03/01/2026
ഞാൻ കഴിഞ്ഞ കഥയിൽ കടയിലെ കാര്യങ്ങൾ ഒക്കെ പറഞ്ഞു,കഥ അതിന്റെ വഴിക്ക് പോകണമല്ലോ അപ്പോൾ ഇന്ന് എന്റെ കല്യാണത്തെ കുറിച്ച് ആയാലോ. അടുത്ത കഥ 1991 നവംബർ മാസം മൂന്നാം തീയതി ആയിരുന്നു എന്റെ വിവാഹം. ഇടുക്കി ജില്ലയിൽ അടിമാലിക്കടുത്ത് കല്ലാറുകുട്ടിയിലുള്ള കൂനിപ്പാറ വീട്ടിലേക്കാണ് എന്നെ വിവാഹം ചെയ്തു അയച്ചത്. കുഞ്ഞപ്പൻ അച്ഛന്റെയും കല്യാണി അമ്മയുടെയും മകൻ രഘുവാണ് എന്നെ വിവാഹം കഴിച്ചത്.എന്റെ വലിയച്ഛന്റെ മകൻ തട്ടാംപുറത്ത് രവി,അവർ കല്ലാറുകുട്ടിയിൽ തന്നെയാണ് താമസിക്കുന്നത് എന്റെ ഭർത്താവും എന്റെ സഹോദരനും കൂട്ടുകാരായിരുന്നു. അങ്ങനെയാണ് എനിക്ക് ഈ ആലോചന വന്നത്.ഒരു വലിയ കുടുംബം ആയിരുന്നു അദ്ദേഹത്തിന്റെ 10 മക്കളും അച്ഛനും അമ്മയും അമ്മായിമാരും ഒക്കെയുള്ള ഒരു വലിയ കുടുംബം,കേട്ടപ്പോൾ പേടി തോന്നി . എങ്കിലും ഒരു പയറ്റ് പയറ്റാം എന്നോർത്ത് ഇറങ്ങിത്തിരിച്ചു ഞാൻ ഉദ്ദേശിച്ച ഒരു കുഴപ്പവും അവിടെ ഉണ്ടായിരുന്നില്ല.എല്ലാവരും നല്ല സ്നേഹമുള്ളവരായിരുന്നു എപ്പോഴും എനിക്ക് അമ്മയെ പറ്റി പറയാനാണ് ഏറെ ഇഷ്ടം,നിഷ്കളങ്കമായ എപ്പോഴും ചിരിച്ചുകൊണ്ട് സ്നേഹം മാത്രം കൈമുതലായുള്ള ഞങ്ങളുടെ കല്യാണിയമ്മ ഞങ്ങൾ റോഡിൽ ചെല്ലുമ്പോൾ ഹ ഹ ഇതാരാ ഈ വന്നിരിക്കുന്നത് എന്ന് ചോദിച്ചു കൊണ്ട് മുണ്ടിന്റെ കോന്തലയും പൊക്കി കുത്തി ചിരിച്ചുകൊണ്ട് ഒരു വരവുണ്ട് എന്തു രസമാണെന്നോ ആ വരവ് കാണാൻ. ഞാൻ എല്ലാ നേരവും അമ്മയെ കുറിച്ച് ഓർക്കും അച്ഛനാണെങ്കിൽ ഒരു 6 അടി പൊക്കവും അതിന് ചേർന്ന വണ്ണവും ഒക്കെയുള്ള സുന്ദരനായിരുന്നു.നല്ല സ്നേഹമുള്ള അച്ഛൻ എന്നെ കാണുമ്പോഴേ നീ വലിയ വയറും കൊണ്ട് ഇങ്ങോട്ട് വന്നത് എന്തിനാണെന്ന് ചോദിക്കും. അച്ഛനോടും അമ്മയോടും എനിക്ക് നല്ല അറ്റാച്ച്മെന്റ് ആയിരുന്നു . പിന്നെയുള്ളത് ഏറ്റവും മൂത്ത ചേട്ടൻ വീടിന്റെ കുറച്ചു മാറിയാണ് താമസിക്കുന്നത് ഞാൻ ചെല്ലുമ്പോൾ ചേച്ചിയും ചേട്ടനും രണ്ടു പിള്ളേരുമാണ് ഉണ്ടായിരുന്നത്.അതിന്റെ താഴെ കത്തിപ്പാറ എന്ന് പറയുന്ന സ്ഥലത്ത് പാലക്കാട്ടിൽ വിവാഹം കഴിച്ചു വിട്ട ശാന്ത ചേച്ചിയും ഗോപി അളിയനും വാ തുറന്നാൽ കോമഡി മാത്രം പറയുന്ന അളിയൻ,അതിന്റെ താഴെയുള്ളത് സുശീല എന്ന് പറയുന്ന പെങ്ങളാണ്. സുശീല ചേച്ചിക്ക് ഗോവിന്ദൻ ചേട്ടനും കല്ലാർകുട്ടിയിൽ ഒരു ചായക്കട ആയിരുന്നു എപ്പോൾ ചെന്നാലും ചായ കുടിപ്പിക്കാതെ ചേച്ചി വിടുകയില്ല. ചേട്ടനും എല്ലാവരോടും