Kerala Certificates

16/07/2026

*കേരളത്തിൽ ജനിച്ചില്ല എന്ന ഒറ്റ കാരണം കൊണ്ട് Nativity Certificate നിഷേധിക്കാനാവില്ല.*👇👇

കേരള ഹൈക്കോടതിയുടെ സുപ്രധാന വിധി

Vincy Dinakaran v. State of Kerala & Others

W.P.(C) No. 12172/2021
വിധി തീയതി: 29.07.2021

*Nativity Certificate അനുവദിക്കുന്നതുമായി ബന്ധപ്പെട്ട് കേരള ഹൈക്കോടതി വളരെ പ്രധാനപ്പെട്ട ഒരു നിയമതത്വം ഈ വിധിയിലൂടെ വ്യക്തമാക്കിയിട്ടുണ്ട്.*

ഈ കേസിലെ ഹർജിക്കാരി *തമിഴ്നാട്ടിലെ തൂത്തുക്കുടിയിൽ ജനിച്ച വ്യക്തിയായിരുന്നു. ഹർജിക്കാരിയുടെ മാതാപിതാക്കളും തമിഴ്നാട്ടിൽ ജനിച്ചവരാണ്.* എന്നാൽ ഹർജിക്കാരിയുടെ പിതാവ് ഹർജിക്കാരിയുടെ ജനനത്തിന് മുമ്പുതന്നെ കേരളത്തിൽ സ്ഥിരതാമസമാക്കിയിരുന്നു. കുടുംബം കേരളത്തിൽ സ്ഥിരതാമസമാക്കിയതിനാൽ ഹർജിക്കാരി ജനിച്ചതിന് ശേഷം കേരളത്തിൽ വളരുകയും കേരളത്തിൽ തന്നെ സ്കൂൾ വിദ്യാഭ്യാസവും ഉന്നത വിദ്യാഭ്യാസവും പൂർത്തിയാക്കുകയും ചെയ്തു.

ഉന്നത വിദ്യാഭ്യാസ ആവശ്യത്തിനായി Nativity Certificate അപേക്ഷിച്ചപ്പോൾ, ഹർജിക്കാരിയും മാതാപിതാക്കളും *കേരളത്തിൽ ജനിച്ചവരല്ല എന്ന കാരണത്താൽ വില്ലേജ് ഓഫീസർ അപേക്ഷ നിരസിച്ചു.*

ഈ നടപടി ചോദ്യം ചെയ്താണ് ഹർജിക്കാരി കേരള ഹൈക്കോടതിയെ സമീപിച്ചത്.

കേസിൽ കേരള ഹൈക്കോടതി നടത്തിയ നിരീക്ഷണങ്ങൾ വളരെ പ്രസക്തമാണ്.

കോടതി വ്യക്തമാക്കിയത്, *Nativity Certificate അനുവദിക്കുന്നതിനുള്ള ഏക മാനദണ്ഡം ജനിച്ച സ്ഥലം അല്ല എന്നതാണ്. ജനിച്ച സ്ഥലം മാത്രം അടിസ്ഥാനമാക്കി ഒരാളെ കേരളത്തിന്റെ സ്വദേശിയല്ലെന്ന് പറയാൻ കഴിയില്ല.*

ഒരു വ്യക്തി കേരളത്തിൽ വളരുകയും കേരളത്തിൽ വിദ്യാഭ്യാസം നേടുകയും കേരളത്തിലെ സാമൂഹിക സാഹചര്യങ്ങളുമായും ജീവിതരീതികളുമായും ഇഴുകിച്ചേരുകയും ചെയ്തിട്ടുണ്ടെങ്കിൽ, ആ വ്യക്തിയുടെ സാമൂഹിക ബന്ധമാണ് Nativity നിർണ്ണയിക്കുമ്പോൾ പ്രധാനമായി പരിഗണിക്കേണ്ടത്.

