02/02/2026
എനിക്ക് റോയിയെ നേരിട്ട് 2000 മുതൽ അറിയാം. അയാൾ അന്ന് ക്രിസ്റ്റൽ ഗ്രൂപ്പിലാണ് (Kristal). അക്കാലത്താണ് ഞാൻ ബാംഗ്ലൂരിൽ എത്തുന്നതും, അവരുടെ ഗേറ്റഡ് കമ്മ്യൂണിറ്റി പൊജക്റ്റിൽ ഒരു വില്ല ബുക്ക് ചെയ്യുന്നത് - അതിന്റെ ഉടമസ്ഥനായ കൃഷ്ണൻ നമ്പൂതിരിയുടെ കസ്റ്റമൈസ്ഡ് വില്ല എന്ന ആശയത്തിൽ ആകർഷണീയനായി.
റോയ് ആണ് എന്റെ വില്ലയുടെ പോജക്റ്റ് മാനേജറായി വന്നത്. അതിന് മുൻപ് അയാൾ ക്രിസ്റ്റർ ഗ്രൂപ്പിൽ റിസോർട്ട് മാനേജറായി ജോലി നോക്കുകയായിരുന്നു. അതിനും മുൻപ് HP ജോലി ചെയ്തിട്ടുണ്ട് എന്ന് പറഞ്ഞു.
നമ്പൂതിരിയെ ദൈവമായി കണ്ട്, കാലിൽ വന്ദിച്ച് ദിവസം തുടങ്ങിയിരുന്ന റോയ്, നമ്പൂതിരിയുടേയും, ഭാര്യ ലതയുടേയും വിശ്വാസപാത്രമായി.
KRIS-TAL എന്ന പേര് തന്നെ KRIShnan Namboodiri യിൽ നിന്നും LATha (തിരിച്ച് എഴുതി) എന്ന അവരുടെ പേരിൽ നിന്നും ആണ്.
നമ്പൂതിരി കെൽട്രോണിൽ ഇലക്ട്രോണ്കിസ് എൻജിനീയറായി കുറേവർഷം ജോലി ചെയ്തിട്ടുണ്ട്. അതിന് ശേഷം അറേബ്യൻ സ്വപ്നലോകത്ത് ചെന്ന് ഉണ്ടാക്കിയ പണം ആണ്, റിയൽ എസ്റ്റേറ്റ് ബിസിനസ്സിൽ താൽപര്യം വന്ന് ബാംഗ്ലൂരിൽ മുടക്കിയത്. മുൻജോലി പരിചയമില്ലായിരുന്നു ലതക്ക്. നമ്പൂതിരി കമ്പനിയുടെ “ഫെയ്സ്” ആയി, അയാളുടെ വേറിട്ട പെരുമാറ്റത്തിൽ ഒരുപാട് സെയിൽസ് നടത്താൻ സാധിച്ചു, പ്രത്യേകിച്ചും ബാംഗ്ലൂർ മലയാളികൾക്കിടയിൽ. ലത കമ്പനിയുടെ ഫിനാൻസ് ആയിരുന്നു നോക്കിയിരുന്നത്.
അവിടെ വന്ന പ്രോജക്റ്റ് എക്സിക്യൂഷൻ ഒഴുവിലാണ് റോയ് കണ്ണ് നട്ടിയിരുന്നത്. നമ്പൂതിരിയുടേയും ലതയുടേയും വിശ്വസ്ഥനായ, അയാളുടെ ആ സ്ഥാനത്തേക്കുള്ള ഉയർച്ച സ്വാഭാവികമായിരുന്നു. അധികം താമസ്സിയാതെ, പണം ഇറക്കാതെ തന്നെ, അയാളെ അവർ പാർട്ട്ണർ ആക്കി. നമ്പൂതിരി സെയിൽസിൽ ശ്രദ്ധ കൂടുതൽ കൊടുക്കുകയും, കമ്പനി പെട്ടെന്ന് 100 കോടി രൂപ ക്ലബ്ബിൽ (2003) എത്തുകയും ചെയ്തു.
