05/05/2021
தவிட்டு எண்ணையின் பயன்கள்
எடை இழப்பு, இரத்த சர்க்கரை அளவில் கட்டுப்பாடு, இதய ஆரோக்கியம் போன்றவற்றில் உதவக்கூடியது ரைஸ் பிரான் எண்ணெய். அதன் மற்ற பிற நன்மைகளைப் பற்றி இங்கு விளக்கமாகப் பார்க்கலாம்.
தாவர எண்ணெய்க்கு மாற்றாக பயன்படுத்தக்கூடிய பல்வேறு நன்மைகள் அடங்கிய பல எண்ணெய்கள் உள்ளன. அவற்றுள் ஒன்று ரைஸ் பிரான் எண்ணெய். அரிசி அரைக்கும்போது கிடைக்கும் ஒரு துணை தயாரிப்பு ரைஸ் பிரான் எண்ணெய். நெல்லின் வெளிப்புற பகுதி இதன் உற்பத்திக்கு உதவுகிறது. ரைஸ் பிரான் எண்ணெய் பல்வேறு ஆரோக்கிய நன்மைகளைக் கொண்டது, மேலும் இது எளிதாக மளிகை கடைகளிலும் கிடைக்கக்கூடியது.
ரைஸ் பிரான் எண்ணெய்யை நமது உணவில் எதற்காக இணைத்துக் கொள்ள வேண்டும் என்று இந்த பதிவில் நாம் காணலாம்.
ரைஸ் பிரான் ஆயில்
ஆசிய நாடுகளான சீனா , இந்தியா , ஜப்பான் போன்ற நாடுகளில் ரைஸ் பிரான் எண்ணெய் பரவலாக பயன்படுத்தப்படுகிறது. இந்த எண்ணெய் நெல்லின் வெளிபுறப்பகுதியில் இருந்து எடுக்கப்படுகிறது. ஆரோக்கியமான எண்ணெய்கள் பட்டியலில் இந்த எண்ணெய் இடம்பெறுகிறது. பலநிறைவுறாக் கொழுப்பு அமிலங்கள் இந்த எண்ணெய்யில் 37% உள்ளது , மற்றும் ஒற்றைநிறைவுறாக் கொழுப்பு அமிலம் இந்த எண்ணெய்யில் 45% உள்ளது. தாவர எண்ணெய்க்கு ஒரு சிறந்த ஆரோக்கிய மாற்றாக இந்த எண்ணெய் கருதப்படுகிறது. மேலும் இது விலை மலிவானது மற்றும் எளிதில் கிடைக்கக்கூடியது. அதனால் இதனை உங்கள் சமையலில் இணைத்துக் கொள்வது இன்னும் எளிதாகிறது.
ரைஸ் பிரான் எண்ணெய்யின் அற்புத நண்மைகளை இப்போது காண்போம்.
இரத்த சர்க்கரை அளவு மேலாண்மையில் உதவுகிறது. ரைஸ் பிரான் எண்ணெய் உட்கொள்வதால் இன்சுலின் எதிர்ப்பு தன்மை மேம்படுகிறது. இதனால் டைப் 2 நீரிழிவு மேலாண்மைக்கு உதவுகிறது. மேலும் உடலின் இரத்த சர்க்கரை அளவை குறைப்பதில் இந்த எண்ணெய் பெருமளவில் உதவுகிறது.
இதய ஆரோக்கியம்
இதய ஆரோக்கியத்தை ஊக்குவிக்கிறது. இதய ஆரோக்கியத்தை சிறப்பாக ஊக்குவிப்பதில் ரைஸ் பிரான் எண்ணெய் முக்கிய பங்கு வகிக்கிறது. HDL என்னும் நல்ல கொலஸ்ட்ரால் அளவை அதிகரிப்பது மற்றும் LDL என்னும் கெட்ட கொலஸ்ட்ரால் அளவை குறைப்பது போன்றவற்றின் மூலம் கொலஸ்ட்ரால் அளவை நிர்வகிக்க உதவுகிறது. ஆரோக்கியமற்ற கொலஸ்ட்ரால் அளவுகள் காரணமாக இதய நோய்க்கான அபாயம் அதிகரிக்கிறது.
ரத்தத்தில் உள்ள வைட்டமின் டி அளவை வைத்து எதிர்காலத்தில் வரும் உடல் நலக்கோளாறை எப்படி அறிவது?
எடை இழப்பு
எடை இழப்பிற்கு உதவுகிறது. ரைஸ் பிரான் எண்ணெய்யில் ஆன்டிஆக்சிடெண்ட் அதிகம் உள்ளது. அதனால் வளர்சிதை மாற்றம் மேம்பட்டு, எடை இழப்பு ஊக்குவிக்கப்படுகிறது. இதில் உள்ள நார்ச்சத்துக்கள் வளர்சிதை மாற்றத்தை ஊக்குவிக்கிறது
அழற்சி
அழற்சியை எதிர்க்க உதவுகிறது. ரைஸ் பிரான் எண்ணெய்யில் அழற்சி எதிர்ப்பு பண்புகள் மற்றும் ஆன்டிஆக்சிடெண்ட் பண்புகள் உள்ளன. இதற்கு காரணம் இந்த எண்ணெய்யில் உள்ள ஒரேசனால் மற்றும் டோகோட்ரியெனோல் போன்ற கூறுகள்.
உங்க இரத்த சர்க்கரை அளவை டெஸ்ட் செய்ய சரியான நேரம் எது தெரியுமா?
புற்றுநோய் எதிர்ப்பு விளைவுகள்
ரைஸ் பிரான் எண்ணெய்யில் டோகோட்ரியெனோல் உள்ளது. டோகோட்ரியெனோல்கள் புற்றுநோயை ஏற்படுத்தக்கூடிய அயனியாக்கம் கதிர்வீச்சு வெளிப்பாட்டிற்கு எதிராக விலங்குகள் மற்றும் மனிதர்களின் உயிரணுக்களைப் பாதுகாக்க முடியும் என்பதால் இது உடலில் புற்றுநோய் எதிர்ப்பு விளைவுகளை ஏற்படுத்தும்.
ரத்த சர்க்கரை அளவைக் கட்டுப்படுத்த உதவுகிறது.