കോടതി *പ്രത്യേകമായി ചൂണ്ടിക്കാട്ടിയത് Social Belongingness എന്ന ആശയമാണ്.* അതായത്, ഒരു വ്യക്തി *കേരള സമൂഹത്തിന്റെ ഭാഗമായിത്തീർന്നിട്ടുണ്ടോ, കേരളത്തിലെ സാമൂഹിക സാഹചര്യങ്ങളുമായി പൊരുത്തപ്പെട്ട് ജീവിക്കുന്നുണ്ടോ,* കേരളവുമായി യഥാർത്ഥവും *സ്ഥിരവുമായ ബന്ധമുണ്ടോ എന്നതാണ് പ്രധാന മാനദണ്ഡം.*

ജനിച്ച സ്ഥലം മാത്രം മാനദണ്ഡമാക്കിയാൽ, കേരളവുമായി യാതൊരു ബന്ധവുമില്ലാത്ത ഒരാൾ യാദൃശ്ചികമായി കേരളത്തിൽ ജനിച്ചതിന്റെ പേരിൽ Nativity Certificate ലഭിക്കുന്ന സാഹചര്യം ഉണ്ടാകുമെന്നും, അതേസമയം കേരളത്തിൽ വർഷങ്ങളായി വളർന്ന് പഠിച്ച് ജീവിക്കുന്ന ഒരാൾക്ക് അത് നിഷേധിക്കപ്പെടുമെന്നും കോടതി നിരീക്ഷിച്ചു. അത്തരമൊരു സമീപനം നിയമപരമായും യുക്തിപരമായും അംഗീകരിക്കാനാവില്ലെന്നും ഹൈകോടതി വ്യക്തമാക്കി.

*ഹർജിക്കാരി കേരളത്തിൽ വളർന്നതും വിദ്യാഭ്യാസം നേടിയതും കേരള സമൂഹവുമായി പൂർണമായും ഇഴുകിച്ചേർന്നതുമാണെന്ന് രേഖകൾ തെളിയിക്കുന്നതിനാൽ, ഹർജിക്കാരിക്ക് Nativity Certificate നൽകാൻ* പൂർണ അർഹതയുണ്ടെന്ന് കോടതി കണ്ടെത്തി.

അതിനാൽ *വില്ലേജ് ഓഫീസറുടെ നിരസിക്കൽ ഉത്തരവ് കോടതി റദ്ദാക്കുകയും ഹർജിക്കാരിക്ക് Nativity Certificate ഉടൻ അനുവദിക്കണമെന്ന് ഉത്തരവിടുകയും ചെയ്തു.*

ഈ വിധിയിലൂടെ കേരള ഹൈക്കോടതി സ്ഥാപിച്ച നിയമതത്വം വളരെ വ്യക്തമാണ്.

*കേരളത്തിൽ ജനിച്ചിട്ടില്ല എന്ന ഒറ്റ കാരണം കൊണ്ട് Nativity Certificate നിഷേധിക്കാൻ കഴിയില്ല.*

കേരളത്തിൽ വളർന്ന് വിദ്യാഭ്യാസം നേടി കേരള സമൂഹവുമായി യഥാർത്ഥ സാമൂഹിക ബന്ധം സ്ഥാപിച്ച വ്യക്തിക്ക് Nativity Certificate ലഭിക്കാൻ അർഹതയുണ്ട്.

*Nativity Certificate സംബന്ധിച്ച അപേക്ഷകൾ പരിഗണിക്കുമ്പോൾ റവന്യൂ ഉദ്യോഗസ്ഥരും അപേക്ഷകരും അറിഞ്ഞിരിക്കേണ്ട സുപ്രധാന ഹൈക്കോടതി വിധിയാണിത്.
കേരളത്തിൽ ജനിച്ചില്ല എന്ന ഒറ്റ കാരണം കൊണ്ട് Nativity Certificate നിഷേധിക്കാനാവില്ല.

കേരള ഹൈക്കോടതിയുടെ സുപ്രധാന വിധി

Vincy Dinakaran v. State of Kerala & Others

W.P.(C) No. 12172/2021

വിധി തീയതി: 29.07.2021

Nativity Certificate അനുവദിക്കുന്നതുമായി ബന്ധപ്പെട്ട് കേരള ഹൈക്കോടതി വളരെ പ്രധാനപ്പെട്ട ഒരു നിയമതത്വം ഈ വിധിയിലൂടെ വ്യക്തമാക്കിയിട്ടുണ്ട്.