അത്രമേൽ ഇഷ്ടമായിരുന്നു ചേച്ചിയോട് എന്തെങ്കിലും ഒരു കാര്യം നേതൃത്വം എടുത്ത് ചെയ്യണമെന്ന് പറഞ്ഞാൽ വളരെ കൃത്യമായി ആ കാര്യങ്ങൾ ചെയ്തിരിക്കും. ഉത്തരവാദിത്വവും സ്നേഹവും ആത്മാർത്ഥതയും ഉള്ള ചേട്ടനും ചേച്ചിയും പിന്നെയുള്ളത് എന്റെ ഭർത്താവിന്റെ നേരെ മൂത്ത ചേട്ടൻ ഗോപി ചേട്ടനും സലി ചേച്ചിയും ആയിരുന്നു വീട്ടിൽ ഉണ്ടായിരുന്നത് വീട്ടിൽ ചെല്ലുമ്പോൾ ചേച്ചി ആയിരുന്നു എനിക്ക് ഏറ്റവും കൂട്ട്. പിന്നെയുള്ളത് അദ്ദേഹത്തിന്റെ നേരെ ഇളയ രണ്ട് അനിയന്മാരായിരുന്നു സുരയും യോഗി ദാസും.എല്ലാവരും നല്ല മിടുക്കന്മാരായ കുട്ടികൾ എന്നോട് നല്ല സ്നേഹമായി തന്നെ പെരുമാറിയിരുന്നു.ഞങ്ങൾ താമസിച്ചിരുന്നത് കല്ലാറ കുട്ടി ഡാമിന്റെ അടുത്തായിരുന്നു അതുകൊണ്ടുതന്നെ ഡാമിൽ നിന്നും നല്ലയിനം മീനുകൾ വലയിട്ട് പിടിച്ച് കൊണ്ടുവന്ന വറുത്തു തിന്നുമായിരുന്നു. അടുപ്പത്ത് വെച്ചിട്ടാണെങ്കിലും ചേട്ടനും അനിയന്മാരും കൂടി ആറ്റിൽ നിന്നും നല്ല മീൻ പിടിച്ചുകൊണ്ടുവന്ന് വറുത്ത തിന്നുന്ന കാലം ഞാൻ വളരെ കുറച്ചുകാലം മാത്രമാണ് എന്റെ ഭർത്താവിന്റെ വീട്ടിൽ നിന്നിട്ടുള്ളത്, ആ കാലമത്രയും നല്ല ഓർമ്മയിൽ സൂക്ഷിക്കാൻ പറ്റിയ ഒത്തിരി നല്ല കാര്യങ്ങൾ ഉണ്ടായിരുന്നു.അഞ്ചാമയിൽ എന്ന് പറയുന്ന സ്ഥലത്ത് ശ്യാമള എന്ന് പേരുള്ള ഒരു നാത്തൂൻ ഉണ്ടായിരുന്നു കപ്പയും കോഴിയും വെക്കുകയാണെന്ന് പറഞ്ഞാൽ ഓടിയെത്തും.എങ്ങിനെ വീട്ടിൽ വരും എന്നോർത്ത് ഇരിക്കുമ്പോൾ ആയിരിക്കും വാടി ഇവിടെ കപ്പയും കോഴിയും വെക്കുകയാണെന്ന് പറഞ്ഞു ചേട്ടൻ വിളിക്കുന്നത്,കേൾക്കേണ്ട താമസം അപ്പോൾ തന്നെ ഓടി വരും. പിന്നെയുള്ളത് എന്റെ രണ്ടു കാന്താരികളായ നാത്തൂന്മാരായിരുന്നു ഉരുളയ്ക്കു ഉപ്പേരി പോലെ പറയുന്ന ഉഷയും അതിന്റെ ബാക്കി പറഞ്ഞു ചേച്ചിക്ക് കൂട്ടായി നിൽക്കുന്ന സിന്ധുവും ഞാൻ ചെന്നപ്പോൾ എനിക്ക് ഒത്തിരി കൂട്ടായി ഉണ്ടായിരുന്നത് ഇവർ രണ്ടുപേരും ആയിരുന്നു.
ഓ കെട്ടിച്ചു വിട്ട വീട്ടിലെ വിശേഷങ്ങളൊക്കെ എഴുതി ഒത്തിരി ആയി ഈ കഥ വായിക്കുമ്പോൾ അവരെല്ലാവരും ഓർക്കും ഞങ്ങൾ ഇത്ര നല്ല മിടുക്കന്മാരും മിടുക്കികളുമായിരുന്നോ എന്ന്.ചുമ്മാ ഇരുന്നപ്പോൾ കുത്തിക്കുറിച്ചാണ്. ആരും ചുമ്മാ അഹങ്കരിക്കണ്ട നിന്നെ കഥയുടെ ബാക്കിഭാഗം അടുത്തൊരു ദിവസം ആകട്ടെ ഈ കഥ വായിക്കാൻ ഇപ്പോൾ ഞങ്ങളുടെ അച്ഛനും അമ്മയും ഇല്ല സ്നേഹനിധിയായ അച്ഛനെയും അമ്മയുടെയും മുൻപിൽ കൂപ്പുകൈകളുടെ🙏🥰.
