Polytechnic College Kannad IETK

24/09/2026

24/09/2026

महाविद्यालयात आज सावित्रीबाई फुले कन्या विद्यालयाचे मुख्याध्यापक श्री. संजय जाधव सर तसेच बीट कॉम्प्युटर्सचे संचालक श्री. अर्जुन दळवी सर यांच्या शुभहस्ते गणरायाची आरती संपन्न झाली. यावेळी महाविद्यालयातील विद्यार्थी, शिक्षक व शिक्षकेतर कर्मचारी मोठ्या संख्येने उपस्थित होते. गणरायाच्या जयघोषाने संपूर्ण परिसर भक्तिमय झाला. आरतीनंतर उपस्थितांनी गणरायाचे आशीर्वाद घेतले.

24/09/2026

कन्नड पॉलिटेक्निक येथे उपविभागीय पोलीस अधिकारी यांचा मार्गदर्शन कार्यक्रम संपन्न.

इंजिनिअरिंगनंतर स्पर्धा परीक्षांचे माध्यमातून प्रशासकीय सेवेतही उज्ज्वल संधी - उपविभागीय पोलीस अधिकारी श्रीमती अपराजिता अग्निहोत्री

उपविभागीय पोलीस अधिकारी अपराजिता अग्निहोत्री यांचे विद्यार्थ्यांशी संवादात्मक मार्गदर्शन; विविध प्रश्नांना दिली समर्पक उत्तरे.
_______________________________________

इंजिनिअरिंग हे केवळ तांत्रिक शिक्षणापुरते मर्यादित क्षेत्र नसून, या शिक्षणाच्या माध्यमातून विद्यार्थ्यांना महाराष्ट्र लोकसेवा आयोग (MPSC) तसेच केंद्रीय लोकसेवा आयोग (UPSC) यांच्या स्पर्धा परीक्षांमध्येही उज्ज्वल करिअरच्या संधी उपलब्ध आहेत, असे प्रतिपादन डीवायएसपी अपराजिता अग्निहोत्री यांनी केले.

इन्स्टिट्यूट ऑफ इंजिनियरिंग अँड टेक्नॉलॉजी, कन्नड येथे आयोजित विशेष मार्गदर्शन कार्यक्रमात त्या विद्यार्थ्यांशी संवाद साधत होत्या. इंजिनिअरिंगच्या विद्यार्थ्यांमध्ये तांत्रिक ज्ञानासोबतच विश्लेषण क्षमता, समस्या सोडविण्याची वृत्ती, तार्किक विचारशक्ती आणि निर्णयक्षमता विकसित होत असल्याने ही कौशल्ये प्रशासकीय सेवांच्या स्पर्धा परीक्षांसाठी अत्यंत उपयुक्त ठरतात, असे त्यांनी स्पष्ट केले.

स्पर्धा परीक्षांच्या माध्यमातून प्रशासन, पोलीस सेवा, महसूल, अभियांत्रिकी तसेच विविध प्रशासकीय क्षेत्रांत काम करण्याच्या संधी आहेत. त्यामुळे इंजिनिअरिंग विद्यार्थ्यांनी आपल्या तांत्रिक शिक्षणाचा पाया मजबूत करत स्पर्धा परीक्षांकडेही व्यापक करिअर पर्याय म्हणून पाहावे, असे आवाहन त्यांनी केले.

या वेळी अग्निहोत्री मॅडम यांनी विद्यार्थ्यांशी प्रत्यक्ष हितगुज साधत त्यांच्या शैक्षणिक, करिअरविषयक आणि स्पर्धा परीक्षांशी संबंधित प्रश्नांना उत्तरे दिली. विद्यार्थ्यांनी उत्स्फूर्तपणे विविध प्रश्न उपस्थित केले. अभ्यासाचे नियोजन, स्पर्धा परीक्षांची तयारी, वेळेचे व्यवस्थापन, व्यक्तिमत्त्व विकास, मुलाखतीची तयारी आणि प्रशासकीय सेवांमध्ये जाण्यासाठी आवश्यक कौशल्ये याबाबत त्यांनी विद्यार्थ्यांना मार्गदर्शन केले.

