What are the opening hours?

Monday 9am - 7pm Tuesday 9am - 7pm Wednesday 9am - 7pm Thursday 9am - 7pm Friday 9am - 7pm Saturday 9am - 7pm

https://www.facebook.com/403264619537106/

CIA, No. 10, OmSakthi Nagar, Chinnavedampatti, Coimbatore (2026)

02/10/2026

சுயசார்பு என்பது தனித்து இருப்பது அல்ல; பரஸ்பர ஒத்துழைப்புடன் முன்னேறுவதே உண்மையான சுயசார்பு.— காந்திய சிந்தனை

காந்தியடிகளின் சுயசார்பு, உழைப்பு, சிறு தொழில்கள், உள்ளூர் உற்பத்தி மற்றும் வேலைவாய்ப்பு குறித்த சிந்தனைகள் இன்றைய MSME வளர்ச்சிக்கும் மிகவும் பொருத்தமானவை.

மகாத்மா காந்தியின் பிறந்தநாளான இன்று, அவரது சிந்தனைகளை நினைவுகூர்ந்து, வலுவான கோவை MSME துறையையும் சுயசார்பு இந்தியாவையும் உருவாக்க உறுதி ஏற்போம்.

CIA வின் இனிய காந்தி ஜெயந்தி நல்வாழ்த்துகள்

Chinnavedampatti Industrial Association (CIA) & Coimbatore MSME NEX G

01/10/2026

🇮🇳 Real Hero – A Salute to Captain Sumit Machar

The Chinnavedampatti Industrial Association (CIA) & MSME NEX G extends its heartfelt appreciation and salute to Captain Sumit Machar, whose courage and dedication in a challenging situation helped protect the lives of passengers from India and other countries.

His bravery, presence of mind and commitment to duty are an inspiration to the nation and especially to today’s youth. India is proud of such real-life heroes who stand strong in difficult circumstances and put the safety of others first.

🇮🇳 Our Pride… Inspiring a Nation… Salute, Captain 💐

30/09/2026

வணக்கம்
காப்பர் மற்றும் அதனை அடிப்படையாகக் கொண்ட மூலப்பொருட்களின் விலை உயர்வால் கோவை மாவட்டத்தில் உள்ள Micro மற்றும் Small Manufacturing Enterprises கடுமையான செலவு அழுத்தத்தை எதிர்கொண்டு வருகின்றது Chinnavedampatti Industrial Association (CIA) மற்றும் Coimbatore MSME NEX-G கவலை தெரிவித்துள்ளன.

குறிப்பாக pumps manufacturing, Motor, Wet Grinder, Compressor உள்ளிட்ட பொருட்களை உற்பத்தி செய்யும் நிறுவனங்களும், காப்பரை முக்கிய மூலப்பொருளாக பயன்படுத்தும் தொழில் நிறுவனங்களும் பாதிக்கப்பட்டுள்ளதாக தெரிவிக்கப்பட்டுள்ளது.

மேலும், Copper Wire, Electrical Components மற்றும் Electronic Components உள்ளிட்ட பொருட்களின் விலை உயர்வும் உற்பத்திச் செலவில் நேரடி தாக்கத்தை ஏற்படுத்தி வருவதாக தொழில் நிறுவனங்கள் தெரிவித்துள்ளன. இதன் தாக்கம் இறுதியில் நுகர்வோரையும் சென்றடையும் நிலை ஏற்பட்டுள்ளது.

நவம்பர் 2025 முதல் செப்டம்பர் 2026 வரையிலான காலகட்டத்தில் தொடர்ந்து ஏற்பட்டுவரும் விலை உயர்வுகள், Micro மற்றும் Small Enterprises மீது கூடுதல் நிதிச்சுமையை ஏற்படுத்தியுள்ளதாக CIA மற்றும் Coimbatore MSME NEX-G சார்பில் தெரிவித்துக்கொள்கின்றோம் .