ഈ കേസിലെ ഹർജിക്കാരി തമിഴ്നാട്ടിലെ തൂത്തുക്കുടിയിൽ ജനിച്ച വ്യക്തിയായിരുന്നു. ഹർജിക്കാരിയുടെ മാതാപിതാക്കളും തമിഴ്നാട്ടിൽ ജനിച്ചവരാണ്. എന്നാൽ ഹർജിക്കാരിയുടെ പിതാവ് ഹർജിക്കാരിയുടെ ജനനത്തിന് മുമ്പുതന്നെ കേരളത്തിൽ സ്ഥിരതാമസമാക്കിയിരുന്നു. കുടുംബം കേരളത്തിൽ സ്ഥിരതാമസമാക്കിയതിനാൽ ഹർജിക്കാരി ജനിച്ചതിന് ശേഷം കേരളത്തിൽ വളരുകയും കേരളത്തിൽ തന്നെ സ്കൂൾ വിദ്യാഭ്യാസവും ഉന്നത വിദ്യാഭ്യാസവും പൂർത്തിയാക്കുകയും ചെയ്തു.

ഉന്നത വിദ്യാഭ്യാസ ആവശ്യത്തിനായി Nativity Certificate അപേക്ഷിച്ചപ്പോൾ, ഹർജിക്കാരിയും മാതാപിതാക്കളും കേരളത്തിൽ ജനിച്ചവരല്ല എന്ന കാരണത്താൽ വില്ലേജ് ഓഫീസർ അപേക്ഷ നിരസിച്ചു.

ഈ നടപടി ചോദ്യം ചെയ്താണ് ഹർജിക്കാരി കേരള ഹൈക്കോടതിയെ സമീപിച്ചത്.

കേസിൽ കേരള ഹൈക്കോടതി നടത്തിയ നിരീക്ഷണങ്ങൾ വളരെ പ്രസക്തമാണ്.

കോടതി വ്യക്തമാക്കിയത്, Nativity Certificate അനുവദിക്കുന്നതിനുള്ള ഏക മാനദണ്ഡം ജനിച്ച സ്ഥലം അല്ല എന്നതാണ്. ജനിച്ച സ്ഥലം മാത്രം അടിസ്ഥാനമാക്കി ഒരാളെ കേരളത്തിന്റെ സ്വദേശിയല്ലെന്ന് പറയാൻ കഴിയില്ല.

ഒരു വ്യക്തി കേരളത്തിൽ വളരുകയും കേരളത്തിൽ വിദ്യാഭ്യാസം നേടുകയും കേരളത്തിലെ സാമൂഹിക സാഹചര്യങ്ങളുമായും ജീവിതരീതികളുമായും ഇഴുകിച്ചേരുകയും ചെയ്തിട്ടുണ്ടെങ്കിൽ, ആ വ്യക്തിയുടെ സാമൂഹിക ബന്ധമാണ് Nativity നിർണ്ണയിക്കുമ്പോൾ പ്രധാനമായി പരിഗണിക്കേണ്ടത്.

കോടതി പ്രത്യേകമായി ചൂണ്ടിക്കാട്ടിയത് Social Belongingness എന്ന ആശയമാണ്. അതായത്, ഒരു വ്യക്തി കേരള സമൂഹത്തിന്റെ ഭാഗമായിത്തീർന്നിട്ടുണ്ടോ, കേരളത്തിലെ സാമൂഹിക സാഹചര്യങ്ങളുമായി പൊരുത്തപ്പെട്ട് ജീവിക്കുന്നുണ്ടോ, കേരളവുമായി യഥാർത്ഥവും സ്ഥിരവുമായ ബന്ധമുണ്ടോ എന്നതാണ് പ്രധാന മാനദണ്ഡം.

ജനിച്ച സ്ഥലം മാത്രം മാനദണ്ഡമാക്കിയാൽ, കേരളവുമായി യാതൊരു ബന്ധവുമില്ലാത്ത ഒരാൾ യാദൃശ്ചികമായി കേരളത്തിൽ ജനിച്ചതിന്റെ പേരിൽ Nativity Certificate ലഭിക്കുന്ന സാഹചര്യം ഉണ്ടാകുമെന്നും, അതേസമയം കേരളത്തിൽ വർഷങ്ങളായി വളർന്ന് പഠിച്ച് ജീവിക്കുന്ന ഒരാൾക്ക് അത് നിഷേധിക്കപ്പെടുമെന്നും കോടതി നിരീക്ഷിച്ചു. അത്തരമൊരു സമീപനം നിയമപരമായും യുക്തിപരമായും അംഗീകരിക്കാനാവില്ലെന്നും കോടതി വ്യക്തമാക്കി.

