02/12/2016
நேர்காணல் – உங்களின் மிகப்பெரிய பலவீனம் என்ன ?
what-would-you-say-is-your-biggest-strenth-interview-question
நாம் அனைவரும் வாழ்வில் எதாவது ஒர் கட்டத்தில் கண்டிப்பாக வேலை தேடியிருப்போம் அல்லது வேலை தேடுவதே வாழ்க்கையாய் கொண்டிருப்போம். அவ்வாறான தேடல்களில் நேர்காணலில் நம்மிடம் கேட்கப்படும் கடினமான மற்றும் மிக முக்கியமான கேள்விகளுல் ஒன்று “ உங்களின் மிகப்பெரிய பலவீனம் என்ன ?” என்பதாகும் . சில தேர்வாளர்கள் இதை நேரடியாகவும், பலர் இதையே மறைமுகமாகவும் கேட்பார்கள். மேலோட்டமாகப் பார்த்தால் இது என்ன பெரிய கேள்வி என்றே எண்ணத் தோன்றும், ஆனால், உங்கள் வேலையை தீர்மானிக்கும் முக்கியமான கேள்விகளுல் இதுவும் ஒன்று .
இந்தக் கேள்விக்கு என்ன பதில் சொல்வது என்று நீங்கள் இணையத்தில் தேடினால், ஆயிரக்கணக்கான பதில்கள் உடனடியாக கிடைக்கும் . “நான் கடின உழைப்பாளி, என்னைப் போலவே என்னுடைய குழு உறுப்பினர்களும் வேலை பார்க்க வேண்டும் என்று நினைப்பேன்” , ”எல்லா வேலைகளும் மிக நேர்த்தியாக செய்ய வேண்டும் என எதிர்ப்பார்ப்பேன்”, என்பன அவற்றுள் குறிப்பிடதக்க சில பதில்கள் . இவற்றை, நீங்கள் உங்கள் தேர்வாளரிடன் சொல்ல நேர்ந்தால், நீங்கள் தேர்வுக்கு தயார் செய்யவில்லை என்பது அப்பட்டமாக தெரிவது மட்டும்மல்லாமல் , மேலும், தேர்வாளர் உங்கள் பதில்களைக்கேட்டு, மனதுக்குள் சிரித்து விட்டு, வேறு சில கேள்விகள் மூலம் உங்களின் பலவீனத்தை தெரிந்து கொள்வார், அதோடு நிற்காமல் , நாம் எதிர்பாத்த வேலைவாய்ப்பும் பறிபோய்விடும்.
அப்படி என்ன இருக்கிறது இதில், ஏன் இந்தக் கேள்வி கேட்கப்படுகிறது ?
பொதுவாக இரண்டு அல்லது மூன்று விடயங்களைப் பற்றி தெரிந்து கொள்ள இக்கேள்வி கேட்கப்படுகிறது. தன்னைப்பற்றி அறிதல் (self-awareness ), நேர்மை (honesty) ஆகிய இரண்டை மட்டும் மிக முக்கியமாக தெரிந்து கொள்ளவே இக்கேள்வி கேட்கப்படுகிறது.
தன்னையறிதல் என்பது ஒர் கலை. ஒருவர் தன்னுடைய பலம் எது, பல்வீனம் என்பதை தெரிந்து வைத்திருப்பது வேலைக்கும் மட்டுமல்ல வாழ்க்கைக்கும் மிகவும் அவசியமான ஒன்று . நீங்கள் உங்கள் பலத்தையும், பலவீனத்தையும் தெரிந்து வைத்திருக்கிறீர்களா அல்லது இல்லையான என்பதை தெரிந்து கொள்ள.
நேர்மை. ஒருவர் தன்னைப்பற்றிய தகவல்களை உண்மையாக பகிர்ந்து கொள்கிறாரா என்பதை அறிந்ததுகொள்ள.
பலவீனம் இருப்பின், அதை எதிர்கொள்ள என்னென்ன வழிமுறைகளைக் கையாண்டீர்கள், என்னென்ன நடவடிக்கைகளை செய்தீர்கள், அதன் முடிவு என்ன என்பதை தெரிந்து கொள்ள.