त्यांच्या संवादात्मक आणि प्रेरणादायी मार्गदर्शनामुळे विद्यार्थ्यांना इंजिनिअरिंग शिक्षणानंतरच्या विविध करिअर संधींची व्यापक दृष्टी मिळाली. कार्यक्रमातून विद्यार्थ्यांमध्ये स्पर्धा परीक्षांविषयी जागरूकता निर्माण होण्यासोबतच आत्मविश्वासालाही चालना मिळाली. यानंतर प्रमुख पाहुण्यांचे हस्ते श्रींच्या आरतीने कार्यक्रमाची सांगता झाली.

कार्यक्रमास महाविद्यालयातील प्र. प्राचार्य संतोष मतसागर, विभागप्रमुख प्रा. महेंद्रसिंह राजपूत, प्रा. प्रमोद गडपायले, प्रा. नवनाथ चव्हाण प्रा. श्रीराम काळे, प्रा. गोपाल दाभाडे प्रा. इकराम पठाण, प्रा. आशिष गावंडे, सर्व प्राध्यापक- कर्मचारी तसेच विद्यार्थी मोठ्या संख्येने उपस्थित होते.

22/09/2026

महाविद्यालयात अत्याधुनिक नवीन लँग्वेज लॅब चे दिमाखदार उद्घाटन

आई ई टी कन्नड : शिक्षणाच्या पारंपरिक चौकटीला आधुनिक तंत्रज्ञानाची जोड देत विद्यार्थ्यांना भविष्यातील स्पर्धात्मक जगासाठी सक्षम करण्याच्या दिशेने महाविद्यालयाने आणखी एक महत्त्वपूर्ण पाऊल टाकले आहे. विद्यार्थ्यांच्या भाषिक कौशल्यांना, संवादक्षमतेला, उच्चारशुद्धतेला आणि आत्मविश्वासाला नवी दिशा देणाऱ्या अत्याधुनिक नवीन लँग्वेज लॅब चे आज संत तुकाराम महाविद्यालयाचे प्राचार्य डॉ शरद गावंडे सर यांच्याहस्ते दिमाखदार उद्घाटन करण्यात आले. यावेळी प्रा. डॉ मकरंद जोशी सर, प्राचार्य संतोष मतसागर सर सर्व विभागप्रमुख शिक्षक आणि कर्मचारी उपस्थित होते.

या लँग्वेज लॅब मध्ये विद्यार्थ्यांसाठी नवीन आणि उच्च क्षमतेच्या सुसज्ज संगणकांची अत्याधुनिक सुविधा उपलब्ध करून देण्यात आली आहे. आधुनिक शिक्षणपद्धतीचा अवलंब करताना केवळ विषयज्ञान मिळविण्यापेक्षा ते ज्ञान प्रभावीपणे व्यक्त करण्याची क्षमता विद्यार्थ्यांमध्ये निर्माण व्हावी, या व्यापक उद्देशाने ही सुविधा विकसित करण्यात आली आहे.
आजच्या जागतिकीकरणाच्या आणि स्पर्धेच्या युगात भाषा ही केवळ संवादाचे साधन राहिलेली नाही; ती व्यक्तिमत्त्वाची ओळख, ज्ञानाची दारे उघडणारी किल्ली आणि करिअरच्या संधींचा महत्त्वाचा आधार बनली आहे. ग्रामीण व सर्वसामान्य विद्यार्थ्यांमध्येही इंग्रजी भाषेचा आत्मविश्वास निर्माण व्हावा, त्यांचा संकोच दूर व्हावा आणि त्यांना राष्ट्रीय व आंतरराष्ट्रीय स्तरावर प्रभावीपणे संवाद साधता यावा, या दृष्टिकोनातून लँग्वेज लॅब निश्चितच मैलाचा दगड ठरणार आहे.