ഹർജിക്കാരി കേരളത്തിൽ വളർന്നതും വിദ്യാഭ്യാസം നേടിയതും കേരള സമൂഹവുമായി പൂർണമായും ഇഴുകിച്ചേർന്നതുമാണെന്ന് രേഖകൾ തെളിയിക്കുന്നതിനാൽ, ഹർജിക്കാരിക്ക് Nativity Certificate നൽകാൻ പൂർണ അർഹതയുണ്ടെന്ന് കോടതി കണ്ടെത്തി.

അതിനാൽ വില്ലേജ് ഓഫീസറുടെ നിരസിക്കൽ ഉത്തരവ് കോടതി റദ്ദാക്കുകയും ഹർജിക്കാരിക്ക് Nativity Certificate ഉടൻ അനുവദിക്കണമെന്ന് ഉത്തരവിടുകയും ചെയ്തു.

ഈ വിധിയിലൂടെ കേരള ഹൈക്കോടതി സ്ഥാപിച്ച നിയമതത്വം വളരെ വ്യക്തമാണ്.

കേരളത്തിൽ ജനിച്ചിട്ടില്ല എന്ന ഒറ്റ കാരണം കൊണ്ട് Nativity Certificate നിഷേധിക്കാൻ കഴിയില്ല.

കേരളത്തിൽ വളർന്ന് വിദ്യാഭ്യാസം നേടി കേരള സമൂഹവുമായി യഥാർത്ഥ സാമൂഹിക ബന്ധം സ്ഥാപിച്ച വ്യക്തിക്ക് Nativity Certificate ലഭിക്കാൻ അർഹതയുണ്ട്.

*Nativity Certificate സംബന്ധിച്ച അപേക്ഷകൾ പരിഗണിക്കുമ്പോൾ റവന്യൂ ഉദ്യോഗസ്ഥരും അപേക്ഷകരും അറിഞ്ഞിരിക്കേണ്ട സുപ്രധാന ഹൈക്കോടതി വിധിയാണിത്.*

