https://www.facebook.com/528108843724487/

Kal Thak, Bangalore (2026)

05/02/2026

Nusia in mainawt ni.
********************

Khatvei tangval khat a khualzinna ah a bulh a khedap pen lamkal ah sia citciat hi. Tua khedap om kei leh lah a kheguak tawh lam pai ding ahih manin a khedap sia bawl zelin, bulh zelin hong mainawt hi.

Tua bangin bawl zel, bulh zel, lam pai zel cih bang tawh hong kipei tohtoh ciangin midangte sangin hong zeekai zaw a, miten makhelh in, a nunga paite nangawnin makhelh ta hi.

Ahi zongin a khedap pai in, a kheguak tawh lam pai lehlah a khe na ding, a khe na leh a pumpi bupa thuak ding cih thei ahih manin pai ngam tuan loin bawl zel, bulh zel, lam pai zel tawh hong buaito mahmah hi.

Ama buai sungin mite'n taisan in, makhelh in a nunung gawpna a muh tak ciangin bangbang hi taleh, hih ka khedap in hong ziakaai sak lua, ka kheguak tawh pai in ka thuak ding natnate bangzah in haksa mah leh nusia mai ning, ka khedap sia pai mai ning, ci-in khensatna lianpi hong nei a, a khedap pai in amah a makhelh mite a makhelh kik zawh nading hanciam in hong kalsuan hi.

A khedap omlopi in a kheguak tawh a pai cilin a khete na sa mahmah a, a pumpi bupin zong thuaklawh mahmah hi. Ahi zongin tawlpi khat khapet teta mahin thuak teta in hong paipai leh a khete hong sekdo ta a, na sa nawn loin nuam takin hong mainawtin amah a makhelh mite hong khengkik hi.

Thalakna
°°°°°°°°°°°°
I nuntak khualzinna sungah hih tangvalpa mah bangin lam kal ah hong nawngkaisak thei vai tampi in hong awh thei hi. Tua bang hun ciangin nusiat ding haksa i sak, paisan ding haksa i sak thu le la tampi om kha thei hi. Bangbang ahi zongin bawlbawl ta leng a phatuam tuanlo, a kisia pahpah thei thute iplah loin nusia mai ni..

I it mahmah i ngaih mahmah ahih manin i nusiat mai ding haksa i sa kha ding hi. Nusia lehang en zong natna tampi ngah lawh, thuaklawh ding cih i kithei hi. Tua hangin nusia ngam loin i bawl zela, i puah zel hi. Ahi zongin a sawt loin sia kik veve hi. Tua bang dinmun i tuah leh kha pet teta liang mahin nusia mai ni. Tua hileh i ma i tun baih zaw kha ding hi.

I nusiat manin lunglenna, lungzuanna le khasiatna zong i thuak kha thei hi. Ahi zongin hun hong bei toto dinga kisek in i mangngilh lel ding hi.

Reference Nang ading thaza pawlkhat laibu pan..

05/02/2026

U Pen Numei Tawh Ki Sai

Innkuan sungah u pen numei icih pen a nihna ih nute ahih mah bang un naute adingin Pasian hong piak thupha ahi uh hi.
Naute in amuan mahmah u pen numeite ahih mah bangin nute in zong amuan mahmah u pen numeite ahi uh hi.

Naute adingin kiniamkhiatna a thuak mah bang un innkuan sung adingin tui puanpi khat hi,kici thei hi.

Innkuan sungah u pen numeite a cihtak vua leh naute adingin a et-teh huai u pen numei suak ding uh a, innkuan ii thupha zong suak thei uh hi.

Innkuan sungah u pen numeite in naute ading a hoih ngaihsutna nei uh a, naute ii siatna leh hoihnate khempeuh nu leh pa mah bangin thuak thei uh hi.

Neek leh dawn lam tawh kisai naute ading deihsak zawkna lungsim nei uh a, van zat lam tawh kisai in naute ading deihsak zawkna hangin a deih uh ngah zo lo thei uh a, hehpihna lungsim aneite ahi uh hi.

Akisap leh zong innkuan ading neek leh dawn silh leh teen akipan nu leh pa mah bangin suk vaak to vaakin zong uh a,naute ading pilna deihsak zawkna hangin amau leh amau kiniamkhiatna lungsim anei u pen numeite mah ahi uh hi.

An buuk lam tawh kisai vai khempeuh leh nu leh pa, naute ading silh leh teen neek leh dawn akipan lunghiang lo takin a sepsak u pen numeite mah ahi uh hi.

Pawlkhate innkuan sung en lehang naute deihsak zaw lua liangin nungak hampi a suak u pen numeite mah ahi uh hi.