மத்திய அரசுக்கு முக்கிய கோரிக்கைகள்

இந்த நிலையை கருத்தில் கொண்டு, மத்திய அரசு:

* தேர்ந்தெடுக்கப்பட்ட அதிக விலை உயர்வைக் கண்டுள்ள மூலப்பொருட்கள் மற்றும் உதிரிபாகங்களுக்கு குறிப்பிட்ட காலத்திற்கு GST-ஐ 18%-ல் இருந்து 5%-ஆக குறைக்க வேண்டும்.
* காப்பர் உள்ளிட்ட முக்கிய உலோகங்களுக்காக Raw Material Bank / Raw Material Support System உருவாக்க வேண்டும்.
* ஆண்டு வர்த்தக அளவு ₹5 கோடி வரை உள்ள தகுதியான Micro மற்றும் 25 கோடி வரையிலான Small Manufacturing Enterprises-க்கு மானிய அல்லது ஆதரவு விலையில் மூலப்பொருட்கள் கிடைக்க வழிவகை செய்ய வேண்டும்.
* முறையான கணக்குகள் மற்றும் சட்டபூர்வமான பதிவுகளை பராமரிக்கும் உண்மையான உற்பத்தி நிறுவனங்களுக்கு மட்டும் இச்சலுகைகள் கிடைக்கும் வகையில் தகுதி விதிமுறைகளை உருவாக்க வேண்டும்.
* மூலப்பொருட்களின் திடீர் மற்றும் அதிகப்படியான விலை ஏற்றத்திலிருந்து MSME நிறுவனங்களை பாதுகாக்க நீண்டகால நடைமுறையை உருவாக்க வேண்டும்.

இதுபோன்ற நடவடிக்கைகள் மூலம் MSME நிறுவனங்களின் உற்பத்திச் செலவை கட்டுப்படுத்தவும், வேலைவாய்ப்பை பாதுகாக்கவும், தொழில் போட்டித்திறனை மேம்படுத்தவும் முடியும்.

எனவே, நாடு முழுவதும் உள்ள Micro மற்றும் Small Manufacturing Enterprises-ன் நிலைத்தன்மையை கருத்தில் கொண்டு, இந்த கோரிக்கைகளை மத்திய நிதி அமைச்சகம் மற்றும் மத்திய MSME அமைச்சகம் அவசரமாக பரிசீலித்து உரிய நடவடிக்கை எடுக்க வேண்டும் என Coimbatore MSME NEX-G மற்றும் Chinnavedampatti Industrial Association (CIA) சார்பில் கேட்டுக்கொள்ளப்படுக்கின

28/09/2026

கோயம்புத்தூர் பத்திரிகையாளர் மன்றத்தின் புதிய நிர்வாகிகளுக்கு வாழ்த்துகள்!

கோயம்புத்தூர் பத்திரிகையாளர் மன்றத்தின் 30வது பொதுக்குழு கூட்டம் சிறப்பாக நடைபெற்று, புதிய நிர்வாகிகள் பொறுப்பேற்றிருப்பது மகிழ்ச்சி அளிக்கிறது.

புதிதாக பொறுப்பேற்றுள்ள தலைவர், செயலாளர், பொருளாளர், துணைத் தலைவர்கள், இணைச் செயலாளர்கள் மற்றும் செயற்குழு உறுப்பினர்கள் அனைவருக்கும் எனது மனமார்ந்த வாழ்த்துகளைத் தெரிவித்துக் கொள்கிறேன்.

கடந்த 30 ஆண்டுகளாக பத்திரிகையாளர்களின் நலன், உரிமைகள் மற்றும் ஒற்றுமைக்காக பாடுபட்ட மூத்த பத்திரிகையாளர்கள் மற்றும் முன்னாள் நிர்வாகிகளின் பங்களிப்பு பாராட்டுக்குரியது. அவர்களின் அனுபவத்தால் உருவான இந்தப் பாரம்பரியத்தை புதிய நிர்வாகம் மேலும் வலுப்படுத்த வேண்டும்.

ஜனநாயகத்தின் முக்கிய தூணாக விளங்கும் பத்திரிகைத்துறை, மக்களின் பிரச்சினைகளை வெளிக்கொண்டு வருவதோடு, சமூக விழிப்புணர்வையும் ஏற்படுத்துவதில் முக்கிய பங்காற்றுகிறது. உண்மையை வெளிப்படுத்தி, மக்களின் குரலை உரிய இடத்திற்கு கொண்டு சேர்க்கும் பத்திரிகையாளர்களின் பணி பாராட்டுக்குரியது.

குறிப்பாக, இளம் பத்திரிகையாளர்களின் திறன் மேம்பாடு, தொழில்நுட்ப அறிவு, பயிற்சி மற்றும் எதிர்கால வளர்ச்சிக்கான வாய்ப்புகளை உருவாக்குவதில் புதிய நிர்வாகம் முக்கிய கவனம் செலுத்த வேண்டும்.

