09/09/2023
*BHARATIYA JANATA PARTY, SIAHA DISTRICT, SIAHA*
*No.BJP(S) IT&MC/2023/PR-35 Of Dated Siaha The 9th September, 2023*.
*PRESS RELEASE*
*"MLA TERM HNIH CHHUNG MIN TAWIAWMNA ZAWNG ZAWNG AH THINLUNG TAKIN MEISATLAH MIPUI TE CHUNGAH LAWMTHU KA SAWI A NI" DR. K. BEICHHUA, MLA*
Vawiin tahrik 9th September, 2023 zing dar 7:00 a.m, Meisatlah Point ah BJP Siaha District buatsaihin Public Meeting neih a ni. Pu. M. Laikaw, President BJP Siaha District, Pu. Dr. K. Beichhua, MLA leh Pu. NT. Thatlua, President, Minority Morcha ten thusawina hun an hmang a ni.
He Public Meeting hunah hian Pu. NT. Thatlua chuan thusawina a nei hmasa ber a, BJP chu ringtute awmna tlak tak ani zia leh Pastor Chhawna inlarna a thlen dik ngei tur thu a sawi bawk. Kan ram leh hnam alo him zawk zel thei nan lungrual taka BJP a awm a, MLA, BJP Official Candidates tur Pu. Dr. K. Beichhua chu Vote theuh turin veng mipui te a ngen bawk a ni.
Pu. M.Laikaw CEM leh President BJP Siaha District ni bawk chuan BJP thiltum chu _Decentralisation of political power and economy_ ani a, Prime Minister kaihhruai sawrkar ah India ram chu khawvel a ram thiltihthei ber te zingah a hlankaih mek thu a sawi a. MNF chu BJP malsawmna zarah sawrkar thei chauh ani thu a sawi bawk a ni. Mizoram chhunga hnam tlem zawk, Thuneihna lian duhsak miah lo va, Manipur a Zohnathlak te Separation Administration an dil a support ve hi lemchan mai ani tih a sawi bawk.
Pu. M. Laikaw chuan kan Autonomy humhim a, kan ram leh hnam humhim chung zela 6th Schedule Amendment dil hi BJP Policy lian ber kan ram tana thil tha ber ani thu a sawi bawk a ni. Pu. Zoramthanga kaihhruai sawrkar leh MNF Party ah keini hnam tlem zawk te kan leng lova, kan ram tana tha ber tur leh kan hnam tana tha tur ngaihtuah reng chunga BJP Official Candidates tur Pu. Dr. K. Beichhua lo Vote theuh turin veng mipui te an ngen bawk.
Pu. Dr. K. Beichhua MLA chuan thusawina neiin a bial mipui te leh Meisatlah mipui te MLA term hnih chhung an tawihawmna ah thinlung takin lawmthu a sawi. Chaw tel lovin mihring a dam khawchhuah theilo ang bawkin Politics tel lo chuan ram hi a siamthat theilo thu a sawi bawk. Aizawl a banna a thehluh tum a chanchinbu mite zawhna a chhanna ah 'hotute thu awi leh lutuk leh kenkawh lutuk pawh hi mahni pawh alo tawrh thei ani hi tiin a chhang a. Minister leh MNF Party atanga hnawhchhuah a awm hi Mara mipui zah lohna ani a, Sailo pa hnawtchhuak ngam si lova, Mara pa a hnawtchhuak hi Mara mipui hmusitna ani tiin a sawi bawk.Pu. Zoramthanga CM thurawn angin MADC ah BJP led Government ni lovin, NEDA Govt. din zawk tur ruahhmanna min siampui tu a ni. Ani vek chuan Go Ahead turin min rawn tih leh tak si avangin leh Top Confidential thil ani avangin kal tlangpui ta kan ni. MNF MDC 5 ten lungawi lovin College Vaih ah inhmuhkhawm nghal in, Aizawl lamah kal an rel a. An thu rel te chu 1. Dr. K. Beichhua Minister atanga paih leh MNF atanga hnawhchhuah 2. C. Lawbei, President atanga paih 3. MDC 4 te hnawhchhuah. MNF atanga leh Minister atanga ban ka ni tak si ah chuan Political Party hrang hrang te min duhsak a, min sawm derhtu an awm, thil tiam lawk pawh an nei nual. Amaherawhchu Mara ram tana tha tur ber leh Mara ram tana Policy neih chhun BJP Party zawm ka ni a. BJP National Leaders te leh Central Minister te hnenah thil demand hrang hrang, 1. Sixth Schedule Amendment arang lamah passed, 2. Siaha District chu Aspirational District a siam, 3. K*m 5 chhung Siaha District chu Special Assistance hmanga a bik a enkawl tur te leh ZMC tihchangtlun te a ni a, ka ngen te tihhlawhtlin an tum avangin BJP zawm ka ni" tiin a sawi bawk a ni.
Pu. N. Beikhai, Vice President BJP Siaha District chuan hun a kaihhruai a, Pu. K. Hrahmô EM, Pu. S. Lalremthanga EM, Pu. T. Seido EM, Pu. M. Chiadung Chairman Town Committee, Pu. Beihu Nôhro, Deputy Chief Whip te leh BJP Siaha District hruaitute pawhin he hun hi an hmang pui bawk. Pu.H. Beitlolai, Secretary, BJP Siaha District chuan lawmthu sawina a nei zawhah hun tih tawp a ni.
*Issued & Published By IT and Media Cell BJP Siaha District*