Innkuan sungah u pen numei cihtak anei naute lam panin "NU"taktak nih nei uh hi kici thei hi. Innkuan sungah u pen numeite icih pen a nihna ih nute ahi uh hi.

Innkuan sungah u pen numei cihtak khempeuh in naute ii kha muanna anglum khat hi a, naute ii lungsim ngaihsutna zong nu leh pate sangin telsiam zaw uh a, hehnem thei uh hi. Hehpihna lungsim anei u pen numeite ahi uh hi.

Innkuan sungah u pen numeite a cihtak vua leh nute ahih mah bang un, nute mah bangin naute tungah sep loh aphamawh Tavuan sem zo a,kiniamkhiatna lungsim anei u pen numeite ahi uh hi.
Innkuan sungah u pen numei citak a sim mawh bawlte nute zong a simmawh bawl na hi cih phawk gige in

Upen numei ih cih pen nakhem peuh ah ihNu te mah bang in thukhual in
Anau te ading bek ngaihsun in om den hi.

Upen numei te pawlkhat te en lehang asanggam anau teng aneu akipan cing in kem a sangna
Ngawn kahkha lo in anau te pil na sin in om hi.

Lungdam upen numei anei ten azahtak siam
Ding in Topa'n thupha ong pia hen.

crd Online

04/02/2026

"Na Manphatna Kemsiam In"

✍🏻 Na manphatna te midang te hongbawl zia tawh tehkak kei in
Na manphatna tawh kiptak om lel in

✍🏻 Midang tung ah nahih lahkhiat ding hanciam kei in. Na thahat na le na lungnopna bei Sak thei hi

✍🏻 Hong zahtaak bawl kei uh le kiho zia te nangawn khiam in

✍🏻 Amau te tungpan in zong phatna kam,tha piakna, theihsiam na te naneih lezong nei nawn kei in

✍🏻 Midang te sếp zia te én zaw inla, a kampau uh um kei in

✍🏻 Nang hong manpha sak te hun na piak ding haksa sa kenla, manpha sak in.

04/02/2026

Hong It Peuh Lecin

❤️Hong it peuh lecin anteh tui bek ih ne zong in ut lel ingh.

💜Hong it peuh lecin pilna,siamna ih neih loh hang in kiten ding ut lel ing.

💚Hong it peuh lecin koi" ah na om zong in ci tak zo lel nicia.

🖤Hong it peuh lecin ka vaang tangzo lel ni cia.

💙Hong it peuh lecin na lungsim tawng le na pumpi hongpia ngam lel nicia.

💛Hong it peuh lecin innkuan nuam ding hi lel ee.

💞Hong it peuh lecin ka thu hong mangzo lel nicia.

💕Hong it peuh lecin hong vaakzo lel nicia.

💞Hong it peuh lecin hong tulpih zo lel nicia.

💓Hong it peuh lecin ka pai"na,ka om" na ah hongzui zo lel nicia.

💖Hong it peuh lecin kongnial na ding bangmah om kei ee.

💓Hong it peuh lecin kanu kapan zong hong awi lel incia.

❣️ Nong it ding bek kisam hi.

Laigelh; Tg Cin Suum

30/01/2026

A Zenzen in.
*************

A zenzen in Pasian in mihaute bek zang ding hileh nang le kei kihel kha hetlo ding ihi ve....

A zenzen in Pasian in mipilte bek zang ding hi leh nang le kei kihel kha hetlo ding ihi ve....

A zenzen in Pasian in mi siamte bek zang ding hi leh nang le kei kihel kha hetlo ding ihi ve....

A zenzen in Pasian in mi hoihte bek zang ding hi leh nang le kei kihel kha hetlo ding ihi ve....

A zenzen in Pasian in a siamte bek a zang ding hi leh nang le kei kihel kha vetlo ding ihi ve.....

En degree khat ngah mi'n thuap thum bang ngah....

En tulsawm nei, min teng sawm bang nei.....

En siamna khat nei, min siamna thum bang nei.....

En dikna i gen ding khat bek nei, mi'n thum bang nei.....

Pasian in leitung mite mit muhzia tawh hong zang ding hileh ei kihel kha peuhmah kei ni....

Mite bangin bucinna i neihloh hangin i neihsunsun mun ah hong zang i Pasian hi.

Na husan' a tawpna dongin ama adingin nungta inla, amah bel in muang peuh leh lecin, na khut sunga om ciangkhutno khat, anlum lomno khat, sum tang neuno khat in na lianpi sem zo lua lel hi...

I hihna dandanin Pasian in eite hong zang nuam a, ama minthan' nadingin hong phungvuh nuam hi.

Topa'n eite hong it hi...