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

07/07/2026

S
സംസ്ഥാനം മാറിയാലും സാമൂഹിക അവകാശങ്ങൾ മാറുമോ?
പട്ടികജാതി–പട്ടികവർഗ്ഗ കമ്മ്യൂണിറ്റി സർട്ടിഫിക്കറ്റും സംവരണ ആനുകൂല്യങ്ങളും: നിയമവും യാഥാർഥ്യവും
– ടി. ജെ. ജോസഫ്
ഇന്ത്യൻ ഭരണഘടന പട്ടികജാതി (Scheduled Castes), പട്ടികവർഗ്ഗ (Scheduled Tribes) വിഭാഗങ്ങൾക്ക് സാമൂഹിക നീതിയും തുല്യാവസരവും ഉറപ്പാക്കുന്നതിനായി നിരവധി ഭരണഘടനാപരമായ സംരക്ഷണങ്ങൾ നൽകിയിട്ടുണ്ട്. എന്നാൽ ഒരു സംസ്ഥാനത്തിൽ നിന്ന് മറ്റൊരു സംസ്ഥാനത്തേക്ക് താമസം മാറുമ്പോൾ കമ്മ്യൂണിറ്റി സർട്ടിഫിക്കറ്റ്, സംവരണ ആനുകൂല്യങ്ങൾ, വിദ്യാഭ്യാസ-തൊഴിൽ അവസരങ്ങൾ എന്നിവയെക്കുറിച്ച് വലിയ ആശയക്കുഴപ്പമാണ് പൊതുസമൂഹത്തിൽ നിലനിൽക്കുന്നത്.
ഈ ആശയക്കുഴപ്പം പരിഹരിക്കുന്നതിനായി കേരള സർക്കാർ 1986-ൽ പുറപ്പെടുവിച്ച ഉത്തരവിൽ സംസ്ഥാനാന്തര കുടിയേറ്റവുമായി ബന്ധപ്പെട്ട കമ്മ്യൂണിറ്റി സർട്ടിഫിക്കറ്റ് നൽകുന്നതിനുള്ള വ്യക്തമായ മാർഗ്ഗനിർദേശങ്ങൾ ഉൾപ്പെടുത്തിയിട്ടുണ്ട്. ഈ ഉത്തരവ് ഇന്നും ഭരണനടപടികൾക്ക് പ്രധാന അടിസ്ഥാനരേഖകളിലൊന്നാണ്.
എന്തുകൊണ്ടാണ് ഈ ഉത്തരവ് ആവശ്യമായത്?
പ്രത്യേകിച്ച് ഇടുക്കി ജില്ലയിലെ പീരുമേട്, ഉടുമ്പൻചോല, ദേവികുളം മേഖലകളിലേക്ക് തമിഴ്നാട്ടിൽ നിന്ന് തലമുറകൾക്ക് മുമ്പ് കുടിയേറിയ തൊഴിലാളികൾ കമ്മ്യൂണിറ്റി സർട്ടിഫിക്കറ്റ് ലഭിക്കുന്നതിൽ ഗുരുതരമായ ബുദ്ധിമുട്ടുകൾ നേരിട്ടിരുന്നു. അവർക്ക് തമിഴ്നാട്ടിൽ നിന്ന് സർട്ടിഫിക്കറ്റ് കൊണ്ടുവരാൻ ആവശ്യപ്പെടുന്നത് പ്രായോഗികമല്ലായിരുന്നു. ഈ സാഹചര്യത്തിലാണ് കേന്ദ്ര സർക്കാരിന്റെ മാർഗ്ഗനിർദേശങ്ങൾ സ്വീകരിച്ച് കേരള സർക്കാർ ഏകീകൃത നയം പ്രഖ്യാപിച്ചത്.
സ്ഥിരതാമസമാണ് നിർണായകം
നിയമത്തിന്റെ പ്രധാന തത്വം "Ordinary Place of Residence" (സ്ഥിരതാമസം) എന്ന ആശയമാണ്.
രാഷ്ട്രപതിയുടെ പട്ടികജാതി–പട്ടികവർഗ്ഗ ഉത്തരവ് നിലവിൽ വന്ന സമയത്ത് ഒരു വ്യക്തി താൽക്കാലികമായി മറ്റൊരു സംസ്ഥാനത്ത് ജോലി ചെയ്യുകയോ പഠിക്കുകയോ ചെയ്തിരുന്നാൽ, അദ്ദേഹത്തിന്റെ സ്ഥിരതാമസ സംസ്ഥാനമാണ് നിർണായകം. താൽക്കാലിക താമസസ്ഥലത്തിന്റെ അടിസ്ഥാനത്തിൽ സാമൂഹിക പദവി മാറുന്നില്ല.
സ്ഥിരമായി കുടിയേറിയവരുടെ അവകാശം
രാഷ്ട്രപതിയുടെ ഉത്തരവിന് മുമ്പ് തന്നെ മറ്റൊരു സംസ്ഥാനത്ത് സ്ഥിരതാമസമാക്കി അവിടെ ജീവിതം കെട്ടിപ്പടുത്തവരുടെ കാര്യത്തിൽ നിയമം വ്യത്യസ്തമാണ്. അവർ താമസിക്കുന്ന സംസ്ഥാനത്തും അവരുടെ സമുദായം പട്ടികജാതി/പട്ടികവർഗ്ഗ പട്ടികയിൽ ഉൾപ്പെട്ടിട്ടുണ്ടെങ്കിൽ, ആ സംസ്ഥാനത്ത് നിന്ന് കമ്മ്യൂണിറ്റി സർട്ടിഫിക്കറ്റ് ലഭിക്കാൻ അർഹതയുണ്ട്.