மூத்த பத்திரிகையாளர்களின் அனுபவத்தையும், இளம் பத்திரிகையாளர்களின் புதிய சிந்தனைகளையும் ஒருங்கிணைத்து, பத்திரிகையாளர்களின் நலனுக்காகவும், மக்கள் நலனுக்காகவும் கோயம்புத்தூர் பத்திரிகையாளர் மன்றம் தொடர்ந்து வலிமையுடன் செயல்பட வாழ்த்துகிறேன்.

புதிய நிர்வாகத்தின் அனைத்து நல்ல முயற்சிகளுக்கும் எனது முழுமையான வாழ்த்துகளையும் ஆதரவையும் தெரிவித்துக் கொள்கிறேன்.

CIA மற்றும் Coimbatore MSME NEX-G சார்பாக
புதிய நிர்வாகிகளுக்கு மனமார்ந்த வாழ்த்துகள்
Ministry of Micro, Small and Medium Enterprises,Government of India Devakumar Nagarajan

27/09/2026

வணக்கம்
மதிப்பிற்க்குறிய மாவட்ட ஆட்சியர் , கவுண்டம்பாளையம் சட்டமன்ற உறுப்பினர் – சாலை மற்றும் அடிப்படை கட்டமைப்பு மேம்பாடு தொடர்பான கோரிக்கை

மதிப்பிற்க்குறிய கவுண்டம்பாளையம் சட்டமன்ற உறுப்பினர் மற்றும்
மதிப்பிற்குரிய மாவட்ட ஆட்சித் தலைவர் அவர்களுக்கு,

பொருள்: சின்னவேடம்பட்டி தொழில் பகுதிகளில் சேதமடைந்துள்ள சாலைகளை உடனடியாக சீரமைக்கக் கோரிக்கை.

சின்னவேடம்பட்டி பகுதியில் அத்திப்பாளையம் பிரிவு முதல் குமரகுரு கல்லூரி வரையிலான பிரதான சாலை, அதனுடன் இணையும் உடையாம்பாளையம், கருப்பராயன் கோவில் சாலைகள், மேலும் ஜகன்னாதா இண்டஸ்ட்ரியல் எஸ்டேட், ரெயின்போ இண்டஸ்ட்ரியல் எஸ்டேட் உள்ளிட்ட தொழில் பகுதிகளின் சாலைகள் தற்போது மிகவும் மோசமான நிலையில் உள்ளன.

சின்னவேடம்பட்டி–உடையாம்பாளையம்–சரவணம்பட்டி சுற்றுவட்டாரத்தில் 630 -க்கும் மேற்பட்ட தொழில் நிறுவனங்கள் செயல்பட்டு வருகின்றன. இந்நிறுவனங்கள் முறையாக GST உள்ளிட்ட அரசு வரிகளை செலுத்தி, ஆயிரக்கணக்கான தொழிலாளர்களுக்கு வேலைவாய்ப்பு வழங்கி வருகின்றன.

தற்போது மழைக்காலத்தில் சாலைகள் கடுமையாக சேதமடைந்துள்ளதால், தொழிற்சாலைகளில் உற்பத்தி செய்யப்படும் இயந்திரங்கள் மற்றும் உதிரிபாகங்களை பாதுகாப்பாக கொண்டு சென்று அனுப்புவதிலும், தொழிலாளர்கள் மற்றும் பொதுமக்கள் பயணம் செய்வதிலும் பெரும் சிரமம் ஏற்பட்டுள்ளது.

மேலும், இப்பகுதியில் மூன்று முக்கிய கல்லூரிகள் மற்றும் ஐந்திற்கும் மேற்பட்ட பள்ளிகள் உள்ளதால், தினசரி அதிக எண்ணிக்கையிலான மாணவர்கள், ஆசிரியர்கள், தொழிலாளர்கள் மற்றும் பொதுமக்கள் இந்த சாலைகளை பயன்படுத்துகின்றனர்.