இப்போது “ நான் கடின உழைப்பாளி” என யாரோ எந்தக்காலத்திலோ சொன்ன பதிலைச் நான் இப்போதும் சொல்வேனேயானல் நேர்காணலில் ஒர் செய்ற்கைத்தன்மை வந்துவிடும் , ஒவ்வொரு தேர்வாளரும் எதிர்பார்க்கும் கலந்துரையாடலைப் போன்றதொரு தேர்வுநிலை பாதிக்கப்படும். இரண்டாவதாக, என்னுடைய நேர்மை மற்றும் தன்னையறிதல் ஆகிய இரண்டு திறன்களும் கேள்விக்குறியாகும், முடிவாக வேலைவாய்ப்பும் போய்விடும்.இப்போது தெரிகிறதா இதன் வீரியம். இதை எவ்வாறு எதிர்கொள்வது . முள்ளை முள்ளால் எடு என்ற பழமொழியைப் போல இக்கேள்வியை அணுக வேண்டும். அதாவது, கடினமான இக்கேள்விக்கு, பதிலும் கடினமாக இருக்க வேண்டும்.
nerves
பட்டறிவு : கடந்தகாலத்தில் நீங்கள் எவ்வாறு எதிர்கொண்டீர்கள் என்பதைச் ஒன்று அல்லது இரண்டு நிகழ்வுகளில் சொல்லலாம். உதாரனம், உங்கள் குரல் மிகவும் மென்மையானது , நீங்கள் பேசுவது உங்களுக்கே கேட்கவில்லை என உங்கள் சக ஊழியர்கள் விமர்சித்திருந்தால், அதை இவ்வாறு பதிலாகச் சொல்லலாம். “நாம் பிறக்கும் போதே எல்லாவற்றையும் தெரிந்து கொண்டே பிறப்பதில்லை, அனைத்தையுமே நாமகத்தான் காலப்போக்கில் கற்றுக் கொள்கிறோம். நான் எப்போதும் என்னைபற்றிய எனது சக ஊழியர்களின் எண்ணங்களை கேட்டு தெரிந்து கொண்டு என்னை மேம்படுத்திக் கொள்வேன். ஒர் கலந்துரையாடலின் போது என்னுடைய குரல்வளம் எல்லோரையும் சென்றடையவில்லை என்பதை தெரிந்து கொண்டேன். இதைப் போக்க புத்தகங்கள் மற்றும் இணையங்கள் மூலம் படித்தும், சிறப்பு பயிற்ச்சி எடுத்தும், என்னுடைய குரல்வளத்தை மேம்படுத்திக் கொண்டேன். இப்பொது என்னால் ஒலிப்பெருக்கி இல்லாமலும் கலந்துரையாடலில் (meeting/conference) பேசமுடியும்.” இப்பதிலின் மூலம் நாம் மூன்று விடயங்கள்/திறன்களை சொல்லிவிட்டோம். முதாவது , நாம் நம்முடைய பலவீனங்களை அறிந்து வைத்திருக்கிறோம், இரண்டாவது மற்றவர்களின் எண்ணங்களுக்கு மதிப்பு கொடுக்கிறோம். மூன்றாவது , தவறுகளை திருத்திக் கொள்கிறோம். இவைமூன்றும் தேர்வாளர் எதிர்பார்க்கும் முக்கியமான திறன்களுல் அடங்கும்.
images (2)
குறைந்த அளவு : வேலைக்கு விண்ணப்பிக்கும் முன் அதற்க்கு தேவையான திறன்களை நாம் கண்டிப்பாக அறிந்து வைத்திருக்க வேண்டும். சில சமயங்களில், அவ்வாறான திறன்களுக்கு பாதிப்பு வாராதவாறு ஒர் பலவீனத்தைச் சொல்லாலாம். உதாரணம் நீங்கள் தோட்ட வேலைக்கான நேர்காணலில், “எனக்கு மேடை என்றால் பயம் என்று கூறலாம்”. தோட்டவேலைக்கும் மேடைக்கும் எந்த தொடர்பும் கிடையாது. எனவே , இந்த பலவீனம் வேலையை எந்த விதத்திலும் பாதிக்காது.
சரி, நம் எதை வேண்டுமானலும் பலவீனமாக சொல்லிவிட முடியுமா என்றால் , அதற்கு பதில் இல்லை என்பதாகும். வேலைக்குத் தேவையான அடிப்படையான திறன்கள் , குழு மனப்பான்மை , நம்பகத்தன்மை, மற்றவர்களின் எண்ணங்களுக்கு மதிப்பு கொடுத்தல், நேரம் தவறாமை , பொத்தம் பொதுவான அறிக்கைத் தனமான பதில்கள் ஆகிவற்றைக் பலவீனமாக சொல்ல இயலாது. இதுவே உங்கள் பலவீனமாக இருந்தால் , உங்களை மேம்படுத்திக் கொள்ள வேண்டும்