ഇത് അവരുടെ മക്കൾക്കും ബാധകമാണ്. കാരണം നിയമം അവരുടെ പുതിയ സ്ഥിരതാമസത്തെ അംഗീകരിക്കുന്നു.
കുടിയേറ്റവും സംവരണ ആനുകൂല്യങ്ങളും
ഏറ്റവും കൂടുതൽ തെറ്റിദ്ധരിക്കപ്പെടുന്ന വിഷയമാണ് സംവരണ ആനുകൂല്യങ്ങൾ.
രാഷ്ട്രപതിയുടെ ഉത്തരവിന് ശേഷം തൊഴിൽ, വ്യാപാരം, വിദ്യാഭ്യാസം തുടങ്ങിയ ആവശ്യങ്ങൾക്കായി മറ്റൊരു സംസ്ഥാനത്തേക്ക് കുടിയേറുന്നവർക്ക് കമ്മ്യൂണിറ്റി സർട്ടിഫിക്കറ്റ് ലഭിക്കാമെങ്കിലും, സംവരണ ആനുകൂല്യങ്ങൾ സാധാരണയായി അവരുടെ മാതൃസംസ്ഥാനത്തുനിന്ന് മാത്രമേ ലഭിക്കുകയുള്ളു. കുടിയേറിയ സംസ്ഥാനത്ത് അതേ അവകാശം സ്വതവേ ലഭിക്കില്ല. ഇതിന്റെ ലക്ഷ്യം സംസ്ഥാനാടിസ്ഥാനത്തിൽ നിശ്ചയിച്ചിട്ടുള്ള സംവരണ സംവിധാനത്തിന്റെ സന്തുലിതാവസ്ഥ നിലനിർത്തുക എന്നതാണ്.
വ്യാജ സർട്ടിഫിക്കറ്റുകൾ തടയാൻ കർശന പരിശോധന
സർക്കാർ ഉത്തരവ് റവന്യൂ ഉദ്യോഗസ്ഥർക്ക് സുപ്രധാന ഉത്തരവാദിത്വവും നൽകുന്നു. അപേക്ഷകന്റെ സ്ഥിരതാമസം, കുടുംബചരിത്രം, രേഖകൾ, മറ്റ് തെളിവുകൾ എന്നിവ കൃത്യമായി പരിശോധിക്കണം. സംശയമുള്ള കേസുകൾ പട്ടികജാതി വികസന ഡയറക്ടർക്കോ പട്ടികവർഗ്ഗ വികസന ഡയറക്ടർക്കോ വിശദമായ അന്വേഷണത്തിനായി കൈമാറണം. യഥാർഥ അവകാശികൾക്ക് നീതി ഉറപ്പാക്കുകയും വ്യാജ സർട്ടിഫിക്കറ്റുകൾ തടയുകയും ചെയ്യുക എന്നതാണ് ഈ സംവിധാനത്തിന്റെ ലക്ഷ്യം.
ഇന്നത്തെ പ്രസക്തി
കേരളത്തിൽ മാത്രമല്ല, ഇന്ത്യയിലെ എല്ലാ സംസ്ഥാനങ്ങളിലും തൊഴിൽ, വിദ്യാഭ്യാസം, വ്യവസായം എന്നിവയുടെ ഭാഗമായി വലിയ തോതിൽ ജനങ്ങൾ കുടിയേറുകയാണ്. അതിനാൽ കമ്മ്യൂണിറ്റി സർട്ടിഫിക്കറ്റുമായി ബന്ധപ്പെട്ട നിയമങ്ങൾ കൂടുതൽ പ്രസക്തമാകുന്നു. തെറ്റായ ധാരണകൾ കാരണം നിരവധി കുടുംബങ്ങൾ വർഷങ്ങളോളം ഓഫീസുകൾ കയറിയിറങ്ങേണ്ടി വരുകയും, ചിലപ്പോൾ കോടതികളെ സമീപിക്കേണ്ടി വരികയും ചെയ്യുന്നു.
അതുകൊണ്ട് അപേക്ഷ സമർപ്പിക്കുന്നതിന് മുമ്പ് സ്വന്തം സ്ഥിരതാമസ ചരിത്രം, മാതാപിതാക്കളുടെ രേഖകൾ, താമസത്തിന്റെ കാലഘട്ടം, ബന്ധപ്പെട്ട സംസ്ഥാനങ്ങളിലെ പട്ടികജാതി–പട്ടികവർഗ്ഗ പട്ടികകൾ എന്നിവ വ്യക്തമായി മനസ്സിലാക്കേണ്ടത് അത്യാവശ്യമാണ്.
ഉപസംഹാരം
സാമൂഹിക നീതി ഉറപ്പാക്കുകയാണ് സംവരണ സംവിധാനത്തിന്റെ ലക്ഷ്യം. എന്നാൽ ആ നീതി ലഭിക്കണമെങ്കിൽ നിയമം ശരിയായി മനസ്സിലാക്കുകയും ഭരണനടപടികൾ കൃത്യമായി പാലിക്കുകയും വേണം. സംസ്ഥാനം മാറിയെന്ന കാരണത്താൽ ഒരാളുടെ സാമൂഹിക സ്വത്വം ഇല്ലാതാകുന്നില്ല. അതേസമയം, സംവരണ ആനുകൂല്യങ്ങൾ ഏത് സംസ്ഥാനത്തുനിന്നാണ് ലഭിക്കേണ്ടതെന്നത് ഭരണഘടനയും സർക്കാർ ഉത്തരവുകളും വ്യക്തമായി നിർവചിച്ചിരിക്കുന്നു.
അവകാശങ്ങളെക്കുറിച്ചുള്ള അറിവാണ് യഥാർത്ഥ ശക്തി. നിയമബോധമുള്ള പൗരന്മാരാണ് സാമൂഹിക നീതിയുടെ ഏറ്റവും വലിയ കാവൽക്കാരും.
❤️❤️❤️❤️❤️❤️❤️❤️❤️❤️❤️❤️w❤️❤️❤️❤️❤️❤️