Credit;

30/01/2026

Pa Tawh a Kibang U Pasal
-----------------------
➡️U pasal khat na neih leh a hampha mahmah na hi hi. Nu le pa a om hangin a hoih, a hoih lo genna dingin U pasalte pen thupi zaw hi.

➡️A haksa thu le late Nu le Pa tawh khentat ding a lemloh ciangin U pasalte tawh ki khentat thei hi.

➡️U pasal cih pen naupang hunlai pan in, moh ne khawm, kimawl khawm, nuihciam lelkhawm in, ki om hi.

➡️Nu le Pa te om nawnloh hun ciangin U pasal pen Pa ahi hi.

U pasal khat na neih leh a hampha mahmah na hi hi.

30/01/2026

NUNGAK KHAT NA HIH LEH

❤️ A masa in k*m cinglo pi in lawmngaih masa sak kei in, sia leh pha khen tel thei tak tak nailo ding hiteh.

❤️ Na k*m a cin ciang lawm na ngaih nop leh poilo a, aihang kidawm kawm in aw, mite'n na duang hoih leh na etlawm nate bek hong mitsuan ding uh hi.

❤️Hong it/ngai tak tak te'n na sianthona hong kepbit pih ding a, tawmvei sung aa ding bek hong ngai te'n, na tung pan a deih uh angah na ding lampi bek zong in hong zol ding uh hi.

❤️ "Pa/hangsan kei tak ei" na cih te, nang aa ding hoihzaw thei a, 'Pa' & hangsan na sak te mah in na nuntakna hong susia zo zaw ding uh hi.

❤️ Tangval te'n hong it/ngai a hong hel nop uh leh gamdai leh khuamial/simtham ah hilo in, na Nu leh Pa kiang mah ah hong hel ding in zawn zaw in.

❤️ Kizep/puah dan a hun ciang thei in, na lungsim tawng a lak khia khia na hihi. Tangval khempeuh in hong ciamnuih/noh bawl uh leh nang tung ah bang kisam hiam cih ki sittel in.

❤️ Mawk nuih huah huah kei in, mi'n khuak neilo hong sa ding uh hi. Na maitai kei luat lelah kuama'n hong maingap lo leuleu ding hi, a hun ciang theihsawm in.

❤️ Mi maingap ding in om inla, mi zawhthawh/nopneh ding in om sawm ke'n, a hun tawh kizui in mi zahtak ding in zong om sawm in.

❤️ Khuasung ah hilo in, na inn ah hun tam zang zaw in, numei vakthap mi gina omlo hi.

❤️ Nang lungsim khentatna sang' na Nu leh Pa deihna zui zaw in, khiallo zaw ding hiteh.

❤️ Khatvei na khialh khak leh nang kuama'n bangmah in hong mu nawnlo ding a, tua ahihman in na khialh ma in thu hoihtak ngaihsun in!

29/01/2026

Kuamah in hong ngaihloh laitak in.
--------------------**********-----------------

✍️✍️Mi dangte kiang pan na ngahkhak loh itna khempeuh tawh nang le nang ki-it in.

✍️✍️Nang le nang na ki-it theih loh laitak in mi dangten hong thupi ngaihsut kei leh lungkia, thaneem in na om kha ding hi.

✍️✍️Nang le nang a manpha lo bangin na ki ngaihsut den leh na hun mawkbei in na pumpi zong gim leltak ding hi.

✍️✍️A taktak in ei le ei ki-itna cih pen kihihsak luatna, ki phatsak luatna mi dangte neumuhna ahih loh mah bangin ka deih bang ken sem ning, kei ngaihsutna manpen hi cih ngaihsutna zong hilo hi.

✍️✍️"Nang tawh a kituak lote nek lohna, cidamna lamah na kidopna, laisim denna, muhna hoih tawh nuntakna, lungsim siangtho taka thu ngaihsutna, lungkimna tawh nungta a, a sialam bek muhlohna", tua pen nang le nang na ki-itna ahi hi.

✍️✍️A tom in gen leng na kiim ah kuamah a omloh laitak in, nang le nang a nuam theipen dinga na nuntakna, nang le nang na ki-itna ahi hi.

✍️✍️Nang le nang ki-itna lungsim na neih leh leitung haksatnate tungah maitai takin na lungkim thei ding hi.