നമ്പൂതിരി സെയിൽസിൽ കൂടുതൽ ശ്രദ്ധിച്ചതും, ലതയുടെ പരിചയമില്ലായ്മയും റോയ്ക്ക് കൂടുതൽ അനധികൃതമായ പണം ഉണ്ടാക്കാനുള്ള അവസരം ഉണ്ടാക്കി. അത് അയാളുടെ ജീവിത രീതിയലും മാറ്റം ഉണ്ടാക്കി
2005 ലെ ഒരു രാത്രിയിൽ, ഞങ്ങളുടെ ക്ലബ്ബ് ഹൗസിലെ ഗസ്റ്റ് റൂമിൽ അയാളെ പോലീസ് റെയ്ഡിൽ പിടിച്ചു. സുഹൃത്തായിരുന്ന പൊലീസ് കമ്മീഷണറിൽ നിന്നും ചില അപ്രിയ സത്യങ്ങൾ നമ്പൂതിരി മനസ്സിലാക്കുന്നു, റോയിയെ പിരിച്ച് വിടുകയും ചെയ്തു. അപ്പോഴാണ് ആ വർഷങ്ങളിൽ ക്രിസ്റ്റൽ വാങ്ങിയിരുന്ന ആസ്ഥികളെല്ലാം റോയി യുടെ പേരിലാണ് എന്നറിയുന്നത്. കൂടാതെ പാർട്ട്ണർഷിപ്പ് എഗ്രീമന്റ് പ്രകാരം എല്ലാ റിസോർട്ടുകളും കമേഴ്യൽ കെട്ടിടങ്ങളും, പണവും റോയ് പിരഞ്ഞ് പോകുന്നതിന് ആവശ്യപ്പെട്ടു. നമ്പൂതിരി അത് കൊടുക്കുകയും ചെയ്തു.
2005/2006 ൽ റോയ് കോൺഫിഡന്റ് ഗ്രൂപ്പ് തുടങ്ങി, ക്രിസ്റ്റലിലെ പ്രോജക്റ്റ് ടീമിലെ പലരേയും, കൂടുതൽ ശംമ്പളം കൊടുത്ത് അവിടേക്ക് സ്വാധീനിച്ചു. ചില സാമ്പത്തിക ക്രമക്കേടുകൾ ഉണ്ടായതിനാൽ അധികം വൈകാതെ ദുബേയിലേക്ക് താമസ്സം മാറി. പിന്നീട് പല ദുബായ് പണക്കാരും ചെയ്യുന്ന, പണം കൊടുത്ത് യൂറോപ്പിൽ നിന്ന് ഒരു ഡോക്ടറേറ്റും കരസ്ഥമാക്കി, ഡോ റോയ് ആയി!
ക്രിസ്റ്റൽ വലിയ കടക്കെണിയിൽ പെട്ടു. താമസ്സിയാതെ നമ്പൂതിരിയും ലതയും ഒളിവിൽ പോവേണ്ടി വന്നു. ഫ്ലാറ്റ് ബുക്ക് ചെയ്ത് ലഭിക്കാതെ വന്ന ചിലർ കൊടുത്ത കേസിൽ ലത ജെയിലിൽ കുറച്ച് നാൾ പോവേണ്ടി വന്നു. നമ്പൂതിരി എവിടെ എന്ന് അറിയാവുന്നവർ ഇന്നും ചുരുക്കം. ഒരു നാൾ അയാൾ ഉയർന്ന് വരും എന്ന് ചിലർ വിശ്വസിക്കുന്നു.
ഞാനുമായി വളരെ അടുപ്പമായിരുന്നു നമ്പൂതിരിയും ലതയും, ഒളിവിൽ പോകുന്നത് വരെ.
റോയ് യുടെ വിധി കാലം അയാളിലൂടെ തന്നെ നടപ്പിലാക്കി എന്നേ പറയാനാവൂ.
താൻ താൻ നിരന്തരം........
കടപ്പാട് sadha