எனவே, தொழில் நிறுவனங்களின் செயல்பாடுகள் பாதிக்கப்படாமல் இருப்பதற்கும், பொதுமக்களின் பாதுகாப்பான போக்குவரத்திற்கும், மேற்கண்ட சாலைகளை அவசர முன்னுரிமையில் நேரில் ஆய்வு செய்து, உடனடியாக சீரமைத்து தருமாறு அன்புடன் கேட்டுக்கொள்கிறோம்.

இவ்விஷயத்தில் மாவட்ட நிர்வாகம், மாண்புமிகு அமைச்சர் சம்பத்குமார் அவர்கள் மற்றும் சட்டமன்ற உறுப்பினர் மாண்புமிகு கனிமொழி அவர்கள் ஆகியோர் சிறப்பு கவனம் செலுத்தி, உடனடியாக விரைந்து நடவடிக்கை எடுக்குமாறு CIA சார்பாக கேட்டுக்கொள்கிறோம்.

நன்றி.

நிர்வாகுழு
Chinnavedampatti Industrial Association (CIA)
Coimbatore MSME NEX-G

27/09/2026

வணக்கம்
CIA உடன் இனைந்து நடத்தப்பட்ட SMB Connect – Global Rise 2026 நிகழ்ச்சி சிறப்பாக நடைபெற்று நிறைவடைந்துள்ளது.

இந்நிகழ்வில் ஆர்வத்துடன் கலந்து கொண்டு சிறப்பித்த CIA உறுப்பினர்கள் அனைவருக்கும் மனமார்ந்த வாழ்த்துகளையும் நன்றியையும் தெரிவித்துக் கொள்கிறோம்.

மேலும், இந்நிகழ்வில் சிறந்த MSME Entrepreneur Awards பெற்ற நமது CIA உறுப்பினர்கள் அனைவருக்கும் எங்களது மனமார்ந்த பாராட்டுகளையும் வாழ்த்துகளையும் தெரிவித்துக் கொள்கிறோம்.

MSME நிறுவனங்களின் ஏற்றுமதி வாய்ப்புகள், தொழில் வளர்ச்சி மற்றும் உலகளாவிய சந்தை வாய்ப்புகள் குறித்து சிறப்பான கருத்தரங்குகள் மற்றும் கலந்துரையாடல்களை ஏற்பாடு செய்து, இந்நிகழ்வை வெற்றிகரமாக நடத்திட ஒத்துழைத்த அனைத்து பேச்சாளர்கள், ஒருங்கிணைப்பாளர்கள், நிர்வாகக் குழு உறுப்பினர்கள் மற்றும் நிகழ்வில் பங்களித்த அனைவருக்கும் எங்களது மனமார்ந்த நன்றியைத் தெரிவித்துக் கொள்கிறோம்.

நமது CIA உறுப்பினர்களின் தொழில் வளர்ச்சிக்கும், MSME நிறுவனங்களின் உலகளாவிய முன்னேற்றத்திற்கும் இதுபோன்ற பயனுள்ள நிகழ்வுகள் தொடர்ந்து நடைபெற அனைவரும் இணைந்து செயல்படுவோம்.

நன்றி.

நிர்வாகக் குழு

Chinnavedampatti Industrial Association (CIA)
COIMBATORE MSME NEX G
Ministry of Micro, Small and Medium Enterprises,Government of India

27/09/2026

இன்று கோவை, சரவணம்பட்டியில் அமைந்துள்ள K.G. கலை மற்றும் அறிவியல் கல்லூரியைச் சேர்ந்த ஆறு துறைகளைச் சார்ந்த 50-க்கும் மேற்பட்ட மாணவர்கள் மற்றும் கல்லூரி பேராசிரியர்கள், கோவை குரும்பபாளையத்தில் அமைந்துள்ள கொடியா மின் முலாம் தொழிற்பூங்காவிற்கு வருகை புரிந்தனர்.

இந்த நிகழ்வின் போது, மாணவர்கள் எலக்ட்ரோ பிளேட்டிங் (Electroplating) தொழில்நுட்பம், அதன் செயல்முறைகள் மற்றும் பயன்பாடுகள் குறித்து விரிவாக தெரிந்துகொண்டனர். மேலும், தொழிற்பூங்காவில் அமைந்துள்ள எங்களது உறுப்பினர் நிறுவனங்களை நேரில் பார்வையிட்டு, அந்நிறுவனங்களின் செயல்பாடுகள் மற்றும் தொழில்நுட்பங்களைப் பற்றியும் அறிந்து கொண்டனர்.

