20/02/2022
ഓട്ടോമൊബൈല് വാഷിങ് ബിസിനസ്;
8 points to start Automobile washing business
ആരംഭിക്കാനും വിജയിപ്പിക്കാനും 8
പോയിന്റുകൾ
ഓട്ടോമൊബൈല് വ്യവസായത്തിന്റെ വളര്ച്ചയും വ്യാപനവുമൊക്കെ വാഷ് സെന്റര് ബിസിനസിന്റെ സാധ്യതകള് തുറന്നിടുന്നു. ടൂവീലര്, ഫോര് വീലര് വാഹനങ്ങളിലെ എല്ലാവിധ മെഷീനുകളും സമയാസമയങ്ങളില് അറ്റകുറ്റപ്പണി നടത്തുകയും ക്ലീന് ചെയ്ത് വൃത്തിയാക്കേണ്ടതും വാഹനസുരക്ഷയുമായി ബന്ധപ്പെട്ട കാര്യമാണ്. എന്നാല്, എല്ലാവര്ക്കും അതിനൊന്നും സമയം ലഭിക്കില്ല. അതുകൊണ്ട് തന്നെ ആളുകള് വാഹനങ്ങള് വാഷ് സെന്ററിലെത്തിക്കുകയോ വീട്ടിലേക്ക് വിളിച്ചുവരുത്തുകയോ ആണ് പതിവ്.
വാഹനം വാഷ് ചെയ്യാന് ചെറിയൊരു തുക മുടക്കുന്നതില് ആരും പിശുക്ക് കാണിക്കാറില്ല. അതുകൊണ്ട് തന്നെ വാഹനങ്ങളുള്ളിടത്തോളം കാലം വാഷ് സെന്റര് ബിസിനസിന് സാധ്യതയുമുണ്ട്. വാഷ് സെന്റര് ആരംഭിക്കുമ്പോള് എന്തൊക്കെ വേണമെന്നും ശ്രദ്ധിക്കേണ്ട കാര്യങ്ങള് എന്തൊക്കെയാണെന്നും താഴെ പറയുന്നു.
ഈ ബിസിനസ് ആരംഭിക്കാന് എട്ട് കാര്യങ്ങള് കൃത്യമായി പിന്തുടരണം,
ലൈസന്സും പെര്മിറ്റും
കാര് വാഷ് സെന്ററുകള്ക്ക് ലൈസന്സും പ്രാദേശിക അതോറിറ്റികളില് നിന്ന് അനുമതിയും ആവശ്യമാണ്. ഓരോ നഗരത്തിന് അനുസരിച്ചും അനുമതി വ്യത്യാസപ്പെട്ടിരിക്കുന്നു.ഈ ബിസിനസില് ഏറ്റവും പ്രധാനപ്പെട്ട ഒന്നാണ് വാട്ടര് ലൈസന്സ്.ജല സ്രോതസ്സുകള് വന്തോതിലാണ് ഉപയോഗിക്കേണ്ടി വരുന്നത്. ഒരുവിധം എല്ലാ ബിസിനസിനും പൈപ്പ് വെള്ളത്തിന് പരിധി നിശ്ചയിച്ചിട്ടുണ്ട്. എന്നാല് കാര് ആന്റ് ബൈക്ക് വാഷ് ബിസിനസില് ഈ പരിധിയേക്കാളും ഒരുപാടധികം ജലം വേണം. അധിക ജലം ഉപയോഗിക്കുന്നതിന് അതുകൊണ്ട്തന്നെ പ്രത്യേക പെര്മിറ്റ് നേടേണ്ടതുണ്ട്. അല്ലാത്തപക്ഷം സ്വകാര്യമായി ജലടാങ്കറുകള് വാങ്ങാവുന്നതാണ്. അത്യാവശ്യം വരുന്ന അനുമതികള് താഴെ പറയുന്നു.
1.ബിസിനസ് രജിസ്ട്രേഷന്
2.കാര് വാഷ് സെന്റര് അനുമതിക്ക് വേണ്ടി ബിസിനസ് തുടങ്ങുന്ന ഭൂമിയുടെ സ്വഭാവം പരിശോധിക്കുക
3.പ്രാദേശിക ഭരണകൂടത്തിന്റെ അനുമതി
4.മലിനീകരണ നിയന്ത്രണ ബോര്ഡിന്റെ അനുമതി
5.ബിസിനസിന്റെ നികുതി ബാധ്യതകള്
കാര് വാഷിങ് ബിസിനസിന്റെ രീതി നിശ്ചയിക്കുക
ബൈക്ക് ആന്റ് കാര് വാഷ് ബിസിനസ് രണ്ട് രീതിയില് തുടങ്ങാം. നിങ്ങളുടെ ബജറ്റിനും സമീപനത്തിനും അനുസരിച്ച് വേണം ബിസിനസ് ഉണ്ടാക്കിക്കൊണ്ടുവരാന്.
