VS Group of companies

29/12/2024

सूरज चव्हाणची मुख्य भूमिका असलेल्या केदार शिंदे दिग्दर्शित ‘झापुक झुपूक’ या चित्रपटाचा मुहूर्त नुकताच पार पडला असून, चित्रपटाबाबत प्रेक्षकांमध्ये प्रचंड उत्सुकता निर्माण झाली आहे. ‘बिग बॉस मराठी’च्या पाचव्या पर्वाचा विजेता ठरलेल्या सूरज चव्हाणसाठी या चित्रपटाची घोषणा अंतिम सोहळ्यातच करण्यात आली होती.

‘झापुक झुपूक’ चित्रपटात सूरज चव्हाणसह मराठी मालिकाविश्वातील अनेक लोकप्रिय कलाकार झळकणार आहेत. यामध्ये अभिनेत्री दीपाली पानसरे, ‘पिरतीचा वनवा उरली पेटला’ फेम इंद्रनील कामत, हेमंत फरांदे, ‘अबीर गुलाल’ फेम पायल जाधव, तसेच ‘तुमची मुलगी काय करते’ मालिकेतील जुई भागवत यांचा समावेश आहे.

अभिनेत्री दीपाली पानसरेने इन्स्टाग्रामवर चित्रपटाच्या मुहूर्त सोहळ्याचे फोटो शेअर करत केदार शिंदेबरोबर काम करण्याच्या अनुभवाबद्दल उत्साह व्यक्त केला आहे. ती म्हणाली, “जे ठरवलं होतं ते सत्यात उतरलं. केदार शिंदेबरोबर काम करण्याची माझी इच्छा अखेर पूर्ण झाली.”

जिओ स्टुडिओज प्रस्तुत आणि ज्योती देशपांडे व बेला शिंदे निर्मित हा चित्रपट लवकरच प्रेक्षकांच्या भेटीला येईल. चित्रपटाच्या प्रदर्शनाची तारीख अद्याप जाहीर झालेली नसली, तरी प्रेक्षक या चित्रपटाची आतुरतेने वाट पाहत आहेत. नेटिझन्सने दीपालीच्या पोस्टवर शुभेच्छांचा वर्षाव केला आहे.

‘झापुक झुपूक’ हा चित्रपट सूरज चव्हाणसाठी एक मोठी संधी आहे, तर मराठी प्रेक्षकांसाठी एक नवी मनोरंजनाची पर्वणी ठरणार आहे.

15/12/2024

15/12/2024

देशाच्या कलाविश्वावर शोककळा पसरवणारी अतिशय हृदयद्रावक बातमी समोर आली आहे. प्रसिद्ध तबलावादक आणि ज्येष्ठ कलाकार उस्ताद झाकीर हुसेन यांचं निधन झाल्याची माहिती समोर आली आहे.

प्रसिद्ध तबलावादक उस्ताद झाकीर हुसेन यांचं निधन, कला विश्वावर मोठी शोककळा
प्रसिद्ध तबलावादक उस्ताद झाकीर हुसेन यांचं निधन
Follow us on
social
Twitter
facebook
linkedin
instagram
youtube
तबल्याच्या तालावर सर्वांना मंत्रमुग्ध करणारे उस्ताद गेले. संगीत जगतातील अत्यंत दु:खद बातमी समोर आली आहे. तबला मास्टर झाकीर हुसेन यांचं निधन झालं आहे. एक काळ असा होता की, झाकीर हुसेन यांच्या कॉन्सर्टमध्ये वेगळीच गर्दी पाहायला मिळायची. प्रेक्षक त्यांची मोठमोठ्या संगीतकारांसोबतची जुगलबंदी पाहण्याचा आनंद लुटत असत. त्यांच्या तबला वादनाच्या कौशल्याने त्यांचे जगभरात चाहते होते. बॉलिवूड आणि जगभरातील विविध भाषांच्या चित्रपटांमधील गाण्यांसाठी त्यांनी संगीत दिलं आणि तबला वाजवला होता. ते त्यांच्या क्षेत्रातील सर्वात दिग्गज होते. संगीत विश्वातील त्यांच्या महत्त्वपूर्ण योगदानासाठी त्यांना 2002 मध्ये पद्म आणि 2023 मध्ये पद्म विभूषण पुरस्काराने गौरविण्यात आलं होतं. अशा दिग्गज कलाकाराचं आज निधन झालं आहे.

उस्ताद झाकीर हुसेन यांची प्रकृती खालावल्याने त्यांना अमेरिकेतील सॅन फ्रान्सिस्को रुग्णालयात दाखल करण्यात आल्याची माहिती समोर आली होती. पण त्यांची आता प्राणज्योत मालवल्याची दुर्दैवी बातमी समोर आली आहे. उस्ताद झाकीर हुसेन गेल्या काही वर्षांपासून हृदयविकाराच्या आजाराचा सामना करत होते. त्यांची प्रकृती बिघडल्याने त्यांना रुग्णालयात दाखल करण्यात आले होते. पण उपचारादरम्यान त्यांचा मृत्यू झाला आहे. त्यांनी वयाच्या 73 व्या वर्षी अखेरचा श्वास घेतला. त्यांच्या मृत्यूमुळे कला विश्वात मोठी पोकळी निर्माण झाली आहे.

13/12/2024