11/05/2021
NEET എക്സാം അറിയേണ്ടത് എല്ലാം
---------
ഇന്ത്യയിലെ എല്ലാ ബിരുദതല മെഡിക്കൽ കോഴ്സുകളുടേയും പ്രവേശനം നീറ്റ് വഴിയാണ് നടക്കുന്നത്.
സർക്കാർ മെഡിക്കൽ അല്ലെങ്കിൽ ഡെൻ്റൽ കോളേജുകളിലെ 15 ശതമാനം അഖിലേന്ത്യാ ക്വാട്ട സീറ്റുകൾ, സംസ്ഥാന സർക്കാർ സീറ്റുകൾ, സർവകലാശാലകൾ അല്ലെങ്കിൽ കേന്ദ്ര സ്ഥാപനങ്ങൾ, സ്വകാര്യ ഡെൻ്റൽ, ആയുർവേദ, യൂനാനി, സിദ്ധ, ഹോമിയോപ്പതി എന്നിവടങ്ങളിലെ സർക്കാർ, മാനേജ്മെൻ്റ്, മൈനോറിറ്റി, എൻ.ആർ.ഐ സീറ്റുകൾ, സെൻട്രൽ പൂൾ ക്വാട്ട എന്നിവയും ഈ പരിധിയിൽ വരും. സംസ്ഥാനങ്ങളുടെ സംവരണ തത്ത്വങ്ങൾ അനുസരിച്ചാണ് സർക്കാർ ഏജൻസി സംസ്ഥാന ക്വാട്ടകൾ നികത്തുന്നത്. പൂനെയിലെ ആംഡ് ഫോഴ്സസ് മെഡിക്കൽ കോളേജിലെ എം.ബി.ബി.എസ് ആദ്യഘട്ട തിരഞ്ഞെടുപ്പും നീറ്റ് പരീക്ഷ അടിസ്ഥാനമാക്കിയാണ്.
വിദേശത്ത് മെഡിക്കൽ, ഡെൻ്റൽ, ആയുർവേദ, സിദ്ധ, യൂനാനി, ഹോമിയോപ്പതി പഠനം ആഗ്രഹിക്കുന്നവരും നീറ്റ് യോഗ്യത നേടിയിരിക്കണം.
യോഗ്യത
1. പ്ലസ്ടു ഫിസിക്സ്, കെമിസ്ട്രി, ബയോളജി, മാത്തമാറ്റിക്സ്, മറ്റ് ഇലക്ടീവ് എന്നിവ പഠിച്ച് ജയിച്ചിരിക്കണം. നാഷണൽ ഇൻസ്റ്റിറ്റ്യൂട്ട് ഓഫ് ഓപ്പൺ സ്കൂളിങ് പഠിച്ചവർക്കും അപേക്ഷകൾ സമർപ്പിക്കാം. എങ്കിൽ ഇവരുടെ അർഹത കോടതി വിധിക്ക് വിധേയമായിരിക്കും.
2. 2021 ഡിസംബർ 31 ആവുമ്പോൾ കുറഞ്ഞത് 17 വയസ്സാണ് അടിസ്ഥാന യോഗ്യത. മറ്റ് പിന്നാക്ക വിഭാഗങ്ങൾക്ക് അഞ്ചുവർഷത്തെ പ്രായപരിധി ഇളവുണ്ട്. ഉയർന്ന പ്രായപരിധി വ്യവസ്ഥ കോടതിയുടെ പരിഗണനയിൽ ആയതുക്കൊണ്ട് 25 വയസ്സിൽ കൂടുതൽ പ്രായമുള്ളവർക്കും തത്ക്കാലം അപേക്ഷകൾ സമർപ്പിക്കാം.
3. സയൻസ് വിഷയങ്ങളോടെയുള്ള പ്രീഡിഗ്രി പരീക്ഷ, ത്രിവത്സര സയൻസ് ബാച്ചിലർ പരീക്ഷ, ബാച്ചിലർ കോഴ്സിൻ്റെ ആദ്യ വർഷത്തെ പരീക്ഷ തുടങ്ങിയ കാറ്റഗറിയിൽ വരുന്നവർക്കും അപേക്ഷകൾ സമർപ്പിക്കാം.
