ni. Booth-a vêk hian k*m 150 lai kal tawhah khan Kristiante chunga thlengtur a sawi lawk chu "HREMHMUN TEL LO VANRAM" hi a ni. A dik hmel khawp mai, kan hun tawn atang hian a dikzia a lang a ni.. Hremhmun dahtha hi kan awm ang tih a hlauhawm hle. Hmana tang tawhin sawi dalna a awm a, tunlaina thlengin chûng zirtirna chu tlém lo en ila.

1. UNIVERSALISM: He ngaihdan hi mi zawng zawng chhandamna huanga dah a ni a, hremhna anlo tuar a nih pawhin a tawpah chhandam leh vek an ni ang. Theologiant lar tak kan ngaihsan ém ém Bible Commentary ropui William Barclay-a pawh khan a thih dawn hnaihah mi zawng zawng chhandam kan ni dawn a ti a, a ropui lo hle ang.

2.ANNIHILATIONISM: He rindan hi chi hnihin a kal a, thihtheihlohna hi amah chhandamte tana pek a ni, a pekve loh te chu hremhmun meiin a kang ral ang. Pakhat lehah chuan hrem an lo tuar a an sim chuan ngaihdam leh tur a ni. Hei hi dik se Hremhmun chu a ruak hul dawn tihna a ni ang. BIBLE in thi ti a a sawi hi 'boral dêr(annihilated)/ tiral daih( non existed) tihna an ti.

3. FINAL RESTORATION: He rindan hi hunreitak hnuah ramhuai ho leh mihring sual tak te sualna pawh a hremhmunah a kangfai dawn. Amahah chuan engkima engkim a nih avangin engkim a la inzawm khawm leh ang.

4. CONTINUANCE THEORY: Hei hi a tharlâm hle a, thih hnuah kan nundan chhawm zui zel theih dan a ni. A dang pawh a la awm a, mahse, duh tawk ila, heng ho pawh hi a inzûl tlangpui vek a, thu post ka hmuh tawh zing a mi "HUMANISM" hian mi rilru a luah hneh khawp mai tih a lang a, mihring inzahna, Pathian Hmangaihma lam la vâwng vek an ni a, Pathian in a hrem lovang, Pathian hi a FAIR lo an ti a ni.. Heng zirtirna hi dik se, Bible nen inmilse chuan a tuipui pawlah pakhatna ka nih loh pawn top 10-ah ka lang phak ang. khawvelah nuam takin s*x, drugs etc. Han ti ila hremhmunah awm ila sim ila chhandam kan nih lehte chuan chu tluka tha chu a awm dawn em ni? Mahse, Bible a kalh tlat si a ni.. BIBLE in engtin nge a tih. Chatuana zahna leh hmuhsitawmna (Dan. 12:2). Rawhtuina meipui(Mt. 13:41,42). Innghaisakna hmun(Lk.16:23). Inchhir sawt tawh lohna (MT. 12:32). Kumkhaw hremna (Mt. 25:46). Harhfima tuarna hmun (LK. 16:19-31). Tuihal dang chara tuarna hmun. (Lk. 16:24). Tah leh ha thialna hmun (Mt. 25:30) mi hausa leh Lalzara chungchangah thil chi hrang hrang fiah takin kan hmu thei.. Kan Bible ngeiin a sawi a, hremhmun inlarna (Hell Vision) neiten an sawi chu LUNG(warm)ten an bawm nuai nuai a, an thi ve lo (Isaia 66:24; Mk 9:48) A pawimawh ber chu Isua I nei tawh em? ISUA neilova kan thi a nih chuan a chunga kan sawi khi kan hmachhawn dawn a ni. "A nuam hle mai" ti a sawi tur chi a ni lovang... "HREMHMUN a awmlo a nih te chuan Bible te hi hal hluah hluah ila. BIBLE zirnan engvanginnge hun kan khawhral vak ang" by D.L Moody.. Chhun leh zanin chawlh rêng an nei lovang (thup 14:11)... CHATUANA HREMNA hmun tur a ni.. A hrechiangtu Isuan a sawi hi i awih mai ang u.whral vak ang" by D.L Moody.. Chhun leh zanin chawlh rêng an nei lovang (thup 14:11)... CHATUANA HREMNA hmun tur a ni.. A hrechiangtu Isuan a sawi hi i awih mai ang u.