1. ഡോര് ടു ഡോര് കാര് വാഷ് ഫെസിലിറ്റി
ഈ മോഡല് ബിസിനസ് ഉപഭോക്താക്കളുടെ വീട്ടിലോ ഓഫീസിലോ നേരിട്ടെത്തി സര്വീസ് നല്കുന്ന രീതിയാണ്. ചെറിയ ബഡ്ജറ്റ് ഉള്ളവര്ക്ക് അവരുടെ സ്വന്തം ബിസിനസ് വളര്ത്തിയെുടക്കാന് ഈ മോഡലാണ് നല്ലത്. കുറച്ച് നിക്ഷേപം മാത്രമേ ആവശ്യമുള്ളൂ.വാഷിന് ആവശ്യമായ കെമിക്കലും മെഷീനും വാങ്ങാനുള്ള ചെറിയൊരു നിക്ഷേപമേ ആവശ്യം വരികയുള്ളൂ.
ഈ മോഡല് ബിസിനസിന്റെ ഏറ്റവും പ്രധാനപ്പെട്ട ഭാഗം വിശ്വസ്തരായ ജീവനക്കാരെ നിയമിക്കുക എന്നതാണ്. അവരുടെ ബാക്ക്ഗ്രൗണ്ട്,വൈദഗ്ധ്യം എന്നിവയെ കുറിച്ച ്സമഗ്രമായി പരിശോധിക്കേണ്ടതുണ്ട്. കൂടുതല് പേര്ക്കും കാര് വാഷ് സെന്ററുകളില് പോയി കാത്തിരിക്കാന് താല്പ്പര്യമില്ലാത്തതിനാല് വീട്ടിലെത്തിയുള്ള സര്വീസ് മോഡല് വിജയിക്കും.
2.കാര് വാഷ് സെന്റര്
ജനങ്ങള്ക്ക് എത്തിപ്പെടാവുന്ന സ്ഥലത്ത് ഒരു സ്ഥാപനം സര്വീസിനായി ആരംഭിക്കുകയാണ് ചെയ്യുന്നത്. ഉപഭോക്താക്കള് അവരുടെ കാര് കഴുകാന് ഈ സെന്ററുകളില് നേരിട്ട് വാഹനമെത്തിക്കുകയാണ് ചെയ്യുന്നത്. ഈ ബിസിനസ് മോഡലിന് നല്ലൊരു തുക നിക്ഷേപം വേണ്ടിവരും. സ്ഥാപനം തുടങ്ങാനും മെഷീനുകള്ക്കുമൊക്കെ വലിയ തുക ചെലവിടേണ്ടതുണ്ട്.ഒരു കാര്വാഷ് സെന്റര് നിരവധി വാഹനങ്ങള് ഒരേ സമയം കഴുകാന് പര്യാപ്തമായിരിക്കണം. കൂടാതെ വ്യത്യസ്ത സേവനങ്ങള്ക്കായി വ്യത്യസ്ത വിഭാഗവും ജീവനക്കാരും ഉണ്ടായിരിക്കണം.
നിങ്ങള്ക്ക് അതേ സ്ഥലത്ത് ഒരു ബൈക്ക് വാഷ് കൂടി വേണമെങ്കില് അവയെ ഉള്ക്കൊള്ളാന് കൂടുതല് സ്ഥലവും സൗകര്യവും ആവശ്യമാണ്.
ബിസിനസ് പ്ലാന് ഉണ്ടാക്കാം
ആദ്യം കാര് വാഷ് ബിസിനസ് പ്ലാന് ഉണ്ടാക്കണം. ബിസിനസിലെ ഏറ്റവും ചെറിയ കാര്യങ്ങള് മുതല് കാര് വാഷ് സജ്ജീകരിക്കാനുള്ള ചെലവ് വരെ കൃത്യം കണക്കാക്കി എല്ലാ വിവരങ്ങളും ഉള്ക്കൊള്ളുന്ന പ്ലാനുണ്ടാക്കണം.ഒരു നല്ല ബിസിനസ് പ്ലാന് കാര്യങ്ങള് സുഗമമായും ക്രമമായും ചെയ്യാന് നിങ്ങളെ സഹായിക്കും.
