ڕەوەزی احمد شاە : Rawaz Ahmed Sha

ڕەوەزی احمد شاە : Rawaz Ahmed Sha ئەندامی پەرلەمانی کوردستان خولی شەشەم
لــــە فراکسیــــۆنی یەکێــتیی نیشتمانیی کوردستان
شارەزا لە ( بازرگانی نێودەوڵەتی و سیستمی بانکی )

27/08/2026

ئێمە لەهیوا بێ هیوا نابین
مەشخەڵی دەستی ئێمە هیوایە
هەرکەسێ سۆزی خۆی نەبارانێ
هەوری ڕەحمی خوا بارانی تیایە.

شانازیە دەرفەتمان بوو بەشدار بین لە کۆنسێرتی(هیوای کەمال محمد) بە پاڵپشتی دەزگای میدیایی کوردسات .

ئەم کۆنسێرتە تەنها نمایشێکی هونەری نەبوو، بەڵکو پەیامێکی گەورەی مرۆیی و وەفابوون بوو بۆ ژیان. بەئامادەبوون و بەشداریمان دەنگی خۆمان خستە پاڵ ئەو هونەرمەندە ئازیزەی شار بۆ پشتیوانیی مادی و مەعنەوی لەو قارەمانانەی لە سەنگەری جەنگدان دژی شێرپەنجە. با هەموومان پێکەوە بسەلمێنین کە لە ڕێگەی مرۆڤدۆستیدا هیچ کات بێهیوا نابین و دەستی یارمەتیمان بۆ کاری خێر هەمیشە درێژە.

سوپاس بۆ کوردسات
سوپاس بۆ هونەرمەندی گەورە کەمال محمد
سوپاس هاوڕێم بڕیار فەتاح
سوپاس بۆ هەموو ئامادەبوان و پاڵپشتی کاران. ڕەوەزی احمد شاە
( ئەندامی پەرلەمانی کوردستان لە فراکسیۆنی یەکێتیی نیشتمانیی کوردستان ).

بەرز و پیرۆز بێت لەدایکبوونی پێشەوای مرۆڤایەتی، ﷺ.ئەم بۆنە پیرۆزە تەنها یادکردنەوەی ڕۆژێکی مێژوویی نییە؛ بەڵکو یادکردنەو...
24/08/2026

بەرز و پیرۆز بێت لەدایکبوونی پێشەوای مرۆڤایەتی، ﷺ.

ئەم بۆنە پیرۆزە تەنها یادکردنەوەی ڕۆژێکی مێژوویی نییە؛ بەڵکو یادکردنەوەی پەیامێکە کە مرۆڤایەتی بەرەو ڕووناکی، خۆشەویستی، لێبوردن، دادپەروەری و ڕەحمەت بانگهێشت دەکات.

ئەمڕۆ، لە کاتێکدا جیهان پێویستییەکی زۆری بە ئاشتی و دادپەروەری هەیە، پەیامی پێغەمبەر ﷺ بۆ ئێمە زیاتر لە هەر کاتێک گرنگە؛ ئەو پەیامەی کە فێرمان دەکات بەرامبەر یەکتر ڕەحمەتدار بین، مافی یەکتر بپارێزین، جیاوازییەکانمان ببینین بە هۆی ناسین و نزیکبوونەوە، نەک بە هۆی دووبەرەکی و کینە.

با لە ڕۆژی لەدایکبوونی ئەو پێشەوایەدا، تەنها بە وشە یادەوەری نەکەین؛ بە کردار پەیامەکەکانی بژین. با ڕێگای ئەو بگرین بۆ دروستکردنی داهاتوویەک کە تێیدا ئاشتی لە شوێنی ناکۆکی، دادپەروەری لە شوێنی ستەم، خۆشەویستی لە شوێنی کینە و هاوکاری لە شوێنی دووبەرەکی دابنرێت.