वेळोवेळी आवश्यक बाबींचा पुरस्कार करीत ग्रामीण भागातील विद्यार्थ्यांसाठी राष्ट्रीय स्तराच्या सुविधा उपलब्ध करून देणाऱ्या आमच्या विनायकराव पाटील शिक्षण प्रसारक मंडळ या पालक संस्थेचे योगदान नक्कीच आभारप्रद आणि अनुकरणीय आहे.

16/09/2026

अभियंता दिनाच्या कार्यक्रमाची वृत्तपत्राने घेतलेली दखल मनापासून कौतुकास्पद!
आमच्या अभियंता दिनाच्या कार्यक्रमाला वृत्तपत्राच्या माध्यमातून प्रसिद्धी देऊन समाजापर्यंत त्याची माहिती पोहोचवल्याबद्दल वृत्तपत्राचे संपादक, पत्रकार व संपूर्ण टीमचे मनःपूर्वक आभार.
अभियांत्रिकी क्षेत्रातील योगदान, नवकल्पना आणि अभियंत्यांच्या कार्याला आपल्या माध्यमातून मिळालेली ही दखल आमच्यासाठी निश्चितच प्रेरणादायी आहे.
आपल्या सहकार्याबद्दल मनःपूर्वक धन्यवाद! 🙏

15/09/2026

अभियंता दिनाच्या हार्दिक शुभेच्छा!

“जिथे कल्पना असते, तिथे अभियांत्रिकी तिचे वास्तवात रूपांतर करते…”
भारताचे महान अभियंता, भारतरत्न सर मोक्षगुंडम विश्वेश्वरय्या यांच्या जयंतीनिमित्त आज महाविद्यालयात अभियंता दिन उत्साहात साजरा करण्यात आला.
अभियांत्रिकी म्हणजे केवळ यंत्रे, इमारती, तंत्रज्ञान किंवा आकडे नव्हेत;
तर समस्या ओळखून त्यावर शाश्वत उपाय शोधण्याची विचारशक्ती, सर्जनशीलता आणि समाजाच्या प्रगतीला दिशा देण्याची क्षमता होय.
आजच्या कार्यक्रमातून विद्यार्थ्यांच्या मनात
⚙️ Innovation
💡 Creativity
🏗️ Technical Excellence
🌱 Sustainable Development
आणि 🇮🇳 Nation Building
यांची नवी उमेद निर्माण झाली.
आजचे विद्यार्थी म्हणजे उद्याचे Engineers, Innovators आणि Nation Builders!
ज्ञानातून कौशल्याकडे…
कौशल्यातून निर्मितीकडे…
आणि निर्मितीतून राष्ट्रनिर्मितीकडे!

💐 सर्व अभियंते, भावी विद्यार्थी अभियंते आणि अभियांत्रिकी क्षेत्राशी जोडलेल्या प्रत्येकाला अभियांत्रिकी दिनाच्या मनःपूर्वक शुभेच्छा! 💐

15/09/2026

अभियंता दिनाच्या हार्दिक शुभेच्छा!

“जिथे कल्पना असते, तिथे अभियांत्रिकी तिचे वास्तवात रूपांतर करते…”
भारताचे महान अभियंता, भारतरत्न सर मोक्षगुंडम विश्वेश्वरय्या यांच्या जयंतीनिमित्त आज महाविद्यालयात अभियंता दिन उत्साहात साजरा करण्यात आला.
अभियांत्रिकी म्हणजे केवळ यंत्रे, इमारती, तंत्रज्ञान किंवा आकडे नव्हेत;
तर समस्या ओळखून त्यावर शाश्वत उपाय शोधण्याची विचारशक्ती, सर्जनशीलता आणि समाजाच्या प्रगतीला दिशा देण्याची क्षमता होय.
आजच्या कार्यक्रमातून विद्यार्थ्यांच्या मनात
⚙️ Innovation
💡 Creativity
🏗️ Technical Excellence
🌱 Sustainable Development
आणि 🇮🇳 Nation Building
यांची नवी उमेद निर्माण झाली.
आजचे विद्यार्थी म्हणजे उद्याचे Engineers, Innovators आणि Nation Builders!
ज्ञानातून कौशल्याकडे…
कौशल्यातून निर्मितीकडे…
आणि निर्मितीतून राष्ट्रनिर्मितीकडे!