സ്ഥലം നിശ്ചയിക്കാം
നിങ്ങളുടെ കാര് വാഷിന്റെ വിജയം പ്രധാനമായും അത് എവിടെയാണ് സ്ഥിതിചെയ്യുന്നത് എന്നതിനെ ആശ്രയിച്ചിരിക്കുന്നു. ഏകദേശം 80% കാര് വാഷ് ഉപഭോക്താക്കളും ലൊക്കേഷന്റെ 15 കിലോമീറ്റര് ചുറ്റളവില് നിന്നാണ് വരുന്നതെന്ന് പഠനങ്ങള് കാണിക്കുന്നു. അതിനാല് നിങ്ങള് തിരഞ്ഞെടുക്കുന്ന സ്ഥലത്ത് കാറുള്ളവരുടെ എണ്ണം കൂടുതലായിരിക്കണം. റെസിഡന്ഷ്യല് കോംപ്ലക്സുകളുള്ള ഒരു പ്രദേശത്താണ് നിങ്ങള് തുറക്കുന്നതെങ്കില് അതായിരിക്കും കൂടുതല് നല്ലത്.
സ്ഥലം മെയിന് റോഡിന് സമീപമായിരിക്കണം. എന്നാല് ചെറിയൊരു സര്വീസ് റോഡിലേക്കായിരിക്കണം എക്സിറ്റ്. ഈ ലൊക്കേഷനില് സെന്റര് നന്നായി പ്രവര്ത്തിക്കും.
കാരണം വാഹനമോടിക്കുന്ന മിക്ക ആളുകളും നിങ്ങളുടെ സ്ഥാപനം ശ്രദ്ധിക്കും. അവര്ക്ക് നിങ്ങളുടെ സെന്ററില് നിന്ന് വേഗത്തില് ഓടിച്ച് വീട്ടിലേക്കോ ജോലിസ്ഥലത്തേക്കോ പോകാം. ഇടുങ്ങിയ തെരുവുകളുള്ള സ്ഥലത്ത് സജ്ജീകരിക്കുന്നത് ഒഴിവാക്കുക. സമീപത്തെ കടകള്ക്ക് തടസമുണ്ടാകാന് പാടില്ല.
ഇനി പരിഗണിക്കേണ്ട ഏറ്റവും പ്രധാനപ്പെട്ട കാര്യം കാര് കഴുകുന്നതിനുള്ള പ്ലോട്ടിന്റെ വലിപ്പമാണ്.
ശരാശരി വലിപ്പമുള്ള ഒരു കടയ്ക്ക് പോലും 1500 ചതുരശ്ര അടി വിസ്തീര്ണ്ണം ആവശ്യമായി വരും. സ്ഥല വില എപ്പോഴും കൂടുതലായതിനാല് വളരെ ശ്രദ്ധാപൂര്വ്വം വേണം തെരഞ്ഞെടുക്കാന്.
വിപണിയിലെ മത്സരം വിലയിരുത്തുക
സമീപ പ്രദേശങ്ങളില് ഉള്ള മറ്റ് കാര് വാഷ് സെന്ററുകള് വീക്ഷിക്കുക.
അവരുടെ ബിസിനസിനെക്കുറിച്ച് കഴിയുന്നത്ര വിവരങ്ങള് ശേഖരിക്കുക. അവര് എത്ര നാളായി അവിടെ ഉണ്ടായിരുന്നു, അവര് നല്കുന്ന സേവനങ്ങള്, അവരുടെ വിലനിര്ണ്ണയം, അവരുടെ ഉപഭോക്താക്കള് എത്രത്തോളം വിശ്വസ്തരാണെന്ന് എന്നിവ മനസ്സിലാക്കുക. അവരുടെ ഉപഭോക്താക്കള് ഉള്പ്പെടുത്താന് ആഗ്രഹിക്കുന്ന സേവനങ്ങളുടെ കുറവുകളെക്കുറിച്ചുള്ള വിവരങ്ങള് നിങ്ങള്ക്ക് കണ്ടെത്താനാകും. ഉപഭോക്താക്കളെ ആകര്ഷിക്കുന്നതിനും കൂടുതല് ബിസിനസ്സ് നേടുന്നതിനും നിങ്ങള്ക്ക് ഈ അധിക സേവനങ്ങള് വാഗ്ദാനം ചെയ്യാം.