لە خوای گەورە داوا کارم خۆشەویستیی پێغەمبەر ﷺ لە دڵماندا زیاتر ببێت و ڕێگاکەی لە ژیانماندا بە کردار پیشان بدەین.
لەدایکبوونی پێشەوای مرۆڤایەتی، محەممەد مصطفی ﷺ، پیرۆز بێت لەموسوڵمانانی جیهان بەگشتی و کوردستان بەتایبەتی.
ڕەوەزی احمد شاە
(ئەندامی پەرلەمانی کوردستان لە فراکسیۆنی یەکێتیی نیشتمانیی کوردستان).

بە خۆشحاڵی و تامەزرۆییەکی زۆرەوە لە چاوەڕوانیی فیلمی سینەمایی (ماڵی نەنە)دام، بەڵام ئەم چاوەڕوانیە بۆ من ڕەنگ و بۆنێکی ج...
13/08/2026

بە خۆشحاڵی و تامەزرۆییەکی زۆرەوە لە چاوەڕوانیی فیلمی سینەمایی (ماڵی نەنە)دام، بەڵام ئەم چاوەڕوانیە بۆ من ڕەنگ و بۆنێکی جیاواز و پری لە شانازیی هەیە؛ چونکە لوتکەی ئەم خۆشحاڵییەم بەشداریی کچی تاقانەم، خاتوو (زین)ە بەکارەکتەری (تنۆک) لەم فیلمە پەروەردەیی و خێزانییەدا. بینینی لەم بەرهەمە هونەرییەدا هەستی شانازییەک دەبەخشێتە گیانم کە پەی پێنابڕێت و دەمەوێت هەموو جیهان بزانێت چەندە بە بوونی ئەو وەک کچە تاقانە و ئازیزەکەم سەربەرز و دڵخۆشم.
بینینی هەرسێ نەوەی داهاتوو (هەتوان هێرش، زین ڕەوەز، دێری دارکۆ، ئارۆ، تنۆک و لانۆ) وێنەیەکی ڕوونە بۆ پێشاندانی داهاتووی ئەم نیشتمانە کە پڕاوپڕە لە منداڵی بەتوانا، پرهێز و وزەی جیاواز.
بەبینینی هەردوو کارەکتەری مەزن، کاک سیروان جمال و خەرمان هیرانی (نەنە و باپیرە)، چاوی هونەریمان بە دیداریان ڕۆشن دەبێتەوە و پڕ دەبێت لە ئەزموون و جوانی.
بەشداریکردنی هەڵوێست جمال و هێلیان شێرزاد دڵنیامان دەکاتەوە کە ئاستی توانای گەنجانی پشتبەخۆبەستووی وڵاتەکەمان سنووربەزێنە بۆ هەموو ئەزموونێکی تازە و نوێگەری.
لە هه‌مووشی گرنگتر، ماڵی نەنە لەدەرهێنان و بەرهەم هێنانی هاوڕێیانی ئەزیز و بەتوانام(کاک محەمەد مستەفا و باهۆز نەسرەدین)ە بەهاوکاری ستافێکی گەنجی کورد بە ئەنجام گەیەندراوە؛ کۆکەرەوەی ئەم هەموو هێز و توانا مەزنەش (میترۆنیوم پڕۆدەکشن)ە کە لە ئاستێکی تەواو پرۆفیشناڵدا فیلمەکەیان گەیاندووەتە ئەنجام. بە بینینی کارەکانیان لە نزیکەوە زۆر دڵخۆش بووم و ئومێدی زیاترم بە داهاتووی سینەما و هونەری کوردی لێ دروست بوو.
ئامادەبوون لە هۆڵەکانی سینەماکانی کوردستاندا، گەورەترین پشتیوانییە بۆ ئەم بەرهەمانە.
کچی تاقانەم (زین)، بەشداریت لەم کارە هونەرییەدا خاڵێکی پڕشکۆیە لە ژیانمدا و بێ پایان شانازیت پێوە دەکەم.

