Aatrupadai

14/10/2026

ஆற்றுப்படை ஆண்டு மலர் 2026
கற்றலும் சுற்றலும்!

தொல்லியல், வரலாறு, மானுடவியல் என அறிவின் தடங்களோடும், 2026-ல் நாம் மேற்கொண்ட அறிவுசார் பயணங்களின் அனுபவங்களோடும் வெளிவரவிருக்கிறது ஆற்றுப்படையின் ஆண்டு மலர்! மற்றும் 2027 மாத நாள்காட்டி

விலை: ரூ. 499/- மட்டுமே

விருப்பமுள்ள வாசகர்களும் புரவலர்களும் சந்தா தொகையை QR code ஐ- ஸ்கேன் செய்து கட்டணத்தைச் செலுத்தி கீழுள்ள Google Forms இணைப்பில் பதிவு செய்து, தங்கள் பிரதியை முன்பதிவு செய்துகொள்ளலாம்.

https://forms.gle/FXMRqJ23hmemY8H68

மேலும் தொடர்புக்கு: +91 9384876772 +91 9487076772

வாசிப்பின் வழியே வரலாற்றை நெருங்குவோம். பயணங்களின் வழியே உலகைப் புரிந்துகொள்வோம்!

திருச்சி பார்த்தி Rajesh Lenin

08/10/2026

ஆந்திராவின் கிருஷ்ணா நதிக்கரையில் அமைந்துள்ள அமராவதி, பழங்காலத்தில் ‘தான்யகடகம்’ என்று அறியப்பட்டது. இங்கிருந்த பெரும் பௌத்த ஸ்தூபம் ஒன்று ‘மகாசைத்தியம்’ என்று போற்றப்பட்டது.

புத்தர் அல்லது அவரது நெறியை ஏற்ற புனிதர்களின் புனித எச்சங்களை உள்ளடக்கி அமைக்கப்படும் நினைவுச்சின்னமே ஸ்தூபம் எனப்பட்டது. சங்க இலக்கியம் கூறும் நெடுங்கல் வழிபாட்டின் நீட்சியாக இதனை காணலாம்.

சுமார் 2,200 ஆண்டுகளுக்கு முன்பிருந்தே சிறப்புற்ற இந்த நினைவுச்சின்னம், ஒரே காலத்தில் உருவானதல்ல. பல தலைமுறைகளாக விரிவுபடுத்தப்பட்டு, சிற்பங்களால் அழகுபடுத்தப்பட்டது.

புத்தரின் வாழ்க்கை நிகழ்வுகளும் பௌத்த ஜாதகக் கதைகளும் கற்களில் காட்சிகளாக விரிந்தது இதன் தனித்துவமான சிறப்பாகும். இந்தக் கலைமரபே ‘அமராவதி சிற்பப் பாணி’ என்று பின்னாட்களில் புகழ்பெற்றது.

அமராவதியின் புகழ் கடல் கடந்து பரவியிருந்தது. இலங்கை, தாய்லாந்துக் கல்வெட்டுகளிலும் திபெத்தியக் குறிப்புகளிலும் தான்யகடகம் இடம்பெறுகிறது. ஆந்திரத்தின் பல பௌத்த மடங்கள் வீழ்ச்சியடைந்த பின்னரும், 14ஆம் நூற்றாண்டுவரை முக்கியமான பௌத்த மையமாக இது அறியப்பட்டிருந்தது.

ஆனால், காலப்போக்கில் மண்ணுக்குள் மறைந்த இந்தப் பெருமை, மீண்டும் வெளிப்பட்டபோது அழிவையும் சந்தித்தது.

அமராவதியைத் தனது புதிய இருப்பிடமாக அமைத்துக்கொண்ட அப்பகுதியின் நிலச்சுவான்தார் வாசிரெட்டி நாயுடு என்பவர், ஸ்தூப மேட்டிலிருந்து கிடைத்த செங்கற்களையும் கற்களையும் கட்டுமானங்களுக்குப் பயன்படுத்தினார். 1798ஆம் ஆண்டு இங்கு வந்த காலின் மெக்கன்சி, 1816இல் மீண்டும் வந்தபோது, ஸ்தூபத்தின் குவிமாடம் அழிக்கப்பட்டிருந்தது. அதன் மையப்பகுதியை நீர்த்தேக்கமாக மாற்றும் பணி நடந்திருந்தது!