Like&share&follow page

29/01/2026

Numei te Pasal Deih Dan

A. A mau genna ah pen a hau a hih sangin Buhcim tui bek ne zaw dingin ki it mahmah peuh leng nop mahmah lel ding hi ci mawkmawk uh (A zuau pi na hi khong)

B. Numei te'n Pasal deihdan tatak pen Hau dingin ( Numei te a duh a deih tam phadiak ) A duh bangbang leisak ding, A deih bangbang leisak ding, Ngek bawl mahmah ding cih pen Numei te a ut penpen a hihi

C. A gen uh leh a ut dan pen ki leh bulh lian, Pawlkhat ten bel a tawntung a ding phawk khalo in tu tawm a, a ngaihsut te a gen hi lel in tua dan mi te pen a nungah nak buai mahmah hi

D. Numei pil tatak te in Pasal a neih ma in a dinmun ding mu khol thei a, a muan tak leh a belh tak Pasal te na tel uh hi, Tua dan mi te cik mah hunin lawh sam lo uh hi

E. Numei khat na hi leh Lawm na ngaih ciangin na din mun ding zong ki ngaihsun kawm sa in lawm ngai lecin Na khial kei ding hi

Note - Itna bek kisam hilo in sum leh paai in zong nuntakna lampi khat mah a hih lam na phawk ding kong deihsak hi

Lai at✍ Leng Tong Hoih

29/01/2026

Pasal Hoih Khat Na Hihzawh Nading
------------------------
Zinei khin sa,
Pasal hoih khat hih zawh na ding i cih hang in K*m tam ta leh k*m tawm ta leh zi nei khin hita leh numei lawmngaih nei khin hita leh tangval lawm ngaih nei khin ahi zong nungak (or) zi te tawh kisai a hihnak leh
Pasal hoih khat na hih ding kisam hi.

A citak pasal na hih theih na ding in,

(1) Zuau phuak ngei kei in.

(2) Numei tungah ahih kei leh mi khat peuh tung ah zahtak na nei inla, thupi bawl in.

(3) Pasal gina hi inla, cik mah ciang in kuamah khem ngei kei in.

(4) Thadah kei in.

(5) Angsung bek khual lua in huaitam kei in.

(6) Gitloh kampau na te ki dawm in.

(7) Lungsim siangtho in.

(8) Na zi (or) na lawmngaih nu pen nang a ding in a manpha mah'' a hih lam thei sak in.

(9) Ama a ding in phattuam na a pia mah'' pasal hih sawm in.

(10) A lungnop theih'' na ding in a vaihawm sak zo den hih sawm in.

(11) Na innkuanpih, na zi(or) na lawmngaihnu a tawntung in thupi bawl thupi sim den in.

28/01/2026

Khah lel in!
************

kiang pan a taikhia nuam khat na let teta sangin suakta takin taisak lel in. Banghang hiam cih leh nang kiang sangin mundang utzaw hiven. Lenlen lecin zong lenzo tuanlo ding cin a, na khut zuulin natna tampi na ngahbeh kha ding hi.

Nang kiang pan a taikhia nuam khat khokho dah in. Banghanghiam cih leh nang kiangah a lungsim om nawnlo a, a lungkim zawkna mun a zuan nuam hita hi. Lenlen lecin zong lenzo tuanlo ding cin a, a tawpna ah na lungtang na kha ding hi.

kiang pan a taikhia nuam khat lenlen dah in. Banghanghiam cih leh taikhiat ding kizo khin ahih manin nang kiang sangin a utzawkna mun om cihna ahi hi. Lenlen lecin zong lenzo tuanlo ding cin a...na khut na bek hilo...na hun bei in...na lungtang zong na kha ding hi.

kiang pan paikhiat ding kizo khin ahihleh nang kiang ut nawnlo, nuamsa nawnlo cihna hi.
kiang pan paikhiat ding kizo khin ahihleh nang sang a itzawk, a ngaihzawk, a muanzawk, a pahtak zawk mu ta cihna hi.

letlet hang lenzo tuanlo ding na hih manin na khut a zuuk(natna tampi) luat ma in khah lel in.
khohkhoh hang khozo tuanlo ding na hih manin na hun tampi a bei luat ma in(natna tampi) khah lel in.
paisan dingin kizo khin ahih manin na phal kei zong pai veve ding hi. Na lungtang a kitapzaan(natna tampi) ma in in khah lel in.

lel in
ngai mahmah ing ahi zongin lem thei khang, hong cih hangin hong ngai mahmah nawnlo cihna hi...Khah lel in.
it mahmah ing ahi zongin kimangngilh ta ni, hong cih hangin hong it mahmah nawnlo cihna hi... Khah lel in.

tampi na ngah semsem sangin tu-a na thuakteng tawh hunsak inla, suakta takin a pai theih nadingin khah lel in.
lel in
lel in.

Crd..
Photo: Crd..

12/11/2025

Minam 10 lasak na
ngai khawm ni ei🤝

Kal Thak

05/02/2026

05/02/2026

04/02/2026

04/02/2026

30/01/2026

30/01/2026

30/01/2026

29/01/2026

29/01/2026

29/01/2026

28/01/2026

12/11/2025

Address

Website

Alerts

Shortcuts

Share

Category