ڕەوەزی احمد شاە
( ئەندامی پەرلەمانی کوردستان لە فراکسیۆنی یەکێتیی نیشتیمانیی کوردستان )

بە بۆنەی ١٢ی گەلاوێژ: گەنجان هێزی گۆڕانکاری، مژدەی داهێنان و بەدیهێنەری ئایندەیەکی گەشن لە جیهانێکدا کە رۆژ بە رۆژ زیاتر...
11/08/2026

بە بۆنەی ١٢ی گەلاوێژ: گەنجان هێزی گۆڕانکاری، مژدەی داهێنان و بەدیهێنەری ئایندەیەکی گەشن

لە جیهانێکدا کە رۆژ بە رۆژ زیاتر پشت بە توانستی زانستی، هزری داهێنەرانە و وزەی نەبڕاوەی نەوەی نوێ دەبەستێت، ١٢ی ئاب دەبێتە رۆژی نوێکردنەوەی بەڵێن لەگەڵ ئەو هێزە مەزنەی کە دەتوانێت ئاڕاستەی کۆمەڵگەکان بەرەو لوتکەی پێشکەوتن و کامەرانی ببات.
پشتگیریکردنی گەنجان هەمیشە لە پێشینەی کارەکان و خەباتی بەردەوامی یەکێتیی نیشتمانیی کوردستان بووە، باوەڕی ڕەهامان بەوەیە کە ڕەخساندنی دەرفەتی یەکسان، برەودان بە بەهرەکان، پەرەپێدانی خود، و ڕەخساندنی زەمینەی گونجاو بۆ داهێنانی زانستی، تەکنەلۆژی و پیشەیی پێویستن بۆ سەلماندنی ئەو پشتیوانییە.
گەنجی خاوەن ئیرادە، هەمیشە هەڵگری مەشخەڵی هیوا و داهێنانە، و توانا بێسنوورەکانی دەتوانێ بەربەستەکان بشکێنێ و ژینگەیەک بۆ گەشەپێدانی خود و کۆمەڵگە بڕەخسێنێ.
لەم بۆنەیەدا، جەخت لەوە دەکەینەوە کە گەنجان شایستەی باشترین دۆخ و ژیان و گوزەرانن، بۆ هەمیشە پشتیوانیان دەبین.
ڕەوەزی احمد شاە
( ئەندامی پەرلەمانی کوردستان لە فراکسیۆنی یەکێتیی نیشتمانیی کوردستان )

06/08/2026

بەخۆشحاڵیەوە جارێکی تر لەخزمەت دیداری دانیشتوانی سنوری دۆڵەڕووت بوین و پیرۆزبایی بڕیاری تەملیککردنی تووەسپی مان لەدانیشتوانەکەی کرد.

لەم دیدارەماندا، دانیشتووانی ناوچەکە قەڵغانی رێز و پێزانینی خۆیان پێشکەش کردین لەپای بەدەمەوەچوون و پشتیوانییمان بۆ کێشە و داواکارییە کارگێڕی و خزمەتگوزارییەکانی سنورەکە لەماوەی ڕابردوو.

سەرەڕای دۆخی ناهەمواری کارگێڕی و دارایی هەرێمی کوردستان دەتوانین بەشێکی زۆری ئەو کێشانە چارەسەر بکەین کە ڕۆتینی کارگێڕی ڕێگرن لەبەردەم بەئەنجام گەیاندنیان بۆیە وەک هەمیشە لەخزمەتیان دەبین بۆ بەدواداچوونی کێشە و گرفتەکانیان تابتوانین باشتر خزمەت بە سنورەکەیان بگەیەنین.

ڕەوەزی احمد شاە
(ئەندامی پەرلەمانی کوردستان لە فراکسیۆنی یەکێتیی نیشتمانیی کوردستان).