மெக்கன்சியின் குழுவினர் சிற்பங்களை வரைந்து பதிவு செய்தனர். பின்னர் நடந்த அகழாய்வுகளிலும் ஏராளமான சிற்பங்கள் வெளியே எடுக்கப்பட்டன. அவை சென்னை, கல்கத்தா, லண்டன் எனப் பல இடங்களுக்குச் சென்றன.

இன்று சென்னை அரசு அருங்காட்சியகத்திலும் பிரிட்டிஷ் அருங்காட்சியகத்திலும் நாம் காணும் அமராவதி சிற்பங்கள், ஒருகாலத்தில் இந்த மகாசைத்தியத்தை அலங்கரித்தவை.

அமராவதியில் இன்று முழுமையான ஸ்தூபத்தைக் காண முடியாது. ஆனால், எஞ்சியிருக்கும் ஒவ்வொரு சிற்பமும் அதன் பழம்பெருமையை நமக்குச் சொல்கிறது.

ஒரு காலத்தில் மக்கள் வலம் வந்து வழிபட்ட நினைவுச்சின்னம், பிற் காலத்தில் கட்டுமானக் கற்களாகப் பிரிக்கப்பட்டது!

முன்பதிவு செய்ய:
https://forms.gle/88ZQVPXgwAdYTPGu8
முன்பதிவுக்கு

மேலதிக விவரங்களுக்கு:
9384876772/9487076772
www.aatrupadai.com

திருச்சி பார்த்தி Bala Bharathi Rajesh Lenin

#அமராவதி #பௌத்தம் #தொல்லியல் #வரலாறு

06/10/2026

சிந்துவெளிப் பயணம் 2.0
நடன மங்கையுடன் ஓர் உரையாடல்
இராஜஸ்தான் & ஹரியானாவிலுள்ள சிந்துவெளி அகழாய்விடங்களுக்கு 5 நாள் அறிவுசார் பயணம் செப். 29 - அக். 03, 2026

சிந்துவெளிப் பயணம் 2.0 | ஓர் அறிவுசார் தேடலின் தொடர்ச்சி

2024ல் குஜராத்தின் தோலவீரா, லோதல் நோக்கி மேற்கொண்ட சிந்துவெளிப் பயணம், ஒரு பயணமாக மட்டும் முடிந்துவிடவில்லை. அதன் தொடர்ச்சியாக, சிந்துவெளி நாகரிகத்தை இன்னும் ஆழமாக வாசிக்க வேண்டும் என்ற எண்ணமே சிந்துவெளிப் பயணம் 2.0வாக உருவெடுத்தது.

இந்தப் பயணத்தை ஓர் கற்றல் அனுபவமாக இன்னும் எவ்வாறு ஆழப்படுத்தலாம் என்று சிந்திக்கையில் திரு. ஆர். பாலகிருஷ்ணன் IAS (ஓய்வு) அவர்களின் வழிகாட்டுதல் மற்றும் நெறியாள்கை எங்களுக்கு வேண்டும் என்ற பெரும் விருப்பம் உருவாகிற்று... சிந்துவெளி நாகரிகத்தைப் புரிந்துகொள்வதில், குறிப்பாக சங்க இலக்கியத்தின் வழியாக அதன் தமிழ் வரலாற்றுத் தொடர்புகளை ஆராய்வதில் முன்னோடியான அவரது பார்வை, இந்தப் பயணத்திற்கு ஒரு அறிவுசார் தளத்தை அமைத்துத் தந்தது. ரோஜா முத்தையா ஆராய்ச்சி நூலகத்தின் சிந்துவெளி ஆய்வு மையத்துடன் இணைந்து, அவரின் வழிகாட்டுதலில் ஒரு முன்-அறிமுக உரையாடலையும் ஏற்பாடு செய்தோம்.