28/04/2026

ലത്തീൻ കത്തോലിക്കാ സർട്ടിഫിക്കറ്റ് ലഭിക്കുന്നത് ആയി ബന്ധപ്പെട്ട 1947 എന്ന കാലഗണന ഒഴിവാക്കി.

28/04/2026

*ജനന സർട്ടിഫിക്കറ്റിലെ മാതാപിതാക്കളുടെ പേരിലെ തെറ്റുതിരുത്തൽ വരുത്തുന്നതിനുള്ള നടപടിക്രമങ്ങൾ ലഘൂകരിച്ചു..*

ജനന മരണ രജിസ്ട്രേഷനുകളിലെ മാതാപിതാക്കളുടെ പേരിലെ തെറ്റുതിരുത്താൻ സാക്ഷ്യപത്രത്തിനായി ഇനി ഓഫിസുകൾ കയറിയിറങ്ങേണ്ട. സാക്ഷ്യപത്രത്തിന് പകരം രണ്ട് വ്യക്തികളുടെ പ്രസ്‌താവനകളുടെ അടിസ്ഥാനത്തിൽ തിരുത്തിനൽകാമെന്ന് സർക്കാർ നിർദേശം നൽകി.

ജനന രജിസ്ട്രേഷനിൽ മാതാപിതാക്കളുടെ പേര് തിരുത്താൻ നിലവിൽ നോട്ടറി, രണ്ട് ഗസ്റ്റഡ് ഓഫിസർമാർ, വില്ലേജ് ഓഫിസർ എന്നിവരുടെ സർട്ടിഫിക്കറ്റുകളുടെ അടിസ്ഥാനത്തിൽ വിശദമായ അന്വേഷണം നടത്തി ബന്ധപ്പെട്ട രേഖകൾ പരിശോധിച്ചാണ് ഇതുവരെ തിരുത്തൽ വരുത്തിയിരുന്നത്.

മാതാപിതാക്കളുടെ പേരിലെ തെറ്റ്, ഇനിഷ്യൽ ചേർക്കൽ, വിവാഹ ശേഷം ഭാര്യയുടെ പേരിനൊപ്പം ഭർത്താവിന്റെ പേര് ചേർക്കൽ, മേൽവിലാസത്തിലുണ്ടാവുന്ന അക്ഷരം തുടങ്ങിയവ തിരുത്തുന്നതിനും പുതിയവ ചേർക്കുന്നതിനുമാണ് കടമ്പകളേറെ കടക്കേണ്ടിയിരുന്നത്.

ശരിയായ വിവരങ്ങൾ എന്താണെന്ന് തെളിയിക്കുന്ന രേഖകൾക്കൊപ്പം രണ്ട് വ്യക്തികളുടെ പ്രസ്‌താവനകൾ കൂടി സമർപ്പിച്ചാൽ രജിസ്ട്രാർക്ക് അപേക്ഷകളിൽ തിരുത്തൽ വരുത്തുന്നതിന് പുതിയ ഭേദഗതികൾ പ്രകാരം നടപടികൾ സ്വീകരിക്കാനാകും..

25/04/2026

25/04/2026

വരുമാന സർട്ടിഫിക്കറ്റ് സത്യവാങ്മൂലം