(قەیران و چارەسەر)بازاری کوردستان سوتەمەنی پێویستە هەناردەی دەرەوە دەکرێت! بازاری کوردستان بەرهەمی ناوخۆیی کشتوکاڵی لێ ز...
27/07/2026

(قەیران و چارەسەر)
بازاری کوردستان سوتەمەنی پێویستە هەناردەی دەرەوە دەکرێت!

بازاری کوردستان بەرهەمی ناوخۆیی کشتوکاڵی لێ زیادە هاوردە دەکرێ!

لەهەرگۆشەیەک سەیری دۆخی کوردستان بکەیت بەداخەوە پڕاو پڕی لەقەیران بووە لەکۆی سێکتەرەکان پاشاگەردانیەکی ڕوونی پێوە دیارە
هۆکاری سەرەکی بێ پلانی و زنجیرە قەیرانە یەک لەدوای یەکەکان نەبوونی هەموار و دەرچواندنی یاسای پێویست و چاودێری بەدواداچونی پێویستە
ئەرکی هەموو لایەنە سیاسیەکانە بەزوو ترین کات کاربکەن لەپێناو خزمەتی گشتی بە چالاک کردنی دامەزراوە پێویستەکانی بڕیاردان بۆ ڕووبەڕوو بونەوەی کۆی ئاستەنگە نێوخۆیی و دەرەکیە جۆراو جۆرەکان.

ڕەوەزی احمد شاە (ئەندامی پەرلەمانی کوردستان لە فراکسیۆنی یەکێتیی نیشتمانیی کوردستان).

جەژنی قوربانتان پیرۆز ......پەروەردگار دڵەکانمان لەسەر خۆشەویستی و برایەتی کۆبکاتەوە و ئارامی و ئاشتی باڵ بەسەر نیشتمانە...
26/05/2026

جەژنی قوربانتان پیرۆز ......

پەروەردگار دڵەکانمان لەسەر خۆشەویستی و برایەتی کۆبکاتەوە و ئارامی و ئاشتی باڵ بەسەر نیشتمانەکەماندا بکێشێت.

بەو هیوایەی ئەم چەژنە ببێتە هۆی سەرەتایەک بۆ ئارامی و سەقام گیری و پێشکەوتنی (سیاسی و کۆمەڵایەتی) و تێپەڕبوونی گشت ئاستەنگ و بەربەستەکانی بەردەم گەشەسەندن و خۆشگوزەرانی هەموان و نیشتمانەکەمان .

ڕەوەزی احمد شاە
( ئەندامی پەرلەمانی کوردستان لە فراکسیۆنی یەکێتیی نیشتیمانیی کوردستان )

خەمی خوێندکاران خەمی ئێمەیە لە چوارچێوەی بەدواداچوونی مەیدانی بۆ کێشە و داواکارییەکانی گەنجان و خوێندکاران، بە هاوڕێیەتی...
24/05/2026

خەمی خوێندکاران خەمی ئێمەیە

لە چوارچێوەی بەدواداچوونی مەیدانی بۆ کێشە و داواکارییەکانی گەنجان و خوێندکاران، بە هاوڕێیەتی لەگەڵ یاریدەدەری سەرۆکی زانکۆی سلێمانی بۆ کاروباری خوێندکاران، لەگەڵ ژمارەیەک لە نوێنەرانی خوێندکارانی زانکۆکە کۆبووینەوە.
لەم دیدارەماندا کەلەزانکۆی سلێمانی بەڕێوەچوو، بە وردی تاوتوێی سەرجەم داخوازی، کێشە و کەموکوڕییەکانی خوێندکاران بەگشتی و بەشە ناوخۆییەکان کرا و تیشک خرایە سەر گرنگی دابینکردنی پێداویستییە سەرەکییەکانیان و ڕەخساندنی ژینگەیەکی گونجاو و ئارام بۆ خوێندن، تاوەکو خوێندکاران بتوانن بەبێ گرفت بەردەوامی بە پرۆسەی خوێندنیان بدەن.
هەروەک جەختمانکردەوە لەسەر ئەوەی ئەم نەوەیە سەرمایەیەکی نیشتمانی گرنگە و پێویستە ڕۆڵی پێشەنگایەتییان بەرز بنرخێندرێت.
سەردان و بەدواداچونمان لەچوارچێوەی جێبەجێکردنی ئەو بەڵێنەدا بوو کە پێشتر بە دەنگدەرانی خۆمان دا، کە هەمیشە لە مەیداندا بین و بەدەنگ داواکاری و کێشەکانی خەڵکەوە بچین وەک ئەرکێکی یاسایی و نیشتمانی.