இந்நிகழ்வின் நினைவாக, கல்லூரி பேராசிரியர்களுக்கு CIA MSME NEXT G தொழில் மலர் மற்றும் எலக்ட்ரோ பிளேட்டிங் தொழில் மலர் ஆகியவை நினைவுப் பரிசாக வழங்கப்பட்டன.

மிகச் சிறப்பாக இந்த நிகழ்வை ஏற்பாடு செய்து கொடுத்த CIA MSME NEXT G தலைவர் திரு. தேவகுமார் நாகராஜன் அவர்களுக்கும், K.G. கலை மற்றும் அறிவியல் கல்லூரி நிர்வாகத்தினருக்கும், எங்களது கொடியா மின் முலாம் தொழிற்பூங்கா சார்பாக மனமார்ந்த நன்றிகளைத் தெரிவித்துக் கொள்கிறோம்.

இளைஞர்களுக்கு தொழில்துறை அறிவையும், தொழில்நுட்பப் புரிதலையும் ஏற்படுத்தும் இதுபோன்ற நிகழ்வுகள் தொடர்ந்து நடைபெற வாழ்த்துகள்.

17/09/2026

Export Awareness Programme CIA சார்பாக சிறப்பாக நடைபெற்றது. இதில் கலந்து கொண்ட அனைத்து தொழில்முனைவோர்களுக்கும் எனது மனமார்ந்த வாழ்த்துகளையும் பாராட்டுகளையும் தெரிவித்துக் கொள்கிறேன்.

குறிப்பாக, Micro & Small Enterprises தங்களுக்குக் கிடைக்கும் உள்நாட்டு மற்றும் சர்வதேச சந்தை வாய்ப்புகளை சரியாகப் பயன்படுத்திக் கொண்டால், அது ஒரு நிறுவனத்தின் வளர்ச்சியை மட்டுமல்லாமல், குடும்பம், நமது பகுதி மற்றும் நாட்டின் பொருளாதார வளர்ச்சிக்கும் மிகப்பெரிய பங்களிப்பாக அமையும்.

ஏற்றுமதி வாய்ப்புகள், உள்நாட்டு சந்தையை விரிவுபடுத்துதல், புதிய வாடிக்கையாளர்களை அடைதல் போன்றவற்றிற்கு மத்திய மற்றும் மாநில அரசுகள் பல்வேறு திட்டங்கள், வழிகாட்டுதல்கள் மற்றும் ஆதரவுகளை வழங்கி வருகின்றன.

இந்த வாய்ப்புகளை ஒவ்வொரு தொழில்முனைவோரும் முழுமையாகப் பயன்படுத்தி, நமது நிறுவனங்களை வளர்ப்போம்; நமது பகுதியை வளர்ப்போம்; நாட்டின் பொருளாதார வளர்ச்சிக்கு பங்களிப்போம்.

வாழ்த்துகள் மற்றும் நன்றி.
நிர்வாககுழு

17/09/2026

வணக்கம்
இன்று நடைபெற்ற CII Foundation, CII Centre of Excellence on Employment & Livelihood , NatWest Group மற்றும் Chinnavedampatti industrial Association, CIA இணைந்து நடத்தும் MSME வளர்ச்சி மற்றும் மேம்பாட்டு பயிற்சி திட்டம் சிறப்பாக தொடங்கப்பட்டது.

CIA சார்பில் மதிப்பிற்குரிய திரு. ஏ.கே. நாகராஜன், AK Industries மற்றும் பொருளாளர் திரு. பரமசிவம் ஆகியோர் கலந்து கொண்டு நிகழ்வைத் தொடங்கி வைத்தனர்.

இந்த சிறப்பான பயிற்சி திட்டத்தை ஏற்பாடு செய்த CII நிர்வாகத்திற்கு CIA சார்பில் வாழ்த்துகளும். மேலும், இதில் ஆர்வத்துடன் கலந்து கொண்டுள்ள அனைத்து CIA உறுப்பினர்களுக்கும் மனமார்ந்த வாழ்த்துகள்.