4. യോഗ്യതാ പരീക്ഷയിൽ അപേക്ഷകർ ഫിസിക്സ്, കെമിസ്ട്രി, ബയോളജി ഓപ്ഷനൽ വിഷയം എന്നിവയിൽ ജയിച്ചിരിക്കണം. ഇതിൽ തന്നെ ജനറൽ വിഭാഗം 50 ശതമാനവും ജനറൽ വിഭാഗത്തിലെ ഭിന്നശേഷിക്കാർക്ക് 45 ശതമാനവും പിന്നാക്ക വിഭാഗം 40 ശതമാനം മാർക്കും നേടിയിരിക്കണം.
എങ്ങനെ അപേക്ഷിക്കാം
1. ഓൺലൈൻ രജിസ്ട്രേഷൻ നടത്തുക
2. വിവരങ്ങൾ നൽകി അപേക്ഷ നമ്പർ കൈപ്പറ്റുക
3. ഫോട്ടോ, ഒപ്പ്, ഇടതു വിരൾ അടയാളം, സർട്ടിഫിക്കേറ്റ് എന്നിവ അപ്ലോഡ് ചെയ്യുക
4. നാലാം ഘട്ടത്തിലാണ് ഫീസ് അടക്കേണ്ടത്.
5. ക്രെഡിറ്റ് അല്ലെങ്കിൽ ഡെബിറ്റ് അല്ലെങ്കിൽ നെറ്റ് ബാങ്കിങ് അല്ലെങ്കിൽ യു.പി.ഐ വഴി ഫീസ് അടക്കാം.
6. പണമടച്ചതിൻ്റെ രേഖ ഭാവിയിലെ ആവശ്യത്തിനായി സൂക്ഷിച്ച് വെക്കണം.
അപേക്ഷാ ഫീസ്
1. ജനറൽ അല്ലെങ്കിൽ അൺ റിസർവ്ഡ് വിഭാഗം - 1500 രൂപ
2. ജനറൽ - ഇക്കണോമിക്കലി വീക്കർ സെക്ഷൻസ് അല്ലെങ്കിൽ എൻ.സി.എൽ വിഭാഗം - 1400 രൂപ
3. പട്ടികജാതി, പട്ടികവർഗ, ഭിന്നശേഷി, ട്രാൻസ്ജെൻഡർ വിഭാഗം - 800 രൂപ
തിരുത്തൽ
അപേക്ഷയിൽ എന്തെങ്കിലും തെറ്റ് പറ്റിയിട്ടുണ്ടെങ്കിൽ 2020 ജനുവരി 15 മുതൽ 31 വരെ വെബ്സൈറ്റ് വഴി തിരുത്താം. അഡ്മിറ്റ് കാർഡ് മാർച്ച് 27 മുതൽ ലഭിക്കും.
സിലബസ്
1. ബയോളജി - 90 ചോദ്യം
2. ഫിസിക്സ്, കെമിസ്ട്രി - 45 വീതം ചോദ്യം
ശരിയായ ഉത്തരത്തിന് 4 ഉം തെറ്റായാൽ 1 മാർക്കും നഷ്ടപ്പെടും. പരീക്ഷാ കേന്ദ്രത്തിൽ നിന്നും ലഭിക്കുന്ന പേന ഉപയോഗിച്ചാണ് പരീക്ഷ എഴുതേണ്ടത്. ഒബ്ജക്ടീവ് മാതൃകയിൽ മൾട്ടിപ്പിൾ ചോയ്സ് ചോദ്യങ്ങളുള്ള ഒരു പേപ്പറും ഉണ്ടാകും. കൂടുതൽ വിവരങ്ങൾ ഔദ്യോഗിക വൈബ് സൈറ്റിൽ ലഭ്യമാണ്.
യോഗ്യതാ മാർക്ക്
നീറ്റ് പരീക്ഷയിൽ യോഗ്യത നേടാൻ ജനറൽ, ഇ.ഡ.ബ്ലു.എസ് വിഭാഗക്കാർക്ക് 50 ശതമാനവും ഒ.ബി.സി അല്ലെങ്കിൽ പട്ടികജാതി-പട്ടികവിഭാഗക്കാർക്ക് 40 ശതമാനവും യു.ആർ പി.എച്ച് വിദ്യാർഥികൾക്ക് 45 ശതമാനം മാർക്കും ആണ് വേണ്ടത്...
For more details Contact