ڕەوەزی احمد شاە ئەندامی پەرلەمانی کوردستان لە فراکسیۆنی یەکێتیی نیشتمانیی کوردستان

بە مەبەستی بەدواداچوون بۆ کێشە خزمەتگوزارییەکان و خێراکردنی ڕێکارە کارگێڕییەکانی ناوچەکەیان، پێشوازیمان کرد لەوەفدێکی پێ...
10/05/2026

بە مەبەستی بەدواداچوون بۆ کێشە خزمەتگوزارییەکان و خێراکردنی ڕێکارە کارگێڕییەکانی ناوچەکەیان، پێشوازیمان کرد لەوەفدێکی پێکهاتوو لە چین و توێژە جیاوازەکانی سنووری شارباژێڕ.
لە دیدارەکەدا، بەڕێزان قائیمقام و بەڕێوەبەرانی ناحیەکانی سنورەکە و نوێنەرانی شارباژێڕ کۆمەڵێک داواکاری و کێشەی هەنووکەیی ناوچەکەیان خستە ڕوو، لەوانە پەیوەندیدار بە خزمەتگوزارییە گشتییەکان و داواکاری بۆ باشترکردنی ڕێگاوبان و پڕۆژە خزمەتگوزارییەکانی ناوچەکە.
هەروەک خێراکردنی بەجێگەیاندنی ئەو مامەڵە و کارە فەرمییانەی کە لە دامودەزگاکانی حکومەتدا ماونەتەوە و پەکیانکەوتوە.
دوای ئەنجامدانی ئەوەی پێویست بوو لەبەدیهێنانی داواکانیان، پێم ڕاگەیاندن شارباژێڕ ناوچەیەکی تێکۆشەرە و خزمەتکردنی ئەرکی لەپێشینەی ئێمەیە، بەندە وەک نوێنەری گەل و فراکسیۆنی سەوز، بەردەوام دەبم لە گەیاندنی دەنگی جەماوەر و هەماهەنگی لەگەڵ لایەنە پەیوەندیدارەکان بۆ جێبەجێکردنی داواکارییە ڕەواکانی خەڵکەکەی خۆمان لەشارباژێڕ.
هەروەک باسمان لە پێویستیی ئاوڕدانەوەی زیاتر لە گوند و ناحیەکانی شارباژێڕ کرد لەپێناو خزمەتکردنی زیاتری دانیشتووانەکەی.
ئەوەشمان دووپاتکردەوە کە هەمیشە دەرگای ئێمەی نوێنەرانی یەکێتی نیشتمانی کوردستان واڵایە بۆ هەر سێکتەر و چینێکی کۆمەڵگە کە پێویستیان بە پشتیوانی و بەدواداچوونی یاسایی هەبێت.

ڕەوەزی احمد شاە( ئەندامی پەرلەمانی کوردستان لە فراکسیۆنی یەکێتیی نیشتمانیی کوردستان ).

Address

As Sulaymaniyah
46001

Website

Alerts

Be the first to know and let us send you an email when ڕەوەزی احمد شاە : Rawaz Ahmed Sha posts news and promotions. Your email address will not be used for any other purpose, and you can unsubscribe at any time.

Shortcuts

Share

Category