நிர்வாகக்குழு
CIA

02/09/2026

கோவை காந்திபுரம் பெரியார் அறிவுலகம் கட்டிடத்தில் அரசு Technology Centre அமைத்தல் – கோரிக்கை

கோவை மாநகரப் பகுதியில் 30,000-க்கும் மேற்பட்ட Micro & Small Industries செயல்பட்டு வருகின்றன. இந்நிறுவனங்களின் தொழில்நுட்ப மேம்பாடு, திறன் வளர்ச்சி, புதிய தயாரிப்புகள் மற்றும் வளர்ச்சித் திட்டங்களுக்கு உதவும் வகையில் Government Technology Centre ஒன்றை கோவையில் அமைப்பது மிகவும் பயனுள்ளதாக இருக்கும்.

காந்திபுரம் அருகில் அமைந்துள்ள பெரியார் அறிவுலகம் கட்டிடத்தின் 5 மற்றும் 6வது தளங்களில், ஏற்கனவே கட்டுமானப் பணிகள் நடைபெற்ற காலத்திலேயே நடைபெற்ற MSME ஆலோசனைக் கூட்டங்களில், அப்போதைய அரசு அமைச்சர் மற்றும் மாவட்ட ஆட்சியர் முன்னிலையில் MSME Technology Centre அமைக்க வேண்டும் என்ற கோரிக்கை முன்வைக்கப்பட்டு, அதனை பரிசீலித்து ஏற்றுக்கொள்ளும் நிலை உருவானது.

எனவே, தற்போது அந்த இடத்தில் முன்வைக்கப்பட்டிருந்த திட்டத்தை தொடர்ந்து செயல்படுத்தி, 5 மற்றும் 6வது தளங்களில் MSME Technology Centre (TANCAM CENTRE)அமைக்க தமிழக அரசு நடவடிக்கை எடுக்க வேண்டும் என CIA & Coimbatore MSME Next Generation சார்பில் கேட்டுக்கொள்கிறோம்.

இந்த மையத்தின் மூலம் Micro & Small Industries நிறுவனங்களுக்கு:

* தொழில்நுட்ப ஆலோசனை மற்றும் மேம்பாடு
* புதிய தயாரிப்பு வடிவமைப்பு மற்றும் Development
* Testing & Quality Certification
* Skill Development மற்றும் தொழில்நுட்பப் பயிற்சிகள்
* Prototype Development
* Innovation & Incubation
* மாணவர்கள்–தொழில் நிறுவனங்கள் Industry–Academia இணைப்பு

போன்ற சேவைகளை அருகிலேயே பெறுவதற்கான வாய்ப்பு உருவாகும்.

கோயம்புத்தூர் மாவட்டம் நாட்டின் முக்கிய MSME உற்பத்தி மையங்களில் ஒன்றாக விளங்குவதால், ஒவ்வொரு 5 கி.மீ. சுற்றளவிலும் தேவைக்கேற்ற Government Technology Centres அமைக்கப்பட வேண்டும் என்பதும் எங்களது முக்கிய எதிர்பார்ப்பாகும். இதன் மூலம் அருகிலுள்ள தொழில் நிறுவனங்கள் Testing, Skill Development, Technology Upgradation மற்றும் Product Development போன்ற வசதிகளை குறைந்த செலவில் எளிதாகப் பயன்படுத்த முடியும்.

கோவையின் MSME நிறுவனங்களின் உற்பத்தித்திறன், போட்டித்திறன் மற்றும் ஏற்றுமதி திறனை அதிகரிக்க, இத்தகைய Technology Centres முக்கிய பங்காற்றும்.

எனவே, காந்திபுரம் பெரியார் அறிவுலகம் கட்டிடத்தில் 5 மற்றும் 6வது தளங்களில் MSME Technology Centre அமைப்பதற்கான நடவடிக்கைகளை தமிழக அரசு உடனடியாக மேற்கொள்ள வேண்டும் என Coimbatore MSME Next Generation சார்பில் அன்புடன் கேட்டுக்கொள்கிறோம்.

நிர்வாககுழு
Chinnavedampatti Industrial Association (CIA)
Coimbatore MSME Next Generation

CIA

02/10/2026

01/10/2026

30/09/2026

28/09/2026

27/09/2026

27/09/2026

27/09/2026

17/09/2026

17/09/2026

02/09/2026

Address

Opening Hours

Website

Alerts

Shortcuts

Share

Category

Listing takedown request

Monday	9am - 7pm
Tuesday	9am - 7pm
Wednesday	9am - 7pm
Thursday	9am - 7pm
Friday	9am - 7pm
Saturday	9am - 7pm