15/08/2019
രാജ്യവികസനം ആരിലൂടെ...?
യാദാർത്ഥ രാജ്യസ്നേഹി ആരാണ്...?
135 കോടിയിൽപരം വരുന്ന ജനങ്ങളുടെ വികാരമായ ഭാരതം ഇന്ന് 73 സ്വാതന്ത്ര്യ ദിനം ആഘോഷിക്കുന്നു..
സമാനതകളില്ലാത്ത വൈവിധ്യമാണ് നമ്മുടെ രാജ്യം. ആ വൈവിധ്യങ്ങൾക്കിടയിൽ നമ്മളെല്ലാവരും ഒന്നാണെന്ന ഏകതാ ബോധമാണ് നമ്മളെ മുന്നോട്ട് ചലിപ്പിക്കുന്നത്.
വികസനം എന്നത് വിശാലമായ കാഴ്ച്ചപ്പടാണ്. അടിസ്ഥാന വർഗ്ഗത്തിന്റെ ജീവിത നിലവാരം ഉയർന്നെങ്കിൽ മാത്രമേ സ്ഥായിയാ വികസനം എന്ന് പറയാൻ സാദിക്കുള്ളു.
ആധുനിക കാലത്ത് ഭരണകൂടത്തിനൊപ്പം പൗരന്മാരും പ്രവർത്തിച്ചെങ്കിൽ മാത്രമേ വികസനം സമൂഹത്തിന്റെ എല്ലാ തട്ടിലും സംഭവിക്കുള്ളു.
ഒരു റോഡോ പാലമോ സർക്കാർ നിർമ്മിക്കുമ്പോൾ അതിന് സമീപം ഒരു ചെറുകിട വ്യവസായശാലയോ നിർമ്മാണ യൂണിറ്റോ ആരംഭിക്കാം. അത് വഴി പ്രദേശവാസികൾക്ക് തൊഴിൽ ലഭ്യമാകും.അവരുടെ വരുമാനത്തിലുള്ള വർധനവ് അവരുടെ വാങ്ങൾ ശക്തിയെ ഉയർത്തുന്നു.അങ്ങനെ ആ പ്രദേശത്തെ വ്യാപാര സ്ഥാപനങ്ങൾ വളരുന്നു.ക്രമേണ സ്കൂൾ, ആശുപത്രി തുടങ്ങിയ അടിസ്ഥാന സൗകര്യങ്ങളുണ്ടാകുന്നു.
എല്ലാത്തിന്റെയും അടിസ്ഥാനം തൊഴിലവസരങ്ങൾ സൃഷ്ടിക്കുക എന്നതാണ്. ബഹുഭൂരിപക്ഷം സ്വകാര്യ മേഖലയെ ആശ്രയിച്ച് ജീവിക്കുന്ന രാജ്യത്ത് ചെറുകിട സംരംഭകരെ പ്രോത്സാഹിപ്പിക്കുക എന്ന നയമാണ് നമ്മൾ സ്വീകരിക്കണ്ടത്.
സംരംഭകർ ആ പ്രദേശത്തിന്റെ വളർച്ചയുടെ ദിശാ സൂചികയാണ്. അവന്റെ ചെറുകിട യൂണിറ്റ്/ വ്യാപാരശാല പ്രവർത്തിച്ചെങ്കിൽ മാത്രമേ സമീപ പ്രദേശങ്ങളിലെ തൊഴിലാളികൾക്ക് ജീവിത ചിലവിനുള്ള വരുമാനം ലഭിക്കൂ.. അവർ ചിലവഴിക്കുന്ന തുകയാണ് ആ പ്രദേശത്തിന്റെ തന്നെ വരുമാനം. ഇതൊരു ചാക്രിക പ്രവർത്തനമാണ്.
രാജ്യ വികസനത്തിൽ എല്ലാ പൗരന്മാർക്കും ഉത്തരവാതിത്വമുണ്ട്. ചെറുകിട സംരംഭക യൂണിറ്റ്/ വ്യവസായ ശാലകൾ സ്ഥാപിക്കുകയോ അവയെ പ്രോത്സാഹിപ്പിക്കുകയോ ചെയ്യുക. അവ നമ്മുടെ രാജ്യത്തിന്റെ സാമ്പത്തിക അടിത്തറ പാകുകയാണ് ചെയ്യുന്നത്.
ആവിശ്യങ്ങളാണ് സൃഷ്ടിയുടെ മാതാവ്. നമ്മളുടെ ഈ ആവിശ്യങ്ങൾ കണ്ടറിഞ്ഞാണ് ബഹുരാഷ്ട്ര കമ്പിനികൾ ഉൽപ്പന്നങ്ങൾ നിർമ്മിച്ച് നമ്മുടെ വിപണിയിൽ വിറ്റഴിച്ച് ലാഭം കൊയ്യുന്നത്.
നമ്മളുപയോഗിക്കുന്ന സോപ്പ്, പേസ്റ്റ്, മൊബൈൽ ഫോൺ തുടങ്ങി KFC,സോഷ്യൽ മീഡിയ പ്ലാറ്റ്ഫോമുകൾ വരെയുള്ള ഉൽപ്പന്നങ്ങൾ നമ്മൾക്ക് വേണ്ടി നിർമ്മിച്ച് തരുന്നത് വിദേശ മൾട്ടി നാഷ്ണൽ കമ്പിനികളാണ്.
ഇവിടെ മാർക്കറ്റുണ്ടായിട്ടും
എന്തുകൊണ്ട് നമുക്കിത് സാതിക്കുന്നില്ല. ഉത്തരം ഒന്നേ ഉള്ളു.. നമ്മൾ യദാർത്ഥ രാജ്യസ്നേഹികളല്ല.അതുകൊണ്ടാണ് രാജ്യത്തിന്റെ സാമ്പത്തിക വളർച്ചക്ക് അടിത്തറ പാകുന്ന സംരംഭകരെ നമുക്ക് പ്രോത്സാഹിപ്പിക്കാൻ കഴിയാത്തത്.
രാജ്യവികസനത്തിൽ നമുക്കെല്ലാവർക്കും ഒരു പങ്കുണ്ട്.
തൊഴിൽ നൽകുന്ന, ഉൽപ്പാദനം നടത്തുന്ന ഒരു സ്ഥാപനത്തെയും എന്റെ പ്രവർത്തിമൂലം തടസ്സപ്പെടുത്തരുത് എന്ന തീരുമാനം നമ്മളെല്ലാവരും എടുത്താൽ അബ്ദുൾ കലാം സാർ സ്വപ്നം കണ്ടപോലെ നമ്മുടെ രാജ്യം സമ്പന്നമാകും......
നമുക്കൊരുമിക്കാം
രാജ്യവികസനത്തിനായ്.....
സംരഭക സൗഹൃദ രാജ്യത്തിനായ്...
സ്വാതന്ത്ര്യദിനാശംസകൾ...
www.buyzoneindia.com