அந்த உரையாடலுக்குப் பிறகு, காளிபங்கன், ராக்கிகடி, பிர்ரானா, குனால், பானாவலி போன்ற தளங்களை நோக்கிய எதிர்பார்ப்பும் ஆவலும் கூடிற்று. பிரம்மாண்டமான கட்டிடங்களோ, கண்கவர் இடிபாடுகளோ அங்கு காத்திருக்கவில்லை என்பதை அறிந்திருந்தும், வரலாற்றின் அடுக்குகளை நேரில் வாசிக்க வேண்டும் என்ற ஆர்வம் எங்களை இயக்கியது.

செப்டம்பர் 29 அன்று விமான நிலையத்தில் ஒன்று கூடி, “நடன மங்கையுடனான உரையாடலை” அடுத்த கட்டத்திற்கு எடுத்துச் செல்லப் புறப்பட்டோம்.

டெல்லியிலிருந்து இரவுப் பயணமாக ராஜஸ்தானின் ஹனுமன்கட்டை சென்றடைந்து, காளிபங்கன் அகழாய்வுத் தளம், அருங்காட்சியகம், கக்கர் பழைய ஆற்றுப்படுகை, பட்னேர் கோட்டை என முதல் நாளைத் தொடங்கினோம். அங்கு தொல்லியல் துறையின் உதவி இயக்குநர் திரு. சந்திர பிரகாஷ் காளிபங்கனின் வரலாற்று முக்கியத்துவத்தை விளக்கினார்.

அடுத்த கட்டத்தில் பானாவலி, பிர்ரானா, அக்ரோஹா, ஹிசார் நினைவுச் சின்னங்கள் வழியாக ராக்கிகடியை அடைந்தோம். அங்கு ASIயின் திரு. மனோஜ் தலால், ராக்கிகடியின் அகழாய்வுகளையும் Mounds 1, 3, 4-ன் வரலாற்றையும் எங்களுடன் பகிர்ந்துகொண்டார். 52 அடி உயர Mound 4-ன் குறுக்குவெட்டில் தெரிந்த 63 குடியிருப்பு அடுக்குகள், காலத்தின் ஆழத்தை எங்களுக்கு உணர்த்தின. ராக்கிகடி ஹடப்பன் அறிவு மையமும் அந்த அனுபவத்தை மேலும் விரிவாக்கியது.

அக்டோபர் 2 அன்று டெல்லி திரும்பி, அக்டோபர் 3 அன்று தேசிய அருங்காட்சியகத்தின் சிந்துவெளிக் காட்சியகத்தை பார்த்தபோது, இந்த அறிவுசார் பயணம் ஒரு முழு வட்டத்தை நிறைவு செய்தது. மண்ணில் தொடங்கிய உரையாடல், (அருங்காட்சியகத்தில் நடன மங்கையை சந்திக்கவியலாத போதும்) புதிய கேள்விகளுடன் தொடர்ந்தது.

இந்தப் பயணத்தை சாத்தியமாக்கியவர்கள் (in chronological order):

திரு. பாலகிருஷ்ணன் (ஐஏஎஸ் - ஓய்வு), மதிப்புறு ஆலோசகர் - சிந்துவெளி ஆய்வு மையம்
திரு. சுந்தர் கணேசன், இயக்குநர், ரோஜா முத்தையா ஆய்வு நூலகம்
திரு. யதீஸ் குமார், Joint Director, TNSDA
திருமதி. விசாலாட்சி ரோஸ், IPoS, Post Master General, HQ Region, Telangana Circle
திரு. தினேஷ் குமார், Zilla Parishad Board Member, ராக்கிகடி
திரு. சந்திரபிரகாஷ், ASI, காளிபங்கன்
செல்வி ஜ்யோதிகா, ASI, காளிபங்கன்
திரு. மனோஜ் தலால், ASI ராக்கிகடி
திரு. வினீத், ASI, ராக்கிகடி
திரு. விக்கி, ASI, ராக்கிகடி
திரு. விகாஸ் குமார், ஆய்வு மாணவர், ராக்கிகடி

மற்றும்...முக்கியமாக, மிக முக்கியமாக-
நாள்தோறும் தங்கள் பயணவேட்கை, வரலாற்றுத்தேடல் மற்றும் அறிவியல் சிந்தனைகள் மூலம் புதிய அறிவெல்லைகளை நோக்கி ஆற்றுப்படையை உந்தி, இயக்கிக் கொண்டிருக்கும் பயணிகளாகிய நீங்கள்!