എന്നിരുന്നാലും, നിങ്ങളുടെ പ്രദേശത്ത് കാര് വാഷുകള് ഇല്ലെന്ന് ഉറപ്പാക്കാന് ശ്രദ്ധിക്കുക. അതേ പ്രദേശത്തെ മറ്റൊരു കാര് വാഷ് ബിസിനസ്സിന് നിങ്ങളുടെ ഓഫറുകള് പൊരുത്തപ്പെടുത്തിക്കൊണ്ട് നിങ്ങള്ക്ക് ശക്തമായ മത്സരം നല്കാനും ഉപഭോക്താക്കളെ തിരികെ ആകര്ഷിക്കാനും കഴിയും. അവര് വേഗത്തിലും വളരെ കുറഞ്ഞ നിരക്കിലും സേവനങ്ങള് നല്കുകയും ചെയ്തേക്കാം, ഇത് നിങ്ങളുടെ ബിസിനസിനെ ദോഷകരമായി ബാധിച്ചേക്കാം
നിങ്ങളുടെ പ്രദേശത്ത് മറ്റൊരു കാര് വാഷ് ബിസിനസ് ഉണ്ടെങ്കില് നിങ്ങള്ക്ക് മാര്ക്കറ്റിന്റെ ഒരു ഭാഗം ടാര്ഗെറ്റ് ചെയ്യാം. പ്രദേശത്തെ പ്രീമിയം കാറുകള്ക്കായുള്ള കാര് വാഷിംഗ് സേവനമോ ഉപഭോക്താക്കളെ നിങ്ങളിലേക്ക് കൊണ്ടുവന്നേക്കാവുന്ന അധിക ഓഫറുകളോ നല്കാം. അതൊക്കെ ആഗ്രഹിക്കുന്ന ഉപഭോക്താക്കള് അവര്ക്ക് നഷ്ടപ്പെടാം.
നിങ്ങളുടെ ബിസിനസ് ആരംഭിക്കാന് തയ്യാറായിക്കഴിഞ്ഞാല്, കുറഞ്ഞ നിരക്കില് സേവനങ്ങള് വാഗ്ദാനം ചെയ്യാനും നിങ്ങള് വളരുന്നതിനനുസരിച്ച് സാവധാനം വര്ദ്ധിപ്പിക്കാനും കഴിയും. ഈ പ്രദേശത്ത് ഒരു കാര് വാഷ് തുറക്കുന്നത് മൂല്യവത്താണോ എന്നതാണ് മത്സരം വിലയിരുത്തുന്നതില് ഉള്ള പ്രധാന ഘടകം.
കാര്വാഷ് ബിസിനസിന് എന്ത് ചെലവ് വരും
പ്രധാനമായും ഓരോ സംരംഭകരും നേരിടുന്നത് ഈ ചോദ്യമാണ്. മെഷീനുകള്ക്കും ഉപകരണങ്ങള്ക്കുമാണ് ഏറ്റവും അധികം ചെലവ് വരുന്നത്. ഇന്ത്യന് മാര്ക്കറ്റില് ഇത്തരമൊരു ബിസിനസിന് വേണ്ട മെഷീനുകള്ക്കും ഉപകരണങ്ങള്ക്കും 20 മുതല് 30 ലക്ഷം രൂപാവരെ ചെലവാകുമെന്നാണ് കരുതുന്നത്.നിങ്ങള് സജ്ജീകരിക്കുന്ന സ്ഥലത്തിന്റെ വാടകയാണ് രണ്ടാമത്തെ വലിയ ഭാഗം.മെയിന് റോഡില് 2000 ചതുരശ്ര അടി വിസ്തീര്ണമുള്ള കുറഞ്ഞ വിലയുള്ള പ്രദേശത്തിന് പോലും പ്രതിമാസം ഒരു ലക്ഷം രൂപ വാടക നല്കേണ്ടിവരും.
ജീവനക്കാരുടെ എണ്ണം അനുസരിച്ച് ജീവനക്കാരുടെ ശമ്പളം 60,000 രൂപ വരെ ഉയരാം.പെര്മിറ്റുകളും ലൈസന്സുകളും ലഭിക്കുന്നതിന് 15,000 മുതല് 20,000 രൂപ വരെ ചിലവാകും
ഉപകരണങ്ങള് വാങ്ങാം
എല്ലാ കാര് വാഷിംഗ് സേവനങ്ങളുടെയും പ്രധാനപ്പെട്ട ഘടകം ഉപകരണങ്ങളാണ്. ബിസിനസിന് ആവശ്യമായ മുഴുവന് ഉപകരണങ്ങളും മെഷീനുകളും താഴെ പറയുന്നു.
1. ഓട്ടോമാറ്റിക് കാര് വാഷിങ് മെഷീന്
2.പോര്ട്ടബിള് കാര് വാഷര്
3.വാക്വം ക്ലീനര്
4.ഉപഭോഗ വസ്തുക്കള്: കാര് വാഷിങ് ലിക്വിഡ്, കാര് പോളിഷ്, വൈപ്പിങ് ക്ലോത്ത്, സ്പോഞ്ച്, വാക്സ് തുടങ്ങിയവ
5.വാട്ടര് ടാങ്ക്: 6000 മുതല് 10,000 ലിറ്റര് വരെ ഒരു കാര്വാഷ് സെന്ററില് ജലം ആവശ്യമായി വരും.
(Content courtesy - samayam )