💐 सर्व अभियंते, भावी विद्यार्थी अभियंते आणि अभियांत्रिकी क्षेत्राशी जोडलेल्या प्रत्येकाला अभियांत्रिकी दिनाच्या मनःपूर्वक शुभेच्छा! 💐

15/09/2026

आज कॉलेजमध्ये सकाळची मंगलमूर्तीची आरती साने गुरुजी शिक्षण प्रसारक मंडळाचे अध्यक्ष मा. डॉ. मिलिंद पाटील सर यांच्याहस्ते झाली. यावेळी त्यांची शिक्षक श्री उल्केश वाळुंजे यांचीही उपस्थिती होती.

14/09/2026

गणराया आला… आनंद घेऊन आला!
आज इन्स्टिट्यूट ऑफ इंजिनियरिंग अँड टेक्नॉलॉजी, कन्नड येथे भक्तिमय आणि मंगलमय वातावरणात आई. इ. टी. के. च्या बाप्पाचे उत्साहात स्वागत करण्यात आले.
मंगल वाद्याचा गजर, गणरायाच्या जयघोषाने दुमदुमलेले महाविद्यालयाचे प्रांगण आणि विद्यार्थ्यांच्या चेहऱ्यावर दिसणारा उत्साह… या सर्वांनी आजचा दिवस अविस्मरणीय करून टाकला.
“गणपती बाप्पा मोरया… मंगलमूर्ती मोरया!”
विद्यार्थ्यांमध्ये एकता, संस्कार, सामाजिक बांधिलकी आणि सर्जनशीलतेची भावना रुजविणारा हा गणेशोत्सव केवळ उत्सव न राहता सामाजिक आणि शैक्षणिक मूल्यांचा सुंदर संगम ठरो, हीच बाप्पाच्या चरणी प्रार्थना.
बाप्पाच्या आगमनाने ज्ञान, आनंद, सकारात्मक ऊर्जा आणि यशाची नवी सुरुवात होवो!
गणपती बाप्पा मोरया!
मंगलमूर्ती मोरया!

08/09/2026

काल दिनांक 07/09/2026 सोमवार रोजी आपल्या महाविद्यालयात “Building Good Habits – Personality Development” या अत्यंत प्रेरणादायी विषयावर प्रा. रमेश वाकचौरे यांचे प्रभावी व्याख्यान आयोजित करण्यात आले.

चांगल्या सवयी म्हणजेच उज्ज्वल व्यक्तिमत्त्वाची पायाभरणी!

विद्यार्थ्यांच्या व्यक्तिमत्त्व विकासासाठी केवळ शैक्षणिक ज्ञान पुरेसे नसते; तर शिस्त, वेळेचे नियोजन, सकारात्मक विचार, आत्मविश्वास, सातत्य आणि चांगल्या सवयी यांची जोड आवश्यक असते. याच जीवनमूल्यांची सुंदर सांगड घालत प्रा. रमेश वाकचौरे यांनी विद्यार्थ्यांशी संवाद साधला.
त्यांच्या ओघवत्या शैलीतील मार्गदर्शनातून विद्यार्थ्यांना “यशस्वी होण्यासाठी मोठे बदल नव्हे, तर छोट्या-छोट्या चांगल्या सवयींची सातत्यपूर्ण सुरुवात महत्त्वाची आहे” हा प्रभावी संदेश मिळाला.
आजची एक चांगली सवय… उद्याचे सुंदर व्यक्तिमत्त्व घडवते!
विद्यार्थ्यांच्या मनात सकारात्मक विचारांची ज्योत पेटवणारे हे व्याख्यान निश्चितच ज्ञानापलीकडील जीवनशिक्षणाचा प्रेरणादायी अनुभव ठरले.