திருச்சி பார்த்தி Bama Muthuramalingam Rajesh Lenin Bala Bharathi JinaPriya AjithaDoss

#இந்தியவரலாறு #தொல்லியல் #சிந்துசமவெளிநாகரிகம்

05/10/2026

நமது Indus Sojourn பயணத்தின் ஒரு முக்கியத் தருணம், ராக்கிகடியில் நடந்த நேரடி களப்பயணமும் ஆய்வும். சென்னை திரும்பிய பிறகும், அந்தப் பயணம் அங்கேயே நின்றுவிடவில்லை என்பதற்கு இதோ ஒரு சிறிய சான்று: நமது பயணம் ராக்கிகடி செய்திகளிலும் இடம்பெற்றுள்ளது:

https://www.amarujala.com/haryana/hisar/a-28-member-team-from-chennai-visited-rakhigarhi-to-explore-the-heritage-of-the-harappan-civilization-hisar-news-c-21-hsr1005-964594-2026-10-03

இந்தச் செய்திக்குறிப்பின் தமிழ் வடிவம் இதோ:

சென்னையிலிருந்து ராக்கிகடி சென்ற 28 பேர் கொண்ட குழு: ஹரப்பா நாகரிகத்தின் மரபை அறிந்துகொண்டனர்

நார்னௌந்த் அக். 3: ஹடப்பா நாகரிகத்தின் வரலாறு, பண்பாடு மற்றும் தொல்லியல் மரபை நேரடியாகப் புரிந்துகொள்ளும் நோக்கில், சென்னையிலிருந்து சென்ற ஆற்றுப்படை குழுவைச் சேர்ந்த 28 பேர் கொண்ட குழு, வெள்ளிக்கிழமை ராக்கிகர்ஹியில் கல்விசார் களப்பயணம் மேற்கொண்டது.

குழுவினர் ஹடப்பா காலத்தைச் சேர்ந்த தொல்லியல் மேடுகளைப் பார்வையிட்டதுடன், அங்குள்ள தள அருங்காட்சியகத்தில் காட்சிப்படுத்தப்பட்டிருந்த பழமையான தொல்பொருட்களின் மூலம், அந்தக் கால மக்களின் வாழ்க்கை முறை, நகரத் திட்டமிடல் மற்றும் பண்பாட்டு மரபு ஆகியவற்றைப் புரிந்துகொண்டனர்.

ராக்கிகடியை அடைந்ததும், இந்திய தொல்லியல் ஆய்வுத் துறையின் (ASI) மனோஜ் தலால் அவர்களின் வழிகாட்டுதலுடன், Mound No. 1 மற்றும் Mound No. 3 பகுதிகளை நடந்துசென்று பார்வையிட்டனர். ஹடப்பா கால நகர அமைப்பு, பழமையான கட்டமைப்புகள் மற்றும் தொல்லியல் எச்சங்களை அவர்கள் நேரில் கவனித்தனர். ராக்கிகடியின் வரலாற்று மற்றும் பண்பாட்டு முக்கியத்துவம் குறித்து மனோஜ் தலால் குழுவினருக்கு விளக்கினார்.

அதன் பின்னர், ஹரியானா சாகித்ய மற்றும் கலாச்சார அகாடமி, பஞ்ச்குலா சார்பில் நடத்தப்படும் சப்த சிந்து ஹடப்பா அறிவு மையத்தை குழுவினர் பார்வையிட்டனர்.

