03/11/2026
குமரி – களியக்காவிளை தேசிய நெடுஞ்சாலையை சீரமைக்கக் கோரி நவ.12-ல் சாலை மறியல்!
கன்னியாகுமரி முதல் களியக்காவிளை வரையிலான 56 கி.மீ. தேசிய நெடுஞ்சாலை பல இடங்களில் குண்டும் குழியுமாக மோசமான நிலையில் உள்ளது. இதனால் வாகன ஓட்டிகள் மற்றும் பொதுமக்கள் கடும் அவதிக்குள்ளாகி வருகின்றனர்.
மார்த்தாண்டம், தக்கலை, குழித்துறை உள்ளிட்ட பகுதிகளிலும் மேலும் பார்வதிபுரம், சுங்கான்கடை,தோட்டியோடு, வில்லுக்குறி, முளகுமூடு, பம்மம், வெட்டுவெந்நி,களியக்காவிளை உள்ளிட்ட பகுதிகளில் ஆங்காங்கே பள்ளங்கள் தோன்றி விபத்துக்கள் ஏற்படுகின்றன. இதனால் மக்கள் கடும் துயரங்களை சந்தித்து வருகின்றனர்
இது பற்றி பத்மநாபபுரம் சட்டமன்ற உறுப்பினரும் மார்க்சிஸ்ட் கம்யூனிஸ்ட் கட்சியின் மாநிலக்குழு உறுப்பினருமான ஆர். செல்லசுவாமி சட்டமன்றத்தில் வலியுறுத்திப் பேசினார். இருப்பினும் இதுவரை உரிய நடவடிக்கை எடுக்கப்படவில்லை.
இதையடுத்து மார்க்சிஸ்ட் கம்யூனிஸ்ட் கட்சி சார்பில் வரும் நவம்பர் 12-ம் தேதி காலை 10.30 மணிக்கு தக்கலை சந்திப்பில் சாலை மறியல் போராட்டம் நடத்த முடிவு செய்யப்பட்டுள்ளது.
இப்போராட்டத்தில் பொதுமக்கள் மற்றும் கட்சியினர் திரளாகப் பங்கேற்க அழைப்பு விடுக்கப்பட்டுள்ளது.