அங்கு திட்ட உதவியாளரும் அருங்காட்சியகப் பொறுப்பாளருமான விகாஸ் குமார், ராக்கிகடியின் தொல்லியல் முக்கியத்துவம், ஹடப்பா நாகரிகத்தின் வாழ்க்கை முறை, நகரத் திட்டமிடல் மற்றும் அந்தக் காலத்தில் பயன்படுத்தப்பட்ட பொருட்கள் குறித்து குழுவினருக்கு விளக்கினார்.

அருங்காட்சியகத்தில் காட்சிப்படுத்தப்பட்டிருந்த தொல்லியல் பொருட்களில் குழுவினர் சிறப்பு ஆர்வம் காட்டினர். பல்வேறு அம்சங்கள் குறித்து கேள்விகள் எழுப்பி, தங்களுடைய சந்தேகங்களுக்கும் ஆர்வங்களுக்கும் விளக்கங்களைப் பெற்றுக்கொண்டனர்.

ஆற்றுப்படை என்பது தமிழ்நாட்டை சார்ந்த பயணக் குழுவாகும். பண்டைய நாகரிகங்கள், வரலாறு மற்றும் பண்பாட்டு மரபுடன் தொடர்புடைய இடங்களுக்குச் சென்று, அவற்றை நேரடியாகப் பார்வையிட்டு கற்றுக்கொள்வதை இக்குழு மேற்கொண்டு வருகிறது.

ராக்கிகடி பயணத்தின் நோக்கம், ஹரப்பா நாகரிகத்தின் தொல்லியல் முக்கியத்துவத்தையும் பண்டைய இந்தியப் பண்பாட்டையும், அந்த இடத்திற்கே நேரடியாகச் சென்று புரிந்துகொள்வதாக இருந்தது.

ஹரியானா உணவுகளையும் சுவைத்தனர்

இந்தப் பயணத்தின்போது, குழுவினர் ராக்கிகடி ரிசார்ட்டில் பாரம்பரிய ஹரியானா உணவு வகைகளையும் சுவைத்தனர்.

இதன் மூலம் ஹரியானாவின் உணவுப் பாரம்பரியம் மற்றும் உள்ளூர் பண்பாட்டை நெருக்கமாக அறிந்துகொண்டதுடன், அங்குள்ள உள்ளூர் மக்களின் விருந்தோம்பலையும் அவர்கள் பாராட்டினர்.

திருச்சி பார்த்தி Bama Muthuramalingam Rajesh Lenin Bala Bharathi

#இந்தியவரலாறு #தொல்லியல் #சிந்துசமவெளிநாகரிகம்

29/09/2026

ஒரு நாள். ஒரு நகரம். பல நூற்றாண்டுகளின் வரலாறு.

One Day Trichy Trip

திருச்சி பார்த்தி

27/09/2026

25/09/2026

சிந்துவெளிப் பயணம் 2.0 விற்கான முன்-பயண அறிமுக உரையாடல், ஒரு பயணத்திற்கான தொடக்கம் மட்டுமல்ல; ஒரு தேடலுக்கான தொடக்கமாகவும் அமைந்தது.

வரலாற்றைத் தேடும் நமது ஆர்வத்திற்கு அறிவின் ஆழத்தையும், கேள்விகளின் வழி புதிய பரிமாணங்களையும் வழங்கிய ரோஜா முத்தையா ஆராய்ச்சி நூலகத்திற்கும் (RMRL), சிறப்பான உரையாடலை வழங்கிய திரு. ஆர். பாலகிருஷ்ணன் IAS (Retd.) அய்யா மற்றும் முனைவர். சுந்தர் கணேசன் அய்யா ஆகிய இரு அறிஞர்களுக்கும் எங்கள் மனமார்ந்த நன்றி.

இன்னும் சில நாட்களில் நம் பயணம் தொடங்கட்டும். நம் தேடல் - அது எப்போதும் தொடரட்டும்!

திருச்சி பார்த்தி Bama Muthuramalingam Rajesh Lenin Bala Bharathi JinaPriya AjithaDoss

#இந்தியவரலாறு #தொல்லியல் #சிந்துசமவெளிநாகரிகம்

25/09/2026

Starting Soon.